„ჩვენი მიზანი ნათელია, რუსეთმა ვერ უნდა შეძლოს საზღვრების გაფართოება ძალის გამოყენებით“ - ოლაფ შოლცი
1674913180
გერმანიის მთავრობა საკუთარ მოქალაქეებს უსაფრთხოების გარანტიას აძლევს და მოუწოდებს მათ, ენდონ გადაწყვეტილებას „ლეოპარდ 2“ ტანკების უკრაინაში გადაცემის შესახებ. ამის შესახებ გერმანიის კანცლერმა, ოლაფ შოლცმა განაცხადა.
მისი თქმით, უკრაინაში რუსეთის შეჭრის დაწყებიდან, მისი მთავრობა ყოველთვის სამი ძირითადი ხაზით ხელმძღვანელობდა.
„კერძოდ, გააკეთეთ ის, რაც საჭიროა უკრაინის მხარდასაჭერად, თავიდან აიცილეთ ესკალაცია, რადგან არ შეიძლება ომი რუსეთსა და ნატოს შორის იყოს და იმოქმედეთ გერმანიის მოკავშირეებთან, კერძოდ კი აშშ-სთან კოორდინირებულად“, - ამბობს შოლცი.
მისი თქმით, ამ პრინციპებით ხელმძღვანელობდა უკრაინისთვის „ლეოპარდის“ მთავარი საბრძოლო ტანკების მიწოდების გადაწყვეტილებას.
„ჩვენი მიზანი ნათელია, რუსეთმა ვერ უნდა შეძლოს საზღვრების გაფართოება ძალის გამოყენებით. გპირდებით, რომ ჩვენ ყოველთვის გვახსოვს გერმანიის უსაფრთხოება“, - აღნიშნა შოლცმა.
ასევე დაგაინტერესებთ:
👉 ჩვენ უკრაინის მხარეზე ვდგავართ ყოველგვარი „თუ-ს“ და „მაგრამების“ გარეშე - ურსულა ფონ დერ ლაიენი
👉 „სააკაშვილი თავისი ნებით აქ არ ჩამოსულა, დაუგეგმეს, ჩამოიყვანეს გარკვეულმა ჯგუფებმა“ - ირაკლი ზარქუა
