1756483244

საქართველოს პარლამენტის თავმჯდომარე შალვა პაპუაშვილი სოციალურ ქსელში, დიდი ბრიტანეთის საელჩოს მიერ გავრცელებულ განცხადებას ეხმაურება, რომელიც არასამთავრობო ორგანიზაციების საბანკო ანგარიშების გაყინვას ეხება. „საზოგადოებას შევახსენებ, რომ, სულ რამდენიმე კვირის წინ, დიდი ბრიტანეთის საელჩო ცდილობდა ექსტრემისტული დღის წესრიგის მქონე ორგანიზაციებისთვის ფულის მიცემას, კერძოდ, თამარ ჩერგოლეიშვილის პარტიული კედლის გაზეთი „ტაბულასთვის“ და „ნაციონალური მოძრაობის“ მე-5 ნომრის, გია ჯაფარიძის რადიკალური ორგანიზაცია „მომავლის აკადემიისთვის“.ორივე შემთხვევაში, დაფინანსების მცდელობის საბაბი იყო, მათ მიერ, თითქოს, ადგილობრივ არჩევნებთან დაკავშირებით ჟურნალისტური მასალის მომზადება და არჩევნებზე დაკვირვება. ეს მაშინ, როცა ორივე სუბიექტის გაცხადებული მიზანი არჩევნების ჩაშლაა.რა თქმა უნდა, ამან საზოგადოებაში გააჩინა ლეგიტიმური ეჭვი, რომ საელჩოს მიზანი, შესაძლოა, არა თვითმმართველობის არჩევნების ჩატარებაში ხელის შეწყობა, არამედ არჩევნების საბოტაჟის მიზნის მქონე პირების ფინანსური გაძლიერება ყოფილიყო.მე, მაშინ, მოვუწოდე საელჩოს, რომ, ამ საკითხზე ეჭვების გასაფანტად, ყოფილიყო სრულად გამჭვირვალე და საზოგადოებისთვის აეხსნა, თუ როგორ აღმოჩნდა, რომ საელჩო პარტიული, რადიკალური ჯგუფების დაფინანსებას ცდილობდა და ასევე, გაესაჯაროებინა, თუ ვის აფინანსებდა 2024 წლის არჩევნების პერიოდში.ტრადიციულად, საელჩომ, ქართული საზოგადოების კითხვები და წუხილები უპასუხოდ დატოვა. სანაცვლოდ კი, ქართველი ხალხის მიმართ, მორიგი არამეგობრული განცხადება მივიღეთ“, - წერს პაპუაშვილი. 

1756479651

„რადიკალური ოპოზიციის დასასრული ახლოს არის, მოახლოებულია პროცესი, როცა პოლიტიკიდან მათი გაძევება მოხდება“, - ამის შესახებ საპარლამენტო უმრავლესობის წევრმა თორნიკე ჭეიშვილმა განაცხადა.მისი თქმით, ამორალური განცხადებებით ცდილობენ, თავიანთივე რიგებში მყოფ პირებს დაუპირისპირდნენ.„ეს დაპირისპირება კარგად წარმოაჩენს, რაოდენ გაკოტრებულები არიან, ჭაობში იმყოფებიან. სამწუხაროა, რომ ქართულ საზოგადოებას უწევს, მათი პოლიტიკური ხრწნის პროცესი იხილოს, რაც იმაში იზრდება, რომ ამორალური განცხადებებით ცდილობენ, თავიანთივე რიგებში მყოფ პირებს დაუპირისპირდნენ.მაშინ, როცა არანაირი წარმატება არ ესახებათ, თავიანთ პოლიტიკურ ეგოს იმით იკმაყოფილებენ, რომ ერთმანეთს დაერივნენ და უკადრებელ საქციელს კადრულობენ. გამოყენებული იყო ბავშვების თემაც, რაც წითელი ხაზია.სამწუხაროა, რომ საზოგადოებას ამ პროცესის თვალყურის დევნება უწევს. ეს იმას აჩვენებს, რომ რადიკალური ოპოზიციის დასასრული ახლოს არის. მოახლოებულია პროცესი, როცა პოლიტიკიდან მათი გაძევება და პოლიტიკის მათგან გათავისუფლება მოხდება“, - აღნიშნა ჭეიშვილმა.

1756476125

„99% ყველა ის თანხა, რომელიც მობილიზდებოდა ამ ფონდში, ხმარდებოდა იმ დესტრუქციას და გადატრიალების მცდელობას, ესენი იყვნენ ერთ-ერთი ჭანჭიკი იმ დიდ სქემაში, რომელიც გამჟღავნდა მსოფლიოში“, - ასე ეხმაურება ფრაქცია „ქართული ოცნების“ თავმჯდომარის პირველი მოადგილე ირაკლი კირცხალია არასამთავრობო ორგანიზაციის ანგარიშების დაყადაღებას.მისი თქმით, თანხების ძირითადი ნაწილი მიმართული იყო დესტრუქციისა და გადატრიალების მცდელობისკენ.„ესენი იყვნენ ფონდები, ესენი იყვნენ მერე ქვე-ფონდები, რომელიც ასი პროცენტით რომ ავიღოთ, 1%-ს შენიღბვის გზით და ამისთვის თავიანთივე მედიებს და ასე ვთქვათ, სოციალურ პლატფორმებს იყენებდნენ, რომ შეენიღბათ, თითქოს საქველმოქმედო აქციებს აწარმოებდნენ ქვეყანაში, ან რომელიმე ოჯახს გააპიარებდნენ, 99% ყველა ის თანხა, რომელიც მობილიზდებოდა ამ ფონდში, ხმარდებოდა იმ დესტრუქციას და გადატრიალების მცდელობას.ესენი იყვნენ ერთ-ერთი ჭანჭიკი იმ დიდ სქემაში, რომელიც გამჟღავნდა მსოფლიოში, არ მხოლოდ ჩვენს ქვეყანაში და ეხმარებოდა ჯარიმის გადახდას, პიროტექნიკის შეძენას, არ გამოვრიცხავ ხელფასების გადახდას და ა.შ. ისინი ხომ არიან ასე ვთქვათ, შვილობილები იმ დონორების, ესენი არიან იმ პოლიტიკის გამგრძელებლები, რომელიც გამოაშკარავდა და დღის შუქი ნახა ყველა იმ ბინძურმა საქმიანობამ, ყველა იმ არაპროფილურმა დაფინანსებამ, რომელიც მოდიოდა ერთი მთავარი დონორი USAID-ის მხრიდან და ეს გამოააშკარავა თვითონ ამერიკის შეერთებულმა შტატებმა“, - აღნიშნავს კირცხალია.

1756474017

„არანაირი 8 პარტია არ არსებობს. ეს არის უცხოეთიდან დაფინანსებული ჯგუფი, რომელსაც ეწოდება რადიკალური ოპოზიცია“, - ასე ეხმაურება პარლამენტის სპორტის კომიტეტის თავმჯდომარის მოადგილე ზუკა რურუა ოპოზიციაში არსებულ ახალ დაპირისპირებას.მისი თქმით, ოპოზიციური ძალები ვერაფერზე ვერ თანხმდებიან. „ოპოზიციაში 8 პარტიის გაერთიანება იქნება თუ ერთის, სულერთია, რადგან ჩვენთვის ისინი ერთი შტოა. არანაირი 8 პარტია არ არსებობს. ეს არის უცხოეთიდან დაფინანსებული ჯგუფი, რომელსაც ეწოდება რადიკალური ოპოზიცია.ისინი ვერ თანხმდებიან ვერაფერზე, ვერ მიდიან იმ წერტილამდე, თუ რა მიზანი უნდა ამოძრავებდეთ ოპოზიციურ ძალებს. ვხედავთ მათი მხრიდან ერთმანეთის მიმართ ლანძღვას, დისკრედიტაციას და ა.შ.“ - აღნიშნავს რურუა.

1756472212

წლების განმავლობაში საქართველოს რეპუტაციული, პოლიტიკური და ეკონომიკური ზიანი ადგებოდა. ანაკლიის პორტის პროექტი მხოლოდ იმიტომ ვერ განვითარდა, რომ დავა სასამართლოში მიმდინარეობდა, - ამის შესახებ პარლამენტის ვიცე-სპიკერმა გია ვოლსკიმ განაცხადა.მისი თქმით, ქვეყნისთვის მიყენებული რეპუტაციული და ეკონომიკური ზარალი გაცილებით დიდია, ვიდრე ჯარიმის სახით გადახდილი თანხა.„დემოკრატიული სამყაროსთვის არბიტრაჟში კამათი, თუნდაც სახელმწიფოსა და კომპანიას შორის, უცხო არ არის. თუმცა ამ დავის მიღმა სერიოზული დანაშაულია საკუთარი სახელმწიფოსა და ერის წინაშე, საქართველოს სერიოზული ზარალი მიადგა.წლების განმავლობაში საქართველოსთვის რეპუტაციული, პოლიტიკური და ეკონომიკური ზიანის მიყენება ხდებოდა, რაც ერთობლიობაში უფრო დიდია და აჭარბებს იმ თანხას, რაც ჯარიმის სახით გადაიხადეს. ეს მიზერული ნაწილია იმ ზარალის, რაც საკუთარ ქვეყანას მიაყენეს. წლების განმავლობაში ეს პროექტი მხოლოდ იმიტომ ვერ განვითარდა, რომ დავა სასამართლოში მიმდინარეობდა.რუსულ ნარატივზე გვედავებოდნენ და მაგალითად იყენებდნენ „ლელოს“ ლიდერების პროექტს. ისინი ცრუ მაგალითებს იყენებდნენ, რაც წლების განმავლობაში მიმდინარეობდა. ქვეყანას რეპუტაციული და ფინანსური ზარალი მიადგა.ვაშინგტონის არბიტრაჟმა კიდევ ერთხელ დაამტკიცა, რომ ისინი ქვეყნის წინაშე მართლები არ არიან. ამ ცივსისხლიანი გადაწყვეტილების უკან, რაც სასამართლომ მიიღო, დიდი დანაშაული დევს ქვეყნისა და სამშობლოს წინაშე“, - აღნიშნა ვოლსკიმ.

1756469680

„გუგლში ელ ჩაპოც იძებნება, მაგრამ ღმერთმა ნუ ქნას ქალაქის მერად! ასე, რომ გუგლში ნუ ეძებთ კანდიდატებს!“ - ასე უპასუხა ბათუმის საკრებულოს იურიდიულ და საპროცედურო კომისიის თავმჯდომარემ დავით მახარაძემ ვაჟა დარჩიას, რომელმაც განაცხადა, რომ ბათუმის მერობის კანდიდატი „გუგლის“ საძიებო სისტემაში არ იძებნება.დავით მახარაძემ დასძინა, რომ ვაჟა დარჩიას გაღიზიანების მიზეზი, ალბათ დღეს გავრცელებულმა ინფორმაციამ გამოიწვია, რომლის თანახმადაც ხაზარაძე/ჯაფარიძის პარტნიორმა აშშ-ში წაგებული არბიტრაჟის თანხა, 6 მილიონ ნახევარი დოლარი საქართველოს გადაუხადა. კანონმდებლობით, მათ შეეძლოთ არბიტრაჟის გადაწყვეტილების გასაჩივრება, მაგრამ ეს არ გააკეთეს.

1756468998

საარჩევნო კამპანიის ფარგლებში, პარტია „ქართული ოცნების“ ბოლნისის მუნიციპალიტეტის მერობის კანდიდატი ზამურ ჭითანავა, აგრძელებს აქტიურ კომუნიკაციას ამომრჩეველთან.მერობის კანდიდატი ამჯერად სოფლებს: ნახიდურს, ხიდიდყურსა და მუხრანას სტუმრობდა, სადაც მოსახლეობასთან შეხვედრები ინტერაქციულ ფორმატში წარიმართა.შეხვედრებზე, ადგილობრივებს წარედგინათ კანდიდატის სამომავლო გეგმები, ასევე განხილულ იქნა სოფლებში არსებული საჭიროებები, მოქალაქეების ხედვები და ინიციატივები.„ბოლო წლების განმავლობაში, ჩვენს მუნიციპალიტეტში არაერთი მნიშვნელოვანი პროექტი განხორციელდა „ქართული ოცნების“ მხარდაჭერით. მიუხედავად მიღწეული წარმატებებისა, კარგად გვესმის, რომ ჯერ კიდევ ბევრი გამოწვევაა. ვგეგმავთ, მოსახლეობის აქტიური ჩართულობით, ერთობლივად გადავჭრათ ყველა საკითხი და განვაგრძოთ მუნიციპალიტეტის განვითარება,“ - განაცხადა ზამურ ჭითანავამ. „ქართული ოცნების“ მერობის კანდიდატის თქმით, 4 ოქტომბერს მოსახლეობის მხარდაჭერას ელის და მზად არის მუნიციპალიტეტის განვითარებისთვის მუშაობის გასაგრძელებლად. 

1756468453

„რადიკალური ოპოზიციური ჯგუფების დასასრული ძალიან ახლოა და ის დღე, როდესაც ერთხელ და სამუდამოდ მოხდება მათი გაძევება, ქართული პოლიტიკის მათგან გათავისუფლება, არის ძალიან მოახლოებული“, - ამის შესახებ იურიდიულ საკითხთა კომიტეტის თავმჯდომარის პირველმა მოადგილემ თორნიკე ჭეიშვილმა განაცხადა.მისივე თქმით, „რადიკალური ოპოზიცია“, რომელსაც პოლიტიკურ პროცესებში წარმატების შანსი აღარ აქვს, შიდა დაპირისპირებით „პოლიტიკურ ეგოს“ იკმაყოფილებს. „ეს არის ჭაობი, რომელშიც ისინი იმყოფებიან. ძალიან სამწუხაროა, რომ ქართულ საზოგადოებას უწევს იხილოს მათი პოლიტიკური ხრწნის პროცესი, რაც უკვე შემდგომ გადაიზრდება იმაში, რომ აბსოლუტურად ამორალური განცხადებებითა და ქმედებებით, მათსავე რიგებში მყოფ პოლიტიკოსებს თუ კონკრეტულ პარტიებს დაუპირდაპირდნენ. მაშინ, როდესაც ხედავენ, რომ არავითარი წარმატება მათ არ ესახებათ, თუნდაც ადგილობრივი თვითმმართველობის არჩევნებში ან, ზოგადად, მიმდინარე პოლიტიკური პროცესის ფარგლებში, ისინი, ალბათ, თავიანთ პოლიტიკურ ეგოს იკმაყოფილებენ იმით, რომ ერთმანეთს დაერივნენ. რადიკალური ოპოზიციური ჯგუფების დასასრული ძალიან ახლოა და ის დღე, როდესაც ერთხელ და სამუდამოდ მოხდება მათი გაძევება, ქართული პოლიტიკის მათგან გათავისუფლება, არის ძალიან მოახლოებული“, - აცხადებს თორნიკე ჭეიშვილი.

1756467297

„მძლავრი პოტენციალის მქონე ევროკავშირის არაერთ ქვეყანაში თუნდაც სამპროცენტიანი ეკონომიკური ზრდა ოცნებად რჩება. ევრობლოკის საშუალო პროგნოზი დაახლოებით 1,5%–1,7%-ია. რასაკვირველია, გადამწყვეტი მნიშვნელობა ენიჭება არსებული რესურსების ჭკვიან განკარგვა-გაფართოებას, რაშიც ძალიან მოიკოჭლებენ ნეოლიბერალური არაპოპულარული მმართველი ევროპული ძალები, რომელთაც ელექტორატისგან განსხვავებული გლობალისტური პრიორიტეტები აქვთ“, - ასე ეხმიანება ანალიტიკოსი გია აბაშიძე, ივლისის თვეში საქართველოს ეკონომიკის 5%-იანი ზრდას.როგორც აბაშიძე აღნიშნავს, ანალიტიკოსთა პროგნოზებით, მომდევნო სამ თვეში საქართველოს ეკონომიკა შეინარჩუნებს მაღალ ტემპებს, და 2025 წლის წლიური ზრდა სავარაუდოდ იქნება 7,5%–8,2%. ექსპერტების შეფასებით, გლობალური ეკონომიკური არასტაბილურობის ფონზე, საქართველო პრაქტიკულად იქცევა ერთ-ერთ მთავარ საინვესტიციო ჰაბად სამხრეთ კავკასიასა და შავიზღვისპირეთის რეგიონში.„გონივრული მმართველობის შედეგად, უზარმაზარი საგარეო რყევებისა და ვითარების შიგნიდან მუდმივი არევის ფონზე, საქართველოს ეკონომიკის აღმავლობა გრძელდება - ივლისში 6.5%-იანი, ხოლო ბოლო 7 თვეში - რვაპროცენტიანი ზრდა. ამ მხრივ, მძლავრი პოტენციალის მქონე ევროკავშირის არაერთ ქვეყანაში თუნდაც სამპროცენტიანი ეკონომიკური ზრდა ოცნებად რჩება. ევრობლოკის საშუალო პროგნოზი დაახლოებით 1,5%–1,7%-ია. რასაკვირველია, გადამწყვეტი მნიშვნელობა ენიჭება არსებული რესურსების ჭკვიან განკარგვა-გაფართოებას, რაშიც ძალიან მოიკოჭლებენ ნეოლიბერალური არაპოპულარული მმართველი ევროპული ძალები, რომელთაც ელექტორატისგან განსხვავებული გლობალისტური პრიორიტეტები აქვთ. საქართველოს ეკონომიკური ზრდის ძირითადი ფაქტორებია: ექსპორტის რეკორდული ზრდა - განსაკუთრებით სოფლის მეურნეობის, ღვინისა და გადამამუშავებელი პროდუქციის მიმართულებით; ტურიზმის დინამიკური განვითარება - ახალი პირდაპირი ავიარეისების გახსნისა და სპარსეთის ყურისა და ცენტრალური აზიის ქვეყნებიდან მოგზაურების რაოდენობის ზრდის ფონზე; ინფრასტრუქტურულ პროექტებში ინვესტიციები, მათ შორის, პორტებისა და სატრანსპორტო დერეფნების განვითარებაში; შიდა მოხმარების ზრდა მოსახლეობის შემოსავლების მატების გამო. ანალიტიკოსთა პროგნოზებით, მომდევნო სამ თვეში საქართველოს ეკონომიკა შეინარჩუნებს მაღალ ტემპებს, და 2025 წლის წლიური ზრდა სავარაუდოდ იქნება 7,5%–8,2%. ექსპერტების შეფასებით, გლობალური ეკონომიკური არასტაბილურობის ფონზე, საქართველო პრაქტიკულად იქცევა ერთ-ერთ მთავარ საინვესტიციო ჰაბად სამხრეთ კავკასიასა და შავიზღვისპირეთის რეგიონში“, - წერს აბაშიძე.

1756467079

„ამ ხანდაზმულ თაღლით-ავაზაკებს სურდათ, კიდევ ერთხელ გაეძარცვათ მათ მიერვე მრავალჯერ გაძარცული ქართველი ხალხი და ქართული სახელმწიფო“, - ასე ეხმიანება ექსპერტი, ედიშერ გვენეტაძე „ქრონიკის“ ინფორმაციას, რომლის თანახმადაც ხაზარაძე/ჯაფარიძის პარტნიორმა აშშ-ში ანაკლიის პორტთან დაკავშირებით წაგებული არბიტრაჟის თანხა საქართველოს გადაუხადა.გვენეტაძის თქმით, სწორედ ხაზარაძე და ჯაფარიძე ცდილობდნენ დაუღალავად აშშ-ში საქართველოს და მისი მოქალაქეების დასანქცირებას და ამაში ფულს უხდიდნენ „მეგობარი აქტის“ ინიცირებისთვის.გვენეტაძის განცხადებით ანაკლიის პორტის მშენებლობა ინტენსიურად გრძელდება, ხოლო ხანდაზმულ თაღლითებს აღნიშნულის ყურება ციხის გისოსებიდან მოუწევთ.„აი ეს ხანდაზმული თაღლითები ითხოვდნენ საქართველოს ბიუჯეტიდან 600 მილიონ დოლარს; ამ ხანდაზმულ თაღლით-ავაზაკებს სურდათ, კიდევ ერთხელ გაეძარცვათ მათ მიერვე მრავალჯერ გაძარცული ქართველი ხალხი და ქართული სახელმწიფო; ესენი უხდიდნენ და დიდი ეჭვია ახლაც უხდიან დიდძალ თანხებს უილსონას და მის მსგავს პოლიტსუბიექტებს „მეგობარი აქტის“ ინიცირებისა და მიღებისათვის; ამ ჩარჩ-მევახშეებს სანამ ციხის გარეთ იყვნენ გამართული ჰქონდათ ოკეანის გაღმა დოღი საქართველოს სახელმწიფოსა და მასში მცხოვრები ხალხის დასასანქცირებლად; ეს ავაზაკები დარბოდნენ კიევში, პოზიორობდნენ ტელეეკრანებზე, რათა საქართველო ომში ჩაებათ. თავად კი მევახშეობით თუ სხვა ათასნაირი მაქინაციებით საქართველოს ნგრევა-განადგურების, ქართველი ხალხის სისხლსა და ცრემლებზე ფ უ ლ ე ბ ი ეშოვათ; ეს ორი გამოცდილი დახვეწილი მატყუარა ხმაშეწყობილნი იძახდნენ სახელმწიფო გვიშლის ხელს ა ნ ა კ ლ ი ი ს პორტის მშენებლობაშიო; ამ ორმა სტაჟიანმა თაღლით-აგენტმა წააგო ანაკლიის პორტზე ყველა საქმე ყველა საერთაშორისო არბიტრაჟსა თუ სასამართლოში; ამის დასტურია სულ ახლახან ქვემოთ მოყვანილი ფ ა ქ ტ ი, რომლის თანახმადაც წაგებული არბიტრაჟის თანხა ხაზარაძე/ჯაფარიძის პარტნიორმა გადაუხადა; ამ ხანდაზმული თაღლითების დაარსებულ, დაფინანსებულ „ლელოს“. ამ პარტიის მიერ წამიყენებულ კუპრაძეს და ათას სხვადასხვა პარტიის ღობეზე გადამხტარ, ეროვნული კაცების მიჰას ხელისუფლებასთან პროფესიონალ დამსმენ, უპრინციპო ალიკა ელისაშვილს სურთ თბილისის მერობა და მერის მოადგილეობა. ასეთებზე იტყვიან ტაში კუკური... ა ნ ა კ ლ ი ა ინტენსიურად შენდება და აუცილებლად აშენდება. საქართველო და ქართველი ხალხი კი სულ ახლო მომავალში დიდ შემოსავლებს მიიღებს ამ პროექტიდან , ხოლო ეს ორი ხანდაზმული თაღლითი ყოველივე ამას ციხის გისოსებიდან ნაღვლიანი მიადევნებენ თვალს“, - წერს გვენეტაძე.

1756466897

„მიუხედავად ასეთი რყევებისა, ქვეყნის ეკონომიკა წინ მიიწევს. საქართველოს სტატისტიკის ეროვნული სამსახურის ბოლო მონაცემები შთამბეჭდავად გამოიყურება. ამა წლის იანვარ-ივლისის პერიოდში (მშპ) ზრდამ 8% მიაღწია, მხოლოდ ივლისში კი 6.5% იყო წლიური ზრდა. არც ერთ ევროკავშირის ქვეყანაში არ დაფიქსირებულა მიახლოებული ზრდაც კი“, - წერს ექსპერტი ნინო ფოჩხუა სოციალურ ქსელში.ფოჩხუას განცხადებით ეკონომიკური ზრდის ასეთი მაჩვენებელი განპირობებულია ექსპორტის გაზრდით, ტურიზმის განვითარებითა და ინფრასტრუქტურულ პროექტებში ჩადებული ინვესტიციებით.„მიუხედავად ასეთი რყევებისა, ქვეყნის ეკონომიკა წინ მიიწევს. საქართველოს სტატისტიკის ეროვნული სამსახურის ბოლო მონაცემები შთამბეჭდავად გამოიყურება. ამა წლის იანვარ-ივლისის პერიოდში (მშპ) ზრდამ 8% მიაღწია, მხოლოდ ივლისში კი 6.5% იყო წლიური ზრდა. არც ერთ ევროკავშირის ქვეყანაში არ დაფიქსირებულა მიახლოებული ზრდაც კი. ასეთ ეკონომიკურ ზრდას კი განაპირობებს ინფრასტრუქტურულ პროექტებში ინვესტიციები, ექსპორტის ზრდა, ტურიზმის განვითარება და ა.შ. ეკონომიკური ზრდის პროგნოზიც მეტად დამაიმედებელია, 2025 წლის ბოლოსთვის წლიური ზრდა 7.5%-8.2% იქნება და ეს ხდება გლობალური არასტაბილურობის ფონზე, რასაც დაფასება და მადლიერება სჭირდება“, - წერს ფოჩხუა Facebook-ზე. 

1756466096

„საქართველოს სიძულვილში გაერთიანებული ადამიანები ერთმანეთს არ ინდობენ. ბავშვის ფოტოების გამომზეურებაც შეუძლიათ და შემდეგ ბოდიშის მოხდა, რაც ამ ყველაფერს ვერ უწამლებს, ეს გამოსავალი ვერ იქნება, “ - ამის შესახებ პარლამენტის საპროცედურო საკითხთა კომიტეტის თავმჯდომარემ დავით მათიკაშვილმა „ფედერალისტების“ ლიდერ თამარ ჩერგოლეიშვილთან დაკავშირებული საკითხის კომენტირებისას განაცხადა. მათიკაშვილის თქმით, როდესაც საუბარია კოლექტიურ „ნაცმოძრაობაზე“, ბოკუჩავებზე, სააკაშვილებზე, ჩერგოლეიშვილებზე, საბოლოო ჯამში, ისინი გარე ძალებიდან დაფინანსებულ ერთ მთლიან რადიკალიზმს წარმოადგენენ. „ერთმანეთში დაპირისპირება რადიკალებისა და კოლექტიური „ნაცმოძრაობის“ სახეა. მინდა, საზოგადოებას მივმართო, უბრალოდ, წარმოიდგინეთ, რაღაც ფორმით ეს ძალა რომ ქვეყნის ხელისუფლებაში დაბრუნდეს, რა დღეში ჩააგდებენ საქართველოს, ქართველ ხალხს. როდესაც ვსაუბრობთ კოლექტიურ „ნაცმოძრაობაზე“, ბოკუჩავებზე, სააკაშვილებზე, ჩერგოლეიშვილებზე, საბოლოო ჯამში, ისინი გარე ძალებიდან დაფინანსებულ ერთ მთლიან რადიკალიზმს წარმოადგენენ. მათ გამარჯვებას რომ არანაირი წარმატება არ უწერია, ეს ყველაფერი საზოგადოების მხრიდან 4 ოქტომბერს კიდევ ერთხელ გაცხადდება“, - აღნიშნა დავით მათიკაშვილმა.