უკრაინელი საზღვაო ქვეითები ოკუპანტების ტყვეობიდან გაიქცნენ - სახალხო დეპუტატი
1668963135
უკრაინელმა საზღვაო ქვეითებმა მოახერხეს ტყვეობიდან გაქცევა და უკრაინის მიერ კონტროლირებად ტერიტორიაზე დაბრუნება. ამის შესახებ სახალხო დეპუტატი იგორ კოპიტინი წერს.
„გავამჟღავნებ რამდენიმე დეტალს რუსული ტყვეობიდან ცოტა ხნის წინ დაბრუნებული მზვერავი საზღვაო ქვეითების გადარჩენის შესახებ, რომლებსაც შევხვდი, როგორც სამხედრო ტყვეთა მოპყრობის საკოორდინაციო შტაბის წარმომადგენელი. მათი გათავისუფლების ისტორიაზე ღირს ფილმის გადაღება.
ბრძოლების დროს ბიჭები რუსმა დამპყრობლებმა შეიპყრეს. ისინი უკრაინის არაკონტროლირებად ტერიტორიაზე იმყოფებოდნენ. ამის შესახებ საზღვაო ძალების სარდლობამ შეიტყო. მათ გადაწყვიტეს დაეგეგმათ ოპერაცია და ბიჭები ტყვეობიდან გამოეყვანათ, რადგან ჩვენ არ ვტოვებთ საკუთარს.
შედეგად, შესაძლებელი გახდა მზვერავების ტყვეობიდან გაქცევის ორგანიზება, შემდეგ კი მათი ტრანსპორტირება უკრაინის მიერ კონტროლირებად ტერიტორიაზე. ახლა ბიჭები უსაფრთხოდ არიან და მათ სიცოცხლეს საფრთხე არ ემუქრება“, - წერს კოპიტინი.
ასევე დაგაინტერესებთ:
👉 ზუგდიდში 13 წლის ბიჭი დაჭრეს - მოზარდი კლინიკაში გარდაიცვალა
👉 ილონ მასკის გადაწყვეტილების მიუხედავად, დონალდ ტრამპი ტვიტერზე დაბრუნებაზე უარს ამბობს
👉 კოლორადოში, LGBTQ ღამის კლუბში შეიარაღებული პირი შეიჭრა - არის მსხვერპლი
👉 გასული 24 საათის განმავლობაში ზაპოროჟიეს ელექტროსადგურში 10-ზე მეტი აფეთქება მოხდა
👉 ახალი ზელანდიის თავდაცვის მინისტრი ისტორიაში პირველად კიევს ეწვია და ოლექსი რეზნიკოვს შეხვდა
