გვერდითი მოვლენები, რელიგია, ვაქცინების ტესტირება - რა მიზეზებით არ იცრებიან ადამიანები საქართველოში?
1638359564
სტატისტიკის ეროვნული სამსახურის ახალი კვლევის თანახმად, გამოკითხულთა 36.8% COVID 19-ის საწინააღმდეგო ვაქცინის გაკეთებაზე უარს გვერდით მოვლენების გამო ამბობს.
რაც შეეხება სხვა მიზეზებს:
👉 35.8%-ის აზრით, ვაქცინა ძალიან ახალია, სწრაფად შეიქმნა და საკმარისად არ არის გამოცდილი
👉 32.1%-თვის ჯანმრთელობის არსებული პრობლემებია მიზეზი
👉 13.9% უარის მიზეზად ვაქცინის კონკრეტული ბრენდების მიმართ უნდობლობას ასახელებს
👉 12.4% ფიქრობს, რომ ვაქცინა სიკვდილს ან უნაყოფობას იწვევს
👉 8.6% წინააღმდეგობის მიზეზად ზოგიერთ მედიკამენტზე ალერგიას ასახელებს
👉 7.9% ამბობს, რომ COVID 19-ის გადატანის შედეგად იმუნიტეტი უკვე გამომუშავებული აქვს
👉 4.6% მიიჩნევს, რომ COVID 19-ით გამოწვეული საფრთხე გაზვიადებულია
👉 2.6%-ს მიაჩნია, რომ ვაქცინის ტესტირება მოსახლეობაზე ხდება
👉 0.1%-ის აზრით ვაქცინაცია რელიგიურ შეხედულებებს ეწინააღმდეგება
გამოკვლევის შედეგების მიხედვით, რესპონდენტებს, ვისაც არ გაუკეთებია COVID 19-ის საწინააღმდეგო ვაქცინა და ძალიან მოსალოდნელია ან მოსალოდნელია, რომ გაიკეთონ, არჩევანის არსებობის შემთხვევაში, 53.8% „პფაიზერ-ბიონტექს“ გაიკეთებდა, „სინოფარმს“ - 31.9%, „სინოვაკს“ - 12%, „ასტრაზენეკას“ კი - 3.1%.
შეგახსენებთ, რომ ამ დროისთვის საქართველოში კორონავირუსის საწინააღმდეგო სხვადასხვა ვაქცინით ზრდასრული მოსახლეობის 35,1%-ია აცრილი.
აგრეთვე წაიკითხეთ: 👇
⚫ „კორონავირუსის ახალ ვარიანტში ერთდროულად 32 ცვლილება დაფიქსირდა“ - ზაზა წერეთელი
⚫ „ბოტსვანას“ შტამი - ჯანმომ კორონავირუსის ახალი ვარიანტი დაადასტურა
⚫ კორონავირუსის ახალი შტამი დელტა შტამზე უფრო სწრაფად ვრცელდება
