1713470921

UFC-ს ქვემსუბუქი წონის მოქმედმა ჩემპიონმა, ილია თოფურიამ The MMA Hour-ში, არიელ ჰელვანთან ინტერვიუში სამომავლო გეგმების შესახებ ისაუბრა.როგორც ქვემსუბუქი წონის 27 წლის ჩემპიონი აცხადებს, ქამრის დასაცავად მზად, სავარაუდოდ, მიმდინარე წლის სექტემბრისთვის იქნება.„შემდეგი ბრძოლისთვის, სავარაუდოდ, სექტემბრისთვის მზად ვიქნები. დიდი ალბათობით, საჩემპიონო ქამარს ლას-ვეგასში დავიცავ. რაც შეეხება ესპანეთში ბრძოლას, ეს ყველაფერი 2025 წლის დასაწყისისთვის იგეგმება.ჩემი მეტოქე მაქს ჰოლოუეი იქნება. გავხდები პირველი მებრძოლი, ვინც მას ნოკაუტით დაამარცხებს, შემდეგ კი UFC-ის ესპანეთში მივიწვევ. ყველაფერს გავაკეთებ, რათა ბრძოლა „სანტიაგო ბერნაბეუზე“ შედგეს, უბრალოდ, ეს დროის ამბავია“, - განაცხადა ილია თოფურიამ.

1713469045

საქართველოს ნაკრებისა და „ვალენსიას“ მეკარემ გიორგი მამარდაშვილმა აღფრთოვანება და ყურადღება თავისი პიროვნული თვისებების გამოც დაიმსახურა.„ვალენსიას“ მეკარე ოსასუნას თავდამსხმელის ტელეფონის ნომრის გაგებას მას შემდეგ ცდილობდა, რაც შეიტყო, რომ მათი შეჯახების შედეგად ფეხბურთელმა სერიოზული დაზიანებები მიიღო.Cadena SER-ისთვის ცნობილი გახდა, რომ ვალენსიას მეკარე დაუკავშირდა ანტე ბუდიმირს და დაინტერესდა მისი ჯანმრთელობის მდგომარეობით.მას შემდეგ, რაც ხორვატმა თავდამსხმელმა პამპლონაში გამართულ შეხვედრაში, შემთხვევით შეჯახების დროს ნეკნების მოტეხილობა მიიღო, მამარდაშვილმა გადაწყვიტა, გამოჯანმრთელების პროცესში მყოფი ფეხბურთელი გაემხნევებინა და მისთვის მხარდაჭერა გამოეცხადებინა.ბუდიმირი და გიორგი ერთმანეთს თამაშის დროს, მაღალ ბურთზე ბრძოლისას შეეჯახნენ. ხორვატი ფეხბურთელი, რომელსაც გასახდელში პირიდან სისხლის დენა აღენიშნებოდა, საავადმყოფოში გადაიყვანეს. ოსასუნას ფორვარდს ნავარის საუნივერსიტეტო კლინიკაში გამოკვლევა ჩაუტარდა და მკერდის არეში დაზიანებები, მათ შორის ნეკნების მოტეხილობები დაუდგინდა. ბუდიმირი კლინიკაში დარჩა შემდგომი გამოკვლევებისა და მკურნალობის პროცესის გასავლელად.ცოტა ხნის წინ კი მამარდაშვილსა და ბუდიმირს შორის გულითადი საუბარი შედგა. ოსასუნას თავდამსხმელი თავს უკეთესად გრძნობს და იმედოვნებს, რომ მოედანს იმაზე სწრაფად დაუბრუნდება, ვიდრე ამას მედიკოსები ვარაუდობენ, რომლებმაც გამოჯანმრთელების პროცესის ხანგრძლივობა, მინიმუმ ერთი თვით განსაზღვრეს. ანტე და გიორგი ერთმანეთს შესაძლოა ივნის-ივლისში, გერმანიაში გასამართ ევროპის ჩემპიონატზეც შეხვდნენ, სადაც მათი გუნდები, ხორვატიისა და საქართველოს ნაკრებები იასპარეზებენ“, - წერს Cadena SER.

1713464045

საქართველოს ფეხბურთის ფედერაციის ვებგვერდზე ეროვნული ნაკრების მთავარი მწვრთნელის ვილი სანიოლის ინტერვიუ გამოქვეყნდა.ფრანგი სპეციალისტია განცხადებით, ევრო 2024-ზე მისთვის მიუღებელი იქნება იმაზე ნაკლები ფეხბურთის თამაში, რაც პლეი-ოფში აჩვენეს.„ევროპის ჩემპიონატი გვიახლოვდება და მზადება აქედანვე უნდა დავიწყოთ. საკვალიფიკაციო მატჩები მხოლოდ პირველი ეტაპი იყო, ახლა ჩვენ შემდეგი ნაბიჯის გადადგმა გვსურს, რომელიც შრომისა და მომზადების გარეშე შეუძლებელი იქნება.ევროპის ჩემპიონატზე მწვრთნელის რანგში მონაწილეობა ჩემთვისაც ახალი გამოცდილება იქნება. ძალიან ვამაყობ ამ მიღწევით, ქება კი ყველა ადამიანს სიამოვნებს. თუმცა მე ამ საქმის მხოლოდ ერთი შემადგენელი ნაწილი ვარ - რამდენად მნიშვნელოვანი, ეს სხვამ გადაწყვიტოს.უპირველესად, მინდა, მივულოცო საქართველოს ფეხბურთის ფედერაციას, ევროპის ჩემპიონატზე გასვლა ბოლო წლების განმავლობაში მათი გაწეული სამუშაოს შედეგია. მიხარია, რომ ამ პროცესის ნაწილი მეც ვიყავი. ქართველი ხალხი ამ მომენტს ძალიან დიდი ხანი ელოდა და ამდენი ხნის განმავლობაში დაგროვილი ემოციების ამოფრქვევა ძალიან ლამაზი სანახავი იყო - მათი ბედნიერი სახეები და სიხარულის ცრემლები მუდამ მემახსოვრება.ერთა ლიგაზე საქართველოს ნაკრები ოთხი წლის წინ D ლიგაში ასპარეზობდა, ახლა კი B ლიგაში ვართ. ამ ტურნირმა ჩვენი მოთამაშეები დიდი შედეგის მიღწევის შესაძლებლობაში დაარწმუნა. ვფიქრობ, რომ ერთა ლიგის ბოლო ციკლი ჩვენთვის დიდი საქმის დასაწყისი იყო.გადაწყვეტილებებს ზოგჯერ ინსტინქტურად ვიღებთ. მას შემდეგ, რაც საქართველოს ფეხბურთის ფედერაციის წარმომადგენლებს პირველად ვესაუბრე, ვიცოდი, რომ ამ ეტაპზე სწორედ აქ ყოფნა მსურდა. საქართველოს ნაკრებში იყო წარმატების მიღწევის პერსპექტივა და აქ მუშაობას სწორედ ამიტომ დავთანხმდი.ფეხბურთელებისთვის მარტივი სათქმელია, რომ მოედანზე 100%-ით უნდა დაიხარჯონ. მე მათ ვუხსნი, რა უნდა აკეთონ ყოველდღე იმისთვის, რომ ეს შეძლონ. ბევრი ჩვენი მოთამაშე მზად იყო, ყველაფერი გაეღო წარმატებისთვის, მაგრამ არ იცოდა, ეს როგორ გაეკეთებინა. ბოლო სამი წლის განმავლობაში ჩვენ მათთან ინდივიდუალურად ვიმუშავეთ, განსაკუთრებით, ახალგაზრდებთან, რომლებსაც მეტად სჭირდებოდათ რჩევების მიცემა. ამან შედეგი მოგვიტანა, მაგრამ ეს არ ნიშნავს, რომ მომავალში ნაკლები უნდა ვიშრომოთ – პირიქით, წინ უფრო რთული დავალება გველოდება და მეტი მუშაობა მოგვიწევს.ჩემთვის, როგორც მწვრთნელისთვის, მიუღებელი იქნება იმაზე ნაკლები ფეხბურთის თამაში, რაც პლეიოფში ვაჩვენეთ. მოთამაშეებმა ეს იციან და ისიც ესმით, რომ ამ ყველაფერს მე მკაცრად მოვითხოვ.რაც შეეხება ევროპის ჩემპიონატზე ჩვენ მიერ სიურპრიზების შეთავაზებას, ამაზე საუბარი ნაადრევია, ახლა ამ თემებზე ლაპარაკი ფეხბურთის ცოდნაზე არ მიუთითებს, რადგან ყველაფერია მოსალოდნელი. შეხვედრისთვის თავდაუზოგავადაც რომ მოემზადო, შესაძლოა, მეტოქემ მაინც გაჯობოს, მსაჯმა შეცდომა დაუშვას, მოთამაშემ ხუთი წუთის შემდეგ წითელი ბარათი მიიღოს და მწვრთნელების შემუშავებული გეგმა შეიცვალოს, შედეგების პროგნოზირება რთულია.ყურადღება უნდა გავამახვილოთ იმაზე, რისი კონტროლიც შეგვიძლია, ფეხბურთელების ფსიქოლოგიურ და ფიზიკურ მომზადებაზე, დანარჩენს კი მოედანზე ვნახავთ. ევროპის ჩემპიონატზე სამი თამაში გველის. ჩვენი მხრიდან მაქსიმუმი უნდა გავაკეთოთ და მხოლოდ ასეთ შემთხვევაში იქნება შესაძლებელი სიურპრიზებზე საუბარი. თუ აქამდე 100%-ით ვიხარჯებოდით, ევროპის ჩემპიონატზე 101% იქნება საჭირო.ევროპის ჩემპიონატის დაწყებას საკმაოდ მშვიდად და თავდაჯერებულად ველოდები და ვფიქრობ, რომ საქართველოს ნაკრები ჯგუფურ ეტაპზე კარგად ითამაშებს. ვნახოთ, ფეხბურთი ზოგჯერ კარგ ამბებს გვიმზადებს. ვამაყობ და ძალიან მიხარია, რომ გერმანიაში საქართველოს ნაკრებთან ერთად მომიწევს ყოფნა. მიყვარს გერმანია, ბევრი წარმატებული წელი მაქვს იქ გატარებული. მიყვარს გერმანელი ხალხი და ევროპის ჩემპიონატს დიდი სიხარულითა და სიამაყით ველოდები“, - განაცხადა ვილი სანიოლმა.

1713358594

სკანდალი ბერძნულ ფეხბურთში - ამ სათაურით აქვეყნებს Sport 24 ინფორმაციას ერთ-ერთ ბერძენ ფეხბურთელზე, რომელიც მედიასაშუალების მტკიცებით, დოპინგტესტზე ჩავარდა. ამავე ინფორმაციით, ამ ეტაპზე ფეხბურთელის ვინაობა არ საჯაროვდება. „თბილისში გამართული მატჩის დასრულების შემდეგ, ერთ-ერთი ბერძენი ფეხბურთელი დოპინგ ტესტზე ჩავარდა“, - წერს მედიასაშუალება. პირველ ტესტზე მიღებული პოზიტიური პასუხის შემდეგ, სპორტსმენს განმეორებითი ტესტი ჩაუტარდება.

1713351821

ქართველი თავდამსხმელის გიორგი მიქაუტაძის შესახებ Voetbal International-ის ჟურნალისტმა სულეიმან ოზთურქმა ისაუბრა.ჟურნალისტი ამბობს, რომ ამსტერდამის „აიაქსიდან“ „მეცში“ განათხოვრებული გიორგი მიქაუტაძე ლიგა 1-ში ბრწყინავს და ამას ნიდერლანდებშიც ხედავენ.„ნამდვილად არ ვფიქრობ, რომ „აიაქსში“ ის თავის გამოვლენას ვერ შეძლებდა. პირიქით, დარწმუნებული ვარ ყველაფერი გამოუვა. თუკი მას „აიაქსში“ თავდამსხმელის პოზიციაზე დავაყენებთ და ნდობას გამოვუცხადებთ, ის ერედივიზიეშიც გაიტანს 20 გოლს. გასაგებია, რომ ბრაიან ბრობი პირველი ნომერი იყო და ეს ჩანდა პირველი ტურებიდან, მაგრამ მიქაუტაძეს ხან მარცხენა, ხანაც მარჯვენა ფრთაზე აყენებდნენ. რა თქმა უნდა, რაღაც მოხდა ამსტერდამულ კლუბშიც, მათ შორის, უცხოელ ფეხბურთელებთან მიმართებაში, რომლებსაც უჩნდებოდათ შეგრძნება: „აქ არავის ვჭირდებით“.ვფიქრობ კარგია, საკუთარი თავისადმი რწმენაშერყეულმა შუა სეზონში „მეცში“ დაბრუნება გადაწყვიტა. მას შემდეგ შვიდი გოლი გაიტანა და ყველაფერს აკეთებს, რათა გუნდი ლიგა 1-ში დატოვოს. ის მეორე დივიზიონის „მეცში“ სუპერვარსკვლავი იყო და დაეხმარა ამ კლუბს აღზევებაში და ახლა ლამის მარტო ცდილობს, გუნდს ელიტაში ადგილი შეუნარჩუნოს. მას გაცილებით მაღალ დონეზე, ისეთ კლუბებშიც შეუძლია თამაში, როგორებიც „რენი“ ან „ლიონია“. მიქაუტაძის „აიაქსში“ ტრანსფერი აბსოლუტურად ალოგიკური იყო (იქ არსებული კონკურენციის ფონზე), მაგრამ თუკი ამას სკაუტის პოზიციიდან განიხილავ და ნანახი გაქვს მისი თამაში, ფიქრობ: ჯანდაბა, ის ტალანტია. ის შეზღუდულ სივრცეშიც ეფექტურია, იოლად იტანს გოლს, თავდაჯერებულია, არ ერიდება მოედნის ცენტრში დახევას და ითხოვს ბურთს, უნარჩუნებს მას თავის გუნდს და მზადაა, ბევრი იმუშაოს… ის დიდებული მოთამაშეა.წავიკითხე, რომ „აიაქსში“ განსხვავებული მიდგომები აქვთ და ამ ტიპის მოთამაშე არ სჭირდებათ, მაგრამ ბრმა ხარ, თუ ვერ ამჩნევ, რომ ეს ბიჭი ნიჭიერია. კეთილი, თუ „აიაქსისთვის“ არ არის გამოსადეგი, სამაგიეროდ, ასეთი საფრანგეთში ბევრი კლუბისთვის იქნება და თუ „მეცი“ გავარდება, სულ რაღაც ერთ კვირაში ის ახალ კლუბში იქნება“, - აცხადებს სულეიმან ოზთურქი.

1713258976

„ვალენსიას“ მეკარემ გიორგი მამარდაშვილმა „ოსასუნასთან“ მატჩის (1:0) შემდეგ სოციალურ ქსელში პოსტი გამოაქვეყნა.მამარდაშვილი წერს, რომ მისთვის მნიშვნელოვანი თამაში იყო, რადგან ასეთ დიდ გუნდს უკაპიტნა.„მნიშვნელოვანი თამაში ჩემთვის! საამაყოა იყო ისეთი დიდი გუნდის კაპიტანი, როგორიც „ვალენსიაა“! სამი ქულა და მშრალი კარი! მადლობა გულშემატკივრობისთვის“, - დაწერა მამარდაშვილმა სოციალურ ქსელში.

1713247593

„ვალენსიას“ მთავარმა მწვრთნელმა რუბენ ბარახამ „ოსასუნასთან“ მატჩის (1:0) შემდეგ ანტე ბუდიმირის პენალტზე ისაუბრა, რომელიც მისი აზრით, მსაჯს არ უნდა დაენიშნა.მან აღნიშნა, რომ მამარდაშვილმა ბუდიმირს პენალტის მშვიდად შესრულების საშუალება არ მისცა.„არ მგონია, რომ პენალტი იყო, ძალიან გავბრაზდებოდი გოლი რომ გაგვეშვა, მსაჯი ძალიან მკაცრი იყო, თუმცა, რაღაცების კონტროლი ჩვენ არ შეგვიძლია. გიორგი ბოლომდე დაელოდა ბუდიმირს, რადგან ის ყოველთვის აყოვნებს პენალტის შესრულებას და გიორგიმ მას მშვიდად დარტყმის საშუალება არ მისცა. როგორც წესი, ბუდიმირის დონის მოთამაშე ასეთ შეცდომებს არ უშვებს, მაგრამ გაგვიმართლა, რომ გიორგიმ ბურთის დაჭერა შეძლო“, - განაცხადა ბარახამ.შეგახსენებთ, რომ გიორგი მამარდაშვილს ლა-ლიგის მიმდინარე სეზონში 31 მატჩში 32 გოლი აქვს გაშვებული და კარი მშრალად 12-ჯერ შეინახა. ქართველ მეკარეს „ვალენსიაში“ სულ 94 მატჩი აქვს ჩატარებული.

1713107786

მაქს ჰოლოვეისთვის მსუბუქ წონაში ასვლის მეორე მცდელობა წარმატებული აღმოჩნდა. UFC 300-ზე BMF ქამარზე ბრძოლა საოცარი სცენარით განვითარდა - ბრძოლის ბოლო წამებზე მაქსმა (Blessed) ჯასტინ გეიჯი გათიშა და პრესტიჟულ ტიტულს დაეუფლა.ეს ბრძოლა საინტერესო იყო ქართველებისთვის, რადგან სწორედ ჰოლოვეის წინააღმდეგ მოუწევს დაპირისპირება ილია თოფურიას.ჩხუბის დასრულების შემდეგ 32 წლის ამერიკელმა განაცხადა, რომ ილია თოფურიასთან საბრძოლველად ქვემსუბუქი წონის საჩემპიონო ქამრისთვის მზადაა.ჰოლოუეის განცხადებას თოფურია მალევე გამოეხმაურა.როგორც თოფურია აცხადებს, ბრძოლისთვის მზადაა.„ყველაფერი ნათელია, შემდეგ ბრძოლას მაქს ჰოლოუეის წინააღმდეგ ჩავატარებ. გილოცავ, ისიამოვნე ამ დღით. თუმცა იცოდე, ჩემთან დაპირისპირების შემდეგ ქამარი თავის ადგილზე დაბრუნდება“, - განაცხადა თოფურიამ.  Ilia Topuria’s reaction to Max Holloway’s knockout#UFC300 pic.twitter.com/pzTXMgAPF6 — MMA Mania (@mmamania) April 14, 2024

1713102614

იტალიის სერია A-ს 32-ე ტურში „ნაპოლიმ“ საკუთარ მოედანზე ფროზინონეს ვერ მოუგო და მხოლოდ ქულას დასჯერდა. ხვიჩა კვარაცხელიას შეეძლო ორჯერ გატანა, მაგრამ ჯერ მცირედით არაზუსტად დაარტყა, შემდეგ მეკარემ აუღო ძალიან ძლიერი და მაგარი დარტყმა.63-ე წუთზე ხვიჩამ კიდევ დაარტყა კარისკენ, მაგრამ სანამ ბურთი კარამდე მივიდოდა, ფეხი ვიქტორ ოსიმენმა დაუხვედრა და წინ გაიყვანა „ნაპოლი“. ამრიგად, ხვიჩას აქტივს საგოლე პასი შეემატა.თუმცა, 10 წუთის შემდეგ ვალიდ შედირამ დუბლი შეასრულა მასპინძელთა დაცვის მორიგი სუსტი თამაშით და საბოლოო ანგარიში დააფიქსირა - 2:2. გამარჯვების გოლთან ახლოს იყო კვარაცხელია, მაგრამ მას მეკარემ კიდევ ერთი დუელი მოუგო.იტალიურმა მედიამ ცხადია კვარაცხელიას თამაში დადებითად შეაფასა.Tuttonapoli – 5.5 ქულა: „პირველ ტაიმში ბურთი იშვიათად ჰქონდა და მარიო რუისგანაც მცირე მხარდაჭერას იღებდა. მეორე ნახევარში გაანათა და ოსიმენის გოლის მომენტშიც კარში მან დაარტყა“.Calcionapoli1926 – 6 ქულა: „როდესაც ნაპოლი სირთულეებში იყო, მატჩი მარტომ გაანათა. „აძურის“ თამაშის ნაპერწკალი ისევ ის არის, მაშინაც, როდესაც გოლი ვერ გააქვს. თუმცა, მისგან ყოველთვის მეტია მოსალოდნელი“.Tuttomercato – 6.5 ქულა: „როდესაც ბრწყინავს, შეუჩერებელია. მან გოლი დაიმსახურა ყველა იმ მომენტის გათვალისწინებით, რომელიც შექმნა (ხშირად მარტომ). ვერ გაიტანა, მაგრამ მაინც ძალიან კარგად ითამაშა“.Calciomercato – 6 ქულა: „ბურთს იმაზე ნაკლებად იღებდა, ვიდრე მიჩვეულია. დროის გასვლასთან ერთად უფრო ხშირად ცდილობდა ცენტრში შეწევას და კარგადაც გამოსდიოდა“.

1713101864

„პარი სენ-ჟერმენი“ გიორგი მამარდაშვილით დაინტერესდა. აღნიშნული ინფორმაცია ესპანურმა გამოცემა Todofichajes-მა გაავრცელა.წყაროს თანახმად, ფრანგული გუნდი ჯანლუიჯი დონარუმას შემცვლელს ეძებს, რომელმაც ბოლო პერიოდში შეცდომებს მოუხშირა. მართალია, პარიზელთა პირველი ვარიანტი „ბილბაოს“ მეკარე უნაი სიმონია, მაგრამ მათ სიაში 23 წლის ქართველი მეკარეცაა.დეტალები ცნობილი არ არის, მაგრამ „ვალენსია“ ქართველ ფეხბურთელს მინიმუმ 35 მილიონ ევროდ აფასებს. ესპანურ კლუბთან გიორგის კონტრაქტი 2027 წლამდე აკავშირებს.

1713028158

ბრატისლავას „სლოვანი“ სლოვაკეთის ჩემპიონი გახდა, შესაბამისად, გურამ კაშია და ჯაბა კანკავა ტიტულს დაეუფლნენ.ჩემპიონატის ბოლო ტურის შეხვედრაში ლიდერთა ჯგუფში ქართველების გუნდმა, ბრატისლავას „სლოვანმა“, „დუნაისკა სტრედას“ უმასპინძლა, დაუზავდა (0:0), რითაც ჩემპიონობა მოიპოვა.ბრატისლაველების ძირითად შემადგენლობაში გურამ კაშია იყო, ხოლო ჯაბა კანკავა მთავარმა მწვრთნელმა, ვლადიმირ ვაისმა დაასვენა. „სლოვანმა“ ხუთ წუთში შეძლო ანგარიშის გახსნა, მაგრამ შანსებით ვერ ისარგებლა.ბრატისლაველებმა შეძლეს ზედიზედ მეექვსედ ჩემპიონის ტიტულის მოპოვება, სულ კი კლუბის ისტორიაში ეს მათთვის ოცდამეათე ტიტულია. კაშიასა და კანკავასთვის ეს ზედიზედ მესამედ მოპოვებული ოქროს მედალია.გურამ კაშიამ სლოვაკეთის ჩემპიონატის მიმდინარე სეზონში 20 მატჩში 1 გოლი გაიტანა, ხოლო ჯაბა კანკავამაც 20 შეხვედრაში ერთხელ შეძლო თავის გამოჩენა.

1712988878

საფრანგეთის ლიგა 1-ის 29-ე ტურის მატჩში „მეცმა“ 2:1 „ლანსი“ დაამარცხა, მასპინძელთა გუნდის ორივე გოლი ქართველი ფორვარდის, გიორგი მიქაუტაძის ანგარიშზეა.ლიგა 1-მა სოციალურ ქსელებში მიქაუტაძეს „მეფე გიორგი“ უწოდა.