გია აბაშიძე: ხაზარაძე-ჯაფარიძემ ქვეყანას მრავალჯერადი ზიანი მიაყენეს და მათ პასუხი უნდა მოეთხოვოთ

„სტაჟიანი ყალთაბანდების, მამუკა ხაზარაძისა და ბადრი ჯაფარიძის მიერ საქართველოს ბიუჯეტისთვის კანონიერი ჯარიმის გადახდა ანაკლიის პროექტის ჩაგდებისთვის ზღვაში წვეთია, რაც ამ გაიძვერებს მართებთ ჩვენი ქვეყნისა და დარეკეტებული ხალხის მიმართ. ღრმაწყლოვანი პორტის მშენებლობის საბოტაჟის გარდა ამ შავბნელმა წყვილმა და მათმა ამფსონებმა არაერთი ქართული ოჯახი და ბიზნესი გააცამტვერეს და პასუხი უნდა მოეთხოვოთ. ამ შულერების ჯიბეების გარშემო შეკრებილ პოლიტიკურ არარაობებს კი, კიდევ ერთხელ სირცხვილი“, - წერს ანალიტიკოსი გია აბაშიძე სოციალურ ქსელში.

მისი თქმით, პარიზის არბიტრაჟმაც სრულად უარყო მომჩივნების მოთხოვნები და პირიქით, მათ დაეკისრათ სახელმწიფოს სასარგებლოდ 650 000 აშშ დოლარის გადახდის ვალდებულება. აღნიშნული გადაწყვეტილება ხაზარაძეს და ჯაფარიძეს არ გაუსაჩივრებიათ, მათ დაკისრებული თანხაც გადაიხადეს, რითაც ფაქტობრივად აღიარეს, რომ ანაკლიის პორტი მათი ბრალეულობით ვერ განხორციელდა.

„სტაჟიანი ყალთაბანდების, მამუკა ხაზარაძისა და ბადრი ჯაფარიძის მიერ საქართველოს ბიუჯეტისთვის კანონიერი ჯარიმის გადახდა ანაკლიის პროექტის ჩაგდებისთვის ზღვაში წვეთია, რაც ამ გაიძვერებს მართებთ ჩვენი ქვეყნისა და დარეკეტებული ხალხის მიმართ. ღრმაწყლოვანი პორტის მშენებლობის საბოტაჟის გარდა ამ შავბნელმა წყვილმა და მათმა ამფსონებმა არაერთი ქართული ოჯახი და ბიზნესი გააცამტვერეს და პასუხი უნდა მოეთხოვოთ. ამ შულერების ჯიბეების გარშემო შეკრებილ პოლიტიკურ არარაობებს კი კიდევ ერთხელ სირცხვილი! მხცოვანი თაღლითების, ხაზარაძე/ჯაფარიძის პარტნიორმა აშშ-ში წაგებული არბიტრაჟის თანხა, 6,584,848 დოლარი საქართველოს გადაუხადა. კანონმდებლობით, მათ შეეძლოთ არბიტრაჟის გადაწყვეტილების გასაჩივრება, მაგრამ ეს არ გააკეთეს. ცნობისთვის, ერთი თვის წინ, ავაზაკებმა, მამუკა ხაზარაძემ და ბადრი ჯაფარიძემ ანაკლიის პორტის საქმეზე დავა ვაშინგტონის არბიტრაჟშიც წააგეს, სადაც დადასტურდა, რომ ანაკლიის პორტის პროექტის განუხორციელებლობა მთლიანად მამუკა ხაზარაძის, ბადრი ჯაფარიძისა და მათი პარტნიორების პასუხისმგებლობაა და საქართველოს მთავრობის მხრიდან რაიმე ფორმით ხელშეშლას ადგილი არ ჰქონია.

კერძოდ: პროექტის დაფინანსების ვალდებულება სრულად ეკისრებოდა ინვესტორს, რომელმაც საკუთარი მიზეზით ვერ მოიძია საჭირო სახსრები. პროექტის კომერციული რისკის მატარებელი იყო მხოლოდ ინვესტორი. მთავრობის მხრიდან ხელშეკრულების შეწყვეტა იყო კანონიერი: ინვესტორს მრავალჯერ გადაუვადდა მშენებლობისთვის საჭირო დაფინანსების მოსაძიებლად დადგენილი ვადები. დამტკიცებულად იქნა მიჩნეული, რომ სახელმწიფო ხელშეკრულების მოქმედების განმავლობაში განუხრელად უჭერდა მხარს ანაკლიის პროექტის განხორციელებას. მამუკა ხაზარაძისა და ბადრი ჯაფარიძის მისამართით ფულის გათეთრებასთან დაკავშირებით წარმოებული სისხლისსამართლებრივი დევნის კანონიერება ეჭვქვეშ არ დამდგარა. „ანაკლიის განვითარების კონსორციუმისთვის“ ინვესტორების (მათ შორის, ამერიკული საინვესტიციო ფონდის) მოზიდვაში სახელმწიფოს ხელი არ შეუშლია.

აღნიშნული დავის ფარგლებში ხაზარაძისა და ჯაფარიძის ჰოლანდიელი პარტნიორი ბობ მეიერი ითხოვდა 64 მილიონი აშშ დოლარის გადახდას, თუმცა, არბიტრაჟმა მისი ყველა მოთხოვნა უარყო და მას თავად დააკისრა საქართველოს მთავრობის სასარგებლოდ 6,5 მილიონი აშშ დოლარის გადახდის ვალდებულება. საზოგადოებისთვის ცნობილია, რომ ზუსტად ერთი წლის წინ ანაკლიის საქმეზე დავა ხაზარაძისა და ჯაფარიძის ანაკლიის კონსორციუმმა სახელმწიფოსთან პარიზის არბიტრაჟში წააგო, რომლის ფარგლებშიც სახელმწიფო ბიუჯეტიდან 1,5 მილიარდი აშშ დოლარის გადახდას ითხოვდნენ. პარიზის არბიტრაჟმაც სრულად უარყო მომჩივნების მოთხოვნები და პირიქით, მათ დაეკისრათ სახელმწიფოს სასარგებლოდ 650 000 აშშ დოლარის გადახდის ვალდებულება. აღნიშნული გადაწყვეტილება ხაზარაძეს და ჯაფარიძეს არ გაუსაჩივრებიათ, მათ დაკისრებული თანხაც გადაიხადეს, რითაც ფაქტობრივად აღიარეს, რომ ანაკლიის პორტი მათი ბრალეულობით ვერ განხორციელდა“, - წერს აბაშიძე.