პარლამენტში კულტურის მინისტრი თეა წულუკიანი დეპუტატების კითხვებს პასუხობს.
როცა მინისტრი ერთ-ერთი დეპუტატის კითხვაზე საპასუხოდ, გელათის სარესტავრაციო სამუშაოების პროექტისა და გეგმების შესახებ საუბრობდა, პარტია „კანონი და სამართლის“ ლიდერმა თაკო ჩარკვიანმა მას სიტყვა შეაწყვეტინა და საკუთარ კითხვაზე პასუხის გაცემა მოსთხოვა.
პარლამენტის ვიცე-სპიკერმა გიორგი ვოლსკიმ დეპუტატს მოცდა სთხოვა, რაზედაც თაკო ჩარკვიანმა აღნიშნა, რომ დრო არ აქვს.
„დრო თუ არ გაქვთ, რუსთაველზე გადით, გაშალეთ ლეიბი და წამოკოტრიალდით“, - მიმართა მინისტრმა თაკო ჩარკვიანს.
შეგახსენებთ, რომ პარლამენტში კულტურის მინისტრის თეა წულუკიანის წლიური ანგარიშის წარდგენა მიმდინარეობს.
მინისტრი დეპუტატების კითხვებს მორიგეობით პასუხობს.
აგრეთვე წაიკითხეთ:
👉 „თქვენი გალიაში მჯდომი ბელადი კაცის მკვლელი იყო და ახლა ცოლის დაპატიმრებას ითხოვს“ - თეა წულუკიანი ოპოზიციას მიმართავს
👉 „გელათში უკვე რამდენიმე თვეა წყალი აღარ ჩაედინება და მიმდინარეობს შრობის პროცესი“ - თეა წულუკიანი