თორნიკე ჭეიშვილი: რადიკალური ოპოზიციის დასასრული ახლოს არის და პოლიტიკურ ეგოს იმით იკმაყოფილებენ, რომ ერთმანეთს დაერივნენ
1756479651
„რადიკალური ოპოზიციის დასასრული ახლოს არის, მოახლოებულია პროცესი, როცა პოლიტიკიდან მათი გაძევება მოხდება“, - ამის შესახებ საპარლამენტო უმრავლესობის წევრმა თორნიკე ჭეიშვილმა განაცხადა.
მისი თქმით, ამორალური განცხადებებით ცდილობენ, თავიანთივე რიგებში მყოფ პირებს დაუპირისპირდნენ.
„ეს დაპირისპირება კარგად წარმოაჩენს, რაოდენ გაკოტრებულები არიან, ჭაობში იმყოფებიან. სამწუხაროა, რომ ქართულ საზოგადოებას უწევს, მათი პოლიტიკური ხრწნის პროცესი იხილოს, რაც იმაში იზრდება, რომ ამორალური განცხადებებით ცდილობენ, თავიანთივე რიგებში მყოფ პირებს დაუპირისპირდნენ.
მაშინ, როცა არანაირი წარმატება არ ესახებათ, თავიანთ პოლიტიკურ ეგოს იმით იკმაყოფილებენ, რომ ერთმანეთს დაერივნენ და უკადრებელ საქციელს კადრულობენ. გამოყენებული იყო ბავშვების თემაც, რაც წითელი ხაზია.
სამწუხაროა, რომ საზოგადოებას ამ პროცესის თვალყურის დევნება უწევს. ეს იმას აჩვენებს, რომ რადიკალური ოპოზიციის დასასრული ახლოს არის. მოახლოებულია პროცესი, როცა პოლიტიკიდან მათი გაძევება და პოლიტიკის მათგან გათავისუფლება მოხდება“, - აღნიშნა ჭეიშვილმა.
