ირმა კვიცარიძე: ეკატერინე ტიკარაძეს მენეჯმენტის ისეთი სკოლა აქვს დამთავრებული, მან ძალიან კარგად იცის, რა უნდა იყოს მის ქვეყანაში
1584455630
„ნებისმიერი, ვისაც ავსტრიაში უსწავლია და სამედიცინო სფეროსთან შეხება ჰქონია, მას უნდა, რომ მსგავსი სამედიცინო სისტემა იყოს მის ქვეყანაში. ეკატერინე ტიკარაძეს მენეჯმენტის ისეთი სკოლა აქვს დამთავრებული, მან ძალიან კარგად იცის, რა უნდა იყოს და რა არ არის მის ქვეყანაში“, – აცხადებს ინსბრუკის (ავსტრია) სამედიცინო უნივერსიტეტის სხივური თერაპიისა და რადიოონკოლოგიის ცენტრის უფროსი ექიმი ირმა კვიცარიძე.
მისი თქმით, ეკატერინე ტიკარაძეს ძალიან რთული სამუშაო აქვს ჩაბარებული.
„მას უწევს იმაზე პასუხის გაცემა, რაც მისი დანაშაული ნამდვილად არ არის. ყველა მინისტრს შეიძლება, მოსთხოვო იმ რესურსის არქონის გამო პასუხი, 90-იანი წლებიდან მოყოლებული დღემდე, ტიკარაძის გარდა. ხელისუფლებას წარმოადგენს მინისტრი. მე ვისურვებდი მინისტრს კამერების წინ. მე ვისურვებდი, რომ ის უფრო თამამად გამოვიდეს, დაელაპარაკოს ხალხს როგორც მინისტრი, როგორც რჩეული და მან მოახსენოს საზოგადოებას, რა ხდება ქვეყანაში და რა არის გასაკეთებელი. მას ძალიან რთული სამუშაო აქვს გასაკეთებელი და ძალიან რთული სამინისტრო აქვს ჩაბარებული“. - აცხადებს ირმა კვიცარიძე.
