112-ზე დარეკვა აღარ მოგიწევთ - ამუშავდა პორტალი, რომლითაც ოჯახის ექიმის დაუკავშირდებით
1605524959
მოქალაქეებს 112-ზე დარეკვა აღარ მოუწევთ. ამუშავდა პორტალი, რომლის დახმარებითაც ოჯახის ექიმის დაუკავშირდებით.
დღეიდან, 16 ნოემბრიდან მოქალაქეები 112-ზე დარკვის გარეშე შეძლებენ, მხოლოდ პირადი ნომრის საშუალებით გაიგონ რომელ საავადმყოფოს მიმართონ, ვინ არის მათი ოჯახის ექიმი და როგორ დაეკონტაქტონ მას საჭიროების შემთხვევაში.
ამისათვის საჭიროა გადახვიდეთ ბმულზე და მხოლოდ პაციენტის პირადი ნომერი შეიყვანოთ.
როგორც ჯანდაცვის მინისტრმა, ეკატერინე ტიკარაძემ განაცხადა, აღნიშნული პორტალი 112-ისა და ჯანდაცვის სამინისტროს ცხელი ხაზების შესამსუბუქებლად შეიქმნა.
„თუ მოქალაქე სარგებლობს საყოველთაო ჯანდაცვის პროგრამით, უნდა მიმართოს ოჯახის ექიმს, ან იმ სამედიცინო დაწესებულებას, სადაც რეგისტრირებულია.
თუ მოქალაქე სარგებლობს კერძო დაზღვევით უნდა დაუკავშირდეს სადაზღვეო კომპანიის ოჯახის ექიმს.
თუ მოქალაქე არ არის საყოველთაო ჯანდაცვის პროგრამის ბენეფიციარი და არც კერძო დაზღვევით სარგებლობს, ან არის საყოველთაო ჯანდაცვის პროგრამის ბენეფიციარი, მაგრამ არცერთ სამედიცინო დაწესებულებაში არ არის დარეგისტრირებული, უნდა დაუკავშირდეს ჯანდაცვის სამინისტროს ცხელ ხაზს: 1505 საინფორმაციო პორტალის ამოქმედების მიზანი, 112-ში განხორციელებული ზარების შემცირება და სამედიცინო მომსახურების ხარისხის გაუმჯობესებაა“, - აღნიშნულია ჯანდაცვის სამინისტროს პრესსამსახურის წარმომადგენლის მიერ გავრცელებულ ინფორმაციაში.
„ვგეგმავთ, ჩვენი ბაზების მეშვეობით დავაიდენტიფიციროთ თითოეული მოქალაქე, თუ რომელი ოჯახის ექიმის პატრონაჟის ქვეშ იმოფებოდა დღემდე და სახელმწიფო უნაზღაურებდა ამ ექიმს ამ ადამიანისთვის გასაწევ მომსახურებას.
თითოეულ მოქალაქეს ჩვენ გავაცნობთ მათ ოჯახის ექიმს და გავუზიარებთ შესაბამისად მათ საკონტაქტო ნომრებს. უმოკლეს ვადებში მათთან შეთანხმებით, ჩვენ ამას გავასაჯაროვებთ, სავარაუდოდ, საიტზეც დაიდება და ყველა მოქალაქეს შეეძლება საკუთარი პირადი ნომრით დააიდენტიფიციროს, თუ ვინ არის მისი ოჯახის ექიმი“, - ამის შესახებ განცხადება ეკატერინე ტიკარაძემ 26 ოქტომბერს გააკეთა, დღეის მდგომარეობით კი პორტალი უკვე მზად არის.
📌 ამჟამად ქვეყანაში კორონავირუსის 82 835 შემთხვევაა დადასტურებული, აქედან 65 291 პაციენტი განიკურნა, 733 კი გარდაიცვალა.
აგრეთვე, დაგაინტერესებთ:
👉 რა შემთხვევაში გადის სასწრაფო დახმარების ბრიგადა გამოძახებაზე?
