ტრამპი კონგრესს მოუწოდებს, გააუქმოს დამტკიცებული 5 მილიარდი დოლარის საგარეო დახმარება
1756489036
აშშ-ის პრეზიდენტმა დონალდ ტრამპმა კონგრესს მოუწოდა, გააუქმოს უკვე დამტკიცებული უცხოური დახმარებისა და სამშვიდობო მისიებისთვის გამოყოფილ 5 მილიარდამდე დოლარი. ინფორმაციას „ნიუ იორკ პოსტი“ ავრცელებს.
თანხები, რომელთა გაწვევაც ტრამპს სურს, განკუთვნილი იყო არაკომერციული ორგანიზაციების, უცხოური მთავრობებისთვის და მიმდინარე წელს თეთრი სახლის მენეჯმენტისა და ბიუჯეტის ოფისის მიერ იქნა დაპაუზებული. ამის შემდეგაც სამართლებრივ დავებში აღმოჩნდა, როდესაც გლობალურმა ჯანდაცვის საბჭომ სასამართლოში სარჩელი შეიტანა. კოლუმბიის ოლქის სააპელაციო სასამართლომ აღნიშნულ საქმეზე სასამართლო აკრძალვა გააუქმა, რითაც პრეზიდენტ ტრამპს შესაძლებლობა მიეცა, ახლა კონგრესს მოსთხოვოს ამ თანხების გაუქმება.
აღნიშნული თანხა მოიცავს 3.2 მილიარდ დოლარს, რომელიც USAID-ის განვითარების მიზნებისთვის იყო გამოყოფილი – 322 მილიონი დოლარი USAID-ისა და სახელმწიფოს დეპარტამენტის დემოკრატიის ფონდისგან, 521 მილიონი არის სახელმწიფო დეპარტამენტის კონტრიბუციები საერთაშორისო ორგანიზაციებისთვის, 393 მილიონი სახელმწიფო დეპარტამენტის კონტრიბუციები სამშვიდობო საქმიანობებისთვის, ხოლო 445 მილიონი გამოყოფილი იყო ცალკეული სამშვიდობო ოპერაციისთვის.
ამავდროულად, ამერიკის პრეზიდენტმა ისარგებლა კანონში არსებული ხვრელით, რომელიც მას საშუალებას აძლევს, გაყინოს ეს თანხები კონგრესის საბოლოო გადაწყვეტილების მიღებამდე.
სტატიაში აღნიშნულია, რომ ამ თანხების გაუქმება არ აისახება აშშ-ის მხარდაჭერაზე, რომელიც მრავალეროვნული შეიარაღებული ძალებისა და ისრაელ-ეგვიპტის საზღვარზე სადამკვირვებლო სამშვიდობო მისიებისთვის იყო გამოყოფილი.
