1756477463

ბუნების საკუთრების დასაცავად, საქართველოს ბანკი, კავკასიის ბუნების ფონდთან (CNF) თანამშრომლობით კამპანიას ახორციელებს. ინიციატივის მიზანია გააერთიანოს ისეთი დიდი ბრენდები და ორგანიზაციები, რომლებიც საკუთარ ლოგოში ცხოველისა თუ ფრინველის სიმბოლოს იყენებენ და მოუწოდოს მათ, წვლილი შეიტანონ ბუნების დაცვის პროცესში. ინფორმაციას საქართველოს ბანკი ავრცელებს. კომპანიის ცნობით, კამპანიას 9 ბრენდი შეუერთდა, მათ შორის არის კომპანია ასკანელი.ხოხობი, რომელიც გასაღებზე ზის - ეს ასკანელის ლოგოა, რომელიც ბრენდის მთავარი სიმბოლო და იდენტობაა. გასაღებზე მჯდარი ფრინველი ჰეროიკული მემკვიდრეობის მცველის სახეა, ხოლო თავად გასაღები - ვიტიკულტურული საიდუმლოების, ანუ ვაზისა და ყურძნის მოვლის უძველესი ცოდნისა და ტრადიციების განსახიერება.ეს არის ცოდნა, რომელსაც ასკანელი სიყვარულითა და პასუხისმგებლობით თაობიდან თაობას გადასცემს.„ასკანელები ღვინის შექმნას ვენახიდან ვიწყებთ. ყოველ მტევანს ვუვლით სიყვარულით, ზრუნვით და პასუხისმგებლობით. ვცხოვრობთ რწმენით, რომ ნამდვილი ღვინო იბადება იქ, სადაც ადამიანს, ვაზს, მიწას და მემკვიდრეობას თანაბარი პატივისცემით ეკიდებიან.ეს პროექტი სწორედ იმ ღირებულებებს ეხმიანება, რასაც ჩვენი კომპანია იზიარებს - ქვეყნისა და მისი ბუნების დაცვასა და მოვლას.მსგავსი ინიციატივები არა მხოლოდ ბუნების დაცვას, არამედ ქვეყნის მომავალსაც ემსახურება. კომპანიების გაერთიანება ამ საერთო მიზნის გარშემო კიდევ უფრო აძლიერებს ზრუნვისა და პასუხისმგებლობის კულტურას. როგორც ვაზსა და მიწას სჭირდება მუდმივი სიყვარული და მოვლა, ისე ჩვენს გარემოს სჭირდება ერთიანი ძალისხმევა, რათა მისი ავთენტურობა და სილამაზე მომავალ თაობებს შევუნარჩუნოთ“, - აღნიშნავს ქეთი კენკიშვილი, კომპანია ასკანელის მარკეტინგის დირექტორი.ინფორმაციისთვის, აღნიშნული კამპანია კრეატიულ სააგენტო Leavingstone-თან თანამშრომლობით ხორციელდება.

1756475817

საქართველოს ბანკი მცირე და საშუალო ბიზნესის მხარდაჭერას და თანამედროვე ციფრული სერვისების განვითარებას აქტიურ რეჟიმში განაგრძობს. სწორედ ამ მიზნით, ბანკი აგრძელებს საჩუქრების კამპანიას, რომელიც ბიზნესებისთვის სხვადასხვა ბენეფიტს აერთიანებს.მათ შორისაა: Mastercard ბიზნეს ბარათი საჩუქრად, რომელზეც ნებისმიერი გადახდისას 2%-იანი ქეშბექი დაერიცხებათ (მაქსიმუმ 500 ლარამდე) ბიზნეს ნაკრები M პაკეტი საკომისიოს გარეშე 3 თვის განმავლობაში – პაკეტი აერთიანებს ყველაზე მოთხოვნად საბანკო სერვისებს, მათ შორის გადარიცხვებს შეღავათიანი ტარიფით, მეტ უფასო პროდუქტსა და კომუნალურ გადახდებს ყოველთვიურად, განაღდების მაღალ ლიმიტს და ა.შ. საკომისიოს გარეშე გადარიცხვები ეროვნულ ვალუტაში (სახაზინოს ჩათვლით) ან საკომისიოს გარეშე გადარიცხვებს უცხოურ ვალუტაში ფულადი პრიზები: 100 ლარი – ყოველი მე-1000 ტრანზაქციისთვის 12 500 ლარი – ყოველი მე-10 000 ტრანზაქციისთვის აღსანიშნავია, რომ კამპანიაში ჩართვა შეუძლიათ იურიდიულ პირებს, რომლებსაც 1 აპრილის შემდეგ ბიზნეს მობილბანკი ან ინტერნეტბანკი არ გამოუყენებიათ, ასევე - ბიზნესებს, რომლებსაც საქართველოს ბანკში ანგარიში აქამდე არ ჰქონიათ, ან ახლა მიიღებენ ინდმეწარმის ან შპს-ს სტატუსს ბანკის ფილიალში.ცნობისთვის, საქართველოს ბანკმა ბიზნესის დაწყების პროცესი გაამარტივა. მსურველებს შესაძლებლობა აქვთ, ბანკის ფილიალებში გაიარონ სამეწარმეო რეესტრში რეგისტრაცია, მიიღონ შპს-ს ან ინდმეწარმის სტატუსი, ადგილზევე ან ბიზნეს მობილბანკიდანვე გახსნან ანგარიში და კამპანიაში ჩაერთონ.საქართველოს ბანკის ბიზნეს მობილბანკში ანგარიშის გახსნა სულ რაღაც 2 წუთშია შესაძლებელი. პლატფორმა არა მხოლოდ ანგარიშის გახსნას, არამედ ყოველდღიური ფინანსური ოპერაციების სწრაფად და მარტივად მართვას უზრუნველყოფს. ბიზნესს შეუძლია, ნებისმიერ დროს, ნებისმიერი ადგილიდან განახორციელოს გადარიცხვები, გადაიხადოს კომუნალური გადასახადები, გააკონტროლოს ბალანსი და შეასრულოს სხვა ტრანზაქციები.„ჩვენთვის მნიშვნელოვანია, რომ ბიზნესს თანამედროვე ციფრულ სერვისებზე მარტივად ჰქონდეს წვდომა და რეალური სარგებელი მიიღოს. სწორედ ამიტომ ბიზნეს მობილბანკში ანგარიშის გახსნა სულ რამდენიმე წუთშია შესაძლებელი. საჩუქრების კამპანიით კი ჩვენ დამატებით შესაძლებლობებს ვუზიარებთ ჩვენს მომხმარებლებს. რაც მთავარია, არ ვჩერდებით და მომავალში კვლავ არაერთ საინტერესო ინიციატივას შევთავაზებთ ბიზნესს“, – აცხადებენ საქართველოს ბანკში.გაიგეთ მეტი კამპანიის შესახებ საქართველოს ბანკის ვებგვერდიდან, გადმოწერეთ ბიზნეს მობილბანკი, ხოლო თუ ჯერ არ ხართ მომხმარებელი, გახსენით ანგარიში მარტივად, ონლაინ.

1756467398

ბიზნესის მიმართულებით 16 ჯილდო მიიღოსაერთაშორისო გამოცემა Global Finance-მა 2025 წლის „მსოფლიოს საუკეთესო ციფრული ბანკების“ დაჯილდოებაზე საქართველოს ბანკი ბიზნესის მიმართულებით როგორც ქვეყნის, ასევე ცენტრალური და აღმოსავლეთ ევროპის მასშტაბით 16 კატეგორიაში საუკეთესოდ დაასახელა.აღსანიშნავია, რომ Global Finance საუკეთესო ციფრულ ბანკებს არაერთი წელია, აფასებს და მისი მიზანი მსოფლიოს მასშტაბით წამყვანი ფინანსური ინსტიტუტების ინოვაციური და ეფექტური ციფრული გამოცდილების წარმოჩენაა. წლევანდელი შედეგებით, საქართველოს ბანკმა ჯამში 34 ჯილდო მოიპოვა, რომელთაგან 16 ბიზნესის სეგმენტზე მოდის.გამარჯვებულები რეგიონისა და ცალკეული ქვეყნების მასშტაბით სხვადასხვა კრიტერიუმით შეაფასეს, მათ შორის განიხილეს ციფრული სტრატეგიის სიძლიერე, ბიზნესმომხმარებლებისთვის შეთავაზებული პროდუქტებისა და სერვისების ეფექტურობა, ციფრული ტრანსფორმაციის მასშტაბურობა, ტექნოლოგიური ინოვაციები და სხვა. მონაწილეები Infosys-ის მსოფლიო დონის ჟიურიმ შეაფასა, ხოლო საბოლოო სია Global Finance-ის რედაქციამ გამოავლინა.საქართველოს ბანკმა ბიზნესის მიმართულებით გამარჯვება შემდეგ კატეგორიებში მოიპოვა:ცენტრალური და აღმოსავლეთ ევროპის რეგიონი: საუკეთესო სრულად ციფრული ბანკი ბიზნესისთვის ცენტრალურ და აღმოსავლეთ ევროპაში; საუკეთესო ბანკი ბიზნესისთვის ინტეგრიგებული ფინანსების მიმართულებით ცენტრალურ და აღმოსავლეთ ევროპაში; საუკეთესო ციფრული გადახდების სტრატეგია ბიზნესის მიმართულებით, ცენტრალურ და აღმოსავლეთ ევროპაში; საუკეთესო სავაჭრო დაფინანსების სერვისები ბიზნესისთვის ცენტრალურ და აღმოსავლეთ ევროპაში; საუკეთესო ღია ბანკინგის API-ები ბიზნესისთვის ცენტრალურ და აღმოსავლეთ ევროპაში; საუკეთესო ბანკი ტრანსფორმაცის მიმართულებით ბიზნესისთვის ცენტრალურ და აღმოსავლეთ ევროპაში. საქართველო: საუკეთესო ციფრული ბანკი ბიზნესისთვის საქართველოში; საუკეთესო სრულად ციფრული ბანკი ბიზნესისთვის საქართველოში; საუკეთესო ბანკი ინტეგრიგებული ფინანსების მიმართულებით ბიზნესისთვის საქართველოში; საუკეთესო ციფრული გადახდების სტრატეგია ბიზნესისთვის საქართველოში; სავაჭრო დაფინანსების საუკეთესო სერვისები ბიზნესისთვის საქართველოში; საუკეთესო ინტეგრირებული კორპორატიული საბანკო პროგრამა საქართველოში; ყველაზე ინოვაციური ციფრული ბანკი ბიზნესისთვის საქართველოში; საუკეთესო ღია ბანკინგის API-ები ბიზნესისთვის საქართველოში; საუკეთესო საბანკო მომსახურება მცირე და საშუალო ბიზნესისთვის / საუკეთესო მცირე და საშუალო ბიზნესის პლატფორმა საქართველოში; საუკეთესო ბანკი ტრანსფორმაციის მიმართულებით ბიზნესისთვის საქართველოში.

1756457276

საქართველოს ბანკი პარტნიორი ბიზნესების მხარდაჭერას აქტიურ რეჟიმში განაგრძობს. ამ მიზნით, ფინანსური ინსტიტუტი ლბ კაპიტალის მხარდამჭერია, რომელიც თბილისში A-კლასის სასაწყობე პროექტს ახორციელებს. პროექტის ჯამური საინვესტიციო მოცულობა 14 მილიონი ლარია, საიდანაც საქართველოს ბანკის წილი 8.5 მილიონ ლარს შეადგენს.ახალი პროექტი სანზონაში, გურამიშვილის გამზირზე, 8,400 მ² ფართობზე შენდება. იგი 4,300 მ² სასაწყობე სივრცეს და 700 მ² საოფისე ფართს მოიცავს. სამშენებლო სამუშაოები 2024 წლის მარტში დაიწყო და 2025 წლის სექტემბერში დასრულდება. პროექტი თანამედროვე აღჭურვილობასა და ინფრასტრუქტურას ითვალისწინებს.„ლბ კაპიტალი მომხმარებელს საინვესტიციო მიმართულებით მრავალფეროვან გადაწყვეტილებებს სთავაზობს. კონკრეტულად სასაწყობე მეურნეობის სექტორში ჩვენი მიზანია ევროპული სტანდარტის სივრცეების განვითარება, რომლებიც როგორც მდებარეობით, ისე ფუნქციონალით გამოირჩევა. A-კლასის საწყობი, რომელსაც თბილისში ვაშენებთ, ინფრასტრუქტურით, მოსახერხებელი ადგილმდებარეობითა და კონკურენტული ფასებით სრულად მოერგება თანამედროვე ბიზნესის საჭიროებებს. მნიშვნელოვანია, რომ ქალაქში სასაწყობე მეურნეობების მიწოდება ბევრად ჩამორჩება მოთხოვნის მზარდ ტენდენციას და ჩვენი პროექტი სწორედ ამ გამოწვევას პასუხობს“, – აცხადებს ლბ კაპიტალის თანადამფუძნებელი ლაშა ბადაგაძე. „მოხარულები ვართ, რომ გვაქვს შესაძლებლობა, ხელი შევუწყოთ ჩვენი პარტნიორი კომპანიის, ლბ კაპიტალის განვითარებასა და ახალი ლოგისტიკური ინფრასტრუქტურის შექმნას. ჩვენ ლბ კაპიტალთან 2021 წლიდან ვთანამშრომლობთ. პირველი მასშტაბური პროექტი სასაწყობე მეურნეობით 6500² მ ტერიტორიის განაშენიანება იყო. რაც მთავარია, ჩვენ არ ვჩერდებით და დარწმუნებული ვართ, რომ მომავალში ერთობლივად კიდევ არაერთ წარმატებულ პროექტს განვახორციელებთ“, – აცხადებს საქართველოს ბანკის კორპორაციული გაყიდვების სექტორის უფროსი ალექსანდრე წულუკიანი.ლბ კაპიტალი 2021 წელს დაფუძნდა და ოთხ წელიწადში საინვესტიციო პორტფელის შექმნა საქართველოსა და რეგიონის ბაზრებზე შეძლო. კომპანიის საქმიანობა მოიცავს როგორც სასაწყობე და კომერციულ მეურნეობებს, ასევე პირდაპირ ინვესტიციებს FMCG სექტორში. ლბ კაპიტალი უკვე წარმოდგენილია საქართველოში, სომხეთში, უზბეკეთში, აზერბაიჯანსა და პოლონეთში. კომპანიასა და მის პორტფელში არსებულ ბიზნესებში ამჟამად 200-ზე მეტი ადამიანია დასაქმებული. სამომავლოდ, ლბ კაპიტალი საინვესტიციო პორტფელის კიდევ უფრო დივერსიფიცირებას და ევროპისა და ახლო აღმოსავლეთის მიმართულებით ახალი ბაზრების ათვისებას გეგმავს.

1756450526

საქართველოს ბანკი განაგრძობს მცირე და საშუალო ბიზნესის მხარდაჭერას და მათთვის საგანმანათლებლო შესაძლებლობების შექმნას. ამ მიზნით, პლატფორმა ბიზნეს 360-ის ფარგლებში, ბრენდის დიზაინერის, ერეკლე ინაშვილის ვორკშოპი გაიმართება. ვორკშოპი „ბრენდინგის საფუძვლები მცირე და საშუალო ბიზნესისთვის“ 15 სექტემბერს, 15:00 საათზე გაიმართება. იგი 4 სთ-იან პრაქტიკულ სამუშაო სესიას წარმოადგენს და მცირე და საშუალო ბიზნესის წარმომადგენლებს ბრენდინგის პროცესების შესახებ ინდივიდუალური ხედვების ჩამოყალიბებაში დაეხმარება. ვორკშოპის მონაწილები პროდუქტის იდენტობის შესაქმენლად პრაქტიკულ მაგალითებსა და მეთოდებს მოისმენენ. ამასთანავე, ვორკშოპზე: მიიღებენ საბაზისო ცოდნას ბრენდინგის საწყისებზე გაიგებენ, რა არის ბრენდის არქეტიპული მოდელი და უნიკალური განმასხვავებელი ნიშანი გაეცნობიან პრაქტიკულ მაგალითებს, ბრენდის ვიზუალური იდენტობის შესაქმნელად. „საქართველოს ბანკისთვის მცირე და საშუალო ბიზნესის ხელშეწყობა განსაკუთრებით მნიშვნელოვანია. სწორედ ამიტომ, მუდმივად ვცდილობთ, მათ გავუზიაროთ ცოდნა და პრაქტიკული გამოცდილება, რომელიც კონკურენტულ გარემოში გაძლიერებასა და სწორად პოზიციონირებაში დაეხმარებათ. ვორკშოპები, როგორიცაა ამჯერად ბრენდინგის საფუძვლები, შექმნილია იმისთვის, რომ მეწარმეებმა საკუთარი ბრენდის უნიკალური ღირებულება უკეთ გაიაზრონ. რაც მთავარია, ჩვენ არ ვჩერდებით და ვაგრძელებთ მცირე და საშუალო ბიზნესისთვის ახალი შესაძლებლობების შექმნას ,“ — აცხადებენ საქართველოს ბანკში.შეხვედრა საქართველოს ბანკის 4B სივრცეში, ალექსანდრე ყაზბეგის N15-ში გაიმართება.ღონისძიებაზე დასასწრებად გაიარეთ რეგისტრაცია საქართველოს ბანკის ვებგვერდიდან.აღსანიშნავია, რომ ვორკშოპები ბიზნეს განათლებისა და ბიზნეს 360° პლატფორმის მნიშვნელოვან ნაწილს წარმოადგენს. ბიზნეს 360° აერთიანებს ყველა იმ შესაძლებლობას, რომელსაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო რესურსები, ინდივიდუალური პროგრამები, შეთავაზებები, სექტორული ანალიზები და სხვა.

1756281164

„ჩემი გზა ისე სრულდება, როგორც მე მსურს“ - ამ მთავარი გზავნილით შექმნა „ტოიოტა ცენტრი ბათუმმა“ ახალი თაობის Land Cruiser Prado-ს საიმიჯო ვიდეორგოლი. ეს არის ისტორია, რომელიც Prado-ს შესაძლებლობებით იწყება იქ, სადაც სტანდარტული გამოცდილება სრულდება, რაც ხაზს უსვამს როგორც ავტომობილის გამძლეობას, ისე მომხმარებლის თავისუფალ არჩევანს.ვიდეორგოლის მთავარი გმირი მთამსვლელია – ადამიანი, რომელიც სხვის კვალს არ მიჰყვება და თავად ქმნის საკუთარ გზას. პარალელურად, კადრებში ჩნდება Toyota Land Cruiser Prado, რომელიც ისეთივე შეუჩერებელი და გამძლეა, როგორიც თავად გმირი.ვიდეოში განსაკუთრებული ადგილი მაღალმთიან აჭარას უკავია. აღსანიშნავია, რომ კადრების სრულყოფის მიზნით, სპეციალურად გადაღებისთვის 6-კილომეტრიანი გზა გაიყვანეს, რომელმაც თითოეულ სცენას საუცხოო ხიბლი შესძინა. კულმინაცია სოფელ ვერნებში ვითარდება – აჭარის უმაღლეს წერტილში, სადაც გმირები მიუწვდომელ გზას ასრულებენ.გოდერძი სურმანიძე, „ტოიოტა ცენტრი ბათუმის“ დირექტორი: „ახალი თაობის Toyota Land Cruiser Prado არის უსაფრთხოების, სანდოობისა და გამძლეობის სიმბოლო. ვიდეორგოლში შევძელით, შეგვექმნა პროდუქტი, რომელიც აერთიანებს ბრენდის ღირებულებებს, ემოციასა და ჩვენს რეგიონთან დაკავშირებულ შთამბეჭდავ ისტორიას. მონაცვლე სიუჟეტი ქმნის იდენტობის განცდას – ერთი მხრივ, ადამიანის სულიერი სიმტკიცე, მეორე მხრივ კი, ავტომობილის შეუდრეკელი ძალა, რომლებიც ერთმანეთის პარალელურად ავსებენ მთის სირთულეებით სავსე გარემოს. ჩვენთვის ეს ბევრად მეტია, ვიდრე ავტომობილის დემონსტრაცია – ეს არის თავისუფლებისა და ნდობის სიმბოლო, რომელიც იქ იწყება, სადაც სხვებისთვის მთავრდება“.ვიდეორგოლის უნიკალურობა ემოციურ თხრობასა და ავტომობილის ტექნიკურ სრულყოფილებას შორის სინქრონიზაციაშია. Land Cruiser Prado ახალი თაობის SUV-ის ეტალონია, რომელიც აერთიანებს უსაფრთხოებას, სანდოობასა და მრავალფეროვან, ინოვაციურ ფუნქციონალს. ძლიერი ჩარჩო, დახვეწილი ოფროუდ სისტემები და მაღალი კლირენსი Prado-ს შეუდარებელ დინამიკასა და მოქნილობას ანიჭებს, შესაბამისად, უნიკალურს ხდის როგორც ოფროუდზე, ისე გზატკეცილზე, რაც მძღოლს აძლევს შესაძლებლობას, მიიღოს დამოუკიდებელი გადაწყვეტილებები და ნებისმიერი დაბრკოლება თავდაჯერებულად გადალახოს. აღსანიშნავია ავტომობილის განახლებული ინტერიერი, რომელიც თანამედროვე კომფორტის ახალ სტანდარტებს აყალიბებს და თითოეულ მგზავრობას განსაკუთრებულ გამოცდილებად აქცევს, როგორც ეს ვიდეორგოლშია წარმოჩენილი.„ტოიოტა ცენტრი ბათუმი“ მომხმარებლებს სთავაზობს სრულ მომსახურებას — ახალი ავტომობილის შეძენიდან დაწყებული, კონსულტაციებით, ტესტდრაივითა და მაღალი ხარისხის სერვისით დასრულებული. კომპანიის მიზანია, თითოეულ მომხმარებელს შეუქმნას ერთიანი სივრცე, სადაც თავისივე საჭიროებებსა და სურვილებზე მორგებულ გამოცდილებას მიიღებს, რათა საკუთარ გზას გაუდგეს ისე, როგორც მას სურს.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ტოიოტა ცენტრი ბათუმი“ ბაზარზე 2020 წლიდან ოპერირებს და ტოიოტას ერთადერთი ავტორიზებული ცენტრია დასავლეთ საქართველოში. კომპანია მონობრენდულია და შექმნილია იაპონური ბრენდის სტანდარტების კონცეფციის შესაბამისად. მისი მომსახურება სრულად „ტოიოტას“ მარკის ავტომობილებზეა ფოკუსირებული. სერვისცენტრი აღჭურვილია უახლესი, ლიცენზირებული აპარატურითა და ავტორიზებული პროგრამებით, რომელიც მომხმარებლებს სთავაზობს ტოიოტას ავტომობილების უახლეს სამოდელო რიგს, ორიგინალ სათადარიგო ნაწილებს, აქსესუარებსა და სრულ ავტოსერვისს.

1756278155

საქართველოს ბანკის „მეწარმე ქალთა განვითარების პროგრამის“ მე-12 ნაკადზე მონაწილეთა მიღება დაიწყო. ამჯერად, პროგრამა 16, 17 და 18 სექტემბერს, ბათუმში გაიმართება.მეწარმე ქალთა განვითარების პროგრამა გაეროს განვითარების პროგრამის (UNDP), შვედეთისა და EFSE Entrepreneurship Academy-ის ხელშეწყობით ხორციელდება.პროგრამა ქალ ლიდერებს იდეიდან ბიზნესის წარმატებამდე 360°-იან მხარდაჭერას სთავაზობს და ოთხ ღირებულებაზეა დაშენებული, ესენია: ცოდნა, მხარდაჭერა, გამოცდილება და თანამშრომლობა.პროგრამის ერთ-ერთი პირველი ეტაპი სამდღიანი ინტენსიური ვორკშოპია, რომელსაც სხვადასხვა დარგის წამყვანი სპეციალისტები უძღვებიან.პროგრამის ფარგლებში, მეწარმე ქალები: სპეციალურად ამ პროგრამისთვის შემუშავებულ 3 კურსს businesscourse.ge-ზე გაივლიან და სერტიფიკატებს მიიღებენ დამატებით რესურსებსა და სხვადასხვა მნიშვნელოვან საინფორმაციო შეხვედრაზე მუდმივი წვდომა ექნებათ პროფესიული და პიროვნული განვითარებისთვის ჯგუფურ და ინდივიდუალურ მხარდაჭერას მიიღებენ ისარგებლებენ გრანტის მიღების შესაძლებლობით და პრაქტიკული მხარდაჭერით (ქოუჩინგით) მიღებული გრანტების აღსრულების ეტაპზე შეიძენენ ახალ პროფესიულ კონტაქტებს და მიიღებენ გამოცდილებას სხვა მეწარმეებისგან „საქართველოს ბანკისთვის ქალ მეწარმეთა გაძლიერება და მათი ბიზნესის განვითარებაში მხარდაჭერა განსაკუთრებულად მნიშვნელოვანია. სწორედ ამიტომ, უკვე მე-12 ნაკადის ფარგლებში ვაგრძელებთ მეწარმე ქალთა განვითარების პროგრამას, რომელიც ცოდნის, გამოცდილებისა და პრაქტიკული მხარდაჭერის ერთიან ეკოსისტემას ქმნის. გვჯერა, რომ პროგრამაში მონაწილე ქალები საკუთარი იდეების რეალიზაციას და ქვეყნის ეკონომიკურ განვითარებაში კიდევ უფრო დიდი წვლილის შეტანას შეძლებენ“, – აცხადებენ საქართველოს ბანკში.პროგრამაზე რეგისტრაციისთვის ეწვიეთ საქართველოს ბანკის ვებგვერდს.

1756130033

საქართველოს ბანკი რეგიონებში ბიზნესების მხარდაჭერას აქტიურად აგრძელებს. ამჯერად, ბანკის ფინანსური მხარდაჭერით, ქართულ-გერმანულმა კომპანია „ედელინგმა“ წარმოება განავითარა.„ედელინგი“ თხილისა და კაკლოვანი პროდუქტების გადამმუშავებელი საწარმოა, რომელიც 2017 წელს დაარსდა. კომპანია ნედლეულს ადგილობრივი ფერმერებისგან იღებს, ამუშავებს და ექსპორტზე გააქვს. გასულ სეზონზე „ედელინგმა” 780 ტონა თხილი გადაამუშავა.წარმოების გასავითარებლად, საქართველოს ბანკმა 3 მილიონი ევროს მოცულობის ფინანსური ინვესტიცია განახორციელა.„საქართველოს ბანკისთვის რეგიონების განვითარება უცვლელი პრიორიტეტია. სწორედ ამიტომ, ჩვენს პარტნიორ ბიზნესებთან აქტიურად ვმუშაობთ, რათა რეგიონებში მასშტაბური პროექტები განხორციელდეს და კიდევ უფრო მეტად გაძლიერდნენ. კომპანია ედელინგი ქართულ-გერმანული საწარმოა და ევროპის ბაზარზე წარმატებით ოპერირებს. აღნიშნული დაფინანსებით კომპანიამ წარმოება გააძლიერა, სამომავლოდ კი უფრო მეტად გაფართოებას გეგმავს. გვინდა წარმატებები ვუსურვოთ გუნდს. ჩვენ კი ვაგრძელებთ რეგიონებში არაერთი საინტერესო პროექტის განხორციელებას“, - განაცხადა საქართველოს ბანკის კორპორაციული გაყიდვების სექტორის უფროსმა, ნინო აფციაურმა.

1756107311

საერთაშორისო გამოცემა Global Finance-მა 2025 წლის „მსოფლიოს საუკეთესო ციფრული ბანკების“ დაჯილდოებაზე საქართველოს ბანკი სამომხმარებლო მიმართულებით 18 კატეგორიაში როგორც ქვეყნის, ისე ცენტრალური და აღმოსავლეთ ევროპის მასშტაბით საუკეთესო ციფრულ ბანკად დაასახელა.აღსანიშნავია, რომ Global Finance საუკეთესო ციფრულ ბანკებს უკვე 26-ე წელია აფასებს, დაჯილდოებაში კი მსოფლიოს წამყვანი ფინანსური ინსტიტუტები მონაწილეობენ. წლევანდელი შედეგებით, საქართველოს ბანკმა ჯამში 34 ჯილდო მოიპოვა, რომელთაგან 18 სამომხმარებლო სეგმენტს ეხება.გამარჯვებულები შეირჩა Infosys-ის მსოფლიო დონის ექსპერტთა ჟიურის მიერ, ხოლო საბოლოო სია Global Finance-ის რედაქციამ გამოავლინა. შეფასების კრიტერიუმებს შორის იყო: ციფრული სტრატეგიის სიძლიერე, მომხმარებლების ზრდა ციფრულ არხებში, პროდუქტებისა და სერვისების მრავალფეროვნება, ვებგვერდისა და მობილური აპლიკაციის ფუნქციონალურობა და დიზაინი, ინფორმაციული უსაფრთხოება და სხვა.საქართველოს ბანკი სამომხმარებლო მიმართულებით შემდეგ ნომინაციებში დაჯილდოვდა:ცენტრალური და აღმოსავლეთ ევროპის რეგიონი საუკეთესო სრულად ციფრული ბანკი მომხმარებლებისთვის ცენტრალურ და აღმოსავლეთ ევროპაში ონლაინ გადახდების საუკეთესო გადაწყვეტა მომხმარებლებისთვის ცენტრალურ და აღმოსავლეთ ევროპაში საუკეთესო ონლაინ პროდუქტის შეთავაზებები მომხმარებლებისთვის ცენტრალურ და აღმოსავლეთ ევროპაში საუკეთესო მობილური საბანკო აპლიკაცია მომხმარებლებისთვის ცენტრალურ და აღმოსავლეთ ევროპაში დაკრედიტების საუკეთესო სერვისი მომხმარებლებისთვის ცენტრალურ და აღმოსავლეთ ევროპაში ყველაზე ინოვაციური ციფრული ბანკი მომხმარებლებისთვის ცენტრალურ და აღმოსავლეთ ევროპაში საუკეთესო ღია ბანკინგის API-ები სამომხმარებლო მიმართულებით ცენტრალურ და აღმოსავლეთ ევროპაში საქართველო საუკეთესო ციფრული ბანკი მომხმარებლებისთვის საქართველოში საუკეთესო სრულად ციფრული ბანკი მომხმარებლებისთვის საქართველოში ონლაინ გადახდების საუკეთესო გადაწყვეტა მომხმარებლებისთვის საქართველოში ონლაინ პროდუქტის საუკეთესო შეთავაზებები მომხმარებლებისთვის საქართველოში საუკეთესო სამომხმარებლო გამოცდილების (UX) დიზაინი საქართველოში საუკეთესო მობილური საბანკო აპლიკაცია მომხმარებლებისთვის საქართველოში საუკეთესო ინფორმაციული უსაფრთხოება და ფროდის მართვა სამომხმარებლო მიმართულებით საქართველოში დაკრედიტების საუკეთესო სერვისი მომხმარებლებისთვის საქართველოში ყველაზე ინოვაციური ციფრული ბანკი მომხმარებლებისთვის საქართველოში საუკეთესო ღია ბანკინგის API-ები სამომხმარებლო მიმართულებით საქართველოში საუკეთესო ტრანსფორმაცია სამომხმარებლო მიმართულებით საქართველოში

1755865902

საერთაშორისო გამოცემა Global Finance-მა საქართველოს ბანკი საუკეთესო სამომხმარებლო ციფრულ ბანკად დაასახელა როგორც ქვეყანაში, ასევე ცენტრალურ და აღმოსავლეთ ევროპის რეგიონში.აღსანიშნავია, რომ Global Finance-ი საუკეთესო ციფრულ ბანკებს უკვე 26-ე წელია ასახელებს, ინიციატივაში კი წამყვანი საფინანსო ორგანიზაციები მონაწილეობენ. ასევე აღსანიშნავია, რომ წელს საქართველოს ბანკმა ჯამში 34 ჯილდო მიიღო.პირველი რაუნდის ფარგლებში, მონაწილეები Infosys-ის მსოფლიო დონის ჟიურის წევრების მიერ შეირჩნენ, გამარჯვებულები კი Global Finance-ის რედაქციის მიერ დასახელდნენ.გამარჯვებულების გამოსავლენად ჟიურის წევრები ეყრდნობიან შემდეგ კრიტერიუმებს: ციფრული მომხმარებლების მოზიდვისა და სერვისის მიწოდების სტრატეგიის სიძლიერე, მომხმარებლების მხრიდან ციფრული შეთავაზებების გამოყენება, ციფრული მომხმარებლების ზრდა, ციფრული ინიციატივების ეფექტურობა, ვებ და მობილური აპლიკაციების დიზაინი და მათი ფუნქციურობა.„ციფრული საბანკო პროცესები გამუდმებით იცვლება და ვითარდება, შესაბამისად, ფინანსური ინსტიტუტები იყენებენ ხელოვნურ ინტელექტს, Cloud-ზე დაფუძნებულ ტექნოლოგიებს, რათა მომხმარებლებს შესთავაზონ უსაფრთხო და მათ ინდივიდუალურ საჭიროებებსა თუ მოთხოვნილებებზე მორგებული გამოცდილება. წლევანდელი Global Finance-ის გამარჯვებულები კი ინოვაციების სათავეში არიან, რადგან სწორედ ისინი ქმნიან საბანკო პროცესების მომავალს“, - აღნიშნავს ჯოზეფ ჯიარაპუტო, Global Finance-ის დამფუძნებელი და სარედაქციო დირექტორი.„მოხარული ვართ, რომ Global Finance-მა საქართველოს ბანკი საუკეთესო სამომხმარებლო ციფრულ ბანკად დაასახელა არა მხოლოდ საქართველოში, არამედ ცენტრალურ და აღმოსავლეთ ევროპის რეგიონში. ეს ჯილდო კიდევ ერთხელ ადასტურებს ჩვენი ციფრული ეკოსისტემის სიძლიერეს, ინოვაციებისადმი მუდმივ სწრაფვასა და ჩვენთვის მომხმარებლის, როგორც ჩვენი ყოველდღიური პროცესების მთავარ ღირებულებას. საქართველოს ბანკის გუნდი მუდმივ რეჟიმში მუშაობს, რათა მომხმარებლებს შევთავაზოთ უსაფრთხო, მარტივი და თანამედროვე საბანკო გამოცდილება. Global Finance-ის მიერ მონიჭებული აღიარება კი გვაჩვენებს, რომ ჩვენ სწორი მიმართულებით მივდივართ, რაც გვაძლევს მოტივაციას, არ გავჩერდეთ და შევქმნათ საუკეთესო ციფრული ბანკი არა მხოლოდ საქართველოში, არამედ რეგიონში“, - აღნიშნავს გიორგი ვახტანგიშვილი, საქართველოს ბანკის ციფრული საბანკო მომსახურების დეპარტამენტის დირექტორი.საქართველოს ბანკის ჯილდოების სრული სიის სანახავად ეწვიეთ ბმულს.

1755861558

საქართველოს ბანკი აგრძელებს მეწარმეობის ხელშეწყობას და მომხმარებლებს ბიზნესის რეგისტრაციას უკვე სხვადასხვა რეგიონის ფილიალშიც სთავაზობს. აღნიშნული სერვისით საქართველოს ბანკის ფილიალიდან საჯარო რეესტრში ინდივიდუალური მეწარმის სტატუსის ან შპს-ს რეგისტრაციაა შესაძლებელი.ბიზნესის რეგისტრაციის სერვისით სარგებლობა ხელმისაწვდომია შემდეგ მისამართებზე:თბილისი: ქეთევან წამებულის გამზ. №50/18 წერეთლის გამზ. №99 გლდანი, ვასაძის ქ. №3 ლეონიძის ქ. №2 ვაჟა-ფშაველას გამზ. №42-44 რეგიონები: ბათუმი, მემედ აბაშიძის 58 ბათუმი, შარტავას 8 ქუთაისი, რუსთაველის ქ. №5 ქუთაისი, რუსთაველის ქ. №141 ქობულეთი, აღმაშენებლის ქ. №126 ზუგდიდი, გამსახურდიას ქ. №18 სამუშაო საათები: ორშაბათი – პარასკევი: 09:30 – 19:00; შაბათი: 10:00 – 14:00.გარდა ამისა, 31 დეკემბრის ჩათვლით, ბიზნესის რეგისტრაციისას მომხმარებლები რეგისტრაციის საფასურზე ქეშბექს მიიღებენ: ინდმეწარმეებისთვის საკომისიო სრულად დაბრუნდება შპს-ს რეგისტრაციისას კი მომხმარებლები საფასურის 20%-ს დაიბრუნებენ ბიზნესის რეგისტრაციის შემდეგ, მომხმარებლებს შესაძლებლობა აქვთ, ადგილზე ან ბიზნეს მობილბანკით ანგარიში გახსნან და სასტარტო ბიზნეს ნაკრები გაააქტიურონ, რომელიც მოიცავს: ბიზნეს ანგარიშს ბიზნეს ბარათს ტერმინალს - 3 თვე მომსახურების საკომისიოს გარეშე ონლაინ გადახდებს - საკომისიოს გარეშე გარდა ამისა, ჩაერთონ საჩუქრების კამპანიაში 30.09.2025-მდე და მიიღონ საჩუქრები ბიზნესისთვის: M ნაკრები უფასოდ, ქეშბექი MasterCard-ის ბიზნეს ბარათზე, ფულადი საჩუქრები და უფასო გადარიცხვები. საჩუქრების კამპანიის შესახებ მეტი ინფორმაციის მისაღებად ეწვიეთ საქართველოს ბანკის ვებგვერდს.„ბიზნესის რეგისტრაციის სერვისის რეგიონებში გავრცელება ჩვენი მიზნის - მეწარმეობის ხელშეწყობის - კიდევ ერთი მნიშვნელოვანი ეტაპია. ამ ნაბიჯით ჩვენ კიდევ უფრო ვუახლოვდებით მომხმარებელს და ვუზოგავთ დროს მათ, ვისაც ეკონომიკური საქმიანობის დაწყება სურთ. საქართველოს ბანკი განაგრძობს ბიზნესის საჭიროებების შესწავლას და მათზე მორგებული ინოვაციური სერვისების შექმნას”, - აცხადებს თორნიკე კუპრაშვილი, საქართველოს ბანკის მცირე და საშუალო ბიზნესის მიმართულების ხელმძღვანელი.გაიგეთ მეტი ბიზნესის ფილიალში რეგისტრაციის შესახებ საქართველოს ბანკის ვებგვერდიდან.

1755856829

უსაფრთხოება, ინოვაციურობა და უმაღლესი ხარისხი – სწორედ ამ სამ პრინციპზეა დაფუძნებული ორი იაპონური გიგანტის Toyota-სა და Bridgestone-ის ღირებულებითი პლატფორმა. უკვე წლებია, Bridgestone Toyota-ს OEM (Original Equipment Manufacturer) მიმწოდებლის სტატუსს ინარჩუნებს, რაც ნიშნავს იმას, რომ მსოფლიოში ერთ-ერთი ყველაზე გაყიდვადი ბრენდის მოდელების უმრავლესობა Bridgestone-ის საბურავებით არის აღჭურვილი. სხვადასხვა კომპლექტაციის საბურავები ავტომობილებზე ქარხანაშივე მონტაჟდება. შედეგად, მძღოლი იღებს მანქანას, რომელიც მაქსიმალურად არის მორგებული კომფორტზე, ეფექტურობასა და უსაფრთხოებაზე.Toyota-სა და Bridgestone-ის იაპონური პარტნიორობა საქართველოშიც გრძელდება. საბურავების მწარმოებელმა ბრენდმა კავკასიის რეგიონში ბიზნესსაქმიანობა სწორედ „თეგეტასთან“ პარტნიორობით დაიწყო. Bridgestone-სა და „თეგეტა მოტორს“ შორის პირველი გარიგება 1998 წელს შედგა. დღეს უკვე „თეგეტა მოტორსი“ რეგიონში მსოფლიო ბრენდის ოფიციალური დისტრიბუტორია. რაც შეეხება Toyota-ს, „თეგეტა ჰოლდინგის“ ერთ-ერთ მიმართულებაში „თეგეტა ქარსში“ შემავალი კომპანია „ტოიოტა ცენტრი თეგეტა“ საქართველოს ბაზარზე 2014 წლიდან ოპერირებს.დავით ჩხაიძე, „თეგეტა პრაიმ პროდაქტსის“ დირექტორი: „Bridgestone-ის და Toyota-ს OEM თანამშრომლობა მომხმარებლისათვის უმაღლეს სტანდარტს ნიშნავს. უსაფრთხოებითა და გამძლეობით გამორჩეული Toyota-ს მოდელები Bridgetone-ის საბურავებით წარმოების პროცესშივე აღიჭურვება. ამ უპირატესობას ავტომობილის მფლობელი ყოველდღიურ მართვაში გრძნობს. სეზონური საბურავები სხვადასხვა კომპლექტაციით შესაბამის მოდელებს ერგება, იქნება ეს უგზოობისთვის განკუთვნილი მაღალი გამავლობის ავტომობილი თუ სედანი. ქართული ბაზრისთვის საკმაოდ კარგად ცნობილი და მოთხოვნადი მოდელების, RAV4, Corolla and Camry, Hilux, Land cruiser and Prado, უმრავლესობას Bridgestone-ის საბურავი აქვს. საბოლოოდ, მომხმარებელი იღებს ორმაგ გარანტიას – უმაღლესი ხარისხისა და უსაფრთხოების სტანდარტების დაცვას“.Bridgestone, რომელიც მსოფლიოს მასშტაბით 120-ზე მეტი ქარხნისა და კვლევისა და განვითარების ობიექტის მფლობელია, წარმოებაში თანამედროვე მიღწევებს იყენებს. ხელოვნური ინტელექტის დახმარებით პროდუქციას,480 სხვადასხვა ხარისხობრივი პარამეტრით სწრაფად და სრული სიზუსტით აკონტროლებს.ინტელექტუალურ სისტემასთან ერთად, იყენებს NanoPro-Tech ტექნოლოგიას, რაც, ერთი მხრივ, საწვავის ეფექტიან მოხმარებას უწყობს ხელს და ამასთანავე, აუმჯობესებს მოჭიდებას, რაც პირდაპირ კავშირშია უსაფრთხოებასთან. კომპანია კვლევებზე წლიურად 800 მილიონ ევროს ხარჯავს.ლაბორატორიული სამუშაოები და უახლესი მიდგომები წარმოებაში პრიორიტეტულია Toyota-სთვისაც. კომპანიის წლიური ბიუჯეტიდან მილიონ დოლარზე მეტი სწორედ ამ მიმართულებით იხარჯება. ორ იაპონურ ბრენდს კიდევ ერთი საერთო აქვს, რაც გარემოს დაცვასა და მწვანე პროექტებს უკავშირდება.Bridgestone აქტიურად მუშაობს ეკომეგობრული ტექნოლოგიების დანერგვაზე საბურავების წარმოებაში და 2050 წლისთვის 100%-ით გადამუშავებადი მასალების გამოყენებას გეგმავს. Toyota კი ჰიბრიდული და ელექტრომობილების განვითარებით მავნე კომპონენტების ემისიას ამცირებს. ამ თანამშრომლობის შედეგად მომხმარებელი იღებს არა მხოლოდ მაღალხარისხიან პროდუქტს, არამედ იმ ხედვის ნაწილიც ხდება, რომელიც მწვანე მომავლისკენ არის მიმართული.Bridgestone კავკასიის რეგიონში წარმოდგენილია, როგორც კომფორტკლასის, სპორტული, ასევე SUV თუ სატვირთოსთვის განკუთვნილი საბურავებით. იაპონური ბრენდის უპირატესობები რეგიონში სრულად ხელმისაწვდომი „თეგეტა მოტორსმა“ გახადა.დავით ჩხაიძე, „თეგეტა პრაიმ პროდაქტსის“ დირექტორი: „ჩვენ მომხმარებელს არაერთ ბენეფიტს ვთავაზობთ, მათ შორის არის უსასრულო გარანტია, რომელსაც მომხმარებელი Bridgestone-ის საბურავის შეძენისას იღებს. ნებისმიერი დაზიანების შემთხვევაში, იქნება ეს მექანიკური თუ ქარხნული წუნი, საბურავის ნარჩენი ღირებულება ანაზღაურდება.ასევე ხაზგასასმელია ჩვენი შეთავაზება კორპორაციული მომხმარებლებისათვის. ეს არის PPK (Price-Per-Kilometer) სერვისი. ახალი მიდგომა ბიზნესის მეტი ეფექტიანობისთვის შეიქმნა. საბურავის ღირებულება ერთ კილომეტრზე გამოთვლით განისაზღვრება, რაც ნიშნავს, რომ ფასი ავტომობილის გარბენზე ნაწილდება. ეს კი, თავის მხრივ, ნათლად აჩვენებს, რომ პრემიუმ ხარისხის საბურავის გამოყენება, ერთი მხრივ, უსაფრთხოების გარანტია და ამასთანავე, ფინანსური რესურსის რაციონალურად გამოყენების წინაპირობაა“.საერთაშორისო გამოცდილებასა და გრძელვადიან პარტნიორობაზე დაფუძნებული თანამშრომლობა „თეგეტა მოტორსს“, Bridgestone-სა და Toyota-ს შორის ახალ ეკოსისტემას ქმნის. შედეგად, მომხმარებელი არა მხოლოდ პრემიუმ კლასის პროდუქტსა და სერვისს, არამედ უსაფრთხოების, ეფექტურობისა და ხარისხის ერთიან სტანდარტს იღებს, რომელიც თანამედროვე მოთხოვნებს სრულად შეესაბამება.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.