მთავარი

ძიება

ვიდეო

ქვიზები

კონტაქტი

უცხოეთი

დაკავება
1711650374
„კროკუსში“ მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულებები გვაქვს - რუსეთის საგამოძიებო კომიტეტი

რუსეთის საგამოძიებო კომიტეტში აცხადებენ, რომ მოსკოვის მახლობლად საკონცერტო დარბაზ „კროკუს სითი ჰოლში“ მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება იპოვეს. ამის შესახებ TASS საგამოძიებო კომიტეტის პრესსამსახურზე დაყრდნობით წერს. „დაკავებულ ტერორისტებთან მუშაობის, მათთვის ჩამორთმეული ტექნიკური მოწყობილობების გამოკვლევისა და ფინანსური ტრანზაქციების შესახებ მოპოვებული ინფორმაციის ანალიზის საფუძველზე, გამოიკვეთა უკრაინელ ნაციონალისტებთან მათი კავშირის მტკიცებულება“, - ნათქვამია განცხადებაში. როგორც რუსეთის საგამოძიებო სამსახურში აღნიშნავენ, გამოძიების შედეგად დადასტურდა, რომ ტერაქტის მონაწილეებმა დიდი თანხები და კრიპტოვალუტები მიიღეს უკრაინიდან და ეს სახსრები დანაშაულის მომზადების პროცესში გამოიყენეს.შეგახსენებთ, 22 მარტს მოსკოვში, „კროკუს სითი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. ოფიციალური ინფორმაციით, თავდასხმის ფაქტთან დაკავშირებით 11 პირია დაკავებული. ტერაქტზე პასუხისმგებლობა „ისლამური სახელმწიფოს“ ერთ-ერთმა განშტოებამ აიღო.რუსეთის პრეზიდენტის ვლადიმერ პუტინის განცხადებით, თავდამსხმელებს უკრაინა უჭერდა მხარს.28 მარტის მონაცემებით, დაღუპულია 143 ადამიანი.

სამხედროები
1711641644
არჩევნებში პუტინს სამხედროების 99.8%-იანი მხარდაჭერა ჰქონდა - რუსეთის თავდაცვის სამინისტრო

რუსეთის თავდაცვის სამინისტროს განცხადებით, საპრეზიდენტო არჩევნებში ვლადიმერ პუტინს ხმა სამხედროების 99.8%-მა მისცა. როგორც უწყებაში აცხადებენ, დაფიქსირდა რეკორდულად მაღალი აქტივობა. კერძოდ, კენჭისყრაში მონაწილეობა  მიიღო რუსეთის თავდაცვის სამინისტროს 1.5 მილიონზე მეტმა სამხედრო მოსამსახურემ და სამოქალაქო პერსონალმა. როგორც თავდაცვის სამინისტროში აღნიშნავენ, არჩევნებში მონაწილეობა მიიღეს იმ ჯარისკაცებმაც, რომლებიც „სპეციალური სამხედრო ოპერაციის“ ზონაში ასრულებენ დავალებებს. „სამხედრო ელექტორატმა მაღალი სამოქალაქო პასუხისმგებლობა და ქვეყნის უმაღლესი სამხედრო-პოლიტიკური ხელმძღვანელობის გადაწყვეტილებების მიმართ სრული მხარდაჭერა გამოავლინა“, - ნათქვამია განცხადებაში.შეგახსენებთ, რუსეთში საპრეზიდენტო არჩევნები მიმდინარე წლის 15-17 მარტს გაიმართა. რუსეთის ცენტრალური საარჩევნო კომისიის ოფიციალური მონაცემებით, ვლადიმერ პუტინმა ამ არჩევნებში ხმების რეკორდული რაოდენობა, 87% მიიღო. 

პალესტინის პრემიერი
1711638567
პალესტინის პრემიერმა ახალი კაბინეტი შექმნა და ღაზაში ცეცხლის დაუყოვნებლივ შეწყვეტა მოითხოვა

პალესტინის პრემიერ-მინისტრმა მუჰამედ მუსტაფამ ახალი კაბინეტი ჩამოაყალიბა, რომელშიც ის საგარეო საქმეთა მინისტრის მოვალეობასაც შეასრულებს. ახალი კაბინეტის მთავარი მიზანი ცეცხლის დაუყოვნებლივ შეწყვეტა და ღაზადან ისრაელის ჯარების გაყვანა იქნება. ამის შესახებ Reuters-ი პალესტინურ საინფორმაციო სააგენტო WAFA-ზე დაყრდნობით წერს. მუსტაფა პალესტინის პრემიერად მარტში დაინიშნა, რათა დაეხმაროს პალესტინის ეროვნულ ადმინისტრაციას, რომელიც ისრაელის მიერ ოკუპირებულ დასავლეთ სანაპიროზე შეზღუდულ თვითმმართველობას ახორციელებს. მას ასევე ღაზას დახმარებისა და აღმშენებლობის ხელმძღვანელობა დაევალა.მუჰამედ მუსტაფა საგარეო საქმეთა მინისტრის პოსტზე რიად ალ-მალიკს ჩაანაცვლებს, რომელიც ამ თანამდებობას 2009 წლიდან იკავებდა. მედიის ცნობით, პრეზიდენტმა მაჰმუდ აბასმა ახალი მთავრობა ადმინისტრაციის ცვლილებასთან დაკავშირებით საერთაშორისო მოთხოვნების დასაკმაყოფილებლად დანიშნა.

პუტინის პრესსპიკერი დმიტრი პესკოვი
1711636952
პესკოვმა „ტელეგრამის“ მფლობელ პაველ დუროვს მოუწოდა, მოსკოვის ტერაქტის შემდეგ უფრო ყურადღებით იყოს

რუსეთის ფედერაციის პრეზიდენტის პრესმდივანმა დმიტრი პესკოვმა „ტელეგრამის“ მფლობელ პაველ დუროვს მოუწოდა, მოსკოვში მომხდარი ტერაქტის შემდეგ უფრო ყურადღებით იყოს.პესკოვის თქმით, რუსეთში „ტელეგრამის“ დაბლოკვას არავინ აპირებს, მაგრამ ეს მოითხოვს დიდ ყურადღებას, მათ შორის დუროვისგან. „რა თქმა უნდა, პაველ დუროვისგან მეტ ყურადღებას ველოდებოდით... ტექნოლოგიური თვალსაზრისით, ეს უნიკალური და ფენომენალური რესურსი, რომელიც ჩვენი თაობის თვალწინ განვითარდა, ტერორისტების მიერ ტერორისტული მიზნებისთვის გამოსაყენებელ იარაღად იქცევა“, - აღნიშნა პესკოვმა.  მარტის დასაწყისში Telegram-ის შემქმნელმა პაველ დუროვმა Financial Times-თან საუბრისას თქვა, რომ „ტელეგრამი“ გახდა ერთ-ერთი ყველაზე პოპულარული სოციალური ქსელი მსოფლიოში და მომხმარებელთა რაოდენობამ 900 მილიონ ადამიანს მიაღწია. დუროვმა ასევე უარყო ბრალდებები, რომ რუსეთის ხელისუფლებას ტელეგრამზე ბერკეტები აქვს.შეგახსენებთ, 22 მარტს მოსკოვში, „კროკუს სითი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. ოფიციალური ინფორმაციით, თავდასხმის ფაქტთან დაკავშირებით 11 პირია დაკავებული.რუსეთის პრეზიდენტის ვლადიმერ პუტინის განცხადებით, თავდამსხმელებს უკრაინა უჭერდა მხარს.28 მარტის მონაცემებით, დაღუპულია 143 ადამიანი.

პოლონეთისა და უკრაინის პრემიერები
1711631631
უკრაინის პრემიერი ვარშავაში ჩავიდა, რათა სამთავრობათაშორისო კონსულტაციებში მიიღოს მონაწილეობა

უკრაინის პრემიერ-მინისტრი დენის შმიგალი ვარშავაში ჩავიდა, რათა პოლონეთის პრემიერ დონალდ ტუსკთან ერთად სამთავრობათაშორისო კონსულტაციებში მიიღოს მონაწილეობა. შმიგალი მეზობელ ქვეყანასთან ურთიერთობაში საკამათო საკითხების მოგვარებას შეეცდება. ამის შესახებ ინფორმაციას eurointegration.com.ua „ევროპეისკაია პრავდაზე“ დაყრდნობით წერს. ტუსკი უკრაინის მთავრობის მეთაურის ვიზიტს სოციალურ ქსელ X-ში გამოეხმაურა. „დენის შმიგალ, კეთილი იყოს თქვენი მობრძანება ვარშავაში!თავისუფალი უკრაინის გარეშე ევროპა უსაფრთხო ვერ იქნება“, - წერს პოლონეთის პრემიერი. .@Denys_Shmyhal, witaj w Warszawie! Nie będzie bezpiecznej Europy bez wolnej Ukrainy. pic.twitter.com/BOAKtTUe8A — Donald Tusk (@donaldtusk) March 28, 2024

შიფას ჰოსპიტალი
1711630762
IDF-მა განაცხადა, რომ შიფას ჰოსპიტალში ჩატარებული ოპერაციის დროს „ჰამასის“ 200-ზე მეტი მებრძოლი გაანადგურეს

ისრაელის თავდაცვის ძალებმა (IDF) ღაზას ქალაქ შიფას ჰოსპიტალში რეიდის დროს ტერორისტული ორგანიზაცია „ჰამასის“ 200-ზე მეტი შეიარაღებული მებრძოლის ლიკვიდაციის შესახებ განაცხადეს. ამის შესახებ Times of Israel იტყობინება.„ჰამასის“ მებრძოლები გამოვიდნენ შიფას საავადმყოფოდან, სადაც ისინი იმალებოდნენ და ცეცხლი გაუხსნეს ისრაელის ჯარებს. ასეთი ბრძოლები ბოლო დღეებში რამდენჯერმე მოხდა“, - აცხადებენ ისრაელის თავდაცვის ძალებში. ისრაელის მედიის ცნობით, ღაზაში მდებარე ჰოსპიტლის რეიდის დროს, ისრაელის თავდაცვის ძალებმა მშვიდობიანი მოქალაქეები, პაციენტები და სამედიცინო პერსონალი სამედიცინო დაწესებულების სხვა ნაწილში გადაიყვანეს. ამასთან, მათივე ინფორმაციით, ღაზას სამხრეთით ჰამასის იარაღის სათავსოები აღმოაჩინეს, რომელიც განადგურებულ იქნა. 23 მარტის მდგომარეობით, IDF-მა გაანადგურა 170-ზე მეტი „ბოევიკი“ და 800 ეჭვმიტანილი დაატყვევა შიფას ჰოსპიტალში ჩატარებული ოპერაციის დროს.

ლატვიის საგარეო საქმეთა მინისტრი
1711629417
ლატვიის საგარეო საქმეთა მინისტრი თანამდებობას ტოვებს - ლატვიის საზოგადოებრივი მაუწყებელი

ლატვიის საგარეო საქმეთა მინისტრმა კრიშიანის კარინშმა განაცხადა, რომ ის თანამდებობას 10 აპრილიდან დატოვებს. ამის შესახებ Reuters-ი ლატვიის საზოგადოებრივი მაუწყებელზე დაყრდნობით წერს. როგორც ადგილობრივი მედია იუწყება, გადადგომის გადაწყვეტილება მოჰყვა ლატვიის გენერალური პროკურორის განაჩენს, დაიწყოს სისხლის სამართლის გამოძიება კარინშის საჰაერო მოგზაურობის ხარჯებთან დაკავშირებით, მათ შორის კერძო თვითმფრინავების გამოყენების საკითხზე.

ვლადიმერ პუტინი და ევგენი პესკოვი
1711627912
პუტინი ტერაქტის ადგილზე მისვლას არ გეგმავს, რათა შტაბის მუშაობას ხელი არ შეუშალოს - პესკოვი

რუსეთის ფედერაციის პრეზიდენტის ვიზიტი „კროკუს სითი ჰოლში“ მომხდარი ტრაგედიის ადგილზე აზრს მოკლებულია, რადგან ეს ხელს შეუშლის შტაბის მუშაობას, - აღნიშნულის შესახებ კრემლის ლიდერის პრესმდივანმა დმიტრი პესკოვმა ბრიფინგზე განაცხადა. „ამ დღეებში რაიმე სახის ვიზიტი მიზანშეწონილი არ არის, რადგან ეს უბრალოდ ხელს შეუშლის ადგილზე ორგანიზებულ მუშაობას“, - აღნიშნა პესკოვმა. მისივე თქმით, ტერაქტის პირველივე წუთებიდან ყველა შესაბამისმა სამსახურმა და მოსკოვის რეგიონის ხელმძღვანელობამ შესაბამისი ზომები მიიღეს ხალხის გადასარჩენად. შეგახსენებთ, 22 მარტს მოსკოვში, „კროკუს სითი ჰოლის“ საკონცერტო დარბაზში შეიარაღებულმა პირებმა ცეცხლი გახსნეს. რუსეთის საგარეო საქმეთა სამინისტრომ „კროკუს სითი ჰოლზე“ თავდასხმა ტერაქტად შეაფასა. ოფიციალური ინფორმაციით, თავდასხმის ფაქტთან დაკავშირებით 11 პირია დაკავებული.რუსეთის პრეზიდენტის ვლადიმერ პუტინის განცხადებით, თავდამსხმელებს უკრაინა უჭერდა მხარს.28 მარტის მონაცემებით, დაღუპულია 143 ადამიანი.

დღის ფოტოები მსოფლიოდან
1711622921
„ჰამასის“ მიერ მართული ჯანდაცვის უწყების მტკიცებით, ომის დაწყებიდან ღაზაში სულ მცირე 32 552 პალესტინელი დაიღუპა

„ჰამასის“ მიერ მართული ჯანდაცვის უწყების მტკიცებით, სულ მცირე 32 552 პალესტინელი დაიღუპა და 74 980 დაშავდა მას შემდეგ, რაც ისრაელის სამხედროებმა 7 ოქტომბრის თავდასხმის საპასუხოდ ღაზას სექტორში სამხედრო მოქმედებები დაიწყეს. სამინისტროს განცხადებაში ნათქვამია, რომ ბოლო 24 საათის განმავლობაში 62 პალესტინელი დაიღუპა და 91 დაშავდა.

მეთიუ მილერი და ემანუელ მაკრონი
1711621509
მეთიუ მილერი: აშშ უკრაინაში ჯარების გაგზავნას არ აპირებს და ამ საკითხთან დაკავშირებით ემანუელ მაკრონთან აქტიურად ვმუშაობთ

ვაშინგტონი კიევში თავისი საერთაშორისო ლეგიონის გაგზავნას არ აპირებს და საფრანგეთის პრეზიდენტთან, ემანუელ მაკრონთან ამ საკითხზე აქტიურად ვმუშაობთ, - ამის შესახებ აშშ-ის სახელმწიფო დეპარტამენტის ოფიციალურმა წარმომადგენელმა მეთიუ მილერმა ჟურნალისტებს ბრიფინგზე განუცხადა. მომავალ კვირას პარიზს აშშ-ის სახელმწიფო მდივანი ენტონი ბლინკენი ეწვევა. მილერის თქმით, საფრანგეთი ვაშინგტონის დიდი ხნის მოკავშირეა, ამიტომ მაკრონთან უკრაინასა და სხვა მნიშვნელოვან საკითხებზე ისაუბრებენ.სახელმწიფო დეპარტამენტის წარმომადგენელმა მაკრონისა და ბლინკენის შეხვედრის დეტალებზე მედიასთან კომენტარი არ გააკეთა.„არ ვაპირებ შეხვედრის დეტალებთან დაკავშირებით კომენტარის გაკეთებას. მაგრამ, რა თქმა უნდა, ჩვენ მკაფიოდ განვაცხადეთ, რომ შეერთებული შტატები უკრაინაში ჯარების გაგზავნას არ აპირებს“, - განაცხადა მილერმა.საფრანგეთის პრეზიდენტმა ემანუელ მაკრონმა რამდენჯერმე განაცხადა, რომ უკრაინაში დასავლური ჯარების გაგზავნას არ გამორიცხავდა. 

გრმანიის კანცლერი
1711621200
შოლცი: გერმანია უკრაინაში თავის ჯარისკაცებს არ გაგზავნის

გერმანიის კანცლერის ოლაფ შოლცის განცხადებით, გერმანია უკრაინაში რუსეთთან წინააღმდეგ ომში თავის ჯარისკაცებს არ გაგზავნის. ამის შესახებ მან Märkische Allgemeine-ს განუცხადა.ამავდროულად, შოლცმა აღნიშნა, რომ გერმანია იარაღითა და საბრძოლო მასალით უფრო მეტად უჭერს მხარს უკრაინას, ვიდრე ევროპის სხვა ქვეყანა. „ჩვენ მხოლოდ ამაზე {სამხედრო დახმარება} ვხარჯავთ 28 მილიარდ ევროზე მეტს, ვიდრე ბევრი სხვა ქვეყანა ერთად. ჩვენ გავაგრძელებთ უკრაინის დახმარებას, სანამ საჭირო იქნება“, - თქვა გერმანიის კანცლერმა. შეგახსენებთ, მანამდე კი, გერმანიის თავდაცვის მინისტრმა ბორის პისტორიუსმაც თქვა, რომ გერმანია არ გაგზავნის თავის ჯარისკაცებს უკრაინაში. 

შვეიცარია
1711619559
Investopedia - 9 წლის განმავლობაში პირველად შვეიცარიამ მონეტარული პოლიტიკის განაკვეთი 1.2%-მდე შეამცირა

შვეიცარია გახდა პირველი მსხვილი ეკონომიკა, რომელმაც შეამცირა საპროცენტო განაკვეთები მას შემდეგ, რაც ცენტრალურმა ბანკმა რეფინანსირების განაკვეთი 25 საბაზისო პუნქტით 1,5%-მდე დასწია.შვეიცარიაში მონეტარული პოლიტიკის შემსუბუქება მოხდა მას შემდეგ, რაც ფედერალურმა რეზერვმა შეინარჩუნა საპროცენტო განაკვეთების წინა პროგნოზი, წელს საპროცენტო განაკვეთის სამი შემცირების შესახებ. Fed-ის ოფიციალურმა პირებმა განაცხადეს, რომ ისინი არ შეამცირებენ Fed-ის განაკვეთს მანამდე, ვიდრე დარწმუნებულნი იქნებიან, რომ ინფლაცია სტაბილურად ეცემა ყოველწლიურად 2%-მდე. შვეიცარიის ცენტრალურმა ბანკმა განაცხადა, რომ ამცირებს პოლიტიკის განაკვეთს, რადგან თებერვალში ინფლაცია 1.2%-მდე შემცირდა. ეს არის პირველი გადაწყვეტილება შემცრებისკენ, რომელიც შვეიცარიის ცენტრალურმა ბანკმა ბოლო ცხრა წლის განმავლობაში მიიღო. „მონეტარული პოლიტიკის შერბილება შესაძლებელი გახდა იმის გამო, რომ ინფლაციის წინააღმდეგ ბრძოლა ბოლო ორ წელიწად-ნახევრის განმავლობაში ეფექტური იყო“, - ნათქვამია შვეიცარიის ეროვნული ბანკის განცხადებაში. „უკვე რამდენიმე თვეა, ინფლაცია დაბრუნდა 2%-ზე დაბლა და, შესაბამისად, იმ დიაპაზონშია, რასაც SNB უტოლებს ფასების სტაბილურობას“. ცენტრალურმა ბანკმა განაცხადა, რომ წელს ინფლაციას საშუალოდ 1.4%-ს ნიშნულზე ელოდება, გლობალური ეკონომიკური ზრდა „ზომიერი“ დარჩება მომავალ კვარტალებში, იმ ფონზე, როცა რიგ ქვეყნებში მონეტარული პოლიტიკა მკაცრია. ევროპის ცენტრალური ბანკის პრეზიდენტმა კრისტინ ლაგარდმა ოთხშაბათს განაცხადა, რომ ბანკს შეუძლია შეამციროს ძირითადი საპროცენტო განაკვეთი ივნისში, თუ ინფლაცია და ხელფასების მონაცემები მის პროგნოზებთან შესაბამისობაში დარჩება. 

••• იტვირთება