„ქალბატონი ნელი გახლავთ ადამიანი, რომელმაც დაბადების დღეზე საკუთარ თავს აჩუქა ოსკარი, მას ეს ნამდვილად ეკუთვნის“ - ადვოკატი ირმა ჭკადუა
1664272672
ჩოგბურთელი ნიკოლოზ ბასილაშვილისა და ნეკა დოროყაშვილის სასამართლო პროცესი გრძელდება. ბასილაშვილის ადვოკატის ირმა ჭკადუას განცხადებით, დოროყაშვილი ცრუობს, რადგან არ არსებობს მტკიცებულება, რომელიც ადასტურებს, რომ ბასილაშვილი მასზე ძალადობდა.
„ქალბატონი ნელი გახლავთ ის ადამიანი, რომელმაც თავის დაბადების დღეზე, შარშან საკუთარ თავს აჩუქა ოსკარი, მას ეს ნამდვილად ეკუთვნის. თუმცა, დაჯილდოებას დაველოდოთ, როდის იქნება გადაწყვეტილება გამომდინარე იქიდან, რომ დაცვის მიერ წარმოდგენილი ყველა მტკიცებულება დაადასტურებს იმას, რომ ქალბატონი ნელი დოროყაშვილი ცრუობს, ქალბატონი ნელი დოროყაშვილის ერთადერთი ინტერესი გახლავთ ის, რომ რეპუტაციულად გაანადგუროს ბატონი ნიკოლოზ ბასილაშვილი, რასაც ის ნამდვილად ვერ მიაღწევს.
არასოდეს, ბატონ ნიკოლოზ ბასილაშვილს ნელი დოროყაშვილზე არ უძალადია, რასაც კიდევ ერთხელ მოწმობს შემდეგი გარემოება, რომ ამდენი წლის განმავლობაში ქალბატონ ნელის არასოდეს არ განუცხადებია ამის თაობაზე და ქალბატონი ნეკა დოროყაშვილი არ იყო თანახმა განქორწინებაზე“, - განაცხადა ჭკადუამ.
ამავე თემაზე:
🔴 „ვერაფრით დავიჯერებ ნიკოლოზ ბასილაშვილის მოძალადეობას“ - ალეკო ელისაშვილი
