უკრაინის პრეზიდენტის ვებგვერდზე გამოქვეყნდა პეტიცია, რომლის თანახმადაც, უკრაინელები ბორის ჯონსონის უკრაინის პრემიერ-მინისტრად დანიშვნასა და უკრაინისთვის მოქალაქეობის მინიჭებას ითხოვენ.
„ბატონო პრეზიდენტო,
გთხოვთ, განიხილოთ ბორის ჯონსონისთვის უკრაინის მოქალაქეობის მინიჭების შესაძლებლობა და წარადგინოთ მისი კანდიდატურა უკრაინის პრემიერ-მინისტრის პოსტზე.
გადაწყვეტილების დადებითი ასპექტები:
- ბორის ჯონსონის გლობალური მხარდაჭერა;
- მკაფიო პოზიცია უკრაინაში სამხედრო შეჭრის წინააღმდეგ;
- განათლება პოლიტიკურ, ფინანსურ და სამართლებრივ სფეროებში.
უარყოფითი ასპექტები:
- ამ დანიშვნის შეუძლებლობა უკრაინის მოქმედი კონსტიტუციისა და კანონის მიხედვით“, - ვკითხულობთ პეტიციაში.
პეტიციას ამ დროისთვის 3 300-ზე მეტი ხმა აქვს. იმისთვის, რომ პრეზიდენტმა პეტიცია განიხილოს, ინიციატივამ სულ მცირე 25 000 ხმა უნდა დააგროვოს.
ასევე დაგაინტერესებთ:
👉 ევროკავშირმა რუსეთზე დაწესებული ეკონომიკური სანქციები 6 თვით გაახანგრძლივა
👉 რეჯეფ თაიფ ერდოღანი 5 აგვისტოს რუსეთში ჩავა და ვლადიმერ პუტინს შეხვდება
👉 „პუტინთან დასავლეთის მიდგომა არ არის ის, რაც პოლიტიკოსებს შეეფერებათ“ - რეჯეფ თაიფ ერდოღანი