„ნამახვანჰესის“ მშენებლობის მოწინააღმდეგეებმა რესპუბლიკის მოედანზე კარვები გაშალეს (ფოტო)
1621782114
„ნამახვანჰესის“ მშენებლობის მოწინააღმდეგეებმა რესპუბლიკის მოედანზე კარვები გაშალეს. რიონის ხეობის მცველების განცხადებით, აქციის მონაწილეები ადგილზე მთელი ღამის განმავლობაში დარჩებიან და ხელისუფლების პასუხს დაელოდებიან.
აქციის ერთ-ერთი ორგანიზატორის ვარლამ გოლეთიანის თქმით, თბილისში პროტესტი მოთხოვნების შესრულებამდე გაგრძელდება.
„ნამახვანჰესის“ მშენებლობის მოწინააღმდეგეებმა აქციაზე ხელისუფლებას ულტიმატუმი წაუყენეს და მთავრობის პასუხს 24 მაისის 12:00 საათამდე დაელოდებიან.
ინფორმაციისთვის, რიონის ხეობის მოსახლეობა ჰესის მშენებლობას 2018 წლიდან ეწინააღმდეგება. „ნამახვანჰესის“ მშენებლობის წინააღმდეგ აქტიური პროტესტი რამდენიმე თვეა მიმდინარეობს.
აგრეთვე წაიკითხეთ:
