„სააკაშვილისთვის შიმშილობა არავის დაუძალებია“ - კალაძე
1635255155
თბილისის მერი კახა კალაძე მესამე პრეზიდენტის მიხეილ სააკაშვილის შიმშილობის საკითხს ჟურნალისტებთან საუბარში გამოეხმაურა და აღნიშნა, რომ სააკაშვილისთვის შიმშილობა არავის დაუძალებია.
„პასუხისმგებლობა ეკისრება მიხეილ სააკაშვილს, იმიტომ რომ მისთვის შიმშილობა არავის დაუძალებია. საკვებიც არის, პროდუქტებიც არის და შეუძლია მიიღოს. თუ რაიმე საჭიროება იქნება, რომ მოხდეს მისი ჰოსპიტალიზება, ეს ნაბიჯი აუცილებლად გადაიდგმება და მიხედავენ ისე როგორც სხვა დანარჩენ პატიმრებს“, - განაცხადა კახა კალაძემ.
რაც შეეხება 27 ოქტომბერს თავისუფლების მოედანზე მმართველი გუნდის შეკრებას, კახა კალაძის თქმით, დარწმუნებულია, რომ ძალიან ბევრი ადამიანი მივა.
„დარწმუნებული ვარ, რომ ძალიან ბევრი ადამიანი გამოვა. ეს იქნება ჩვენი შემაჯამებელი შეხვედრა, მთელი საარჩევნო კამპანიის განმავლობაში წარვუდგინე ჩემი ხედვები, გეგმები თუ როგორ წარმომიდგენია დედაქალაქის განვითარება“, - დასძინა კახა კალაძემ.
ინფორმაციისთვის, 27 ოქტომბერს „ქართული ოცნება“ თავისუფლების მოედანზე შეკრებას გამართავს.
საქართველოს ყოფილი პრეზიდენტი მიხეილ სააკაშვილი თბილისში 1-ელ ოქტომბერს დააკავეს. იგი რუსთავის მე-12 სასჯელაღსრულების დაწესებულებაში იმყოფება.
სააკაშვილი აცხადებს, რომ ის პოლიტპატიმარია და პროტესტის ნიშნად დაკავების დღიდან ამ დრომდე შიმშილობს.
მიხეილ სააკაშვილს შიმშილობის შეწყვეტა ჯერ პატრიარქმა ილია მეორემ, შემდეგ კი მისმა მამამ ნიკოლოზ სააკაშვილმა სთხოვა, თუმცა მესამე პრეზიდენტი პროტესტის ფორმას არ ცვლის.
აგრეთვე წაიკითხეთ:
🔴„შიმშილობს, მაგრამ ალესილი ხმალივით არის“ - გუბაზ სანიკიძე სააკაშვილზე
