ზელენსკის განცხადებით, კიევში სამაშველო ოპერაციები დასრულდა, დაღუპულია 23 ადამიანი, მათ შორის 4 ბავშვი
1756462858
უკრაინის პრეზიდენტის ვოლოდიმირ ზელენსკის განცხადებით, კიევის დარნიცკის რაიონში, საცხოვრებელ კორპუსზე რუსული ძალების საჰაერო იერიშის შედეგად 23 ადამიანი დაიღუპა, რვა ადამიანის ბედი კი უცნობია.
პრეზიდენტ ზელენსკის თქმით, ადგილზე სამაშველო ოპერაციები დასრულდა, ახლა კი დანგრეული შენობების დემონტაჟი გრძელდება.
დარნიცკის რაიონში, საცხოვრებელ კორპუსზე რუსული დარტყმის ადგილზე სამაშველო სამუშაოები დასრულდა. დანგრეული ნაგებობების დემონტაჟი მიმდინარეობს. ამ ეტაპზე, მხოლოდ ამ დარტყმის ადგილას 23 ადამიანი დაიღუპა, მათ შორის 4 ბავშვი. ყველაზე პატარა გოგონა 3 წლისაც არ არის“, - განაცხადა ზელენსკიმ.
ინფორმაციისთვის, 28 აგვისტოს რუსულმა ძალებმა კიევზე მასშტაბური საჰაერო იერიში მიიტანეს.
რუსებმა დრონები, „კინჟალის“ ტიპის 2 რაკეტა, „ისკანდერ-მ“ ტიპის 9 ბალისტიკური რაკეტა და 20 ფრთოსანი რაკეტა გამოიყენეს.
რუსების იერიშის შედეგად დაღუპული მშვიდობიანი მოქალაქეების რიცხვი 23-მდე გაიზარდა.
