„დედაენის ბარის“ მფლობელი წერს, რომ რუსები მათ სოციალურ ქსელებს თავს ესხმიან. მიზეზი კი არის ის, რომ ბარის მომსახურე პერსონალი უარს ამბობს რუსულ ენაზე ესაუბრონ მათ, გარდა ამისა, რუსებს ვიზის გარეშე არ შეუძლიათ ბარში შესვლა.
„ამ წუთებში მიმდინარეობს კიბერშეტევა „დედაენის ბარზე“, გვესხმიან თავს ახ**რი რუსები. წარმოუდგენელი რამე ხდება, წაგვილეკეს ყველა სოცმედია და google“, - წერს ბარის მფლობელი სოციალურ ქსელში.
მანამდე, „დედაენის ბარმა“ განცხადება გაავრცელა, სადაც წერდნენ, რომ რუსები სოციალურ ქსელში ცუდი შეფასებებით ცდილობდნენ ბარზე ზეწოლას.
„სწყინთ რუსებს ფიანდაზებით რომ არა ვხვდებით, 1*იანი შეფასებებით ცდილობენ ზეწოლას. ყველას გვჯერა, ალბათ, რომ პუტინის რეჟიმს გამოექცა ის „ადამიანი“, რომელმაც Z დაგვიწერა ამაყად.
რუსები უკმაყოფილოები არიან, რომ დედაენის ბარში ვიზის გარეშე არ შეუძლიათ შემოსვლა და პერსონალი უარს ამბობს მათთან რუსულ ენაზე საუბარზე.
ყოველი მე-11 ქართველი დევნილია რუსების გამო, საქართველოს 20% დაპყრობილი აქვს რუსეთს და მეტი უნდა, რუსული ურდო უკრაინის დაპყრობას ცდილობს და მთელ მსოფლიოში ებრძვის თავისუფლებას, თვითდეკლარირებული „კარგი“ რუსები, „მეორე რუსეთიდან“ ღიმილიან დახვედრას ითხოვენ და ჩვენი სავიზო პოლიტიკა აღიზიანებთ.
რუსებო, თქვენ აქ სახლში არ ხართ, არც არასდროს იქნებით. მალე ყველა ერთად ვიზეიმებთ რუსეთის და მისი იმპერიალისტური იდეების დასამარებას“, - ვკითხულობთ ბარის განცხადებაში.
ასევე დაგაინტერესებთ: