თავიანთი პოლიტიკური ხარაკირი გამოაქვეყნეს - ნუგზარ წიკლაური სააკაშვილის ვიდეოკადრებზე
1671046616
„თავიანთი პოლიტიკური ხარაკირი გამოაქვეყნეს“, - ასე გამოეხმაურა „ნაციონალური მოძრაობის“ წევრი ნუგზარ წიკლაური რუსთავი 2-ის ეთერში პენიტენციური სამსახურის მიერ ექსპრეზიდენტ მიხეილ სააკაშვილის კადრების გასაჯაროებას.
ნუგზარ წიკლაურის შეფასებით, ვიდეოკადრების გამოქვეყნებით მან რუსული რეჟიმის სახე იხილა.
„მე ვიხილე რუსული რეჟიმის სახე, არ გახლავართ ახალგაზრდა, მოვსწრებივარ საბჭოთა კავშირს და ძალიან კარგად მახსოვს როგორ ეპყრობოდნენ სხვაგვარად მოაზროვნეებს. მოდერნიზებული რუსული რეჟიმი ვიხილე, რომელიც ახლა სავარაუდოდ, უფრო ახლოს არის პუტინის რეჟიმთან, რომელიც ზუსტად ისე წამლავს თავის პოლიტიკურ ოპონენტებს როგორც ახლა არის მოწამლული მიხეილ სააკაშვილი და რაც არის დადასტურებული.
ამათმა ახლა თავიანთი პოლიტიკური ხარაკირი გამოაქვეყნეს. სწორედ ამიტომ მგონია, რომ ეს არის ყველაზე უფრო ზნედაცემული საბჭოთა რეჟიმისათვის დამახასიათებელი მოქმედებები“, - აცხადებს წიკლაური.
შეგახსენებთ, სპეციალურმა პენიტენციურმა სამსახურმა კლინიკა „ვივამედიდან“ მიხეილ სააკაშვილის კადრები გაასაჯაროვა. კადრები 9 აგვისტოდან 12 დეკემბრის პერიოდით თარიღდება.
აგრეთვე წაიკითხეთ:
✔️ პენიტენციური სამსახური მიხეილ სააკაშვილის კადრებს ასაჯაროებს
