1757837522

ისრაელი ღაზას სექტორში სამხედრო ოპერაციას აგრძელებს. როგორც ადგილობრივი მედია იუწყება, უკანასკნელი ერთი დღის განმავლობაში, საბრძოლო მოქმედებების შედეგად, 62 ადამიანი დაიღუპა, მათგან 49 პირი - ღაზას ქალაქში. დაშავებულია 205 ადამიანი. ღაზას სექტორის კლინიკებში შიმშილობით გამოწვეული სიკვდილის 73 შემთხვევა დაფიქსირდა, რითაც არასრულფასოვანი კვების შედეგად გარდაცვლილთა რიცხვი 420-მდე გაიზარდა. მათ შორის, 145 ბავშვია. ღაზას სამოქალაქო თავდაცვის სააგენტოს ცნობით, ისრაელის ინტენსიური დაბომბვის გამო, ბოლო 24 საათის განმავლობაში, ღაზაში 6 000-ზე მეტი პალესტინელი უსახლკაროდ დარჩა.

1757769989

ოკუპირებული აფხაზეთის ე.წ. გენერალურმა პროკურატურამ რუსულ მხარეს რუსეთის ფედერაციის მოქალაქე, ალექსანდრე სტეპანოვი გადასცა. მას რუსეთის გენერალური პროკურატურა უკანონო საბანკო საქმიანობაში, ასევე საბანკო თანხების და სხვა ქონების უკანონო ლეგალიზაციაში ადანაშაულებს. ინფორმაციას Apsadgil.info ავრცელებსოკუპირებული აფხაზეთის ე.წ. გენერალური პროკურატურის განცხადებაში აღნიშნულია, რომ რუსეთის მოქალაქის გადაცემა რუსეთის გენერალური პროკურატურისგან შესაბამისი განაცხადის მიღების შემდეგ მოხდა.„ეს ფაქტი შესაძლებელი გახდა აფხაზეთის და რუსეთის პროკურატურების თანამშრომლობის მაღალი დონის შედეგად“, - აცხადებენ სოხუმში.

1757708299

უკრაინულმა ჯარებმა სუმზე რუსეთის შეტევითი ოპერაცია მთლიანად ჩაშალეს. მტერმა დიდი დანაკარგები განიცადა, - ამის შესახებ უკრაინის პრეზიდენტმა ვოლოდიმირ ზელენსკიმ განაცხადა. მისი თქმით, უკრაინის შეიარაღებული ძალების მთავარსარდალმა, ალექსანდრე სირსკიმ, ფრონტის ხაზზე არსებული ვითარების შესახებ ანგარიში წარადგინა.„მთავარსარდალმა სირსკიმ ინფორმაცია მომაწოდა ფრონტზე არსებული სიტუაციის, საკვანძო მიმართულებების შესახებ. არის შედეგები სუმის ოლქში: დღევანდელი მდგომარეობით შეგვიძლია განვაცხადოთ, რომ რუსეთის შეტევითი ოპერაცია სუმზე მთლიანად ჩაშალეს ჩვენმა ძალებმა. გრძელდება ბრძოლები სუმის ოლქის სასაზღვრო რაიონებში, თუმცა რუსეთის დანაყოფებმა სუმის მიმართულებით დაკარგეს შეტევითი შესაძლებლობები მიღებული დანაკარგების შედეგად“, - აღნიშნა ზელენსკიმ.მან დასძინა, რომ უკრაინის შეიარაღებული ძალები, ასევე, აქტიურად ებრძვიან რუსეთის თავდასხმებს დონეცკისა და ზაპოროჟიეს ოლქებში.„ჩვენ ვაძლევთ ძალას ჩვენს არმიას“, - დასძინა ზელენსკიმ.

1757513416

საოკუპაციო ძალების მიერ გორის მუნიციპალიტეტის სოფელ ხურვალეთის მიმდებარედ მიმდინარე წლის 19 მაისს უკანონოდ დაკავებული თენგიზ კორაშვილი თავისუფალია. ინფორმაციას ამის შესახებ სუსი ავრცელებს.  სახელმწიფო უსაფრთხოების სამსახურის ცნობით, კორაშვილი ცენტრალური ხელისუფლების მიერ კონტროლირებად ტერიტორიაზე იმყოფება.„ვაგრძელებთ აქტიურ მუშაობას ოკუპირებულ ტერიტორიებზე უკანონო პატიმრობაში მყოფი საქართველოს ყველა მოქალაქის გასათავისუფლებლად“, - ნათქვამია სუსის მიერ გავრცელებულ ინფორმაციაში.

1757481025

„ისრაელის თავდასხმას, რომელიც დღეს კატარის ტერიტორიაზე მოხდა, ვერ ვუწოდებთ სხვა რაიმეს, გარდა ტერორიზმისა, რომელსაც ახორციელებს ისეთი ადამიანი, როგორიცაა ბენიამინ ნეთანიაჰუ“, – ამის შესახებ კატარის პრემიერ-მინისტრმა მოჰამედ ბინ აბდულრაჰმან ალ-ტანიმ განაცხადა.„ეს უბრალოდ, მკაფიო შეტყობინებაა მთელი რეგიონისთვის. თავდასხმა იყო ასი პროცენტით ღალატი, ჩვენ არაფერი ვიცოდით ამის შესახებ“, – აღნიშნა მოჰამედ ბინ აბდულრაჰმან ალ-ტანიმ.ალ-ტანის თქმით, აშშ-ის ოფიციალურმა პირებმა კატარს თავდასხმის შესახებ ინფორმაცია მომხდარიდან ათი წუთის შემდეგ მიაწოდეს.„თავდასხმა მოხდა 15:46-ზე. პირველი ზარი, რაც ამერიკელი ოფიციალური პირისგან გვქონდა, იყო 15:56-ზე, რაც არის ათი წუთი თავდასხმის შემდეგ. აშშ-ის მთავრობის პოზიციაა, რომ მათ არ ჰქონდათ ინფორმაცია თავდასხმის შესახებ, ვიდრე ის არ დაიწყო“, – განაცხადა მოჰამედ ბინ აბდულრაჰმან ალ-ტანიმ.ამასთან, როგორც კატარის პრემიერ-მინისტრმა აღნიშნა, შუამავლობითი ძალისხმევა კატარის იდენტობის ნაწილია და ამ მიმართულებით მის როლს ვერაფერი შეაჩერებს.„შუამავლობა კატარის იდენტობის ნაწილია და ის გაგრძელდება. ვერაფერი შეგვიშლის ხელს, განვაგრძოთ ამ როლის შესრულება ჩვენ გარშემო არსებულ სხვადასხვა საკითხში, რათა მივაღწიოთ სტაბილურობას რეგიონში“, – აღნიშნა კატარის პრემიერ-მინისტრმა.

1757423039

რუსეთის საოკუპაციო ძალების წარმომადგენლებმა გორის მუნიციპალიტეტის სოფელ ზემო ხვითის მიმდებარედ უკანონოდ დააკავეს საქართველოს ერთი მოქალაქე. ინფორმაციას საქართველოს სახელმწიფო უსაფრთხოების სამსახური ავრცელებს. უწყების ცნობით, ინციდენტთან დაკავშირებით ინფორმაციის მიღებისთანავე სახელმწიფო უსაფრთხოების სამსახურის მიერ გააქტიურდა ევროკავშირის სადამკვირვებლო მისიის ჩართულობით მოქმედი „ცხელი ხაზი“.„ინფორმაცია უკანონო დაკავების მორიგი ფაქტის შესახებ დაუყოვნებლივ ეცნობა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს.ამოქმედებულია ყველა არსებული მექანიზმი, რათა უმოკლეს ვადებში გათავისუფლდეს დაკავებული საქართველოს მოქალაქე, რაზეც პასუხისმგებლობა სრულად ეკისრება საოკუპაციო ძალას“, - აღნიშნულია სუსის განცხადებაში.

1757412754

ცხინვალში, ე.წ. მილიციის თანამშრომლებმა 41 წლის ადგილობრივი მკვიდრის ავტომობილიდან მარიხუანა ამოიღეს. ამის შესახებ სააგენტო „რესი“ იუწყება.ამავე ინფორმაციის მიხედვით, აღნიშნულ პირს ადრე ნარკოტიკების ზემოქმედების ქვეშ საგზაო-სატრანსპორტო შემთხვევა მოუვიდა.„საგამოძიებო მოქმედებების ფარგლებში აღნიშნული პირის სატრანსპორტო საშუალება შემოწმდა და იქიდან ქაღალდში შეხვეული მარიხუანა იყო ამოღებული. მარიხუანის წონა 1,41 გრამია“, - წერია ინფორმაციაში.აღნიშნულ ფაქტზე დე ფაქტო უწყებები გამოძიებას აწარმოებენ.

1757409105

ოკუპირებულ აფხაზეთში ძლიერი წვიმის გამო სოხუმის ნაწილს ელექტროენერგიის მიწოდება შეუწყდა. ამის შესახებ „ეხო კავკაზა“ იუწყება.წვიმამ ეზოების და კორპუსების პირველი სართულების დატბორვაც გამოიწვია. ე.წ. მერის, თემურ აგრბას დავალებით, ყველა სამსახური გაძლიერებულ რეჟიმზეა გადაყვანილი.სოხუმის ადმინისტრაცია მოუწოდებს მოსახლეობას, რომ იმ ქუჩებით გადაადგილებისგან თავი შეიკავოს, სადაც წყალდიდობა დაფიქსირდა. ასევე არსებობს კალაპოტიდან მდინარეების გადმოსვლის საფრთხეც.

1757365102

ისრაელის პრემიერ-მინისტრი ბენიამინ ნეთანიაჰუ აცხადებს, რომ ისრაელი ღაზაზე შეტევას გააძლიერებს და მცხოვრებლებს ქალაქის დატოვებისკენ მოუწოდებს.როგორც ისრაელის პრემიერმა აღნიშნა, ისრაელის თავდაცვის ძალები ახლა ქალაქ ღაზაში სახმელეთო ოპერაციისთვის ემზადებიან.„რამდენიმე დღის წინ დაგპირდით, რომ ღაზაში ტერორისტულ კოშკებს დავანგრევდით და ზუსტად ამას ვაკეთებთ. ბოლო რამდენიმე დღის განმავლობაში, ისრაელის საჰაერო ძალებმა 50 ასეთი კოშკი დაანგრიეს. ეს ყველაფერი მხოლოდ დასაწყისია.სწორედ ამიტომ, მე მივმართავ ღაზას მოსახლეობას, ვსარგებლობ ამ შესაძლებლობით, ყურადღებით მომისმინეთ: გაფრთხილებულები ხართ, ახლავე წადით“, – განაცხადა ნეთანიაჰუმ. 

1757324482

რუსეთის ჯარებმა ბოლო დროს ხარკოვის ოლქის ჩრდილოეთით, კერძოდ, ვოვჩანსკის დასავლეთ ნაწილში წარმატებას მიაღწიეს, - ამის შესახებ ამერიკის ომის შესწავლის ინსტიტუტის (ISW) ანალიტიკოსებმა ანგარიშში აღნიშნეს.აღსანიშნავია, რომ ოკუპანტების წინსვლა ვოვჩანსკის ნავთობის მოპოვების ქარხნის (ხარკოვის ჩრდილო-აღმოსავლეთით) მიმართულებით დაფიქსირდა.ანალიტიკოსებმა, ასევე, აღნიშნეს, რომ რუსმა სამხედრო ბლოგერმა წინა დღეს გაავრცელა ინფორმაცია  ხარკოვის ჩრდილო-აღმოსავლეთით  რუსი ჯარების 200 მეტრით წინსვლის შესახებ, თუმცა მისი განცხადება არ დადასტურდა.ISW მიიჩნევს, რომ ამ მიმართულებით წინსვლისას რუსული არმია მიზნად ისახავს უკრაინული ჯარების რუსეთის ფედერაციის ბელგოროდის საზღვრიდან განდევნას და ხარკოვის ქალაქს მიუახლოვდეს.

1757320642

ცხინვალში ბიზნესმენი გაიტაცეს. ამის შესახებ სააგენტო „რესი“ იუწყება.ამ ინფორმაციის მიხედვით, წინასწარი შეთანხმებით, ბოროტმოქმედები კაცთან სალაპარაკოდ მივიდნენ, რა დროსაც მას მანქანაში ჩაჯდომა შესთავაზეს, ამის შემდეგ კი ის ცხინვალის ჩრდილოეთ შემოგარენში წაიყვანეს და სამი საათის განმავლობაში ფიზიკურ შეურაცხყოფას აყენებდნენ. ბოროტმოქმედები დაზარალებულისგან მათთვის დიდი ოდენობით ქონების გადაცემას მოითხოვდნენ.ცემის შემდეგ დაზარალებულმა გამტაცებლებს 6 მლნ რუბლის (73 ათასი აშშ დოლარის) ღირებულების ავტომობილის გასაღები გადასცა. ამის შემდეგ ბოროტმოქმედებმა დაზარალებული მის სახლში მიიყვანეს და გაათავისუფლეს.დაზარალებული მიხვდა, რომ თუ ის რამეს არ იღონებს, ბოროტმოქმედები მის ავტომობილს წაიყვანდნენ, რომლის გასაღები მათ ჰქონდათ. ამიტომ ის მანქანის პარკინგის ადგილზე მივიდა, უკანა საქარე მინა ჩაამსხვრია, მანქანაში შეაღწია და იქიდან ელექტრონული ნაწილები ამოიღო, რის შემდეგ ავტომობილის დაქოქვა შეუძლებელი გახდა.ე.წ. სამხრეთ ოსეთის „პროკურატურამ“ ადამიანის გატაცებისა და გამოძალვის ფაქტებზე სისხლის სამართლის საქმე აღძრა. გამოძიების ინფორმაციაში აღნიშნულია, რომ გატაცება წინასწარ შეთანხმებით, ჯგუფურად მოხდა, ასევე ძალადობის გამოყენებით მოხდა განსაკუთრებით დიდი ოდენობის თანხის გამოძალვა, რაც ასევე ჯგუფურად, წინასწარი განზრახვით იყო ჩადენილი.გატაცების მონაწილე რამდენიმე პირი დაკავებულია, ხოლო დანარჩენების ძებნა მიმდინარეობს.

1757318674

აგვისტო ბოლო დროს რუსი ოკუპანტების მიერ შედარებით მცირე ტერიტორიული დაპყრობების თვე იყო, - ამის შესახებ უკრაინის შეიარაღებული ძალების მთავარსარდალმა ალექსანდრე სირსკიმ განაცხადა.ამასთან, სირსკი აცხადებს, რომ აგვისტო უკრაინის არმიისთვის „დიდი განსაცდელების თვე“ იყო, თუმცა „საბოლოოდ ბევრი დადებითი შედეგი მივიღეთ“.„ჩვენი ძირითადი ძალისხმევა მოწინააღმდეგის შეკავებასა და მისთვის მაქსიმალური დანაკარგების მიყენებაზე გავამახვილეთ. აუცილებელი იყო სიტუაციის სტაბილიზაცია ყველაზე საშიში მიმართულებებით, როგორიცაა ლიმანსკი, დობროპილსკი, პოკროვსკი, ნოვოპავლოვსკი და ამავდროულად გამოგვეყენებინა აქტიური თავდაცვის ტაქტიკა, აღგვედგინა დაკარგული ტერიტორიები, დაგვეცვა ჩვენი ქალაქები აგრესორის რაკეტებისა და დრონების დარტყმებისგან და რუსეთის სიღრმეში დარტყმები განგვეხორციელებინა“, - აღნიშნა სირსკიმ.მან აღნიშნა, რომ მოწინააღმდეგე ამჟამად ძალებისა და საშუალებების მხრივ სამმაგი უპირატესობა აქვს.„აგვისტოში ოკუპანტი იმედოვნებდა სტრატეგიული უპირატესობის მიღწევას, გარღვევას და ჩვენი ჯარების ალყაში მოქცევას და გეგმავდა ფართომასშტაბიან შეტევით მოქმედებებს ნოვოპავლოვსკის და ზაპოროჟიეს მიმართულებით. თუმცა, ჩვენმა ჯარებმა არ მისცეს ამ განზრახვების განხორციელების საშუალება. რუსები იძულებულნი გახდნენ გადაედოთ შეტევა ზაპოროჟიეში და საზღვაო ქვეითების დანაყოფები დონეცკის რეგიონში გადაეყვანათდობროპოლის მიმართულებით ოკუპანტებმა 13,5 კვ. კმ დაიკავეს, მაგრამ 25,5 კვ. კმ დაკარგეს. პოკროვსკში მათ 5 კვ. კმ მოიპოვეს, ხოლო უკრაინის შეიარაღებულმა ძალებმა 26 კვ. კმ-ზე კონტროლი აღადგინეს. სევერო-სლობოჟანსკის მიმართულებით უკრაინულმა ძალებმა 4 კვ. კმ დაიბრუნეს.აგვისტოში აღდგა კონტროლი 58 კვადრატულ კილომეტრ ტერიტორიაზე და არაერთი დასახლებული პუნქტი გათავისუფლდა“, - აღნიშნა მთავარსარდალი.მთავარსარდალმა, ასევე ,ისაუბრა უკრაინის მიერ რუსეთის ტერიტორიაზე განხორციელებული დარტყმების წარმატების შესახებ.„Deep Strike-ის საშუალებებით 60 სამიზნეს დაარტყეს, მათ შორის საწვავის წარმოების ობიექტებს, საბრძოლო მასალის საწყობებს, საჰაერო თავდაცვის სისტემებსა და სატრანსპორტო ინფრასტრუქტურას. უკრაინულმა დრონებმა აგვისტოში 67 000-ზე მეტ სამიზნეს დაარტყეს, ხოლო Middle Strike-ის პროგრამის ეფექტურობა 25%-ით გაიზარდა. მხოლოდ აგვისტოში ოკუპანტების დანაკარგებმა 28 790 ადამიანი შეადგინა“, - დასძინა უკრაინის შეიარაღებული ძალების მთავარსარდალმა.