უკრაინამ მასიური დაბომბვის გამო გაეროს უშიშროების საბჭოს საგანგებო სხდომა მოიწვია - უკრაინის საგარეო უწყება
1756470405
29 აგვისტოს, კიევსა და სხვა ქალაქებზე რუსეთის მიერ განხორციელებული მასობრივი თავდასხმის შემდეგ, უკრაინამ გაეროს უშიშროების საბჭოს საგანგებო სხდომა მოიწვია. აღნიშნულის შესახებ უკრაინის საგარეო საქმეთა მინისტრმა ანდრეი სიბიგამ განაცხადა.
სიბიგას თქმით, ეს არის რეაქცია რუსული სარაკეტო და დრონებით განხორციელებული თავდასხმების ტალღაზე, რამაც ათობით მშვიდობიანი მოქალაქის, მათ შორის ბავშვების სიცოცხლე იმსხვერპლა.
„ამ დარტყმებს ათობით მშვიდობიანი მოქალაქის, მათ შორის ბავშვების სიცოცხლე ემსხვერპლა. მოვუწოდებთ უშიშროების საბჭოს წევრებს, გამოიყენონ ეს შეხვედრა უკრაინის მხარდაჭერის გამოსახატავად რუსული ტერორის წინაშე და გააძლიერონ ზეწოლა რუს აგრესორზე.
მხოლოდ ზეწოლას, მათ შორის ახალ მკაცრ სანქციებს, შეუძლია აიძულოს მოსკოვი, შეწყვიტოს დიპლომატიის სიმულირება და ომის დასრულებისთვის რეალურ ძალისხმევას შეუერთდეს“, - აცხადებს ანდრეი სიბიგა.
შეხვედრა დღეს, 29 აგვისტოს, კიევის დროით 22:00 საათზე გაიმართება. ის უკრაინის მოთხოვნით გაიმართება.
