მსოფლიოში მილიონობით ადამიანი დაიღუპება, თუ რუსეთი უკრაინის შავი ზღვის პორტებს არ გახსნის - გაეროს მსოფლიო სასურსათო პროგრამის ხელმძღვანელი
1652435810
გაეროს მსოფლიო სასურსათო პროგრამის ხელმძღვანელმა დევიდ ბიზლიმ მოუწოდა რუსეთის პრეზიდენტს ვლადიმერ პუტინს, გახსნას უკრაინის შავი ზღვის პორტები, რათა თავიდან აიცილოს პოტენციური გლობალური კატასტროფა. წინააღმდეგ შემთხვევაში, მსოფლიოში მილიონობით ადამიანი შეიძლება დაიღუპოს. ამის შესახებ CNN წერს.
კითხვაზე, რას ეტყვის მსოფლიო სასურსათო პროგრამის ხელმძღვანელი პირადად პუტინს, ბიზლიმ უპასუხა:
„თუ თქვენ გაქვთ გული სხვა სამყაროში მცხოვრები ადამიანების მიმართ, არ აქვს მნიშვნელობა რას გრძნობთ უკრაინის მიმართ, თქვენ უნდა გახსნათ ეს პორტები. მსოფლიოში მილიონობით ადამიანი დაიღუპება, რადგან ეს პორტები იბლოკება“, - განაცხადა ბიზლიმ.
უკრაინიდან სოფლის მეურნეობის სასიცოცხლო მნიშვნელობის ტვირთი, რომელიც ცნობილია როგორც „მსოფლიოს პურის კალათა“, ჩარჩენილია ომის შედეგად განადგურებულ ქვეყანაში, რადგან ოდესის პორტი და მეზობელი პორტები დაბლოკილია რუსი ოფიციალური პირების მიერ.
მისი თქმით, პორტები უნდა ამოქმედდეს მომდევნო 60 დღის განმავლობაში, წინააღმდეგ შემთხვევაში უკრაინის სოფლის მეურნეობაზე ორიენტირებული ეკონომიკა დაიშლება.
„თუ პორტის საკითხი არ მოგვარდება და არ გაიხსნება, უკრაინის ეკონომიკა მთლიანად დაიშლება“, - აღნიშნა გაეროს მსოფლიო სასურსათო პროგრამის ხელმძღვანელმა.
ასევე დაგაინტერესებთ:
✔️ „პუტინი თავს იმცირებს მსოფლიო ასპარეზზე“ - ლიზ ტრასი
✔️ „თუ ემუქრები ბირთვულ სახელმწიფოს, ყველა ვარიანტი უნდა გაითვალისწინო“ - გაეროში რუსეთის ელჩი
✔️ 🎥 ხერსონის რაიონში უკრაინელებმა მტრის საბრძოლო მასალის საცავი და 70-მდე სამხედრო გაანადგურეს
✔️ რუსეთს არ აქვს რესურსი იზიუმზე შეტევისთვის - ომის შემსწავლელი ინსტიტუტი
