კიევში 29 აგვისტო გლოვის დღედ გამოცხადდა
1756454452
28 აგვისტოს რუსული ძალების მიერ მასშტაბური თავდასხმის შედეგად დაღუპულთა ხსოვნის პატივსაცემად კიევში 29 აგვისტო გლოვის დღედ გამოცხადდა.
უკრაინული მედიის ცნობით, 29 აგვისტოს კიევში ყველა გასართობი ღონისძიება აიკრძალა.
დღეს ქალაქის ყველა მუნიციპალურ შენობაზე, სახელმწიფო და კერძო საკუთრებაში არსებულ შენობებზე სახელმწიფო დროშები დაუშვეს.
ინფორმაციისთვის, 28 აგვისტოს რუსულმა ძალებმა კიევზე მასშტაბური საჰაერო იერიში მიიტანეს.
რუსებმა დრონები, „კინჟალის“ ტიპის 2 რაკეტა, „ისკანდერ-მ“ ტიპის 9 ბალისტიკური რაკეტა და 20 ფრთოსანი რაკეტა გამოიყენეს.
რუსების იერიშის შედეგად დაღუპული მშვიდობიანი მოქალაქეების რიცხვი 23-მდე გაიზარდა.
