ევროკომისიის თავმჯდომარე ურსულა ფონ დერ ლაიენი უკრაინის წინააღმდეგ რუსეთის აგრესიის შემთხვევაში საერთაშორისო საგადამხდელო სისტემიდან, SWIFT-დან რუსეთის გათიშვას არ გამორიცხავს. ამის შესახებ ლაიენმა CNN-ის ეთერში განაცხადა.
მისი თქმით, ასევე იგეგმება „ჩრდილოეთ ნაკადი-2“-ის წინააღმდეგ სანქციების დაწესებაც.
„დღის წესრიგში რეაგირების სხვადასხვა ფორმა დგას“, - განაცხადა ფონ დერ ლაიენმა.
მან, ასევე, განაცხადა, რომ ევროკავშირი რუსეთისთვის უმსხვილესი სავაჭრო პარტნიორია და რუსეთის საგარეო ვაჭრობის 40% სწორედ ევროპის კავშირზე მოდის.
„ეს ციფრები მეტყველებს, რომ ჩვენ რუსეთზე ზეწოლის სერიოზული ინსტრუმენტები გაგვაჩნია და თუ აგრესია მოხდება, ამას მოსკოვი ძალიან მწვავედ იგრძნობს“, - განაცხადა ფონ დერ ლაიენმა.
ევროკომისიის თავმჯდომარის თქმით, ეს ორგანიზაცია კონფლიქტის დიპლომატიური გზით გადაჭრის გარდა „უარესი სცენარისთვისაც“ მზად არის.
შეგახსენებთ, 2021 წლის ნოემბრის შემდეგ აშშ-ის და ნატოს ქვეყნების დაზვერვა უკრაინის საზღვართან რუსეთის შეიარაღებული ძალების კონცენტრაციის შესახებ იუწყება. შეერთებული შტატები ეჭვობენ, რომ მოსკოვი უკრაინის წინააღმდეგ ფართომასშტაბიან აგრესიას ამზადებს.
იხილეთ აგრეთვე:
🔴 „ომი შესაძლებელია იმ შემთხვევაში, თუ ბელარუსს ან რუსეთს თავს დაესხმებიან“ - ლუკაშენკო
🔴 „ომი არ იქნება, ომები არ გვინდა“ - სერგეი ლავროვი
🔴 დიდი შანსია, რუსეთი უკრაინაში თებერვალში შეიჭრას - ბაიდენი ზელენსკის
🔴 რუსეთისთვის უკრაინასთან ომის შესახებ ფიქრიც კი მიუღებელია - რუსეთის საგარეო საქმეთა სამინისტრო
🔴 ჩინეთი მოუწოდებს რუსეთსა და აშშ-ს, უკრაინის გარშემო დაძაბულობის ესკალაცია არ დაუშვან
🔴 გერმანიის მოსახლეობის უმეტესობა უკრაინისთვის იარაღის მიწოდების წინააღმდეგია - გამოკითხვა