„ქვეყნისთვის ძალიან დიდი ტრაგედიაა“ - პრეზიდენტი ოპერატორის გარდაცვალებაზე
1626001865
საქართველოს პრეზიდენტმა სალომე ზურაბიშვილმა გარდაცვლილი ოპერატორის ოჯახს პირადად მიუსამძიმრა და განაცხადა, რომ ეს ქვეყნისთვის დიდი ტრაგედიაა.
„მართლა ძალიან დიდი ტრაგედიაა. ძალიან დიდი ტრაგედია არის ქვეყნისთვის. როგორც ქვეყნის პრეზიდენტი ვამბობ, რომ აუცილებელია საქმე გამოძიებულ იქნეს და ვინც პასუხისმგებელია დაისაჯოს. ამის თქმა შემიძლია მხოლოდ,“ - აღნიშნა პრეზიდენტმა ტელეკომპანია „პირველის“ ეთერში.
ინფორმაციისთვის, 11 ივლისს, გამთენიისას ტელეკომპანია „პირველის“ ოპერატორი ლექსო ლაშქარავა დედამ საწოლში გარდაცვლილი იპოვა. ლაშქარავა მედიასაშუალებების წარმომადგენლებიდან ერთ-ერთი იყო, რომელსაც 5 ივლისს რადიკალური დაჯგუფებები ფიზიკურად გაუსწორდნენ. ის საავადმყოფოდან 10 ივლისს გაწერეს.
ლექსო ლაშქარავა 38 წლის იყო. მას მეუღლე და ორი შვილი დარჩა.
ამავე თემაზე:
✔️ „ამ ქვეყანაში ჟურნალისტებს კლავენ“ - ინგა გრიგოლია
✔️ პრეზიდენტი გარდაცვლილი ოპერატორის სახლში მივიდა (ვიდეო)
✔️ შსს-მ ოპერატორ ლექსო ლაშქარავას გარდაცვალების ფაქტზე გამოძიება დაიწყო
