„არ გვინდა, მეორე შეცდომა დავუშვათ“ - ერდოღანი ფინეთისა და შვედეთის ნატოში გაწევრიანებას ეწინააღმდეგება
1652447574
თურქეთის პრეზიდენტმა რეჯეფ თაიფ ერდოღანმა განაცხადა, რომ მის ქვეყანას, რომელიც ნატოს წევრია, არ შეუძლია დადებითად შეაფასოს შვედეთისა და ფინეთის გეგმები ალიანსში გაწევრიანების შესახებ. ამის შესახებ Daily Sabah წერს.
„ჩვენ არ გვაქვს ამაზე დადებითი აზრი. სკანდინავიის ქვეყნები ტერორისტული ორგანიზაციების სასტუმრო სახლს ჰგავს“, - განაცხადა ერდოღანმა და აღნიშნა, რომ თურქეთს შეუძლია ალიანსის წევრის სტატუსი გამოიყენოს ორი ქვეყნის დაშვებაზე ვეტოს დასადებად.
თურქეთის პრეზიდენტი გულისხმობდა „ქურთისტანის მუშათა პარტიის“ წევრებს, რომლებმაც თავშესაფარი სკანდინავიის ქვეყნებში იპოვეს.
გარდა ამისა, ერდოღანმა განაცხადა, რომ თურქეთის ყოფილი მმართველები შეცდნენ, როდესაც 1952 წელს საბერძნეთს ნატოში გაწევრიანებაზე მწვანე შუქი აუნთეს.
„ჩვენ, თურქეთს, არ გვინდა ამ საკითხში მეორე შეცდომა დავუშვათ“, - დასძინა მან.
ასევე დაგაინტერესებთ:
✔️ „უკრაინა ომის ხანგრძლივ ფაზაში შედის, რთული კვირები ელის“ - უკრაინის თავდაცვის მინისტრი
✔️ „ჩვენ დაინტერესებული ვართ, სამხრეთ კავკასია ვაქციოთ მშვიდობის ზონად“ - სერგეი ლავროვი
