მოსკოვის მახლობლად გამართული შეჯიბრებიდან, „სატანკო ბიატლონიდან“ ე.წ. სამხრეთ ოსეთის მეორე გუნდის დისკვალიფიკაცია მოხდა. ამის მიზეზი ის გახდა, რომ გუნდს ტანკი გაუფუჭდა. ინფორმაციას „ეხო კავკაზა“ ავრცელებს.
ცხინვალის დე ფაქტო თავდაცვის სამინისტროს ინფორმაციით, ერთ-ერთი ტანკი შეჯიბრის დაწყებისას მწყობრიდან გამოვიდა და ის სხვა მანქანით შეცვალეს. მაგრამ მალევე მეორე ტანკიც გაფუჭდა, რის შემდეგ გუნდი შეჯიბრიდან მოხსნეს.
„სატანკო ბიატლონი“ მოსკოვის ოლქში, ალაბინოს პოლიგონზე ტარდება. მასში რუსეთის, აზერბაიჯანის, სომხეთის, ბელარუსის, ჩინეთის, ლაოსის, ზიმბაბვეს და სხვა ქვეყნების წარმომადგენლები მონაწილეობენ.
დღესვე გავრცელდა ინფორმაცია, რომ წინა წლებში ჩატარებული სატანკო ბიატლონის რამდენიმე გამარჯვებული უკრაინაში დაიღუპა.
ასევე დაგაინტერესებთ:
👉 რუსეთის თავდაცვის სამინისტროში აცხადებენ, რომ ზაპოროჟიეს ატომური ელექტროსადგური შესაძლოა, გააჩერონ