სამედიცინო პერსონალისთვის კონფიდენციალურობის უფლების დარღვევა სერიოზული დანაშაულია - ნანა გეგეჭკორი სააკაშვილის კადრებზე
1671047473
აშშ-ში მოღვაწე ქართველი ექიმი, ნანა გეგეჭკორი პენიტენციური სამსახურის მიერ მესამე პრეზიდენტის მიხეილ სააკაშვილის ვიდეოკადრების გასაჯაროებას გამოეხმაურა და ხაზგასმით აღნიშნა, „კლინიკა „ვივამედი“ ამ წუთებში უნდა ავრცელებდეს განცხადებას რომ პაციენტის პალატაში გადაღებული კადრების გასაჯაროება, მათი ნებართვის გარეშე მოხდა“.
გეგეჭკორის თქმით, პაციენტის კონფიდენციალურობის უფლების დარღვევა არის სერიოზული დანაშაული სამედიცინო პერსონალისთვის.
„ვივამედი“ ამ წუთებში უნდა ავრცელებდეს განცხადებას, რომ პაციენტის პალატაში გადაღებული კადრების გასაჯაროება მათი ნებართვის გარეშე მოხდა. პარალელურად სარჩელი უნდა შეიტანოს მათ წინააღმდეგ ვინც ეს გააკეთა.
სხვანაირად სრული პასუხისმგებლობა პაციენტის კონფიდენციალურობის დარღვევაზე ეკისრებათ მათაც, პენიტენციურ სისტემასთან ერთად.
პაციენტის კონფიდენციალურობის უფლების დარღვევა არის სერიოზული დანაშაული სამედიცინო პერსონალისთვის.
მარტივად რომ აგიხსნათ, ჰოსპიტალში გადაღებულ თქვენს პირად ფოტოზეც კი რომ აღმოჩნდეს რაიმე ტიპის, პაციენტის იდენტობის შემცველი ინფორმაცია, მაგალითად სახელი მონიტორზე, ან რომელიმე კვლევის ნაგლეჯი სახელით ფოტოზე და ასე შემდეგ, ამას მოჰყვება სამართლებრივი პასუხისმგებლობა.
უცოდინარობის ასეთი რა ხარისხი გჭირთ რომ თქვენი უფლებები და მოვალეობები ანაბანის დონეზეც კი არ იცით?
ინგლისური ერთს მაინც ეცოდინება იმხელა ჰოსპიტალში და უთარგმნეთ რა სასჯელს ითვალისწინებს პალატაში გადაღებული კადრების გასაჯარობება“, - აცხადებს გეგეჭკორი.
შეგახსენებთ, სპეციალურმა პენიტენციურმა სამსახურმა კლინიკა „ვივამედიდან“ მიხეილ სააკაშვილის კადრები გაასაჯაროვა. კადრები 9 აგვისტოდან 12 დეკემბრის პერიოდით თარიღდება.
აგრეთვე წაიკითხეთ:
✔️ თავიანთი პოლიტიკური ხარაკირი გამოაქვეყნეს - ნუგზარ წიკლაური სააკაშვილის ვიდეოკადრებზე
✔️ პენიტენციური სამსახური მიხეილ სააკაშვილის კადრებს ასაჯაროებს
