„თუ ემუქრები ბირთვულ სახელმწიფოს, ყველა ვარიანტი უნდა გაითვალისწინო“ - გაეროში რუსეთის ელჩი
1652424797
გაეროში რუსეთის ელჩის მოადგილემ დიმიტრი პოლიანსკიმ განაცხადა, რომ რუსეთი უკრაინის ევროკავშირში გაწევრიანების წინააღმდეგია, რადგან ევროკავშირი უკრაინისთვის იარაღის მიწოდებაში ლიდერია.
„ვფიქრობ, იმ მომენტში, როდესაც სტამბოლში უკრაინისა და რუსეთის წარმომადგენელთა მოლაპარაკება იმართებოდა, ჩვენ არ გვაშფოთებდა ევროკავშირი, მაგრამ სიტუაცია ევროკავშირის საგარეო პოლიტიკური უწყების ხელმძღვანელის, ბორელის განცხადების შემდეგ შეიცვალა, რომლის მიხედვითაც, ომი უკრაინაში ბრძოლის ველზე უნდა მოიგონ. ასევე, იმ ფაქტის შემდეგ, რომ ევროკავშირი უკრაინაში იარაღის მიწოდების ლიდერია. ვფიქრობ, ახლა ჩვენი პოზიცია უკრაინის ევროკავშირში გაწევრებასთან დაკავშირებით, უფრო ჰგავს პოზიციას უკრაინის ნატოში გაწევრიანების მიმართ, რადგან ვერ ვხედავთ მათ შორის დიდ სხვაობას.
თუ ემუქრები ბირთვულ სახელმწიფოს, ყველა ვარიანტი უნდა გაითვალისწინო. დიახ, ჩვენ გვაქვს ბირთვული იარაღი. დიახ, თუ არსებობს ეგზისტენციალური საფრთხე რუსეთისთვის, მაშინ მე აბსოლუტურად დარწმუნებული ვარ, რომ ჩვენ შეგვიძლია ბირთვული იარაღის გამოყენება, მაგრამ მე არ ვარ ის პირი, ვინც განსაზღვრავს რა არის ეგზისტენციალური საფრთხე“, - განაცხადა პოლიანსკიმ.
ასევე დაგაინტერესებთ:
✔️ 🎥 ხერსონის რაიონში უკრაინელებმა მტრის საბრძოლო მასალის საცავი და 70-მდე სამხედრო გაანადგურეს
✔️ რუსეთს არ აქვს რესურსი იზიუმზე შეტევისთვის - ომის შემსწავლელი ინსტიტუტი
✔️ „მოსკოვის ნებისმიერ სიტყვას არც ქაღალდზე აქვს ფასი და არც საუბრის დროს“ - მიხაილო პოდოლიაკი
