საფრანგეთის პრეზიდენტი ემანუელ მაკრონი მიიჩნევს, რომ რუსეთის პრეზიდენტი ვლადიმერ პუტინი უკრაინაში ჩადენილი ომის დანაშაულებისთვის უნდა დაისაჯოს. ამის შესახებ მაკრონმა CBS News-თან ინტერვიუში განაცხადა.
მაკრონმა განაცხადა, რომ რუსული სარაკეტო თავდასხმები სამოქალაქო ინფრასტრუქტურაზე ომის დანაშაულია.
ჟურნალისტის კითხვაზე, უნდა აგოს თუ არა პუტინმა პასუხისმგებლობა ამ დანაშაულებისთვის, მაკრონმა თქვა, რომ ომის დანაშაულების ყველა მტკიცებულება უნდა შეგროვდეს და პუტინმა პასუხი უნდა აგოს.
„ჩვენ უნდა შევაგროვოთ ომის დანაშაულების ყველა მტკიცებულება. და ეს არის ის, რასაც ვაკეთებთ უკრაინაში პოლიციელებისა და ექსპერტების გაგზავნით. ჩვენ უნდა დავიწყოთ ყველა კანონიერი ინიციატივები ასე რომ, ჩემი პასუხი არის დიახ“, - აცხადებს მაკრონი.
აგრეთვე დაგაინტერესებთ:
✔️ პუტინთან ყოველთვის ვინარჩუნებ უშუალო კონტაქტს, იზოლაცია ყველაზე ცუდია - მაკრონი
✔️ მსოფლიოში იარაღის გაყიდვები მე-7 წელია იზრდება - სტოკჰოლმის მშვიდობის კვლევის ინსტიტუტი