1714050316

საქართველოს ეროვნულმა ბანკმა ვალუტის ახალი კურსი დაადგინა. 25 აპრილის ვაჭრობის შედეგად აშშ დოლარი გაუფასურდა და 2.6859 ლარი გახდა. კურსი, რომელიც დღეს მოქმედებდა, 2.6910 ლარი იყო.გამყარდა ევრო, რომლის კურსი 2.8804 ლარია. დღეს მოქმედი კურსი 2.8756 ლარს შეადგენს.თურქული ლირა უცვლელია, რომლის ღირებულებაც 0.0827 ლარია.დღევანდელი ვაჭრობის შედეგად მიღებული კურსი 26 აპრილს შევა ძალაში.

1714040932

„კაპიტალის ბაზრის რეფორმა ერთ-ერთი მთავარი სტრუქტურული რეფორმაა, რომელსაც ეკონომიკის სამინისტრო ახორციელებს ეროვნულ ბანკთან და სხვა პარტნიორ უწყებებთან ერთად. სწრაფი ეკონომიკური განვითარებისთვის ფუნდამენტურია, რომ ქვეყანაში არსებობდეს დივერსიფიცირებული ფინანსური ინსტრუმენტები, რაც კაპიტალის ბაზრის განვითარებას მოაქვს“, - განაცხადა ეკონომიკისა და მდგრადი განვითარების მინისტრის მოადგილე ირაკლი ნადარეიშვილმა, რომელმაც კაპიტალის ბაზრის მხარდაჭერის სახელმწიფო პროგრამის პრეზენტაციის ღონისძიებაში მიიღო მონაწილეობა.პროგრამის ოფიციალური პრეზენტაცია სააგენტომ „აწარმოე საქართველოში" გამართა და მას საჯარო და კერძო სტრუქტურების, დონორი ორგანიზაციების და საბანკო სექტორის წარმომადგენლები დაესწრნენ. პროგრამის განხორციელებაში სააგენტოს პარტნიორია USAID-ის ფინანსური ინოვაციების პროგრამა. დამსწრე საზოგადოებას პროგრამა დეტალურად გააცნო სააგენტოს დირექტორმა მიხეილ ხიდურელმა.„ჩვენი სამინისტროს გუნდი კაპიტალის ბაზრის და საპენსიო რეფორმაზე ბოლო წლებში აქტიურად მუშაობს - ჩამოყალიბდა საინვესტიციო ფონდების ახალი კანონმდებლობა, დაიწყო და ძალიან წარმატებულად მიმდინარეობს საპენსიო რეფორმა, შეიქმნა მთელი რიგი ახალი ინსტრუმენტები: ქავერდ ბონდები, სეკიურიტიზაციის კანონი, ნებაყოფლობითი საპენსიო ე.წ მესამე პილარი და ა.შ. თუმცა, რეფორმის წარმატებისთვის ამ ეტაპზე მნიშვნელოვანია ბაზრის კონკრეტული ინსტრუმენტებით სტიმულირება და ხელშეწყობა, სწორედ ეს მიგვაჩნია რეფორმის შემდგომ ფაზად“, - აღნიშნა ირაკლი ნადარეიშვილმა.რაც შეეხება პროგრამის ამოცანებს - „აწარმოე საქართველოში“ ახალი მიმართულება მიზნად ისახავს მცირე და საშუალო ბიზნესისთვის ფინანსებზე წვდომის გაუმჯობესებას და კაპიტალის ბაზრის ხელშეწყობას ფასიანი ქაღალდების განთავსების სტიმულირების გზით. 2024 წელს სააგენტო კომპანიებს ობლიგაციების გამოშვებაში დაეხმარება, რომლებიც საფონდო ბაზარზე 150 მილიონამდე ლარის დამატებით საინვესტიციო რესურსს მოიზიდავენ.პროგრამის მიხედვით, მეწარმე სუბიექტებს, რომელთა წინა სამეურნეო წლის აკუმულირებული ჯამური შემოსავალი არ აღემატება 60 მლნ ლარს, სააგენტო შესაძლებლობას მისცემს, პროგრამის თანადაფინანსებისა და ტექნიკური დახმარების კომპონენტებში ჩაერთონ. ამასთან, 60 მილიონ ლარზე მეტი შემოსავლის ან/და ფინანსურ სექტორში მოქმედი კომპანიებისთვის, თანადაფინანსების კომპონენტს, USAID-ის ფინანსური ინოვაციების პროგრამა უზრუნველყოფს. ამ პროგრამის თანახმად, ასევე იგეგმება 60 მილიონამდე შემოსავლების მქონე მეწარმე სუბიექტების მხარდაჭერა.ეკონომიკის მინისტრის მოადგილემ ხაზი გაუსვა, რომ მნიშვნელოვანია, საშუალო ბიზნესს მეტი ფინანსური ცოდნა ჰქონდეს ალტერნატიული დაფინანსებების მოზიდვის შესაძლებლობების შესახებ. მისი ინფორმაციით, კაპიტალის ბაზრის განვითარებას აქვს ძალიან ხანგრძლივი და დეტალური სამოქმედო გეგმა, მათ შორის წილობრივი საინვესტიციო ფონდების ხელშეწყობის და საპენსიო რეფორმის დახვეწის მიმართულებით - შესაბამისი ცვლილებათა პაკეტი პარლამენტში უახლოეს დღეებში გადაიგზავნება.მიმდინარე წელს კაპიტალის ბაზრის განვითარების მიზნით „აწარმოე საქართველოში“ არაერთი ღონისძიების განხორციელებას გეგმავს, რომლებიც ხელს შეუწყობს დაფინანსების ალტერნატიული მექანიზმების განვითარებას. ობლიგაციების გამოშვების თანადაფინანსებასთან ერთად, ეს იქნება საინვესტიციო ფონდების განვითარება და აქტივებზე დაფუძნებული დაფინანსების ხელშეწყობა.„დარწმუნებული ვარ, ეს უმნიშვნელოვანეს ახალ შესაძლებლობებს გაუხსნის ქართველ მეწარმეებს ბიზნესის დაფინანსების და განვითარების ნაწილში“, - აღნიშნა ირაკლი ნადარეიშვილმა.

1714039009

საქართველოს ეროვნული ბანკი ფულის გათეთრებასა და სანქციების რეჟიმისთვის თავის შესაძლო არიდების გაზრდილ რისკებთან დაკავშირებით ბოლო დროს გავრცელებულ სპეკულაციებს ეხმაურება და შესაბამის განცხადებას აკეთებს.„გვსურს, გამოვეხმაუროთ ეროვნული ბანკისა და ფინანსური სისტემის მიმართ თითქოსდა ფულის გათეთრებასა და სანქციების რეჟიმისთვის თავის შესაძლო არიდების გაზრდილ რისკებთან დაკავშირებით ბოლო დროს გავრცელებულ სპეკულაციებს, რომელიც „საგადასახადო კოდექსში“ ცვლილებების შეტანას უკავშირდება. ხაზგასმით აღვნიშნავთ, რომ „საგადასახადო კოდექსში“ ცვლილებების შეტანა, რომელიც ეხება შეღავათიანი დაბეგვრის მქონე ქვეყანაში რეგისტრირებული უცხოური საწარმოს და პარტნიორი ფიზიკური პირის მიერ მიღებული შემოსავლის მოგების/საშემოსავლო გადასახადისგან გათავისუფლებას, არ ეხება და არ არეგულირებს საბანკო ტრანზაქციებს, ვინაიდან თანხის ჩარიცხვა/გადმორიცხვა ცალკე გადასახადით არ იბეგრება.აღსანიშნავია, რომ საერთაშორისო სტანდარტების, საუკეთესო პრაქტიკისა და ეროვნული ბანკის მითითებების შესაბამისად, საქართველოს საბანკო სისტემის მხრიდან მსგავსი ტიპის ტრანზაქციები დღესაც მკაცრ შემოწმებას გადის და მომავალშიც ასე გაგრძელდება. ამდენად, აღნიშნული ცვლილება არ გამოიწვევს პროცესების ცვლილებას საფინანსო სისტემაში, სახსრების წარმომავლობისა და კომპანიის სადამფუძნებლო დოკუმენტაციის შესწავლა მოხდება იმავე მაღალი სტანდარტებით, როგორც ეს აქამდე ხდებოდა.აქვე განვმარტავთ, რომ საქართველოს ეროვნული ბანკის მოთხოვნით, ქართულ კომერციულ ბანკებს დანერგილი აქვთ ანგარიშგების, გამჭვირვალობის უმაღლესი სტანდარტები. საფინანსო სისტემაში მოქმედებს შიდა სისტემები და კონტროლის ისეთი მექანიზმები, რაც მინიმუმამდე ამცირებს ფულის გათეთრებისა და ტერორიზმის დაფინანსების, ასევე სანქციებისთვის თავის არიდების რისკებს. სწორედ ამიტომ არსებული გეოპოლიტიკური გამოწვევების მიუხედავად, დღემდე არ დაფიქსირებულა სანქცირებული პირის მიერ ტრანზაქციის შესრულების არცერთი შემთხვევა.აღსანიშნავია, რომ ფულის გათეთრებისა და ტერორიზმის დაფინანსების წინააღმდეგ ბრძოლის ღონისძიებების შეფასების საკითხებში ევროპის საბჭოს ექსპერტთა კომიტეტმა (Moneyval) დაამტკიცა საქართველოს მეხუთე რაუნდის შეფასების ანგარიში. მასში ეროვნული ბანკის საზედამხედველო პროცესი და პრაქტიკა შეფასებულია, როგორც ეფექტური შედეგების მქონე. საქართველოს ეროვნული ბანკი, კანონმდებლობით გათვალისწინებული მანდატის ფარგლებში, როგორც ფულის გათეთრების აღმკვეთ კანონმდებლობასთან, ასევე სანქციების რეჟიმებთან შესაბამისობის კუთხით, კომერციული ბანკების ადგილზე ინსპექტირებისას, მუდმივად სწავლობს სხვადასხვა იურისდიქციასთან დაკავშირებულ საბანკო ტრანზაქციებს. აქვე უნდა აღინიშნოს, რომ ეროვნული ბანკის მიერ დამტკიცებულია SWIFT-შეტყობინებების (ჩარიცხვა/გადარიცხვების) სკრინინგის მექანიზმების და იმპორტ-ექსპორტსა და რეექსპორტთან დაკავშირებული ტრანზაქციების შესწავლის გაიდლაინები, რომელთა შესაბამისადაც ოპერირებენ კომერციული ბანკები. ამასთან, საერთაშორისო გადარიცხვები ევროპისა და ამერიკის უმსხვილესი საკორესპონდენტო ბანკების მეშვეობით ხორციელდება, რაც ადასტურებს, რომ საქართველოში მოქმედი კომერციული ბანკები სტანდარტების სრული დაცვით, გამჭვირვალედ და არსებული რეგულაციების შესაბამისად ოპერირებენ.თავის მხრივ, კომერციული ბანკების ადგილზე ინსპექტირების პრაქტიკა ცხადყოფს, რომ სანქციების რეჟიმებთან შესაბამისობის მიზნით, სათანადოდ ხდება კლიენტების და მათ მიერ განხორციელებული ტრანზაქციების შესწავლა და პრევენციული ზომების გატარება.საქართველოს ეროვნული ბანკი, ისევე, როგორც მთლიანად საბანკო სექტორი მომავალშიც პროაქტიულად განაგრძობს ყველა საჭირო ზომის დაცვას, რაც ქვეყნის ფინანსური სტაბილურობის გაძლიერებისთვის აუცილებელი პირობაა.აქვე, მოვუწოდებთ სხვადასხვა დაინტერესებულ მხარეს, თავი შეიკავონ ზემოხსენებული შინაარსის სპეკულაციებისგან, რომელიც ზიანს აყენებს ქვეყნის ერთ-ერთი ყველაზე მნიშვნელოვანი - საბანკო-საფინანსო სისტემის რეპუტაციას“, - აღნიშნულია ეროვნული ბანკის განცხადებაში. 

1713963807

საქართველოს ეროვნულმა ბანკმა ვალუტის ახალი კურსი დაადგინა. 24 აპრილის ვაჭრობის შედეგად აშშ დოლარი გამყარდა და 2.6910 ლარი გახდა. კურსი, რომელიც დღეს მოქმედებდა, 2.6802 ლარი იყო.გამყარდა ევრო, რომლის კურსი 2.8756 ლარია. დღეს მოქმედი კურსი 2.8555 ლარს შეადგენს.თურქული ლირა გამყარდა, რომლის ღირებულებაც 0.0827 ლარია.დღევანდელი ვაჭრობის შედეგად მიღებული კურსი 25 აპრილს შევა ძალაში.

1713877415

საქართველოს ეროვნულმა ბანკმა ვალუტის ახალი კურსი დაადგინა. 23 აპრილის ვაჭრობის შედეგად აშშ დოლარი გამყარდა და 2.6802 ლარი გახდა. კურსი, რომელიც დღეს მოქმედებდა, 2.6729 ლარი იყო.გამყარდა ევრო, რომლის კურსი 2.8555 ლარია. დღეს მოქმედი კურსი 2.8469 ლარს შეადგენს.თურქული ლირა გამყარდა, რომლის ღირებულებაც 0.0822 ლარია.დღევანდელი ვაჭრობის შედეგად მიღებული კურსი 24 აპრილს შევა ძალაში.

1713863738

საქართველოს ეკონომიკისა და მდგრადი განვითარების სამინისტროს კურორტების განვითარების სააგენტოსა და იმერეთში სახელმწიფო რწმუნებულის ადმინისტრაციის მხარდაჭერით 2024 წლის 22-24 აპრილს იმერეთის რეგიონის კურორტ წყალტუბოში ევროპის ისტორიულ თერმულ ქალაქთა ასოციაციის გენერალური ასამბლეა იმართება. ევროპის ისტორიულ თერმულ ქალაქთა ასოციაცია (EHTTA), რომელიც 50 წევრისგან შედგება და არის ევროპის საბჭოს სერტიფიცირებული ასოციაცია და UNWTO-ს აფილირებული წევრი, მიზნად ისახავს ევროპის მასშტაბით თერმული და კულტურული მემკვიდრეობის წახალისებას, დაცვასა და გაძლიერებას. EHTTA-ს გენერალური ასამბლეა წელიწადში ორჯერ იმართება. აღსანიშნავია, რომ 2023 წელს კურორტების განვითარების სააგენტომ, 2024 წლის გენერალური ასამბლეის საქართველოში ჩატარების უფლება მოიპოვა, რაც ქვეყნის ბალნეოლოგიური კურორტების პოპულარიზაციას, კომერციალიზაციასა და ტურისტული პროდუქტების განვითარებას შეუწყობს ხელს. გენერალური ასამბლეის ოფიციალური ნაწილი შედგება ევროპის თერმული მემკვიდრეობის და ტურიზმის კონფერენციის და ასოციაციის შიდა სამუშაო შეხვედრებისგან. მოწვეული სტუმრები გაეცნობიან კურორტ წყალტუბოს განვითარების ხედვასა და საინვესტიციო შესაძლებლობებს, რაც ქვეყნის ეკონომიკური პოტენციალისა და სოციალური სარგებლის გაზრდას შეუწყობს ხელს. კონფერენციას ასოციაციის 30-მდე წევრი, ევროპის თერმული ქალაქების ათზე მეტი მერი და ვიცე-მერი, კურორტების მფლობელები, გენერალური მენეჯერები და საქართველოს სხვადასხვა კურორტის წარმომადგენელი დაესწრო. მოწვეულ სტუმრებს მისასალმებელი სიტყვით მიმართა გაეროს მსოფლიო ტურიზმის ორგანიზაციის გენერალურმა მდივანმა ზურაბ პოლოლიკაშვილმა, იმერეთში სახელმწიფო რწმუნებულმა ზვიად შალამბერიძემ და კურორტების განვითარების სააგენტოს დირექტორმა ალექსანდრე ონოფრიშვილმა. კონფერენციის დასრულების შემდეგ, სტუმრებმა ადგილზე მოინახულეს წყალტუბოში მოქმედი თერმულ-რადონული მინერალური წყლების აბაზანები და გაეცნენ კურორტის ისტორიულ მემკვიდრეობას. ღონისძიების ფარგლებში დაგეგმილია ვიზიტი საირმესა და თბილისის ბალნეოლოგიურ კურორტზე.

1713850828

მთავრობის გადაწყვეტილებით, მესტიის აეროპორტის ახალი სამგზავრო ტერმინალი აშენდება. მშენებლობა მიმდინარე წელს დაიწყება და 2025 წელს მესტიაში, ახალი ტერმინალი პირველ მგზავრებს მიიღებს. ეკონომიკისა და მდგრადი განვითარების მინისტრის მოადგილის მარიამ ქვრივიშვილის შეფასებით, პროექტი მნიშვნელოვანია საქართველოს ავიაციისა და ტურიზმის ინდუსტრიების შემდგომი გაძლიერებისთვის.„ჩვენ უზრუნველვყოფთ, რომ სვანეთში ტურისტული ნაკადები ყოველწლიურად მზარდი იყოს. ჩვენთვის მნიშვნელოვანია, რომ სვანეთს ოთხივე სეზონზე კიდევ უფრო მეტი შიდა და საერთაშორისო მოგზაური სტუმრობდეს. სწორედ ამ მიზნით ჩვენ ვატარებთ არაერთ საერთაშორისო ღონისძიებას, იქნება ეს სამთო - სათხილამურო, კულტურული თუ სხვა, რათა კიდევ უფრო მეტი ადამიანი ჩავიდეს სვანეთში. ამისთვის, რა თქმა უნდა, შიდა ფრენების სტიმულირება - ჩვენ ვაგრძელებთ მეტი სიხშირით ფრენას და ვახდენთ შიდა ფრენების ტარიფის სუბსიდირებას იმისთვის, რომ ხელმისაწვდომი იყოს შიდა ფრენა სვანეთიდან და სვანეთამდე, პირველ რიგში, ჩვენი ქვეყნის მოსახლეობისთვის და რა თქმა უნდა, ჩვენს ქვეყანაში ჩამოსული სტუმრებისთვის. სწორედ ამიტომ ჩვენ ვიწყებთ ახალი ტერმინალის მშენებლობას, რომელიც იქნება უფრო დიდი და შეძლებს მეტი მგზავრის გატარებას“, - განაცხადა მარიამ ქვრივიშვილმა.ამასთან, მინისტრის მოადგილის თქმით, ახალი ტერმინალი შეძლებს, არა მხოლოდ დღეს არსებული მგზავრების რაოდენობის მომსახურებას, არამედ მგზავრთნაკადის სამომავლო ზრდაზეცაა გათვლილი.მინისტრის მოადგილის განცხადებით, მესტიის აეროპორტის გაფართოება და ინფრასტრუქტურული განვითარება მნიშვნელოვანი კომპონენტია მთავრობის იმ პრიორიტეტებში, რომლებიც, უპირველესად, გულისხმობს საქართველოს მოქალაქეების, მათ შორის, სვანეთში მცხოვრები მოსახლეობის დაბალი ფასებით გადაადგილებას, ასევე სვანეთის ტურისტული პოტენციალის განვითარებას. შესაბამისად, ინფრასტრუქტურის განვითარებასთან ერთად, სახელმწიფოს მხრიდან ხდება შიდა ფრენების სუბსიდირებაც.მესტიის აეროპორტის ახალი ტერმინალის პროექტირებაზე გამოცხადებულ კონკურსში 18 პრეტენდენტი მონაწილეობდა, მათგან საუკეთესოდ კომპანია Green Studio - ს პროექტი დასახელდა.„გამარჯვებული პროექტი მოუხდება სვანეთს და მის ბუნებას, გარდა ამისა, დარწმუნებული ვარ, მესტიას ექნება მსოფლიოში გამორჩეულად ორიგინალური და რეგიონის ბუნებასთან ჰარმონიულად შერწყმული დიზაინის მქონე შიდა აეროპორტი“, - აღნიშნა მარიამ ქვრივიშვილმა.

1713795223

საქართველოს ეროვნული ბანკი, ანალიტიკური კომუნიკაციის გაუმჯობესების მიზნით, აგრძელებს „მიმდინარე მაკროეკონომიკური მიმოხილვის“ და „საფინანსო სექტორის მიმოხილვის“ გამოქვეყნებას. როგორც წინა თვეში, ამ ანგარიშშიც საბანკო სექტორის მონაცემები მონეტარული სტატისტიკის მეთოდოლოგიის მიხედვითაა განახლებული.გამოცემების მიზანია ფართო საზოგადოებისათვის ანალიტიკური მონაცემების ოპერატიულად მიწოდება და ეკონომიკური ანალიზის ხელშეწყობა.აპრილის ანგარიშების ნახვა შესაძლებელია ეროვნული ბანკის ოფიციალურ ვებგვერდზე „პუბლიკაციების“ რუბრიკაში.

1713791097

„კანონი იძლევა საშუალებას, რომ ჩვენ ქვეყანაში მოვიზიდოთ უფრო მეტი კაპიტალი, მეტი ინვესტიცია, მეტი ქონება და საქართველო იყოს მიმზიდველი საინვესტიციო დანიშნულების მქონე ქვეყანა ინვესტორებისთვის. ეს არის მნიშვნელოვანი ამოცანა და ზუსტად ეს არის კანონის მოტივაცია“, - ასე შეაფასა პირველმა ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა მთავრობის ადმინისტრაციაში გამართულ ბრიფინგზე საპარლამენტო უმრავლესობის დეპუტატთა ჯგუფის მიერ ინიცირებული ცვლილებები საგადასახადო კოდექსში, რომელიც შეღავათიანი დაბეგვრის მქონე ქვეყნებიდან საქართველოში აქტივების გადმოტანის საკითხს შეეხება.ლევან დავითაშვილის განცხადებით, აქამდეც საქართველოს მთავრობამ არაერთი გადაწყვეტილება მიიღო, რომელიც ითვალისწინებდა სხვადასხვა მიმართულების წახალისების მიზნით საგადასახადო შეღავათის შემოღებას.„ეს არის სახელმწიფოს ეკონომიკური პოლიტიკა, რომელსაც ქვეყანა, ვფიქრობ, რომ წარმატებით ახორციელებს. წინა წლებში ჩვენ საგადასახადო ლიბერალიზაცია მოვახდინეთ ამა თუ იმ მიმართულებით, რათა ჩვენი საინვესტიციო გარემო ყოფილიყო კიდევ უფრო მიმზიდველი. ვფიქრობ, რომ კანონი აბსოლუტურად ადეკვატურია იქიდან გამომდინარე, რომ ზოგადად მსოფლიოში ტენდენციებია ასეთი, ნაკლებია ნდობა შეღავათიანი საგადასახადო რეჟიმის ქვეყნების მიმართ. აქედან გამომდინარე, კარგი შესაძლებლობებია, რომ ჩვენ მოვიზიდოთ ამ პირობებში ახალი დამატებითი ინვესტიციები და კაპიტალი ქვეყანაში.ჩვენ ვსვამთ კითხვას, როგორ გადავაქციოთ ქვეყანა საინვესტიციოდ მიმზიდველად და საფინანსო ცენტრად, საფინანსო ჰაბად. ამ კუთხით ვფიქრობ, რომ ეს საკანონმდებლო ინიციატივა, რომლებიც, ამ შემთხვევაში, უმრავლესობის დეპუტატებს ჰქონდათ, სრულ თანხვედრაშია იმ მიზანთან, რასაც ჩვენ ვაცხადებთ, რომ ქვეყანაში მეტი კაპიტალი და მეტი ინვესტიციები შემოვიდეს და ეს ყველაფერი ეხმარებოდეს ქვეყნის ეკონომიკურ ზრდა-განვითარებას“, - აღნიშნა ლევან დავითაშვილმა.მისი თქმით, დღეს მსოფლიოში კაპიტალის მოძრაობა იძლევა იმის შესაძლებლობას, რომ საქართველოს მსგავსმა ქვეყნებმა ახალი ინვესტიციების მოზიდვა შეძლონ. ლევან დავითაშვილმა ასევე დააანონსა ახალი საგადასახადო შეღავათების შემოღების შესაძლებლობა.„ვფიქრობთ, რომ მთავრობის გუნდში ახალი საგადასახადო შეღავათების ინიციატივები გვექნება. რა თქმა უნდა, ამაზე ეკონომიკური გუნდი იმსჯელებს, რაც მერე შეიძლება გადაიზარდოს საკანონმდებლო ინიციატივებში, რომლებიც ეხება მოსახლეობის სხვადასხვა ჯგუფს და ფართო მასებს“, - აღნიშნა მინისტრმა.მისი თქმით, აქტივების გადმოტანის საკანონმდებლო ინიციატივების ლოგიკა და მოტივაცია საქართველოს ინტერესებშია.

1713791011

საქართველოს ეროვნულმა ბანკმა ვალუტის ახალი კურსი დაადგინა. 22 აპრილის ვაჭრობის შედეგად აშშ დოლარი გამყარდა და 2.6729 ლარი გახდა. კურსი, რომელიც დღეს მოქმედებდა, 2.6711 ლარი იყო.გამყარდა ევრო, რომლის კურსი 2.8469 ლარია. დღეს მოქმედი კურსი 2.8453 ლარს შეადგენს.თურქული ლირა გამყარდა, რომლის ღირებულებაც 0.0821 ლარია.დღევანდელი ვაჭრობის შედეგად მიღებული კურსი 23 აპრილს შევა ძალაში.

1713790175

მესტიაში ახალი საავიაციო ინფრასტრუქტურის განვითარება იწყება - პირველი ვიცე-პრემიერის, ეკონომიკისა და მდგრადი განვითარების მინისტრის განცხადებით, მესტიის აეროპორტს სრულიად განახლებული სამგზავრო ტერმინალი ექნება. ლევან დავითაშვილმა პროექტის შესახებ მთავრობის ადმინისტრაციაში გამართულ ბრიფინგზე ისაუბრა.ეკონომიკის მინისტრის ინფორმაციით, „საქართველოს აეროპორტების გაერთიანებამ“ მესტიის აეროპორტის ახალი ტერმინალის პროექტირებაზე ჩაატარა კონკურსი, სადაც საკმაოდ დიდი იყო დაინტერესება - კონკურსში 18 ქართული არქიტექტურული კომპანია მონაწილეობდა. გამარჯვებული გახდა კომპანია „Green Studio“, რომელმაც ტერმინალის საუკეთესო პროექტი წარადგინა.„ვფიქრობ, მესტიისთვის ეს იქნება კიდევ ერთი, ახალი მიზიდულობის ცენტრი, ეს იქნება ვიზუალურადაც გამორჩეული, ასევე შინაარსით და ფუნქციურად საკმაოდ კარგი, ახალი საავიაციო ტერმინალი, რომელიც საშუალებას მოგვცემს, რომ კიდევ უფრო კარგად ვემსახუროთ მგზავრებს“, - აღნიშნა ლევან დავითაშვილმა.ამასთან, როგორც პირველმა ვიცე-პრემიერმა ხაზი გაუსვა, ტურიზმის ზრდის გათვალისწინებით სვანეთში არსებული საავიაციო ინფრასტრუქტურა დღესდღეობით საკმარისი აღარ არის - მესტია და, ზოგადად, სვანეთი ერთ-ერთი მნიშვნელოვანი ტურისტული რეგიონია, ამ მიმართულებით ტურისტების დაინტერესება საკმაოდ დიდია, რის გამოც მიღებულ იქნა ახალი სამგზავრო ტერმინალის აშენების გადაწყვეტილება. „მიმდინარე წლის პირველი კვარტალის შედეგები ტურისტთა რაოდენობის კუთხით საკმაოდ შთამბეჭდავია - ჩვენ გადავაჭარბეთ არათუ გასული წლის, არამედ 2019 წლის მონაცემებსაც და მილიონზე მეტი ტურისტი გვყავდა, 1,300 000 ვიზიტორი. ასე რომ, ვფიქრობ, რომ პროგნოზები, რომელიც ტურიზმის სექტორში პოზიტიური დინამიკის შენარჩუნების კუთხით 2024 წლისთვის გვქონდა, აბსოლუტურად გამართლდება“, - განაცხადა ეკონომიკის მინისტრმა.გამარჯვებული პროექტის თანახმად, ახალი ტერმინალი მგზავრთა მაქსიმალური რაოდენობის გამტარუნარიანობაზე გათვლილი, თანამედროვე სტილის, ერთსართულიანი შენობა იქნება. გაფრენისა და მოფრენის დარბაზებში გათვალისწინებულია სხვადასხვა სერვისები, კვებისა და სავაჭრო სივრცეები. ტერმინალის მშენებლობა წელს დაიწყება და 2025 წელს დასრულდება.

1713769662

„განსაკუთრებით წარმატებულად დაიწყო მიმდინარე წელი ტურიზმის ინდუსტრიისთვის - სასიხარულოა, რომ პირველი სამი თვის განმავლობაში, ჩვენ ქვეყანას ესტუმრა მილიონ 300 ათასზე მეტი საერთაშორისო მოგზაური. აღსანიშნავია, რომ აქედან მილიონი იყო უშუალოდ ტურისტი, რაც მნიშვნელოვანი შედეგია ჩვენი ქვეყნისთვის, რადგან ის 11%-ით აღემატება გასული წლის ანალოგიური პერიოდის მაჩვენებელს. ასევე, აღსანიშნავია, რომ რეკორდულია ევროკავშირის ქვეყნებიდან შემოსული საერთაშორისო ვიზიტორების რაოდენობა“, - ამის შესახებ ეკონომიკის მინისტრის მოადგილემ, მარიამ ქვრივიშვილმა განაცხადა.მისი თქმით, აღნიშნული მონაცემებით სრულად აღდგა კოვიდპანდემიამდელი მდგომარეობა, მეტიც - 2019 წლის ანალოგიურ პერიოდთან შედარებით ზრდა 7%-მდეა.„ტურიზმის ინდუსტრიაში კვლავ ნარჩუნდება ძალიან მნიშვნელოვანი დინამიკა, რაც გულისხმობს დივერსიფიკაციას - ჩვენთვის სასიხარულოა, რომ იზრდება ტურისტული ნაკადები ევროპის ქვეყნებიდან, განსაკუთრებით აღსანიშნავია გერმანია, პოლონეთი და სხვა ქვეყნები, ისევე, როგორც მზარდია ტურისტული ნაკადები ყურის ქვეყნებიდან. ჩვენ ვაგრძელებთ დივერსიფიკაციის პოლიტიკას, ჩვენი ქვეყნის პოპულარიზაციას საერთაშორისო არეალზე იმისთვის, რომ მიმდინარე წელს ვიხილოთ კიდევ უფრო მეტი საერთაშორისო მოგზაური ჩვენ ქვეყანაში, მივიღოთ კიდევ უფრო მეტი შემოსავალი ტურიზმის ინდუსტრიიდან და ამ სექტორში ჩართულმა მეწარმეებმა შექმნან მეტი ახალი სამუშაო ადგილები“, - განაცხადა მარიამ ქვრივიშვილმა.სტატისტიკური მონაცემებით, 2024 წლის 3 თვეში საქართველოში 1 მილიონამდე ტურისტული ვიზიტი შედგა, რაც 2019 წლის მონაცემებს 6.4%-ით აჭარბებს, 2023 წელთან შედარებით ზრდა 11%-ია. საერთაშორისო მოგზაურების ვიზიტებმა 1.3 მილიონიან ნიშნულს მიაღწია, რაც პანდემიამდე პერიოდის 80.4%-ით აღდგენაა, ხოლო 2023 წელთან შედარებით ზრდა 7.6%-ია. აღსანიშნავია ევროკავშირიდან ვიზიტორების ზრდის რეკორდული მაჩვენებლები - იანვარი-მარტის პერიოდში, ევროკავშირის ქვეყნებიდან და დიდი ბრიტანეთიდან საქართველოში განხორციელებული ვიზიტის ოდენობა, 2019 წლის მონაცემებთან შედარებით 44.4%-ით მეტია.2024 წლის პირველ კვარტალში, საქართველოში ყველაზე მეტი ვიზიტი პოლონეთიდან დაფიქსირდა, რაც 2019 წლის მონაცემებს 67.1%-ით აჭარბებს, შემდეგ მოდის გერმანია (2019 წელთან შედარებით ზრდა 46.1%); გაერთიანებული სამეფო (ზრდა 2019 წელთან 27%.) და ა.შ. გაზრდილია მაღალმხარჯველი ტურისტული ბაზრებიდან ვიზიტების ოდენობაც: ყურის ქვეყნებიდან საქართველოში 27.9%-ით მეტი ვიზიტი განხორციელდა 2019 წლის ანალოგიურ პერიოდთან შედარებით, ხოლო 2023 წლის მონაცემებთან შედარებით ზრდა 21.6% -ია. 2019 წლის მონაცემებთან შედარებით გაზრდილია საუდის არაბეთიდან ვიზიტორთა რაოდენობა 33.5%-ით, ხოლო ქუვეითიდან ვიზიტები - 66.3%-ით.