„გუშინ შემოვიდა გრიპის ვაქცინის კიდევ 77 000 დოზა და პირველ ნოემბერს კიდევ შემოვა 110 000. გუშინდელი შემოტანილი დოზები უკვე დარიგებულია პრაქტიკულად ყველგან, როგორც დასავლეთ ისე აღმოსავლეთ საქართველოს რაიონებში“, - ამის შესახებ დაავადებათა კონტროლის ეროვნული ცენტრის დირექტორმა ამირან გამყრელიძემ ბრიგინგზე განაცხადა.
მისი თქმით, წინა 25 000 დოზიდან 13 000 რისკ ჯგუფებში შემავალ მოქალაქეებს უკვე გაუკეთდათ, ხოლო დღეიდან რისკ-ჯგუფები ფართოვდება და მათი ვაქცინაცია დაიწყება.
„დღეიდან დაიწყება განსაკუთრებით ფართო რისკ-ჯგუფებისთვის ვაქცინის გაკეთება, როგორიცაა სამედიცინო პერსონალი, დიაბეტიანი ახალგაზრდა და მოზრდილი პირები, ჯარის ნაწილები, პატრულის თანამშრომლები და სხვა“, - განაცხადა ამირან გამყრელიძემ.
როგორც მან განმარტა, საქართველოში გრიპის ვაქცინის დამატებით 40 000 დოზა, ნოემბრის შუა რიცხვებში შემოვა.
აგრეთვე დაგაინტერესებთ:
👉 გრიპის ვაქცინის რაოდენობა გაორმაგებულია
👉 გრიპის ვაქცინის დეფიციტი არ იქნება
👉 ცნობილია თუ ვის შეეძლება პირველ ეტაპზე გრიპის ვაქცინის გაკეთება