ავღანეთში ძალაუფლების მქონე პირებს მოვუწოდებთ, უზრუნველყონ ქალთა უფლებების დაცვა - სახელმწიფო დეპარტამენტი
1629299337
სახელმწიფო დეპარტამენტი და 19 ქვეყანა ავღანეთში ქალებისა და გოგონების მდგომარეობის შესახებ ერთობლივ განცხადებას ავრცელებს.
„ჩვენ ღრმად შეშფოთებულნი ვართ ავღანელი ქალებისა და გოგონების მდგომარეობის გამო. მოვუწოდებთ მათ, ვინც ავღანეთში ძალაუფლებისა და უფლებამოსილების მქონეა, უზრუნველყონ მათი უფლებების დაცვა. ავღანელი ქალები და გოგონები, როგორც ყველა ავღანელი ადამიანი, იმსახურებენ იცხოვრონ უსაფრთხოდ, უსაფრთხოდ და ღირსეულად. ნებისმიერი სახის დისკრიმინაცია და შეურაცხყოფა თავიდან აცილებული უნდა იყოს.
ჩვენ საერთაშორისო თანამეგობრობაში მზად ვართ, დავეხმაროთ მათ და მხარდაჭერა აღმოვუჩინოთ. ჩვენ ყურადღებით დავაკვირდებით, თუ როგორ უზრუნველყოფს ნებისმიერი მომავალი მთავრობა უფლებებსა და თავისუფლებას, რომელიც ბოლო ოცი წლის განმავლობაში, ავღანეთში ქალებისა და გოგონების ცხოვრების განუყოფელი ნაწილი გახდა“, - აღნიშნულია სახელმწიფო დეპარტამენტის მიერ გავრცელებულ განცხადებაში.
შეგახსენებთ, 15 აგვისტოს „თალიბანმა“ ავღანეთის დედაქალაქი ქაბული აიღო. ავღანეთის პრეზიდენტმა ქვეყანა დატოვა.
აგრეთვე წაიკითხეთ: 👇
👉 თალიბანი ქაბულში შევიდა - უახლესი ამბები (Live)
👉 „სისხლის ღვრის თავიდან ასაცილებლად სჯობდა ქვეყნიდან წასვლა“
👉 ავღანეთში, ქალაქ ჯალალაბადში აქცია იმართება - თალიბანმა დემონსტრანტებს ცეცხლი გაუხსნა (ვიდეო)
