რუსეთს არ აქვს რესურსი იზიუმზე შეტევისთვის - ომის შემსწავლელი ინსტიტუტი

1652421120

წარუმატებელი შეტევის გამო რუსმა ოკუპანტებმა შესაძლოა, უარი თქვან უკრაინის ჯარების ალყაში მოქცევის მცდელობებზე იზიუმ-სლავიანსკ-დებალცევეს ხაზის გასწვრივ. დარჩენილი ძალები გადაინაცვლებენ სევეროდონეცკისა და ლისიჩანსკის მიმართულებით სულ მცირე წარმატების მისაღწევად. ამის შესახებ ომის შემსწავლელი ინსტიტუტი წერს.

როგორც ომის კვლევის ინსტიტუტი წერს, 12 მაისის მდგომარეობით, რუსეთის ჯარები, სავარაუდოდ, აკონტროლებენ თითქმის მთელ რუბეჟნოეს და ქალაქ ვოევოდოვკას სევეროდონეცკის ჩრდილოეთით. სავარაუდოდ, უახლოეს დღეებში დამპყრობლები შეეცდებიან სახმელეთო თავდასხმის განხორციელებას სევეროდონეცკზე ან მის შემოგარენში.

რუსული ძალების შედარებით წარმატებამ სევეროდონეცკის მახლობლად და იზიუმისკენ წინსვლის წარუმატებელმა მცდელობებმა თავდასხმის ძალის შესამჩნევ ვარდნასთან ერთად, შესაძლოა, რუსეთი აიძულოს, მიატოვოს იზიუმის ღერძი.

გარდა ამისა, როგორც ვკითხულობთ, ხარკოვის ირგვლივ უკრაინის კონტრშეტევა, ასევე, აიძულებს რუსეთის სარდლობას რთული არჩევანის გაკეთებას. ბრიტანეთის თავდაცვის სამინისტრო იუწყება, რომ ხარკოვიდან გამოყვანილი რუსული ჯარები რუბეჟნოესა და სევეროდონეცკში გადაიყვანეს.

#Russian forces may be abandoning efforts at a wide encirclement of #Ukrainian troops along the Izyum-Slovyansk-Debaltseve line in favor of shallower encirclements of Severodonetsk and Lysychansk.

Read the latest from @TheStudyofWar and @criticalthreats:https://t.co/VxNkHsOInx pic.twitter.com/UcfBQlkQwt
— ISW (@TheStudyofWar) May 13, 2022