ევროკავშირი უკრაინას მძიმე შეიარაღებისთვის 500 მილიონ ევროს გამოუყოფს - ჯოზეფ ბორელი
1652458067
ევროკავშირის საგარეო საქმეთა და უსაფრთხოების პოლიტიკის საკითხებში უმაღლესმა წარმომადგენელმა ჯოზეფ ბორელმა განაცხადა, რომ ევროკავშირი დამატებით სამხედრო დახმარებას გაუწევს უკრაინას 500 მილიონი ევროს ოდენობით. ამის შესახებ უკრაინული მედია წერს.
ბორელმა, გერმანიაში G7-ის საგარეო საქმეთა მინისტრების შეხვედრაზე საუბრისას თქვა, რომ უკრაინას სამხედრო დახმარებას გაუწევენ მძიმე იარაღით, როგორიცაა ტანკები და არტილერია.
„ეს იქნება ზეწოლის გაზრდა რუსეთზე ეკონომიკური სანქციების გზით და რუსეთის საერთაშორისო იზოლაციის გაგრძელება დეზინფორმაციის საწინააღმდეგოდ“, - აღნიშნა ბორელმა.
ბორელმა იმედი გამოთქვა, რომ რუსეთის ნავთობზე ემბარგოს საკითხის შესახებ გადაწყვეტილება უახლოეს დღეებში იქნება მიღწეული.
აგრეთვე წაიკითხეთ:
✔️ შვედეთი და ფინეთი ნატოში მათი წევრობის წინააღმდეგ ერდოღანის მიერ გაკეთებულ განცხადებას გამოეხმაურნენ
