1755954060

უკრაინის პრეზიდენტი ვოლოდიმირ ზელენსკი აცხადებს, რომ უსაფრთხოების გარანტიების პროექტი უახლოეს დღეებში მზად იქნება. ამის შესახებ ვოლოდიმირ ზელენსკიმ ნიდერლანდების პრემიერ-მინისტრის მოვალეობის შემსრულებელ დიკ შუფთან ტელეფონით საუბრის შემდეგ განაცხადა.უკრაინის პრეზიდენტმა ხაზგასმით აღნიშნა, რომ რუსეთი არ ავლენს მშვიდობისკენ სწრაფვას, ამიტომ საჭიროა ზეწოლა მისი პოზიციის შესაცვლელად და „ყველა საკითხის განსახილველად უმაღლეს დონეზე შეხვედრა“.ნიდერლანდების პრემიერ-მინისტრის მოვალეობის შემსრულებელთან საუბარში ზელენსკიმ, ასევე, განიხილა უკრაინისთვის უსაფრთხოების პოტენციური გარანტიები.მისი თქმით, უკრაინა მზადაა კონსტრუქციული ნაბიჯებისთვის, რამაც შეიძლება რეალური მშვიდობა დაამყაროს.„რა თქმა უნდა, ვისაუბრეთ პარტნიორებთან ჩვენს დიპლომატიურ მუშაობაზე და ვაშინგტონში გამართულ შეხვედრებზე. ახლა არსებობს რეალური შანსი, რომ ეს ომი დასრულდეს.უკრაინა მზადაა კონსტრუქციული ნაბიჯებისთვის, რამაც შეიძლება რეალური მშვიდობა დაამყაროს. თუმცა, რუსეთი არ ავლენს რაიმე სახის მშვიდობის განზრახვას და აგრძელებს ჩვენი ქალაქების დაბომბვას.ჩვენ იგივენაერი შეფასება გაქვს ყველა იმ სიგნალთან დაკავშირებით, რომლებიც ამ დღეებში მოსკოვიდან მოდის. საჭიროა ზეწოლა, რომელიც შეცვლის მათ პოზიციას და შეხვედრა უმაღლეს დონეზე ყველა საკითხის განსახილველად.ჩვენ განვიხილეთ უსაფრთხოების გარანტიები. ახლა უკრაინის, აშშ-ს და ევროპელი პარტნიორების გუნდები მუშაობენ თავიანთ არქიტექტურაზე. ყველა გეგმა მზად იქნება უახლოეს დღეებში.ჩვენ ვისაუბრეთ იმაზე, თუ როგორ შეუძლია ნიდერლანდებს გაზარდოს თავისი ჩართულობა ამ პროცესში და დაეხმაროს უსაფრთხოების უზრუნველყოფაში“, - წერს ზელენსკი. I spoke with @MinPres, Dick Schoof.Today is a very special day in Ukraine – National Flag Day. Thank you, Dick, for your important and warm words of support to our people, to all Ukrainians. We greatly value the assistance of the Netherlands and the solidarity of the Dutch… pic.twitter.com/rjXWAD3gIw — Volodymyr Zelenskyy / Володимир Зеленський (@ZelenskyyUa) August 23, 2025

1755867271

რუსული ტურისტული სააგენტოები ოკუპირებულ აფხაზეთსა და ე.წ. სამხრეთ ოსეთში მუშაობისას შეღავათებს მიიღებენ, ამის შესახებ Apsadgil.info იუწყება.კომპანიებისთვის, რომლებსაც ტურისტები ამ მიმართულებებზე, ასევე ბელარუსში დაჰყავთ, პასუხისმგებლობის შემცირებული ფინანსური უზრუნველყოფა იმოქმედებს. ის მათთვის 500 ათასი რუსული რუბლი (6000 აშშ დოლარს) გახდება, მაშინ, როდესაც სხვა კომპანიებისთვის ანალოგიური საგარანტიო თანხები ათობით მილიონ რუბლს შეადგენს.როგორც რუსეთის ეკონომიკური განვითარების სამინისტროში განაცხადეს, ეს გადაწყვეტილება ტურისტებისთვის ფასებს შეამცირებს და ტურები უფრო ხელმისაწვდომი გახდება.

1755797973

რუსეთის ლიდერმა ვლადიმერ პუტინმა უკრაინაში ომის დასრულების ახალი მოთხოვნები წამოაყენა. ვლადიმერ პუტინი მოითხოვს, რომ უკრაინამ დატოვოს დონბასი, უარი თქვას ნატოში გაწევრიანების ამბიციებზე, შეინარჩუნოს ნეიტრალიტეტი და ქვეყანაში დასავლელი სამხედროები არ დაუშვას“, - ამის შესახებ „როიტერსს“ წყაროებმა განუცხადეს.კრემლის პოზიციის შესახებ ინფორმირებული წყაროების ცნობით, ახალ წინადადებაში პუტინი დაჟინებით მოითხოვს, რომ კიევმა ჯარები გაიყვანოს დონბასის იმ ნაწილებიდან, რომლებიც ჯერ კიდევ უკრაინის კონტროლის ქვეშაა. სანაცვლოდ, მოსკოვი მზადაა, სამხრეთით - ზაპოროჟიესა და ხერსონის ოლქები დათმოს. წყაროების ცნობით, მთელი დახურული 3-საათიანი შეხვედრის დროს აშშ-ის პრეზიდენტმა დონალდ ტრამპმა კრემლის მმართველთან უკრაინასთან დაკავშირებით შესაძლო კომპრომისი განიხილა.გამოცემაში აღნიშნულია, რომ უკრაინის ხელისუფლებამ უარყო ეს პირობები და ისინი კაპიტულაციის ტოლფასად შეაფასა.წყაროების ცნობით, ახალ წინადადებაში პუტინი ძველ მოთხოვნას ინარჩუნებს, რომელიც უკრაინის შეიარაღებული ძალების მათ მიერ კონტროლირებადი დონბასის ტერიტორიებიდან სრულად გაყვანას გულისხმობს. სანაცვლოდ, მოსკოვი ზაპოროჟიესა და ხერსონის ოლქებში ფრონტის ამჟამინდელ ხაზზე საბრძოლო მოქმედებებს შეაჩერებს. წყაროების ცნობით, მოსკოვი, ასევე, მზადაა შესაძლო გარიგების ფარგლებში უკრაინის ხარკოვის, სუმის და დნეპროპეტროვსკის ოლქების ოკუპირებული ნაწილები გადასცეს.წყაროების ცნობით, პუტინი, ასევე, ინარჩუნებს თავის წინა მოთხოვნებს, რომ უკრაინამ უარი თქვას ნატოს წევრობაზე და მიიღოს ალიანსისგან იურიდიული ვალდებულება, არ გაფართოვდეს აღმოსავლეთისკენ, ასევე, შეზღუდოს უკრაინული არმიის რაოდენობა და დადოს შეთანხმება, რომ დასავლური ჯარები არ განლაგდებიან უკრაინის ტერიტორიაზე სამშვიდობო ძალების შემადგენლობაში.თუმცა, გამოცემის ცნობით, მხარეებს შორის პოზიციები კვლავ საკმაოდ გაყოფილია.კრემლთან დაახლოებულმა სამმა წყარომ გამოცემას განუცხადა, რომ მათი აზრით, ალასკაში გამართული შეხვედრა ომის დაწყებიდან მშვიდობის დამყარების საუკეთესო შანსს წარმოადგენდა, რადგან კონკრეტული მოლაპარაკებები რუსეთის პირობებით მიმდინარეობდა და, სავარაუდოდ, პუტინმა დათმობაზე წასვლის სურვილი გამოხატა.„პუტინი მზადაა მშვიდობისთვის, კომპრომისისთვის. ეს არის გზავნილი, რომელიც ტრამპს გადაეცა“, - განაცხადა ერთ-ერთმა წყარომ.წყაროების ცნობით, კრემლს არ ჰქონდა ინფორმაცია, მზად იყო თუ არა უკრაინა დონბასის დათმობისთვის და დაემუქრა, რომ წინააღმდეგ შემთხვევაში ომი გაგრძელდებოდა. ასევე, გაურკვეველი იყო, აღიარებდა თუ არა შეერთებული შტატები რუსეთის მიერ კონტროლირებად უკრაინის ტერიტორიებს.ერთ-ერთმა წყარომ, ასევე, განაცხადა, რომ მიუხედავად იმისა, რომ ეკონომიკური საკითხები პუტინისთვის მეორეხარისხოვანია, მას ესმის რუსეთის ეკონომიკური დაუცველობა და იმ ძალისხმევის მასშტაბები, რაც უკრაინის წინააღმდეგ ომის გასაგრძელებლად არის საჭირო.რუსული წყაროების ცნობით, ტრამპის სპეციალურმა წარმომადგენელმა სტივ უიტკოფმა, მნიშვნელოვანი როლი ითამაშა ალასკაში შეხვედრის მომზადებაში.„კერძოდ, 6 აგვისტოს ვიტკოფი პუტინს კრემლში შეხვდა და პუტინმა ნათლად განაცხადა, რომ მზად იყო კომპრომისზე წასულიყო და განმარტა, თუ რას დათანხმდებოდა მშვიდობის სანაცვლოდ“, - იტყობინება ორი რუსული წყარო.ერთ-ერთმა წყარომ გამოთქვა მოსაზრება, რომ თუ რუსეთი და უკრაინა შეთანხმებას მიაღწევენ, მაშინ შესაძლებელია ფორმალური შეთანხმების სხვადასხვა ვარიანტი, მათ შორის რუსეთს, უკრაინასა და შეერთებულ შტატებს შორის სამმხრივი შეთანხმება, რომელიც გაეროს უშიშროების საბჭოს მიერ იქნება აღიარებული.„კიდევ ერთი ვარიანტია 2022 წლის სტამბოლის შეთანხმებებთან დაბრუნება, რომლებიც, კერძოდ, განიხილავდა უკრაინის ნეიტრალიტეტს გაეროს უშიშროების საბჭოს ხუთი წევრის: დიდი ბრიტანეთის, ჩინეთის, საფრანგეთის, რუსეთისა და შეერთებული შტატების უსაფრთხოების გარანტიების სანაცვლოდ“, - დასძინეს წყაროებმა.„არსებობს ორი ვარიანტი: ომი ან მშვიდობა და თუ მშვიდობა არ იქნება, კიდევ უფრო მეტი ომი იქნება“, - დასძინა ერთ-ერთმა თანამოსაუბრემ.

1755794039

პოკროვსკის მიმართულებით ექვსი დასახლებული პუნქტი რუსი დამპყრობლებისგან გაიწმინდა, - ამის შესახებ უკრაინის შეიარაღებული ძალების მთავარსარდალმა, გენერალმა ალექსანდრე სირსკიმ განაცხადა.„განსაკუთრებულ ყურადღებას ფრონტის იმ უბნებს ვაქცევ, სადაც ვითარება ყველაზე რთულია. მე პოკროვსკის მიმართულებით ვმუშაობდი, კერძოდ, იმ სამხედრო სარდლობაში, კორპუსებსა და ბრიგადებში, რომლებიც დობროპოლსკის მიმართულებით სტაბილიზაციის ოპერაციებს ატარებდნენ. მოწინააღმდეგის რიცხობრივი უპირატესობის მიუხედავად, უკრაინის შეიარაღებული ძალების და ეროვნული გვარდიის ქვედანაყოფები ღირსეულად ასრულებენ მათთვის დაკისრებულ ამოცანებს. წარმატებული დარტყმით გათავისუფლდა ექვსი დასახლებული პუნქტი, განადგურდა ასობით რუსი ოკუპანტი“, - აღნიშნა უკრაინის შეიარაღებული ძალების მთავარსარდალმა.მთავარსარდალი მეთაურებისგან იღებდა ანგარიშებს ოპერატიული სიტუაციის სპეციფიკის, პრობლემური საკითხებისა და დანაყოფების საჭიროებების შესახებ. ამის გათვალისწინებით, მან გასცა შესაბამისი ბრძანებები თავდაცვის მდგრადობის გასაძლიერებლად.„მთავარი ამოცანაა ეფექტურად ვუპასუხოთ აგრესორის ტაქტიკის ცვლილებებს, მაგრამ მაქსიმალურად შევინარჩუნოთ უკრაინის დამცველების სიცოცხლე“, - დასძენს სირსკი. 

1755775847

ოკუპირებულ აფხაზეთში 19-21 აგვისტოს სამხედრო წვრთნები მიმდინარეობს. ამის შესახებ Apsadgil.info იუწყება.ასეულის დონეზე სპეციალური ტაქტიკური სამხედრო მანევრები ტარდება.ე.წ. თავდაცვის სამინისტროს ცნობით, წვრთნების დროს საბრძოლო მოქმედებების თანამედროვე მეთოდები გამოიყენება.„გათვალისწინებულია „სპეციალური სამხედრო ოპერაცია“, რომელსაც რუსეთი უკრაინაში აწარმოებს“, - აცხადებენ სოხუმში.

1755772834

„ომის დასრულების ყველა მცდელობის საწინააღმდეგოდ, რუსეთმა ღამით უკრაინაზე მასშტაბური, კომბინირებული საჰაერო დარტყმა განახორციელა“, - ამის შესახებ უკრაინის საგარეო საქმეთა მინისტრი ანდრეი სიბიგა X-ზე წერს.უკრაინის საგარეო უწყების ხელმძღვანელის ინფორმაციით, რუსეთის შეტევა სამოქალაქო და ენერგეტიკის ინფრასტრუქტურაზე განხორციელდა, მათ შორის, ამერიკული ელექტრონიკის მწარმოებელ კომპანიაზე, რომელსაც თავდაცვასა და სამხედრო საქმიანობასთან არანაირი კავშირი არ აქვს.„ომის დასრულების ყველა მცდელობის საწინააღმდეგოდ, რუსეთმა ღამით უკრაინაზე მასშტაბური კომბინირებული საჰაერო დარტყმა განახორციელა. ასობით დრონი, ჰიპერბგერითი, ბალისტიკური და ფრთოსანი რაკეტა სამოქალაქო და ენერგეტიკულ ინფრასტრუქტურაზე. ერთ-ერთი რაკეტა ჩვენს დასავლეთ რეგიონში მდებარე მსხვილ ამერიკულ ელექტრონიკის მწარმოებელს დაეცა, რამაც სერიოზული ზიანი და მსხვერპლი გამოიწვია. ეს სრულად სამოქალაქო ობიექტია, რომელსაც არაფერი აქვს საერთო თავდაცვასთან ან სამხედრო მოქმედებებთან. ეს არ არის პირველი რუსული თავდასხმა ამერიკულ ბიზნესებზე უკრაინაში, კიევში, Boeing-ის ოფისებზე წელს განხორციელებული თავდასხმების და სხვა მსგავსი თავდასხმების შემდეგ. არანაირი სამხედრო ლოგიკა ან აუცილებლობა, მხოლოდ ადამიანების, ბიზნესების და ჩვენს ქვეყანაში ნორმალური ცხოვრების წინააღმდეგ ტერორი. სწორედ, ამიტომ არის ასე კრიტიკული ომის დასრულებისკენ რუსეთის იძულების მცდელობები და ჩვენ, კიდევ ერთხელ ვადასტურებთ, უკრაინის მზადყოფნას, ყველა ღონე იხმაროს მშვიდობის დასამყარებლად. ლიდერების შეხვედრები ორმხრივ უკრაინა-რუსეთის და სამმხრივ უკრაინა-აშშ-რუსეთის ფორმატებში, გადამწყვეტი მნიშვნელობისაა დიპლომატიის ხელშეწყობისთვის. ასევე, მნიშვნელოვანია, უკრაინისთვის პარტნიორებისგან, მათ შორის, შეერთებული შტატებისა და ევროპელი მოკავშირეებისგან, უსაფრთხოების მყარი გარანტიების უზრუნველყოფაზე მუშაობა. ღამის დარტყმები, ასევე, აჩვენებს უკრაინის საჰაერო თავდაცვის დამატებითი სისტემებით გაძლიერების აუცილებლობას“, - წერს ანდრეი სიბიგა. Contrary to all efforts to end the war, Russia undertook a massive combined air strike on Ukraine overnight.Hundreds of drones, hypersonic, ballistic, and cruise missiles on civilian and energy infrastructure.One of the missiles struck a major American electronics… pic.twitter.com/CTRoXpsk4y — Andrii Sybiha 🇺🇦 (@andrii_sybiha) August 21, 2025

1755761569

ოკუპირებულ აფხაზეთში საწვავის დეფიციტია. ავტოგასამართ სადგურებთან გრძელი რიგები შეიქმნა. ინფორმაციას „ეხო კავკაზა“ ავრცელებს.როგორც ე.წ. ენერგეტიკის მინისტრმა ბატალ მუშბამ განაცხადა, უახლოეს მომავალში რუსეთიდან საწვავის ახალი პარტია უნდა ჩამოვიდეს და ის საწვავის ბაზრის მონაწილეებს შორის განაწილდება.მისი თქმით, ზაფხულის პერიოდში, როდესაც რუსეთიდან ოკუპირებული რეგიონის მიმართულებით სამგზავრო მატარებლების რაოდენობა იზრდება, საწვავის მიწოდება რკინიგზით გართულებულია.ასევე ვითარება იმანაც გაართულა, რომ რუსეთის ნავთობგადასამუშავებელ ქარხნებს უკრაინული დრონების შეტევების გამო პრობლემები შეექმნა.

1755682711

ე.წ. სამხრეთ ოსეთის „თავდაცვის სამინისტროს“ სპეციალური დანიშნულების ძალებმა წვრთნები ჩაატარეს. ამის შესახებ სააგენტო „რესი“ იუწყება.ზელიმ მულდაროვის სახელობის სპეცდანიშნულების ბატალიონმა საცეცხლე მომზადების წვრთნები ჩაატარა. წვრთნებში როგორც თეორიული, ასევე პრაქტიკული ნაწილი შედიოდა.წვრთნები სამხედრო პოლიგონის ტერიტორიაზე გაიმართა.

1755680952

გაერთიანებული სამეფო მზადაა, რუსეთთან სამშვიდობო ხელშეკრულების დადების შემთხვევაში, უკრაინის ცისა და პორტების დასაცავად ჯარები გაგზავნოს, თუმცა მათ ფრონტის ხაზთან ახლოს არ განალაგებს, - წერს The Guardian. გამოცემის ცნობით, ბრიტანეთის გენერალური შტაბის უფროსი ტონი რადაკინი დაადასტურებს, რომ გაერთიანებული სამეფო უკრაინაში სამხედროებს განალაგებს ლოგისტიკური მხარდაჭერისა და წვრთნის მიზნით, მაგრამ მათ რუსეთის ფედერაციასთან საზღვარზე არ გაგზავნის. ოფიციალური პირები უკრაინის დასაცავად 30 000-მდე ჯარისკაცის განლაგებაზე საუბრობდნენ, თუმცა ეს რიცხვი ზოგიერთი ევროპული ქვეყნის წინააღმდეგობის გამო შემცირდა.ბრიტანელი ოფიციალური პირები ამტკიცებენ, რომ ბრიტანეთი და მისი პარტნიორები სერიოზულად ემზადებიან უკრაინაში ჯარების გაგზავნისთვის, საჭიროების შემთხვევაში.

1755610343

„რუსეთმა უკრაინას 1000 დაღუპული სამხედროს ცხედარი დაუბრუნა“, - ნათქვამია უკრაინის სამხედრო ტყვეებთან მოპყრობის საკოორდინაციო საბჭოს განცხადებაში. ამის შესახებ BBC წერს. როგორც აღმოჩნდა, მათ შორისაა ტყვეობაში გარდაცვლილი 5 ჯარისკაცის ცხედარი. საკოორდინაციო შტაბი აცხადებს, რომ ისინი მძიმედ დაჭრილთა სიებში იყვნენ, რომლებიც სტამბოლში რუსეთ-უკრაინის მოლაპარაკებების შემდეგ შედგა.  ამ ეტაპზე, უკრაინული მხარე ექსპერტიზის ჩატარების პროცესშია, რომ რეპატრირებული ცხედრების იდენტიფიცირება მოახდინოს.  პარალელურად, რუსული Telegram არხი „სამხედრო ინფორმატორი“ იუწყება, რომ უკრაინამაც გადასცა რუსეთს 19 დაღუპულის ცხედარი.   რუსეთის ხელისუფლებას კომენტარი ჯერ არ გაუკეთებია. 

1755601178

რუსეთის საოკუპაციო ძალების წარმომადგენლებმა გორის მუნიციპალიტეტის სოფელ ქვეშის მიმდებარედ უკანონოდ დააკავეს საქართველოს ერთი მოქალაქე, - ამის შესახებ ინფორმაციას სახელმწიფო უსაფრთხოების სამსახური ავრცელებს.სუსის ცნობით, ინფორმაცია უკანონო დაკავების მორიგი ფაქტის შესახებ დაუყოვნებლივ ეცნობა ჟენევის საერთაშორისო დისკუსიების თანათავმჯდომარეებსა და საერთაშორისო პარტნიორებს.„ამოქმედებულია ყველა არსებული მექანიზმი უკანონოდ დაკავებული საქართველოს მოქალაქის უმოკლეს ვადებში გასათავისუფლებლად. საქართველოს ოკუპირებულ ტერიტორიებზე, ისევე როგორც საოკუპაციო ხაზის გასწვრივ ჩადენილ ყველა დესტრუქციულ ქმედებაზე პასუხისმგებლობა ეკისრება საოკუპაციო ძალას“, - ნათქვამია გავრცელებულ ინფორმაციაში.

1755595780

ე.წ. სამხრეთ ოსეთში საქართველოს მოქალაქე დააკავეს. ინციდენტი სოფელ არცევთან მოხდა. ინფორმაციას სააგენტო „რესი“ ავრცელებს.ამავე ინფორმაციის მიხედვით, დაკავება იმის გამო მოხდა, რომ საქართველოს მოქალაქემ ე.წ. სამხრეთ ოსეთის „საზღვარი“ გადაკვეთა.ცხინვალის წყაროების ცნობით, დაკავებული 33 წლისაა.