რუსი ჟურნალისტი ვლადიმირ პოზნერი აცხადებს, რომ ის თბილისში კარანტინის წესის დარღვევისთვის არავის დაუჯარიმებია. ინფორმაციას „რია ნოვოსტი“ ავრცელებს.
მანამდე საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა, რომ პოზნერი და მისი მეგობრები საქართველოში კანონიერად ჩავიდნენ, მაგრამ შემდეგ კარანტინის წესები დაარღვიეს, რისთვისაც 2 ათასი ლარით (600 აშშ დოლარით) დააჯარიმეს.
„მოსკოვში ვარ ახლა. ჩვენი ჯგუფიდან თბილისში არავინ დაუჯარიმებიათ“ - განაცხადა პოზნერმა.
ცნობისთვის, თბილისში ვლადიმირ პოზნერის ვიზიტს პროტესტი მისი განცხადების გამო მოჰყვა. პოზნერმა 2010 წელს 2008 წლის ომის კომენტირებისას განაცხადა, რომ "აფხაზეთი აღარასოდეს იქნება საქართველოს ნაწილი“.
აგრეთვე, დაგაინტერესებთ:
⭕ მარია ზახაროვა საქართველოში ვლადიმირ პოზნერის ვიზიტს გამოეხმაურა
⭕ დუმის სპიკერი: რუსეთის მოქალაქეების საქართველოში ყოფნა სახიფათოა