1756472966

საქართველოს ეროვნულმა ბანკმა ვალუტის ახალი კურსი დაადგინა. 29 აგვისტოს ვაჭრობის შედეგად, აშშ დოლარი გაუფასურდა და 2.6946 ლარი გახდა. კურსი, რომელიც დღეს მოქმედებდა 2.6968 ლარი იყო.გამყარდა ევრო, რომლის კურსი 3.1438 ლარი გახდა. დღეს მოქმედი კურსი 3.1237 ლარს შეადგენს.თურქული ლირა გაუფასურდა, რომლის ღირებულება 0.0655 ლარს შეადგენს.დღევანდელი ვაჭრობის შედეგად მიღებული კურსი 30 აგვისტოს შევა ძალაში.

1756471295

„2025 წლის ივლისში საქართველოს ეკონომიკურმა ზრდამ 6,5 პროცენტი შეადგინა, ხოლო იანვარი - ივლისის საშუალო ეკონომიკური ზრდა 8 პროცენტით განისაზღვრა. საქართველოს ეკონომიკაში დაფიქსირებული პოზიტიური ტენდენციები კიდევ ერთხელ ადასტურებს, რომ საქართველოს ეკონომიკა გეოპოლიტიკური თუ საგარეო შოკების მიუხედავად, განაგრძობს მაღალი ეკონომიკური ზრდის ტემპებით განვითარებას, რაც კიდევ ერთხელ ხაზს უსვამს საქართველოს მთავრობის გონივრულ ეკონომიკურ პოლიტიკას და ქვეყნის ეკონომიკის მედეგობას,“ - განაცხადა ეკონომიკისა და მდგრადი განვითარების მინისტრის მოადგილე ვახტანგ ცინცაძემ.აღსანიშნავია, რომ ივლისის ეკონომიკურ ზრდაში მნიშვნელოვანი პოზიტიური წვლილი შეიტანა ტრანსპორტისა და დასაწყობების; ინფორმაციისა და კომუნიკაციის; ხელოვნება, გართობა, დასვენებისა და ვაჭრობის სექტორებმა. მინისტრის მოადგილის თქმით, ასევე ეკონომიკური ზრდის ხელშემწყობია საქონლის ექსპორტისა და ტურიზმიდან მიღებული შემოსავლების მიმართულებით დაფიქსირებული პოზიტიური ტენდენციები.„ჩვენი მოლოდინით, მაღალი ეკონომიკური ზრდის ტენდენციები მომდევნო წლებში გაგრძელდება. საერთაშორისო სავალუტო ფონდის პროგნოზით, 2025 – 2030 წლებში საქართველოს ექნება ყველაზე მაღალი ეკონომიკური ზრდა როგორც რეგიონის, ასევე ევროპის, მათ შორის ევროკავშირის კანდიდატ ქვეყნებს შორის, რომელიც საშუალოდ 5,4 პროცენტს შეადგენს,“ - აღნიშნა ვახტანგ ცინცაძემ.

1756457619

ეკონომისტი სოსო არჩვაძე, 2025 წლის ივლისის ეკონომიკურ მაჩვენებლებს აფასებს და აღნიშნავს, რომ ქვეყანამ კვლავ შეინარჩუნა მდგრადი და სტაბილური განვითარების ვექტორი, რაც 6.5%-იან ეკონომიკურ ზრდაში აისახა. იანვარ-ივლისის მონაცემებით, ზრდა 8%-ს მიაღწია, რაც რეგიონისა და გლობალურ ტენდენციებს მნიშვნელოვნად – დაახლოებით 1.7-ჯერ აღემატება.მისივე თქმით, აღნიშნული პოზიტიური ფაქტორების რიგშია აგრეთვე ისიც, რომ კარგად ფუნქციონირებადი მთავრობის ინდექსით საქართველო მსოფლიოში მოწინავეთა შორისაა (38-ე ადგილი) და უსწრებს არა მარტო თავის სახმელეთო მეზობლებს, არამედ ევროკავშირისა და ნატოს 10 სახელმწიფოს.„2025 წლის ივლისში საქართველოს ეკონომიკა ინარჩუნებდა მდგრადი და სტაბილური განვითარების ვექტორს, რითაც უზრუნველყოფილი იქნა მისი ზრდა 6.5 პროცენტით (იანვარ-ივლისში - 8.0 პროცენტით), რომელიც საგრძნობლად (- დაახლოებით 1.7-ჯერ!) აღემატება როგორც რეგიონის, ისე გლობალური მასშტაბით ზრდის შესაბამის ტემპებს. ზრდა უზრუნველყო ეროვნული მეურნეობის დარგებმა, სადაც იქმნება სამამულო პროდუქტის დაახლოებით 85 პროცენტი.2025 წლის საქართველოს ეკონომიკა თავისი მასშტაბით პანდემიამდელ, 2019 წლის დონეს რეალურ განზომილებაში 40.7 პროცენტით აღემატება, რაც გლობალური ეკონომიკის ზრდის ანალოგიურ მაჩვენებელს (+16.3%) 2.5-ჯერ უსწრებს. ბოლო 6 წლის მანძილზე საქართველოს ეკონომიკის მატების საშუალო წლიური მატების ტემპი გლობალური ეკონომიკის ანალოგიურ მაჩვენებელს 2.3-ჯერ აღემატებოდა.ინფლაციამ, 2025 წლის ივლისში, წინა წლის ივლისთან, 4.3 პროცენტი შეადგინა, ამასთან, წინა თვესთან შედარებით ივლისში ფასების საერთო დონე საქართველოში შემცირდა 0.2 პროცენტით, რის გამოც წინა თვესთან შედარებით ივლისი, ისევე როგორც ივნისი, დეფლაციური აღმოჩნდა. შედარებისათვის: 2025 წლის ივლისში, ივნისთან შედარებით, სამომხმარებლო ფასებმა აშშ-ში მოიმატა 0.2 პროცენტით, ხოლო ევროკავშირში - 0.3 პროცენტით. აღსანიშნავია, რომ ლარის გამყარების გამო (2025 წ. ივლისში 2024 წ. ივლისთან - 0.7%-ით), იმპორტული სამომხმარებლო საქონლის მიხედვით ივლისი, ისევე როგორც წინა სამი თვე, დეფლაციური იყო. - ფასების ზრდა ძირითადად განპირობებული იყო ადგილობრივი წარმოშობის ცალკეული სახეობების საქონლისა და მომსახურების გაძვირებით.305 დასახელების საქონელ-წარმომადგენელიდან, რომელთა მიხედვითაც ხდება ინფლაციის გაანგარიშება, 2025 წლის ივლისში წინა წლის შესაბამის პერიოდთან შედარებით ფასები შემცირდა 110-ზე, უცვლელი დარჩა 15, ხოლო გაიზარდა 180 დასახელების საქონელზე.ივლისში ყოველდღიურად ახლად რეგისტრირებულ საწარმოთა რაოდენობამ 199 ერთეული, ხოლო დღგ-ის გადამხდელ საწარმოთა ბრუნვამ - 16.1 მლრდ. ლარი (+9.2%) შეადგინა.2025 წლის ივლისში საქართველოს საგარეო სავაჭრო ბრუნვამ თითქმის 2.1 მლრდ. აშშ დოლარი შეადგინა, რაც ფაქტობრივად შეესაბამება 2004 წლის მთელი წლის შესაბამის მაჩვენებელს. ბოლო ორი ათწლეულის მანძილზე საქართველოს ექსპორტის მატების ტემპი დაახლოებით 1.2-ჯერ უსწრებდა ეკონომიკის ზრდის ტემპს, რაც ცალსახად ადასტურებს საქართველოს წარმატებულ, მზარდ პოზიციონირებას შრომის საერთაშორისო დანაწილებასა და საერთაშორისო ვაჭრობაში.ექსპორტის მთლიან მოცულობაში რეექსპორტის წილმა 2025 წლის ივლისში 55.9 პროცენტი შეადგინა. რეექსპორტის აბსოლუტური მოცულობა მხოლოდ ბოლო 4 წელიწადში 3.2-ჯერ გაიზარდა, რაც ადასტურებს საქართველოს სატრანსპორტო-საკომუნიკაციო სუბრეგიონული ჰაბის როლისა და მნიშვნელობის ზრდას.ეკონომიკის ზრდაში აქტიურ როლს ასრულებს ტურისტული სექტორიც, სადაც შემოსავლები რეკორდულად გაიზარდა. ამასთან, პანდემიამდელ დონეს აღნიშნულმა მაჩვენებელმა 36 პროცენტით გადააჭარბა, რაც ანალოგიური გლობალურ მაჩვენებელს (+8.6%) 4.2-ჯერ უსწრებს. ამასთან, თუ 2024 წელს ხარჯების მიხედვით შემოსული ტურისტების მიერ საქართველოში გაწეული ხარჯების მოცულობა საქართველოს მოქალაქეთა უცხოეთში გაწეულ ხარჯებს 5.8-ჯერ აღემატებოდა, მიმდინარე წელს აღნიშნული სხვაობა უკვე თითქმის 6.2-ჯერადი გახდა.პოზიტიური ტენდენციები ეკონომიკაში ადეკვატურად აისახება სახელმწიფო ბიუჯეტის შემოსავლებშიც. – 2025 წლის ივლისში, პირველად დამოუკიდებელი საქართველოს ისტორიაში, ერთი თვის საბიუჯეტო შემოსავლებმაც და ხარჯებმაც გადააჭარბეს 2-მილიარდიან ზღვარს.2025 წლის ივლისში უცხოეთიდან საქართველოში განხორციელებულმა ტრანზაქციებმა 337.0მლნ. აშშ დოლარი (+13.0%), ხოლო წმინდა ტრანზაქციებმა - 299.7 მლნ. აშშ დოლარი (+13.2%) შეადგინა. ტრანზაქციების ასეთი მოცულობა საუკეთესოა ბოლო 25 თვის მიხედვით (2023 წლის ივნისის შემდეგ). აღნიშნული ზრდა მთლიანად რუსეთის გარდა დანარჩენი მსოფლიოდან ტრანზაქციების საგრძნობი, ორნიშნა ზრდის (+15.5%) დამსახურებაა. რუსეთის ფედერაციიდან ფულადი ტრანზაქციები განაგრძობდნენ, როგორც შეფარდებით, ისე აბსოლუტურ კლებას. 2025 წლის ივლისში მათი წილი საქართველოში შემოსულ ფულად ტრანზაქციებში შეადგენდა მხოლოდ 13.4 პროცენტს, ხოლო წმინდა ტრანზაქციებში - 13.8 პროცენტს, რაც წინა წლის შესაბამის პერიოდთან შედარებით შემცირებული იყო 1.9 პუნქტით და 2.0 პუნქტით. ამასთან, აღსანიშნავია, რომ მიმდინარე წლის განვლილ პერიოდში აბსოლუტური მოცულობით რუსეთიდან შემცირებულ ტრანზაქციებს თითქმის ორჯერ აღემატებოდა დანარჩენი მსოფლიოდან განხორციელებული ტრანზაქციების ნამატი.პოზიტიური ტენდენციების ფარვატერში ეწერება ეროვნული ვალუტის კურსის სტაბილურობა და საქართველოს ეროვნული ბანკის სავალუტო რეზერვების სწრაფი ზრდა, რომელმაც 2025 წლის ივლისში გადააჭარბა 5.0 მლრდ. აშშ დოლარს და ყველა ფაქტორით დასტურდება, რომ მიმდინარე წელი რეზერვების შევსების მხრივ რეკორდული იქნება. ვალუტის სტაბილურობა და ეროვნული ბანკის საერთაშორისო რეზერვების სწრაფი შევსება არა მარტო უზრუნველყოფს ქვეყნის საერთაშორისო ვალდებულებების უპრობლემოდ მომსახურებას, არამედ საფუძველს აძლევს ავტორიტეტულ საერთაშორისო რეიტინგულ კომპანიებს ქვეყნის საკრედიტო რეიტინგს პოზიტიური შეფასებები მისცეს. ამავე კონტექსტში შესაფასებელია სახელმწიფო ვალის შემცირებაც, რომელიც არ აღემატება მშპ-ის 36%-ს. ყოველივე ამან საშუალება მისცა საერთაშორისო სავალუტო ფონდს თავისივე წინანდელი პროგნოზი საქართველოს ეკონომიკის 2025 წლის ზრდაზეგაეუმჯობესებინა 1.2-ჯერ - 7.2% პროცენტამდე, რაც გლობალური ეკონომიკის ანალოგიურ მაჩვენებელს 2.3-ჯერ აღემატება.აღნიშნული პოზიტიური ფაქტორების რიგშია აგრეთვე ისიც, რომ კარგად ფუნქციონირებადი მთავრობის ინდექსით საქართველო მსოფლიოში მოწინავეთა შორისაა (38-ე ადგილი) და უსწრებს არა მარტო თავის სახმელეთო მეზობლებს, არამედ ევროკავშირისა და ნატოს 10 სახელმწიფოს.საქართველოს ეკონომიკა, მასში დაგროვილი პოზიტიური კუმულატიური მუხტისა და განვითარების პოტენციალის გათვალისწინებით, აბსოლუტურად რეალისტურს ხდის ასეთივე პოზიტიური ტრენდის შენარჩუნებას მომავალშიც, საშუალოვადიან პერიოდში. კერძოდ, ავტორიტეტული საერთაშორისო ორგანიზაციების ყველაზე კონსერვატორული პროგნოზითაც კი 2030 წლამდე საშუალო წლიური მატების ტემპი საქართველოს ეკონომიკას დაახლოებით 1.8-ჯერ უფრო მაღალი ექნება გლობალურ ეკონომიკასთან შედარებით (5.0% vs. 2.8%). აღნიშნული გარემოება ქმნის ობიექტურ საფუძველს არა მარტო საქართველოს მოსახლეობის კეთილდღეობის არსებითი ზრდის უზრუნველსაყოფად, არამედ ჩვენი ქვეყნის გლობალურ ეკონომიკაში უფრო წონად და ანგარიშგასაწევ სუბიექტად წარმოსაჩენად,“ - წერს არჩვაძე.

1756299910

საქართველოს ეროვნულმა ბანკმა ვალუტის ახალი კურსი დაადგინა. 27 აგვისტოს ვაჭრობის შედეგად, აშშ დოლარი გაუფასურდა და 2.6968 ლარი გახდა. კურსი, რომელიც დღეს მოქმედებდა 2.6974 ლარი იყო.გაუფასურდა ევრო, რომლის კურსი 3.1237 ლარი გახდა. დღეს მოქმედი კურსი 3.1398 ლარს შეადგენს.თურქული ლირა უცვლელია, რომლის ღირებულება 0.0657 ლარს შეადგენს.დღევანდელი ვაჭრობის შედეგად მიღებული კურსი 28 აგვისტოს შევა ძალაში.

1756214744

წლევანდელი წელი საუკეთესოა საერთაშორისო რეზერვების შესყიდვის თვალსაზრისით, - ამის შესახებ ეროვნული ბანკის პრეზიდენტმა ნათია თურნავამ საერთაშორისო სავალუტო რეზერვების რეკორდულ ზრდასთან დაკავშირებით განაცხადა.ივლისში სებმა Bmatch პლატფორმაზე განხორციელებული ინტერვენციების შედეგად, სავალუტო რეზერვები 416.9 მილიონი დოლარით შეავსო და ქვეყნის საერთაშორისო რეზერვების მოცულობა ივლისის მდგომარეობით 5.0 მლრდ დოლარს აჭარბებს.ნათია თურნავას თქმით, რეზერვების აქტიური შესყიდვა აგვისტოშიც გრძელდება და უკვე შეიძლება ითქვას, რომ სავალუტო რეზერვების შესყიდვის თვალსაზრისით ეს წელი რეკორდული იქნება.„აქ ძირითად როლს ასრულებს მზარდი ეკონომიკა და პირველ რიგში, ის საექსპორტო დარგები, რომლებიც საქართველოში უცხოური ვალუტის ძირითადი შემომტანები არიან. ეს არის ტურიზმი და სხვა მომსახურებისა და სასაქონლო ექსპორტი. რა თქმა უნდა, ხაზი უნდა გაესვას ზოგადად სტაბილურ ვითარებას, რაც ძალიან მიმზიდველია ამ თვალსაზრისით, სიმშვიდე სავალუტო ბაზარზე და იმ ბიზნესსუბიექტებთან ვინც უცხოური ვალუტის ყიდვა-გაყიდვით არის დაკავებული. ამ კუთხით, კეთილსაიმედო პროგნოზი გვაქვს“, - აღნიშნა ნათია თურნავამ.2025 წლის სების მიერ განხორციელებული სავალუტო ინტერვენციები ასე გამოიყურება: იანვარ-თებერვალი - Bmatch-ით წმინდა შესყიდვა არ განხორციელებულა მარტი - Bmatch-ით წმინდა შესყიდვა 101.7 მილიონი აშშ დოლარი აპრილი - Bmatch-ით წმინდა შესყიდვა 266.4 მილიონი აშშ დოლარი მაისი - Bmatch-ით წმინდა შესყიდვა 245.4 მილიონი აშშ დოლარი ივნისი - Bmatch-ით წმინდა შესყიდვა 266.0 მილიონი აშშ დოლარი ივლისი - Bmatch-ით წმინდა შესყიდვა 416.9 მილიონი აშშ დოლარი საქართველოს ეროვნული ბანკი სავალუტო ბაზარზე განხორციელებული ოპერაციების შესახებ განახლებულ მონაცემებს 2025 წლის 25 სექტემბერს გამოაქვეყნებს.

1756214173

საქართველოს ეროვნულმა ბანკმა ვალუტის ახალი კურსი დაადგინა. 26 აგვისტოს ვაჭრობის შედეგად, აშშ დოლარი გაუფასურდა და 2.6974 ლარი გახდა. კურსი, რომელიც დღეს მოქმედებდა 2.6984 ლარი იყო.გაუფასურდა ევრო, რომლის კურსი 3.1398 ლარი გახდა. დღეს მოქმედი კურსი 3.1536 ლარს შეადგენს.თურქული ლირა გაუფასურდა, რომლის ღირებულება 0.0657 ლარს შეადგენს.დღევანდელი ვაჭრობის შედეგად მიღებული კურსი 27 აგვისტოს შევა ძალაში.

1756128035

დღეს გამოქვეყნდა ივლისის თვის დაზუსტებული მონაცემები. ივლისში სებმა ინტერვენციების შედეგად, საერთაშორისო სავალუტო რეზერვები 416. 9 მლნ აშშ დოლარით შეავსო, ხოლო წლის დასაწყისიდან სავალუტო რეზერვები ანუ მისი ნეტო მაჩვენებელი სარეკორდოდ 1.3 მლრდ აშშ დოლარით არის გაზრდილი და მეტია 2023 წლის პირველ ექვს თვეში რეკორდული რაოდენობის, $1.08 მილიარდი შესყიდვასთან შედარებით, - ამის შესახებ ეკონომიკის ექსპერტი გიორგი ცუცქირიძე სოციალურ ქსელში წერს. მისი თქმით, ოპოზიციის მიერ მხარდაჭერილი რყევების შედეგად რეზერვები შემცირებული იყო $4.08 მილიარდამდე, ამის ფონზე კი, ზრდა მართლაც რომ თვალსაჩინოა. გიორგი ცუცქირიძე ასევე ყურადღებას ამახვილებს სამომავლო პროგნოზზე და აცხადებს, რომ „სექტემბერ-ოქტომბერში საერთაშორისო ტურიზმის პიკს და მთლიანად მომსახურების ექსპორტის მზარდ დინამიკას, უკვე ოქტომბრისათვის სავალუტო რეზერვები თავისუფლად გადააჭარბებს 5.3 მლრდ აშშ დოლარს, რაც დღემდე მაქსიმუმად ითვლება და ახალ ისტორიულ მაქსიმუმზე ავა“.„დღეს გამოქვეყნდა ივლისის თვის დაზუსტებული მონაცემები. ივლისში სებმა ინტერვენციების შედეგად, საერთაშორისო სავალუტო რეზერვები 416. 9 მლნ აშშ დოლარით შეავსო, ხოლო წლის დასაწყისიდან სავალუტო რეზერვები ანუ მისი ნეტო მაჩვენებელი სარეკორდოდ 1.3 მლრდ აშშ დოლარით არის გაზრდილი და მეტია 2023 წლის პირველ ექვს თვეში რეკორდული რაოდენობის, $1.08 მილიარდი შესყიდვასთან შედარებით. რეზერვების მთლიანმა მოცულობამ უკვე გადააჭარბა 5 მლრდ აშშ დოლარს. ეს მონაცემები იმითაც არის აღსანიშნავი, რომ გასული წლის ოქტომბრის ბოლოს სავალუტო რეზერვები $630 მილიონით შემცირდა, რაც დიდწილად ოქტომბერში წინასაარჩევნოდ და არჩევნების შედეგების არაღიარების მოტივით ოპოზიციის და არასამთავრობოების მიერ დაწყებული საპროტესტო გამოსვლების შედეგი იყო, და ბაზარზე სავალუტო აჟიოტაჟის ჩასაცხრობად იყო გამოყენებული. თუ მხედველობაში მივიღებთ, რომ სწორედ ოპოზიციის მიერ მხარდაჭერილი პოლიტიკური რყევების შედეგად 2024 წლის ნოემბრის დასაწყისში რეზერვები $4.08 მილიარდამდე იყო შემცირებული, ზრდა მართლა თვალსაჩინოა და უკვე გადააჭარბა 2023 წლის ნოემბრის მაჩვენებელს, როდესაც რეზერვების დონე $5.11 მილიარდი იყო. რაც შეეხება სამომავლო პროგნოზებს, სექტემბერ-ოქტომბერში საერთაშორისო ტურიზმის პიკს და მთლიანად მომსახურების ექსპორტის მზარდ დინამიკას, უკვე ოქტომბრისათვის სავალუტო რეზერვები თავისუფლად გადააჭარბებს 5.3 მლრდ აშშ დოლარს, რაც დღემდე მაქსიმუმად ითვლება და ახალ ისტორიულ მაქსიმუმზე ავა. ობიექტურობისთვის უნდა აღინიშნოს, რომ ეროვნული ბანკის და პირადად მისი პრეზიდენტის ქალბატონ ნათია თურნავას დიდი დამსახურებაა, რომ რეზერვების წმინდა ნამატთან ერთად, უპრობლემოდ ხდება ქვეყნის საერთაშორისო ვალდებულებების მომსახურება, რეზერვების ზრდასთან ერთად. ამის დადასტურებაა საერთაშორისო სავალუტო ფონდის და წამყვანი საერთაშორისო სარეიტინგო სააგენტო „სტანდარდ ენდ ფურსის“ (S&P Global) მიერ ეკონომიკის მდგრადობის და ქვეყნის სუვერენული რეიტინგის პოზიტიური შეფასებები. სამწუხაროდ, საერთაშორისო სავალუტო რეზერვების ზრდის მაღალი დინამიკა აჩვენებს თუ რამდენად ტენდენციური და რეალობასთან მკვეთრად აცდენილია ცალკეულ, ოპოზიციურად განწყობილ ექსპერტთა შეფასებები. ამ წლის დასაწყისში, არა თუ ასეთ ზრდას 3 მილიარდ აშშ დოლარამდე შემცირებას, რომ პროგნოზირებდენ!“, - წერს გიორგი ცუცქირიძე.

1756127044

საქართველოს ეროვნულმა ბანკმა ვალუტის ახალი კურსი დაადგინა. 25 აგვისტოს ვაჭრობის შედეგად, აშშ დოლარი გაუფასურდა და 2.6984 ლარი გახდა. კურსი, რომელიც დღეს მოქმედებდა 2.7051 ლარი იყო.გამყარდა ევრო, რომლის კურსი 3.1536 ლარი გახდა. დღეს მოქმედი კურსი 3.1366 ლარს შეადგენს.თურქული ლირა გაუფასურდა, რომლის ღირებულება 0.0658 ლარს შეადგენს.დღევანდელი ვაჭრობის შედეგად მიღებული კურსი 26 აგვისტოს შევა ძალაში.

1756118372

სავალუტო ბაზარზე არსებული ვითარების შესაბამისად, საქართველოს ეროვნული ბანკი აგრძელებს საერთაშორისო რეზერვების შევსებას.ივლისში, სებმა, Bmatch პლატფორმაზე განხორციელებული ინტერვენციების შედეგად, სავალუტო რეზერვები 416.9 მილიონი დოლარით შეავსო და ქვეყნის საერთაშორისო რეზერვების მოცულობა ივლისის მდგომარეობით 5.0 მლრდ დოლარს აჭარბებს.„საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტია. შესაბამისად, სები ყოველთვის კონცენტრირებულია რეზერვების შევსებაზე, რასაც ადასტურებს ბანკის გაცხადებული პოლიტიკა. როდესაც ბაზარი ამის შესაძლებლობას იძლევა ეროვნული ბანკი ქვეყნის საერთაშორისო რეზერვებს ზრდის.ამასთან, 2025 წლის სების მიერ განხორციელებული სავალუტო ინტერვენციები ასე გამოიყურება: იანვარ-თებერვალი - Bmatch-ით წმინდა შესყიდვა არ განხორციელებულა მარტი - Bmatch-ით წმინდა შესყიდვა 101.7 მილიონი აშშ დოლარი აპრილი - Bmatch-ით წმინდა შესყიდვა 266.4 მილიონი აშშ დოლარი მაისი - Bmatch-ით წმინდა შესყიდვა 245.4 მილიონი აშშ დოლარი ივნისი - Bmatch-ით წმინდა შესყიდვა 266.0 მილიონი აშშ დოლარი ივლისი - Bmatch-ით წმინდა შესყიდვა 416.9 მილიონი აშშ დოლარი საქართველოს ეროვნული ბანკი სავალუტო ბაზარზე განხორციელებული ოპერაციების შესახებ განახლებულ მონაცემებს 2025 წლის 25 სექტემბერს გამოაქვეყნებს“, - ნათქვამია სების მიერ გავრცელებულ ინფორმაციაში. 

1755878373

„საქართველოს პრემიერ-მინისტრის გადაწყვეტილების შესაბამისად, 2025 წლის ოქტომბრიდან ეკონომიკისა და მდგრადი განვითარების სამინისტროში კურსდამთავრებულების 3-თვიანი ანაზღაურებადი სტაჟირების სამთავრობო პროგრამა დაიწყება“, - აღნიშნულია სამინისტროს მიერ გავრცელებულ ინფორმაციაში.მათივე განცხადებით, სამინისტროში სტაჟირების მსურველებმა განაცხადი www.hr.gov.ge -ის მეშვეობით პირველი სექტემბრიდან 10 სექტემბრის ჩათვლით უნდა წარმოადგინონ.პროგრამის პირობების თანახმად, ეკონომიკის სამინისტროს ცენტრალურ აპარატსა და მის სისტემაში შემავალ ორგანიზაციებში ანაზღაურებადი სტაჟირების გავლას შეძლებენ საქართველოს ქმედობაუნარიანი მოქალაქეები, რომლებმაც იციან სახელმწიფო ენა და სწავლობენ უმაღლესი განათლების პირველ საფეხურზე (დამამთავრებელი სასწავლო წლის შემთხვევაში) ან მეორე საფეხურზე, ან დასრულებული აქვთ უმაღლესი განათლების პირველი ან მე-2 საფეხური 2024-2025 სასწავლო წლის გაზაფხულის სემესტრში.სტაჟიორთა შერჩევის კრიტერიუმად განსაზღვრულია სტაჟირების მსურველი პირის აკადემიური მოსწრების (GPA) მაჩვენებელი და ქულათა სისტემა. გასაუბრებისას უპირატესობა მიენიჭებათ უმაღლესი მოსწრების კანდიდატებს.პროგრამის ფარგლებში ეკონომიკისა და მდგრადი განვითარების სამინისტროს ცენტრალურ აპარატსა და მის სისტემაში შემავალ ორგანიზაციებში სტაჟირებას გაივლის საქართველოს 164 მოქალაქე შემდეგი მიმართულებით: სამართალი, ეკონომიკა, ბიზნესის ადმინისტრირება, მშენებლობა/ჰიდროტექნიკური მშენებლობა/სივრცითი დაგეგმარება /ურბანისტი/არქიტექტურა, გეოლოგია/კარტოგრაფია ფიზიკა, ქიმია, რადიოფიზიკა, ავტომატიზაცია და მართვის სისტემები, მშენებელ-ინჟინერი, ინჟინერი, ავტოინჟინერი, ელექტროინჟინერი, ენერგეტიკა, ფინანსები/აუდიტი, საერთაშორისო ურთიერთობები, საჯარო მმართველობა, ჟურნალისტიკა, საზოგადოებრივი ურთიერთობები, კავშირგაბმულობა/ინფორმაციისა და კომუნიკაციის ტექნოლოგიები, ტრანსპორტი/ლოგისტიკა, საზღვაო, ტურიზმი, პროგრამირება/IT მიმართულება და ა.შ.კონკურსი ორ ეტაპად წარიმართება, პროგრამაში სტაჟიორად ჩართვის შესახებ გადაწყვეტილებას მიიღებს უფლებამოსილი კომისია.ანაზღაურებადი სტაჟირების სამთავრობო პროგრამა ეკონომიკისა და მდგრადი განვითარების სამინისტროში 2024 წელსაც განხორციელდა.

1755867886

საქართველოს ეროვნულმა ბანკმა ვალუტის ახალი კურსი დაადგინა. 22 აგვისტოს ვაჭრობის შედეგად, აშშ დოლარი გაუფასურდა და 2.7051 ლარი გახდა. კურსი, რომელიც დღეს მოქმედებდა 2.7068 ლარი იყო.გაუფასურდა ევრო, რომლის კურსი 3.1366 ლარი გახდა. დღეს მოქმედი კურსი 3.1532 ლარს შეადგენს.თურქული ლირა გაუფასურდა, რომლის ღირებულება 0.0660 ლარს შეადგენს.დღევანდელი ვაჭრობის შედეგად მიღებული კურსი 23 აგვისტოს შევა ძალაში.

1755781447

საქართველოს ეროვნულმა ბანკმა ვალუტის ახალი კურსი დაადგინა. 21 აგვისტოს ვაჭრობის შედეგად, აშშ დოლარი გამყარდა და 2.7068 ლარი გახდა. კურსი, რომელიც დღეს მოქმედებდა 2.7000 ლარი იყო.გამყარდა ევრო, რომლის კურსი 3.1532 ლარი გახდა. დღეს მოქმედი კურსი 3.1450 ლარს შეადგენს.თურქული ლირა გამყარდა, რომლის ღირებულება 0.0661 ლარს შეადგენს.დღევანდელი ვაჭრობის შედეგად მიღებული კურსი 22 აგვისტოს შევა ძალაში.