1756388467

საქართველოს კულტურის მინისტრმა თინათინ რუხაძემ შეხვედრა გამართა აჭარის ავტონომიური რესპუბლიკის მთავრობის თავმჯდომარე სულხან თამაზაშვილთან.მთავრობის თავმჯდომარესთან გამართულ შეხვედრაზე, რომელსაც ბათუმის დელეგატი საქართველოს პარლამენტში არჩილ ბერიძე ესწრებოდა, განიხილეს კულტურული მემკვიდრეობის დაცვისა და ხელოვნების განვითარების საკითხები, ასევე, რეგიონში მიმდინარე და დაგეგმილი პროექტები კულტურის სფეროში.აჭარის კულტურის მინისტრ ელისო ბოლქვაძესთან გამართულ შეხვედრაზე, რომელსაც აჭარის ავტონომიური რესპუბლიკის კულტურის მინისტრის მოადგილეები - ლადო მგალობლიშვილი და ირმა აბულაძე ესწრებოდნენ, კულტურის სხვადასხვა მიმართულებით მჭიდრო თანამშრომლობისა და რეგიონში კულტურის სფეროში დაგეგმილი პროექტების კოორდინირებულად განხორციელების საკითხები განიხილეს.მინისტრმა აღნიშნა, რომ აჭარის რეგიონი მნიშვნელოვანია როგორც ტურისტული, ისე ეკონომიკური თვალსაზრისით, რაც განპირობებულია მისი მდიდარი კულტურული მემკვიდრეობითა თუ კულტურული მრავალფეროვნებით.კულტურის მინისტრმა თინათინ რუხაძემ აქტიური თანამშრომლობისა და საერთო ინიციატივების მხარდაჭერისთვის მზადყოფნა გამოხატა, რაც ხელს შეუწყობს რეგიონში კულტურული ცხოვრების გააქტიურებასა და საერთაშორისო დონეზე წარმოჩენას.

1756308186

აჭარის ავტონომიური რესპუბლიკის უმაღლესი საბჭოს თავმჯდომარე დავით გაბაიძე პარტია „ქართული ოცნება - დემოკრატიული საქართველოს“ ბათუმის ახალგაზრდული ორგანიზაციის წევრებს შეხვდა. „პოლიტიკა არის სივრცე, სადაც ყოველდღიურად წყდება ჩვენი მომავალი. ახალგაზრდების ჩართულობა კი უზრუნველყოფს, რომ ეს მომავალი იყოს სამართლიანი, ინოვაციური და სიცოცხლით სავსე“, - აღნიშნა დავით გაბაიძემ. შეხვედრაზე, უმაღლესი საბჭოს თავმჯდომარემ ყურადღება გაამახვილა ადგილობრივი თვითმმართველობის არჩევნებში არა მხოლოდ ახალგაზრდების ჩართულობაზე, არამედ, მომავალი თაობის განვითარებისთვის სახელმწიფოს მხრიდან განხორციელებულ და დაგეგმილ პროექტებზე.გარდა ამისა, დავით გაბაიძემ, ზოგადად, ქვეყანასა და რეგიონში არსებულ პოლიტიკურ პროცესებზე, ასევე ახალგაზრდობისთვის მნიშვნელოვან უახლოეს და გრძელვადიან პერსპექტივებზე ისაუბრა.შეხვედრა ინტერაქციულ რეჟიმში წარიმართა და საკანონმდებლო ორგანოს თავმჯდომარემ ახალგაზრდების კითხვებს უპასუხა.

1756296499

ადიგენის მერიამ ავტოპარკი ახალი ტექნიკით შეავსო.მერიის ინფორმაციით, ავტოპარკს შეემატა: პიკაპის ტიპის ავტომობილი სამგზავრო განყოფილებით, მაღალი გამავლობის ავტომანქანა ამწე კალათით, ბენზინისა და ელექტროძრავიანი ხელის სათიბელა და 4 ერთეული ბენზინის ძრავიანი ხელის თოვლსაწმენდი მანქანა.ბოლო ოთხი წლის განმავლობაში ადიგენის მუნიციპალიტეტში ავტოპარკი სულ 21 ერთეული ახალი ტექნიკით შეივსო.ამასთან, ადიგენის მერიას 8 ერთეული ტექნიკა საქართველოს მთავრობამ უსასყიდლოდ გადასცა.

1756293045

დღეს გამართულ აჭარის მთავრობის სხდომაზე მთავრობის თავმჯდომარემ, სულხან თამაზაშვილმა პირველკურსელებს სტუდენტობა მიულოცა და აღნიშნა, რომ მომავალ თაობაზე ზრუნვა აჭარის მთავრობის ერთ-ერთი მთავარი პრიორიტეტია. ინფორმაციას აჭარის ავტონომიური რესპუბლიკის მთავრობა ავრცელებს.სულხან თამაზაშვილის განცხადებით, სახელმწიფო სასწავლო გრანტის მფლობელ სტუდენტებს აჭარის მთავრობისგან ფულადი ჯილდო გადაეცემათ.„მომავალი თაობის ხელშეწყობა ჩვენთვის პრიორიტეტულია. აღსანიშნავია, რომ ახალ სასწავლო წელს აჭარა განახლებული ინფრასტრუქტურით ხვდება. ჩვენთვის უმნიშვნელოვანესია რეგიონში შევქმნათ თანამედროვე სტანდარტების მქონე საგანმანათლებლო ინფრასტრუქტურა, რათა მოსწავლეებმა შესაბამის გარემოში შეძლონ განათლების მიღება“, - განაცხადა სულხან თამაზაშვილმა.მათივე ცნობით, 2025 წელს ექვსივე მუნიციპალიტეტში რეაბილიტაცია ჩაუტარდა 27 საჯარო სკოლას. წლის ბოლომდე დასრულდება ოთხი სკოლისა და ორი სპორტული დარბაზის მშენებლობა. ასევე, 7 საჯარო სკოლის სარეაბილიტაციო სამუშაოები. ამ ეტაპზე, 14 სკოლის სრული და ნაწილობრივ რეაბილიტაციისთვის გამოცხადებულია ტენდერი.აჭარის მთავრობის თავმჯდომარემ აღნიშნა, რომ მნიშვნელოვანია რეგიონის სოციალურ-ეკონომიკური მდგომარეობის მუდმივი გაუმჯობესება და ამ მიმართულებით არსებულ სიახლეებზე ისაუბრა - „ჩვენ მივყვებით ჩვენს მთავარ მიზანს, რაც გულისხმობს რეგიონში სოციალურ-ეკონომიკური მდგომარეობის კიდევ უფრო გაუმჯობესებასა და მოსახლეობის საჭიროებებზე მაქსიმალურ ზრუნვას. ამ მიმართულებითაც კარგი სიახლე გვაქვს, ერთ თვეში უკვე დასრულდება ხელვაჩაურის მუნიციპალიტეტში მრავალბინიანი საცხოვრებელი სახლის მშენებლობა და 90 ეკომიგრანტ ოჯახს გადავცემთ კეთილმოწყობილ ბინებს“.სხდომაზე სულხან თამაზაშვილმა თვითმმართველობის არჩევნებისთვის სამზადისზე ისაუბრა და აღნიშნა, რომ ყველა მუნიციპალიტეტში წარდგენილია მერობის და საკრებულოს წევრობის ღირსეული კანდიდატები.,,მინდა შევეხო ადგილობრივი თვითმმართველობის არჩევნებს. დარწმუნებული ვარ, რომ ჩვენ დამაჯერებელ გამარჯვებას მოვიპოვებთ და გავაგრძელებთ რეგიონის გაძლიერებას. დღეს ქართველი ხალხის არჩევანი ქვეყნის განვითარებასთან ერთად, არის მშვიდობა და სტაბილურობა.ექვსივე მუნიციპალიტეტში გვყავს ღირსეული, პროფესიონალი და კვალიფიციური მერობის და საკრებულოს წევრობის კანდიდატები. მათი გეგმები, ხედვა და მიზნები მიმართულია მუნიციპალიტეტის განვითარებისკენ. ამ ყველაფერში კი, ჩემი სრული მხარდაჭერა ექნებათ“, - განაცხადა სულხან თამაზაშვილმა აჭარის მთავრობის სხდომაზე.

1756201879

ადიგენის მუნიციპალიტეტის მერი გოჩა ქიმაძე პირველკურსელებს სტუდენტობას ულოცავს და წარმატებებს უსურვებს.„ყველა პირველკურსელს გილოცავთ სტუდენტობას. განსაკუთრებით ვულოცავ ჩვენს მუნიციპალიტეტში მცხოვრებ პირველკურსელებს.მთელი გულით გისურვებთ წინსვლასა და წარმატებებს. ღრმად ვარ დარწმუნებული, რომ თქვენ მონდომებასა და შრომას არც შემდგომში დაიშურებთ.ვულოცავ თქვენს ოჯახებსა და პედაგოგებს, რომლებმაც არანაკლები ძალისხმევა გაიღეს თქვენი დღევანდელი წარმატებისთვის.მოგეხსენებათ, რომ ადიგენის მერია ახალგაზრდების მოტივაციისა და მხარდაჭერის მიზნით არაერთ მნიშვნელოვან პროგრამას ახორციელებს. ასე რომ, გვიგულეთ მუდამ თქვენს სამსახურში.გილოცავთ კიდევ ერთხელ!საუკეთესო სურვილებით, გოჩა ქიმაძე, ადიგენის მუნიციპალიტეტის მერი“, - ნათქვამია მილოცვის წერილში. 

1756147367

„ქართული ოცნების“ ჩოხატაურის მუნიციპალიტეტის მერობის კანდიდატი და მერის მოქმედი მოადგილე, მინდია ჟღერია, წინასაარჩევნო კამპანიას განაგრძობს. მერობის კანდიდატის განცხადებით, მუნიციპალიტეტში ბევრი პრობლემა აღმოიფხვრა, ბევრ სოფელში მოეწყო ცენტრალური და შიდა გზები, სპორტული ინფრასტრუქტურა და საბავშვო სივრცეები, თუმცა, კვლავ რჩება პრობლემები, რომელთა აღმოსაფხვრელად აქტიურ მუშაობას აპირებს. „ძალიან ბევრი გამოწვევა იყო ამ პერიოდის განმავლობაში. მოგეხსენებათ, ბევრ სოფელს არ ჰქონდა მოწესრიგებული მისასვლელი გზა, არ ჰქონდა სპორტული ინფრასტრუქტურა. ძალიან ბევრ სოფელში მოეწყო შიდა და ცენტრალური გზები, საბავშვო გასართობი სივრცეები. ერთ-ერთი ყველაზე მასშტაბური პროექტი, რაც ჩოხატაურში განხორციელდა, იყო ხელოვნების სასახლის მშენებლობა. აღმშენებლობის და გაკეთებული საქმეების გარდა, კიდევ გვრჩება ბევრი გამოწვევა, ეს შეეხება სასმელი წყლით მომარაგებას, ასევე არის რამდენიმე სოფელი დარჩენილი, სადაც შიდა გზების პრობლემებია და ჩვენ აქტიურად ვიმუშავებთ ცენტრალურ ხელისუფლებასთან ერთად ამ პრობლემების აღმოსაფხვრელად“, - განაცხადა მინდია ჟღერიამ.

1756146749

დიდი გამოწვევაა, იყო შენი ქალაქის მერი უკვე მესამე მოწვევის. ეს არის ძალიან დიდი პასუხისმგებლობა, მაგრამ აქვს ერთი დიდი დადებითი, იმიტომ რომ გაქვს კიდევ ერთხელ შანსი ემსახურო შენს მშობლიურ მუნიციპალიტეტს, შენს ქალაქს,- ამის შესახებ პარტია „ქართული ოცნება - დემოკრატიული საქართველოს“ მერობის კანდიდატმა ლანჩხუთის მუნიციპალიტეტში, ალექსანდრე სარიშვილმა განაცხადა.ალექსანდრე სარიშვილის განცხადებით, მუნიციპალიტეტში მიმდინარეობს მულტიფუნქციური სპორტდარბაზის მშენებლობა, რომელიც წლის ბოლოს მზად იქნება და უმასპინძლებს ნებისმიერ საერთაშორისო დონის ტურნირს.„ახალგაზრდობისგან და ზოგადად საზოგადოებისგან დიდი დაკვეთა იყო წლების განმავლობაში სპორტული კომპლექსი არ ჰქონია მუნიციპალიტეტს. უკვე მეორე წელია მიმდინარეობს სპორტული, მულტიფუნქციური, დარბაზის მშენებლობა. შენობა შედგება ორი დარბაზისგან, როგორც მცირე, ისე დიდი დარბაზისგან. შენობა წლის ბოლოს მზად იქნება, რომ უმასპინძლოს ნებისმიერი საერთაშორისო დონის ტურნირს. აქ შესაძლებელია გაიმართოს შეჯიბრი როგორც ფეხბურთში, ისე ჭიდაობაში, კარატესა და სხვადასხვა სპორტის სახეობებში. დარბაზი ამას ითვალისწინებს“, - განაცხადა ალექსანდრე სარიშვილმა.ალექსანდრე სარიშვილის განცხადებით მისი მერობის მესამე ვადაში რულად იქნება ამოწურული მუნიციპალიტეტში დარჩენილი გამოწვევები. „რა თქმა უნდა, გამოწვევები რჩება და თითოეულ გამოწვევას ღირსეულად უნდა გავცეთ პასუხი და ჩემი გადაწყვეტილება კიდევ ერთხელ გავაგრძელო, მესამედ, ჩემი მუნიციპალიტეტის მერობა ესეც ამყარებს იმას, რომ ის გამოწვევები, რომელიც არის დარჩენილი მუნიციპალიტეტის წინაშე ბოლომდე იქნეს ამოწურული“, - აცხადებს ალექსანდრე სარიშვილი.

1756145749

ჩემი არჩევის შემთხვევაში, მზად ვარ, ვიმუშაო თავდაუზოგავად, მიზანმიმართულად, რომ ჩვენი ქალაქი განვითარდეს ისე, როგორც იმსახურებს. ჩვენ ერთად ნამდვილად შეგვიძლია ბევრი სასიკეთო და სასარგებლო პროექტის განხორციელება, ისეთის, რომელიც რეალურად პასუხობს ოზურგეთელების ყოველდღიურ საქმიანობს, - ამის შესახებ „ქართული ოცნების“ ოზურგეთის მუნიციპალიტეტის მერობის კანდიდატმა, პაატა კუნჭულიამ განაცხადა.მერობის კანდიდატი აპირებს, განსაკუთრებული ყურადღება მიაქციოს მუნიციპალიტეტის განვითარებაში ახალგაზრდების ჩართულობას და გადაწყვეტილებების მიღების პროცესში მათი აზრის გათვალისწინებას.„ოზურგეთში ბევრი აქტიური და მოაზროვნე ახალგაზრდა ცხოვრობს, მათ აქვთ ენერგია, იდეები და რეალურად უნდათ, რომ საქმე გააკეთონ. მთავარია, ეს მოტივაცია არ დაიკარგოს და სწორედ აქ ჩანს თვითმმართველობის როლი - მათი აზრი ჩვენთვის მნიშვნელოვანია. გადაწყვეტილებების მიღების პროცესში ახალგაზრდები უნდა მონაწილეობდნენ. საჭიროა ისეთი გარემოს შექმნა, სადაც ახალგაზრდებს ექნებათ საშუალება, იმოქმედონ და განვითარდნენ“, - აღნიშნა პაატა კუნჭულიამ.

1756142004

„გუნდთან ერთად, განვახორციელეთ ძალიან ბევრი კარგი პროექტი, ინფრასტრუქტურული, კერძოდ, საგზაო ინფრასტრუქტურის კუთხით დაწყებულ საქმეებს ვასრულებთ“, - ამის შესახებ „ქართული ოცნების“ ცაგერის მუნიციპალიტეტის მერობის კანდიდატმა და საკრებულოს მოქმედმა თავმჯდომარემ, ჭაბუკი ჭაბუკიანმა განაცხადა. როგორც მან აღნიშნა, ცაგერში ყველა მიმართულებით მუშაობენ, თუმცა, ადგილობრივების ინტერესების გათვალისწინებით, სოციალური პროგრამები და ინფრასტრუქტურული პროექტები ისევ პრიორიტეტად რჩება. ასევე, ყურადღება დაეთმობა ჯანსაღი ცხოვრების წესის პოპულარიზაციას. „განვახორციელეთ საგზაო ინფრასტრუქტურის მრავალი პროექტი, ასევე, წყალმომარაგების და სპორტული მოედნების. აშენდა 50 ბავშვზე გათვლილი საბავშვო ბაღი. ახლაც მიმდინარეობს ქალაქ ცაგერის და სოფელ ბარნალის საჯარო სკოლების სრული რეაბილიტაცია. შენდება 300 მაყურებელზე გათვლილი ტრიბუნა, გასახდელებით, საშხაპეებით, რომელიც მოემსახურება სპორტულ აქტივობებს. ჩვენ სპორტული კუთხით, სხვადასხვა მიმართულებით მშენებლობებს მომავალშიც გავაგრძელებთ“, - განაცხადა ჭაბუკი ჭაბუკიანმა.

1756141430

პარტია „ქართული ოცნება - დემოკრატიული საქართველოს“ მერობის კანდიდატი ლენტეხის მუნიციპალიტეტში, გიორგი გაზდელიანი, მოსახლეობასთან შეხვედრებს აქტიურად განაგრძობს.გიორგი გაზდელიანის განცხადებით, ლენტეხის მოსახლეობისთვის ერთ-ერთ მთავარ პრობლემას წარმოადგენდა წყალმომარაგების საკითხი, რომლის აღმოსაფხვრელადაც სამუშაოები აქტიურად მიმდინარეობს.„მოქალაქეები წლების განმავლობაში ითხოვდნენ წყალმომარაგების პრობლემის მოგვარებას დღეის მდგომარეობით პროექტი ფაქტობრივად მოიცავს დაბას სრულად და მის მიმდებარე ტერიტორიას, წყლის სისტემის სათავე ნაგებობები სრულად რეაბილიტირდება, ასევე მოეწყობა ქსელი. მიმდინარეობს დაბა ლენტეხში სკვერის მოწყობა, სადაც იქნება ბავშვთა გასართობი სივრცეები, ასევე სპორტული სივრცეები და დასასვენებელი ადგილები. აღნიშნულ პროექტებთან ერთად სხვა მრავალი პროექტი განხორციელდა მუნიციპალიტეტში“, - აცხადებს გიორგი გაზდელიანი.

1756113599

აჭარის საავტომობილო გზების დეპარტამენტის მიერ მოვლა-შენახვის სამუშაოები აქტიურად გრძელდება.ქობულეთის, ხელვაჩაურის, ქედის, შუახევისა და ხულოს მუნიციპალიტეტებში მიმდინარეობს სანიაღვრე არხების გასუფთავება და მოწყობა.აქტიურად ხორციელდება მოხრეშვა-მოშანდაგების სამუშაოები.აგრეთვე, ხე-ბუჩქნარისა და ეკალბარდისაგან სუფთავდება საავტომობილო გზების მიმდებარე ტერიტორიები.ასევე, ეწყობა სიჩქარის შემზღუდველი ბარიერები და მონტაჟდება საგზაო ნიშნები.

1756109872

მცხეთის მუნიციპალიტეტის მერმა დიმიტრი ზურაბიშვილმა და მცხეთა-მთიანეთის სახელმწიფო რწმუნებულმა ალექსანდრე ზაგაშვილმა სოფელ მუხრანის ცენტრალური ნაწილის სარეაბილიტაციო სამუშაოები დაათვალიერეს. ინფორმაციას აღნიშნულის შესახებ მცხეთის მერია ავრცელებს. მერიის ცნობით, პროექტის მიხედვით დაგეგმილია მუხრანის ცენტრალური მოედნისა და ციხე-გალავნის მიმდებარედ არსებული ტერიტორიის რეაბილიტაცია, დაზიანებული სახლების, ღობეების, ჭიშკრებისა და ტროტუარების კეთილმოწყობა.სარეაბილიტაციო სამუშაოები ადგილობრივი ბიუჯეტიდან ფინანსდება. პროექტის სახელშეკრულებო ღირებულება 1 722 221 ლარს შეადგენს.ასევე, აღსანიშნავია, რომ უძველესი და ისტორიული სოფლის ტურისტული მიმზიდველობის გაზრდის მიზნით, მცხეთის მუნიციპალიტეტის მერიასა და სს „შატო მუხრანს“ შორის 2024 წელს გაფორმებულია თანამშრომლობის მემორანდუმი, რაც მიზნად ისახავს სოფლის განვითარებისათვის შესაბამისი ინვესტიციების განხორციელებას.