1755865902

საერთაშორისო გამოცემა Global Finance-მა საქართველოს ბანკი საუკეთესო სამომხმარებლო ციფრულ ბანკად დაასახელა როგორც ქვეყანაში, ასევე ცენტრალურ და აღმოსავლეთ ევროპის რეგიონში.აღსანიშნავია, რომ Global Finance-ი საუკეთესო ციფრულ ბანკებს უკვე 26-ე წელია ასახელებს, ინიციატივაში კი წამყვანი საფინანსო ორგანიზაციები მონაწილეობენ. ასევე აღსანიშნავია, რომ წელს საქართველოს ბანკმა ჯამში 34 ჯილდო მიიღო.პირველი რაუნდის ფარგლებში, მონაწილეები Infosys-ის მსოფლიო დონის ჟიურის წევრების მიერ შეირჩნენ, გამარჯვებულები კი Global Finance-ის რედაქციის მიერ დასახელდნენ.გამარჯვებულების გამოსავლენად ჟიურის წევრები ეყრდნობიან შემდეგ კრიტერიუმებს: ციფრული მომხმარებლების მოზიდვისა და სერვისის მიწოდების სტრატეგიის სიძლიერე, მომხმარებლების მხრიდან ციფრული შეთავაზებების გამოყენება, ციფრული მომხმარებლების ზრდა, ციფრული ინიციატივების ეფექტურობა, ვებ და მობილური აპლიკაციების დიზაინი და მათი ფუნქციურობა.„ციფრული საბანკო პროცესები გამუდმებით იცვლება და ვითარდება, შესაბამისად, ფინანსური ინსტიტუტები იყენებენ ხელოვნურ ინტელექტს, Cloud-ზე დაფუძნებულ ტექნოლოგიებს, რათა მომხმარებლებს შესთავაზონ უსაფრთხო და მათ ინდივიდუალურ საჭიროებებსა თუ მოთხოვნილებებზე მორგებული გამოცდილება. წლევანდელი Global Finance-ის გამარჯვებულები კი ინოვაციების სათავეში არიან, რადგან სწორედ ისინი ქმნიან საბანკო პროცესების მომავალს“, - აღნიშნავს ჯოზეფ ჯიარაპუტო, Global Finance-ის დამფუძნებელი და სარედაქციო დირექტორი.„მოხარული ვართ, რომ Global Finance-მა საქართველოს ბანკი საუკეთესო სამომხმარებლო ციფრულ ბანკად დაასახელა არა მხოლოდ საქართველოში, არამედ ცენტრალურ და აღმოსავლეთ ევროპის რეგიონში. ეს ჯილდო კიდევ ერთხელ ადასტურებს ჩვენი ციფრული ეკოსისტემის სიძლიერეს, ინოვაციებისადმი მუდმივ სწრაფვასა და ჩვენთვის მომხმარებლის, როგორც ჩვენი ყოველდღიური პროცესების მთავარ ღირებულებას. საქართველოს ბანკის გუნდი მუდმივ რეჟიმში მუშაობს, რათა მომხმარებლებს შევთავაზოთ უსაფრთხო, მარტივი და თანამედროვე საბანკო გამოცდილება. Global Finance-ის მიერ მონიჭებული აღიარება კი გვაჩვენებს, რომ ჩვენ სწორი მიმართულებით მივდივართ, რაც გვაძლევს მოტივაციას, არ გავჩერდეთ და შევქმნათ საუკეთესო ციფრული ბანკი არა მხოლოდ საქართველოში, არამედ რეგიონში“, - აღნიშნავს გიორგი ვახტანგიშვილი, საქართველოს ბანკის ციფრული საბანკო მომსახურების დეპარტამენტის დირექტორი.საქართველოს ბანკის ჯილდოების სრული სიის სანახავად ეწვიეთ ბმულს.

1755861558

საქართველოს ბანკი აგრძელებს მეწარმეობის ხელშეწყობას და მომხმარებლებს ბიზნესის რეგისტრაციას უკვე სხვადასხვა რეგიონის ფილიალშიც სთავაზობს. აღნიშნული სერვისით საქართველოს ბანკის ფილიალიდან საჯარო რეესტრში ინდივიდუალური მეწარმის სტატუსის ან შპს-ს რეგისტრაციაა შესაძლებელი.ბიზნესის რეგისტრაციის სერვისით სარგებლობა ხელმისაწვდომია შემდეგ მისამართებზე:თბილისი: ქეთევან წამებულის გამზ. №50/18 წერეთლის გამზ. №99 გლდანი, ვასაძის ქ. №3 ლეონიძის ქ. №2 ვაჟა-ფშაველას გამზ. №42-44 რეგიონები: ბათუმი, მემედ აბაშიძის 58 ბათუმი, შარტავას 8 ქუთაისი, რუსთაველის ქ. №5 ქუთაისი, რუსთაველის ქ. №141 ქობულეთი, აღმაშენებლის ქ. №126 ზუგდიდი, გამსახურდიას ქ. №18 სამუშაო საათები: ორშაბათი – პარასკევი: 09:30 – 19:00; შაბათი: 10:00 – 14:00.გარდა ამისა, 31 დეკემბრის ჩათვლით, ბიზნესის რეგისტრაციისას მომხმარებლები რეგისტრაციის საფასურზე ქეშბექს მიიღებენ: ინდმეწარმეებისთვის საკომისიო სრულად დაბრუნდება შპს-ს რეგისტრაციისას კი მომხმარებლები საფასურის 20%-ს დაიბრუნებენ ბიზნესის რეგისტრაციის შემდეგ, მომხმარებლებს შესაძლებლობა აქვთ, ადგილზე ან ბიზნეს მობილბანკით ანგარიში გახსნან და სასტარტო ბიზნეს ნაკრები გაააქტიურონ, რომელიც მოიცავს: ბიზნეს ანგარიშს ბიზნეს ბარათს ტერმინალს - 3 თვე მომსახურების საკომისიოს გარეშე ონლაინ გადახდებს - საკომისიოს გარეშე გარდა ამისა, ჩაერთონ საჩუქრების კამპანიაში 30.09.2025-მდე და მიიღონ საჩუქრები ბიზნესისთვის: M ნაკრები უფასოდ, ქეშბექი MasterCard-ის ბიზნეს ბარათზე, ფულადი საჩუქრები და უფასო გადარიცხვები. საჩუქრების კამპანიის შესახებ მეტი ინფორმაციის მისაღებად ეწვიეთ საქართველოს ბანკის ვებგვერდს.„ბიზნესის რეგისტრაციის სერვისის რეგიონებში გავრცელება ჩვენი მიზნის - მეწარმეობის ხელშეწყობის - კიდევ ერთი მნიშვნელოვანი ეტაპია. ამ ნაბიჯით ჩვენ კიდევ უფრო ვუახლოვდებით მომხმარებელს და ვუზოგავთ დროს მათ, ვისაც ეკონომიკური საქმიანობის დაწყება სურთ. საქართველოს ბანკი განაგრძობს ბიზნესის საჭიროებების შესწავლას და მათზე მორგებული ინოვაციური სერვისების შექმნას”, - აცხადებს თორნიკე კუპრაშვილი, საქართველოს ბანკის მცირე და საშუალო ბიზნესის მიმართულების ხელმძღვანელი.გაიგეთ მეტი ბიზნესის ფილიალში რეგისტრაციის შესახებ საქართველოს ბანკის ვებგვერდიდან.

1755856829

უსაფრთხოება, ინოვაციურობა და უმაღლესი ხარისხი – სწორედ ამ სამ პრინციპზეა დაფუძნებული ორი იაპონური გიგანტის Toyota-სა და Bridgestone-ის ღირებულებითი პლატფორმა. უკვე წლებია, Bridgestone Toyota-ს OEM (Original Equipment Manufacturer) მიმწოდებლის სტატუსს ინარჩუნებს, რაც ნიშნავს იმას, რომ მსოფლიოში ერთ-ერთი ყველაზე გაყიდვადი ბრენდის მოდელების უმრავლესობა Bridgestone-ის საბურავებით არის აღჭურვილი. სხვადასხვა კომპლექტაციის საბურავები ავტომობილებზე ქარხანაშივე მონტაჟდება. შედეგად, მძღოლი იღებს მანქანას, რომელიც მაქსიმალურად არის მორგებული კომფორტზე, ეფექტურობასა და უსაფრთხოებაზე.Toyota-სა და Bridgestone-ის იაპონური პარტნიორობა საქართველოშიც გრძელდება. საბურავების მწარმოებელმა ბრენდმა კავკასიის რეგიონში ბიზნესსაქმიანობა სწორედ „თეგეტასთან“ პარტნიორობით დაიწყო. Bridgestone-სა და „თეგეტა მოტორს“ შორის პირველი გარიგება 1998 წელს შედგა. დღეს უკვე „თეგეტა მოტორსი“ რეგიონში მსოფლიო ბრენდის ოფიციალური დისტრიბუტორია. რაც შეეხება Toyota-ს, „თეგეტა ჰოლდინგის“ ერთ-ერთ მიმართულებაში „თეგეტა ქარსში“ შემავალი კომპანია „ტოიოტა ცენტრი თეგეტა“ საქართველოს ბაზარზე 2014 წლიდან ოპერირებს.დავით ჩხაიძე, „თეგეტა პრაიმ პროდაქტსის“ დირექტორი: „Bridgestone-ის და Toyota-ს OEM თანამშრომლობა მომხმარებლისათვის უმაღლეს სტანდარტს ნიშნავს. უსაფრთხოებითა და გამძლეობით გამორჩეული Toyota-ს მოდელები Bridgetone-ის საბურავებით წარმოების პროცესშივე აღიჭურვება. ამ უპირატესობას ავტომობილის მფლობელი ყოველდღიურ მართვაში გრძნობს. სეზონური საბურავები სხვადასხვა კომპლექტაციით შესაბამის მოდელებს ერგება, იქნება ეს უგზოობისთვის განკუთვნილი მაღალი გამავლობის ავტომობილი თუ სედანი. ქართული ბაზრისთვის საკმაოდ კარგად ცნობილი და მოთხოვნადი მოდელების, RAV4, Corolla and Camry, Hilux, Land cruiser and Prado, უმრავლესობას Bridgestone-ის საბურავი აქვს. საბოლოოდ, მომხმარებელი იღებს ორმაგ გარანტიას – უმაღლესი ხარისხისა და უსაფრთხოების სტანდარტების დაცვას“.Bridgestone, რომელიც მსოფლიოს მასშტაბით 120-ზე მეტი ქარხნისა და კვლევისა და განვითარების ობიექტის მფლობელია, წარმოებაში თანამედროვე მიღწევებს იყენებს. ხელოვნური ინტელექტის დახმარებით პროდუქციას,480 სხვადასხვა ხარისხობრივი პარამეტრით სწრაფად და სრული სიზუსტით აკონტროლებს.ინტელექტუალურ სისტემასთან ერთად, იყენებს NanoPro-Tech ტექნოლოგიას, რაც, ერთი მხრივ, საწვავის ეფექტიან მოხმარებას უწყობს ხელს და ამასთანავე, აუმჯობესებს მოჭიდებას, რაც პირდაპირ კავშირშია უსაფრთხოებასთან. კომპანია კვლევებზე წლიურად 800 მილიონ ევროს ხარჯავს.ლაბორატორიული სამუშაოები და უახლესი მიდგომები წარმოებაში პრიორიტეტულია Toyota-სთვისაც. კომპანიის წლიური ბიუჯეტიდან მილიონ დოლარზე მეტი სწორედ ამ მიმართულებით იხარჯება. ორ იაპონურ ბრენდს კიდევ ერთი საერთო აქვს, რაც გარემოს დაცვასა და მწვანე პროექტებს უკავშირდება.Bridgestone აქტიურად მუშაობს ეკომეგობრული ტექნოლოგიების დანერგვაზე საბურავების წარმოებაში და 2050 წლისთვის 100%-ით გადამუშავებადი მასალების გამოყენებას გეგმავს. Toyota კი ჰიბრიდული და ელექტრომობილების განვითარებით მავნე კომპონენტების ემისიას ამცირებს. ამ თანამშრომლობის შედეგად მომხმარებელი იღებს არა მხოლოდ მაღალხარისხიან პროდუქტს, არამედ იმ ხედვის ნაწილიც ხდება, რომელიც მწვანე მომავლისკენ არის მიმართული.Bridgestone კავკასიის რეგიონში წარმოდგენილია, როგორც კომფორტკლასის, სპორტული, ასევე SUV თუ სატვირთოსთვის განკუთვნილი საბურავებით. იაპონური ბრენდის უპირატესობები რეგიონში სრულად ხელმისაწვდომი „თეგეტა მოტორსმა“ გახადა.დავით ჩხაიძე, „თეგეტა პრაიმ პროდაქტსის“ დირექტორი: „ჩვენ მომხმარებელს არაერთ ბენეფიტს ვთავაზობთ, მათ შორის არის უსასრულო გარანტია, რომელსაც მომხმარებელი Bridgestone-ის საბურავის შეძენისას იღებს. ნებისმიერი დაზიანების შემთხვევაში, იქნება ეს მექანიკური თუ ქარხნული წუნი, საბურავის ნარჩენი ღირებულება ანაზღაურდება.ასევე ხაზგასასმელია ჩვენი შეთავაზება კორპორაციული მომხმარებლებისათვის. ეს არის PPK (Price-Per-Kilometer) სერვისი. ახალი მიდგომა ბიზნესის მეტი ეფექტიანობისთვის შეიქმნა. საბურავის ღირებულება ერთ კილომეტრზე გამოთვლით განისაზღვრება, რაც ნიშნავს, რომ ფასი ავტომობილის გარბენზე ნაწილდება. ეს კი, თავის მხრივ, ნათლად აჩვენებს, რომ პრემიუმ ხარისხის საბურავის გამოყენება, ერთი მხრივ, უსაფრთხოების გარანტია და ამასთანავე, ფინანსური რესურსის რაციონალურად გამოყენების წინაპირობაა“.საერთაშორისო გამოცდილებასა და გრძელვადიან პარტნიორობაზე დაფუძნებული თანამშრომლობა „თეგეტა მოტორსს“, Bridgestone-სა და Toyota-ს შორის ახალ ეკოსისტემას ქმნის. შედეგად, მომხმარებელი არა მხოლოდ პრემიუმ კლასის პროდუქტსა და სერვისს, არამედ უსაფრთხოების, ეფექტურობისა და ხარისხის ერთიან სტანდარტს იღებს, რომელიც თანამედროვე მოთხოვნებს სრულად შეესაბამება.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1755780850

საქართველოს ბანკი ბიზნესის მხარდაჭერას განაგრძობს. ამ მიზნით, ბანკი დეველოპერული კომპანია მეტროპოლის პარტნიორია, რომელიც თბილისში, ლისის ტბის მიმდებარედ, ახალ სუბურბანულ პროექტს ახორციელებს. პროექტი 70 000 მ² ფართობზე მულტიფუნქციურ საცხოვრებელ სივრცეებს ითვალისწინებს. მისი ჯამურისაინვესტიციო მოცულობა 15 მილიონ ლარს შეადგენს, საიდანაც საქართველოს ბანკის წილი 9 150 000 ლარზე მეტია.მეტროპოლ ლისის კონცეფცია ეკოლოგიურად სუფთა გარემოს, თანამედროვე არქიტექტურასა და სრულად განვითარებულ ინფრასტრუქტურას ემყარება. ახალ უბანში 70-მდე ვილა აშენდება, რომელთა ნაკვეთის ფართობი 600 მ²-დან 1,500 მ²-მდეა. მობინადრეებს შესაძლებლობა ექნებათ, სახლის ხუთი განსხვავებული არქიტექტურული დიზაინიდან სასურველი აირჩიონ, რომლის აშენებასაც კომპანია, საჭიროების შემთხვევაში, უზრუნველყოფს.დასახლება მრავალფეროვანი ინფრასტრუქტურით გამოირჩევა, მათ შორისაა: პადელის მოედანი, ღია კინოთეატრი, საბავშვო და სპორტული მოედნები, ველობილიკები და მოსასვენებელი ზონები, დეკორაციული გამწვანება და შადრევნები. პროექტი, ასევე, ჭკვიან სისტემებს მოიცავს.„მეტროპოლი მომხმარებლებს სთავაზობს ყველა ტიპის საცხოვრებელ, საინვესტიციო და სუბურბანულ უძრავ ქონებას და მათ ინტერესებზე მორგებულ გადაწყვეტებს – უკეთესი ცხოვრებისთვის. მეტროპოლ ლისი კი ჩვენთვის ერთ-ერთი გამორჩეული პროექტია. იგი ლისის ტბის მიმდებარედ, თბილისის ეკოლოგიურად სუფთა და მშვიდუბანში მდებარეობს, მისი მცხოვრებლები კი კეთილმოწყობილი სარეკრეაციო სივრცით ისარგებლებენ. გვინდა, დასახლების სრული ინფრასტრუქტურა თანამედროვე ცხოვრების სტილს მოვარგოთ“, - აღნიშნავს გიორგი მხეიძე, დეველოპერული კომპანია მეტროპოლის გენერალური დირექტორი.„საქართველოს ბანკისთვის მნიშვნელოვანია იმ ინიციატივების მხარდაჭერა, რომლებიც თანამედროვე სტანდარტების საცხოვრებელი გარემოს ჩამოყალიბებას უწყობს ხელს. მიგვაჩნია, რომ მეტროპოლ ლისი სწორედ ასეთი პროექტია და მოხარული ვართ, რომ საქართველოს ბანკის მხარდაჭერით, ეს პროექტი მობინადრეებს გამორჩეულ კომფორტს, უსაფრთხოებასა და ბუნებასთან სიახლოვეს შესთავაზებს, ჩვენ კი, როგორც ბიზნესის მხარდამჭერი ფინანსური ინტიტუტი არ ვჩერდებით და ვიმედოვნებთ, რომ მომავალში ერთობლივად კიდევ არაერთ საინტერესო პროექტს განვახორციელებთ”, - აღნიშნავს ირაკლი კიკალიშვილი, საქართველოს ბანკის კორპორაციული გაყიდვების სექტორის უფროსი.დეველოპერული კომპანია მეტროპოლი 2022 წლიდან მომხმარებლებს საცხოვრებელი, საინვესტიციო და სუბურბანული უძრავი ქონების მრავალფეროვან არჩევანს სთავაზობს. მეტროპოლი საქართველოს ბანკთან დაარსების დღიდან თანამშრომლობს. აღსანიშნავია, რომ წელს დასრულდა მეტროპოლ ბაგების მშენებლობა, რომელიც ასევე ბანკის მხარდაჭერით განხორციელდა. მეტროპოლი ამჟამად 2,000-ზე მეტ ადამიანს ასაქმებს.სამომავლოდ კი საერთაშორისო ბაზრებზე გაფართოებასა და წარმომადგენლობითი ოფისების გახსნას გეგმავს.

1755692958

საქართველოს ბანკი მომხმარებლებისთვის მრავალფეროვანი შეთავაზებების შექმნას განაგრძობს. ამჯერად, საკრედიტო AmEx ბარათის მფლობელებს კვების ობიექტებში, სასტუმროებსა და სილამაზის ცენტრებში 30 სექტემბრამდე მეტი MR ქულის დაგროვებისა და ქეშბექის მიღების შესაძლებლობა აქვთ.მეტი MR ქულაCinnamon-ში საკრედიტო AmEx ბარათის მფლობელები 5-ჯერ მეტ MR ქულას დააგროვებენ. Cinnamon საკონდიტროა, სადაც დარიჩინის ფუნთუშების დაგემოვნებაა შესაძლებელი.Zillico-ში საკრედიტო AmEx ბარათის მფლობელები 5-ჯერ მეტი MR ქულის დაგროვებას შეძლებენ. Zillico-ში სასიამოვნო გარემო, თანამედროვე ქართული კერძები და მრავალფეროვანი ღვინის ასორტიმენტი დაგხვდებათ.La Clinique მომხმარებლებს კოსმეტოლოგიურ პროცედურებზე განსაკუთრებულ პირობებს სთავაზობს - 30 სექტემბრამდე საკრედიტო AmEx ბარათის მფლობელები გადახდისას 10-ჯერ მეტ MR ქულას მიიღებენ.Margot Hotel-ის აუზზე და რესტორანში საკრედიტო AmEx ბარათის მფლობელები 5-ჯერ მეტ MR ქულას დააგროვებენ.Kancellaria Natural Wine Bar-ში საკრედიტო AmEx ბარათის მფლობელები 5-ჯერ მეტი MR ქულის დაგროვებას შეძლებენ. Kancellaria ნატურალური ღვინის ბარია თბილისის ცენტრში.საკრედიტო AmEx ბარათის მფლობელები Saponchike-ში 5-ჯერ მეტ MR ქულას დააგროვებენ. Saponchike ორიგინალური დონატებისა და სასმელების ადგილია თბილისის ცენტრში.საკრედიტო AmEx ბარათის მფლობელები My Boba-ში 5-ჯერ მეტ MR ქულას დააგროვებენ. My Boba ბურთულებიანი ჩაის კაფეების ქსელია თბილისში. იგი მომხმარებელს ბობას 120-მდე ავთენტურ სახეობასა და იაპონურ ონიგირის სთავაზობს.ქართულ-ევროპულ რესტორან Adre-ში საკრედიტო AmEx ბარათით გადახდისას 5-ჯერ მეტი MR ქულის დაგროვება იქნება შესაძლებელი.საკრედიტო AmEx ბარათის მფლობელები Paliani Hotel-ში ნომრის დაჯავშნისას 5-ჯერ მეტ MR ქულას დააგროვებენ. სასტუმრო „ფალიანი“ მესტიაში მდებარეობს და სტუმრებს გამორჩეულ ხედებს, ადგილობრივ კერძებსა და გულთბილ მასპინძლობას სთავაზობს.ქეშბექიBlue Drop-ში საკრედიტო AmEx ბარათის მფლობელები თანხის 20%-ს MR ქულების სახით დაიბრუნებენ. შეთავაზებით სარგებლობა შესაძლებელია ორშაბათიდან პარასკევის ჩათვლით.სასტუმრო Dakidula-ში საკრედიტო AmEx ბარათით გადახდისას თანხის 15%-ის დაბრუნება იქნება შესაძლებელი. შეთავაზება მოქმედებს როგორც ფიზიკური ბარათით, ასევე Apple/Google Pay-ით გადახდისას. Dakidula რაჭაში მდებარეობს. იგი აერთიანებს ეკომეგობრული კოტეჯებსა და რესტორანს, სადაც ტრადიციული კერძების დაგემოვნებაა შესაძლებელი.Villa Mosavali-ში საკრედიტო AmEx ბარათით გადახდისას თანხის 10%-ის დაბრუნება იქნება შესაძლებელი. შეთავაზება როგორც ფიზიკური ბარათით, ასევე Apple/Google Pay-ით გადახდისას მოქმედებს სასტუმროს ნომრებზე, დიდ და პატარა აუზზე, ასევე პადელის კორტებზე. დასაჯავშნად აუცილებელია სასტუმროსთან დაკავშირება.შეთავაზებების შესახებ დეტალური ინფორმაციის მისაღებად ეწვიეთ ბმულს.შეარჩიე შენს საჭიროებებზე მორგებული საკრედიტო ბარათი, გაიგე შენი ლიმიტი და დააგროვე MR ქულები. MR ქულები გროვდება ყველა გადახდაზე როგორც საქართველოში, ასევე საზღვარგარეთ ფიზიკურ და ონლაინ მაღაზიებში. ბარათის შეკვეთა კი შეგიძლია მობილბანკიდან, ინტერნეტბანკიდან ან საქართველოს ბანკის ფილიალებიდან.

1755609912

მსოფლიო აფროსნობის რუკაზე თბილისმა მნიშვნელოვანი ადგილი დაიკავა - „ვოლვო ქარ საქართველოს“ მხარდაჭერით, ისტორიაში პირველად, ქვეყნის დედაქალაქმა იალქნიანი საკრეისერო ნავების საერთაშორისო რეგატას უპასპინძლა. შეჯიბრება 15-17 აგვისტოს „საქართველოს საიალქნო კლუბში“ გაიმართა და მასში მონაწილეობდნენ სხვადასხვა ქვეყნიდან ჩამოსული პროფესიონალი იახტსმენები და მაღალი დონის საერთაშორისო მსაჯები.ეკა კევლიშვილი, „ვოლვო ქარ საქართველოს“ მარკეტინგის ხელმძღვანელი: „ვოლვო ქარ საქართველო“ აქტიურად უწყობს ხელს საქართველოში აფროსნობის განვითარებას. სამი წლის წინ ხელი მოეწერა საქართველოს საიალქნო კლუბთან პარტნიორობის მემორანდუმს. ამ ხნის განმავლობაში კლუბმა სხვადასხვა საერთაშორისო რეგატაში მიიღო მონაწილეობა. „ვოლვო ქარ საქართველო“ ყველა ეტაპზე მისი მხარდამჭერი იყო.რაც შეეხება საერთაშორისო რეგატას, მოხარულები ვართ, რომ თბილისმა პირველად უმასპინძლა ასეთ მასშტაბურ ღონისძიებას. მსოფლიოს მასშტაბით, „ვოლვო“ აფროსნობის აქტიური მხარდამჭერია. „ვოლვო ქარ საქართველო“ კი იზიარებს ბრენდის გლობალურ ღირებულებებს ჯანსაღი ცხოვრების პოპულარიზაციის მიმართულებით და ცდილობს, მაქსიმალურად შეუწყოს ხელი საქართველოში სპორტის ამ სახეობის მიმართ ინტერესის ზრდას, რათა მასში კიდევ უფრო მეტი ადამიანი ჩაერთოს“.საერთაშორისო ღონისძიების პარტნიორები იყვნენ საავიაციო კომპანია „ვან კლიკი“ და „ლიბერთი ბანკის“ პრემიუმ მომსახურება „სტუდიო ლიბერთი“.საქართველოს საიალქნო კლუბი 2022 წელს დაფუძნდა და სწრაფად ვითარდება. ცოტა ხნის წინ კლუბმა, საქართველოში პირველმა, შეიძინა მსოფლიოში მოწინავე სპორტული ნავები - ინგლისური წარმოების RS21, რაც აფროსნობის განვითარების თვალსაზრისით ახალი ეტაპის დასაწყისია. ეს მოდელი, თავისი მახასიათებლებით, სრულად აკმაყოფილებს საერთაშორისო რეგატის სტანდარტებს და ქართველ სპორტსმენებს შესაძლებლობას აძლევს, მონაწილეობა მიიღონ პრესტიჟულ საერთაშორისო შეჯიბრებებში.კახა ნონიაშვილი, საქართველოს საიალქნო კლუბის დამფუძნებელი და დირექტორი: „საერთაშორისო რეგატის ორგანიზებისთვის საქართველოს საიალქნო კლუბი რამდენიმე თვის განმავლობაში ემზადებოდა. RS21 ნავების შეძენითა და საერთაშორისო რეგატის ორგანიზებით, კლუბი კიდევ ერთხელ ადასტურებს მზადყოფნას აფროსნობის სფეროს განვითარებისა და საერთაშორისო ასპარეზზე ღირსეული კონკურენციისთვის. სწორედ ახალმა სპორტულმა ნავებმა მოგვცა შესაძლებლობა, რომ ქართველი სპორტსმენები მსოფლიო ლიდერებთან შეჯიბრებით ახალ ეტაპზე გადავიდნენ. საერთაშორისო რეგატა, რომელსაც საქართველოს საიალქნო კლუბმა უმასპინძლა, ყველა საერთაშორისო წესის დაცვით გაიმართა და 3 გამარჯვებული გამოვლინდა.„ვოლვო ქარ საქართველო“ კლუბის გახსნის დღიდან გვიჭერს მხარს გასვლითი რეგატებისა თუ საბავშვო სკოლის განვითარების მიმართულებით. მოხარულები ვართ, რომ ჩვენი პარტნიორი ასეთი მაღალი დონის კომპანიაა, რომელიც აქტიურად მონაწილეობს ქვეყანაში აფროსნობის განვითარებასა და პოპულარიზაციაში. კერძო სექტორის როლი ამ პროცესში განსაკუთრებული მნიშვნელობისაა“.საქართველოს საიალქნო კლუბის მწვრთნელთა გუნდი 8 კვალიფიციურ სპეციალისტს აერთიანებს. მას აქვს საბავშვო სპორტსკოლა, რომლის მიზანი საქართველოში აფროსნობის განვითარების ხელშეწყობა და ამ სპორტით რაც შეიძლება მეტი მოზარდის დაინტერესებაა.„ვოლვო ქარ საქართველო“ უკვე 3 წელია, საქართველოს საიალქნო კლუბის მხარდამჭერია და ქვეყანაში აფროსნობის განვითარებას აქტიურად უწყობს ხელს. გლობალურად კი, „ვოლვო რეგატა“ — Volvo Ocean Race — მსოფლიოში ერთ-ერთ ყველაზე პრესტიჟული და მოთხოვნადი შეჯიბრებაა და მასში მონაწილეობა ყველა აფროსნისთვის სასურველი და მნიშვნელოვანია.--თეგეტა ჰოლდინგის ერთ-ერთ მიმართულებაში, თეგეტა ქარსში შემავალი კომპანია ვოლვო ქარ საქართველო შვედურ ბრენდს საქართველოში 2019 წლიდან წარმოადგენს. კომპანია პრემიუმ კლასის ავტომობილების ოფიციალური იმპორტიორია. კომპანია მომხმარებელს SUV-ებს, სედანებსა და უნივერსალებს სთავაზობს, მათ შორის არის როგორც დამუხტვადი ჰიბრიდები, ისე შიგაწვის ძრავიანი უახლესი მოდელები. შოურუმის გარდა, მომხმარებელს შესაძლებლობა აქვს, კომპანიის ციფრული მაღაზიით ისარგებლოს, კომპანიის ვებგვერდზე ავტომობილი 360-გრადუსიანი სისტემით, დისტანციურად შეაფასოს და კონფიგურატორის დახმარებით, სასურველი კომპლექტაციის მოდელი საკუთარი გემოვნებით ააწყოს, რომლის ჩამოყვანასაც ვოლვო ქარ საქართველო უზრუნველყოფს.

1755596629

საქართველოს ბანკი ქალი მეწარმეების მხარდაჭერას და მათთვის საგანმანათლებლო შესაძლებლობების შექმნას აქტიურ რეჟიმში განაგრძობს. ამ მიზნით, პლატფორმა ბიზნეს 360˚-ის ფარგლებში, 25 აგვისტოს, 17:00 საათზე, ინტერაქციული ვორკშოპი გაიმართება.ვორკშოპი „სტრატეგიული დაგეგმარება და აღსრულება“ ქალ მეწარმეებს შესაძლებლობას მისცემს, ბიზნესის მიზნები სწორად ჩამოაყალიბონ და მათ მისაღწევად ეფექტიანი სამოქმედო გეგმა შეიმუშაონ.ვორკშოპს ალექსი გიჯაშვილი, AgileSchool-ის აღმასრულებელი დირექტორი გაუძღვება.ღონისძიების ერთ-ერთი საკვანძო საკითხებია: OKR-ებისა და KPI-ების მიზანი და მათი გამოყენება სტრატეგიის დაგეგმვის პროცესში QBR მიდგომის არსი და მისი როლი ბიზნესპროცესების გაუმჯობესებაში ვორკშოპზე მეწარმეებს შესაძლებლობა ექნებათ, დისკუსიაში ჩაერთონ და სპიკერთან ერთად სხვადასხვა ბიზნესქეისი განიხილონ.ვორკშოპზე რეგისტრაციისთვის ეწვიეთ ბმულს. შეხვედრა საქართველოს ბანკის 4B სივრცეში, ალექსანდრე ყაზბეგის N15-ში შედგება.აღსანიშნავია, რომ ვორკშოპი ბიზნეს განათლებისა და ბიზნეს 360° პლატფორმის ნაწილს წარმოადგენს. ბიზნეს 360° აერთიანებს ყველა იმ შესაძლებლობას, რომელსაც საქართველოს ბანკი მცირე და საშუალო ბიზნესისთვის ქმნის — იქნება ეს საგანმანათლებლო რესურსები, ინდივიდუალური პროგრამები, შეთავაზებები, სექტორული ანალიზები და სხვა.

1755527225

საქართველოს ბანკმა ბიზნესის მხარდასაჭერად კიდევ ერთი მნიშვნელოვანი ციფრული სიახლე დანერგა: ხელშეკრულების შესრულების გარანტიის მიღება უკვე ინტერნეტბანკის მეშვეობით არის შესაძლებელი. ახალი პროდუქტი მომხმარებელს შესაძლებლობას აძლევს, სრულად დისტანციურად, სწრაფად და მარტივად მიიღოს გარანტია, რომელიც სახელმწიფო პროექტებში მონაწილეობისთვისაა საჭირო.ახალი ციფრული გადაწყვეტის ფარგლებში, განაცხადის შევსება ინტერნეტბანკიდან ხდება, პასუხი კი 1 წუთზე ნაკლებ დროში მიიღება. ხელშეკრულების მომზადების ეტაპი 1 საათში სრულდება, ხოლო მომხმარებლის მხრიდან დადასტურება სრულად ციფრულადაა შესაძლებელი.შესაბამის უწყებებთან გარანტიის ბლანკიანი დოკუმენტის წარსადგენად, მომხმარებელს საქართველოს ბანკი ორ ალტერნატივას - დოკუმენტის ფილიალში მიღებას ან ფოსტით სასურველ მისამართზე მიწოდებას - სთავაზობს.საქართველოს ბანკის ციფრული გარანტიის მთავარი უპირატესობები შემდეგია: გარანტია უზრუნველყოფის გარეშე გაიცემა – თითოეულ პროდუქტზე 75,000 ლარამდე განაცხადზე გადაწყვეტილება 1 წუთზე ნაკლებ დროში მიიღება დოკუმენტის მიღება ბანკში ვიზიტის გარეშეც შესაძლებელია „ჩვენი მიზანია, ბიზნესს საქმიანობა კიდევ უფრო გავუმარტივოთ და დროის დაზოგვაში დავეხმაროთ. ხელშეკრულების შესრულების გარანტიის ციფრულად გაცემით, თანამედროვე ტენდენციებს ვპასუხობთ, მომხმარებლის გამოცდილებას ვაუმჯობესებთ და მცირე და საშუალო ბიზნესისთვის კომფორტულ ალტერნატივას ვქმნით. ტენდერში გამარჯვებულ მომხმარებლებს, როგორც წესი, გარანტიის დოკუმენტის წარსადგენად 5 სამუშაო დღიანი ვადა აქვთ, ციფრული გადაწყვეტით კი ჩქარდება და მარტივდება განხილვისა და პასუხის დაბრუნების პროცესი, შედეგად კი, ბაზარზე საუკეთესო გამოცდილებას ვამკვიდრებთ“, - აცხადებს გიორგი კოკაია, SME ბიზნეს და პროდუქტების განვითარების ხელმძღვანელი.გაიგეთ მეტი პროდუქტის შესახებ საქართველოს ბანკის ინტერნეტბანკში. ხოლო თუ ჯერ არ ხართ ბანკის მომხმარებელი, გახსენით ანგარიში ონლაინ, 2 წუთში.

1755515742

ზაფხული მზიან დღეებთან, მოგზაურობასთან, თავისუფლებასა და ახალ ემოციებთან ასოცირდება. წელს Geely Center Tegeta სეზონს განსაკუთრებული კამპანიით შეხვდა – „ზაფხულის ენერგია ჯილისთან ერთად“, რომელიც ფერებს, მუსიკას, მოგზაურობასა და ბრენდის პოზიტიურ ენერგიას აერთიანებს.კამპანიის ფარგლებში შეიქმნა განსაკუთრებული, ფერადი ვიზუალები და ბრენდირებული მასალები, რომლებიც ზაფხულის განწყობას ასახავს თავისუფლებისა და სტილის სინთეზით. მათ კი სწორედ საავტომობილი ბრენდი Geely აერთიანებს.ეკა კევლიშვილი, Geely Center Tegeta-ს მარკეტინგის ხელმძღვანელი: „ჩვენი მიზანი იყო, შეგვექმნა გამოცდილება, რომელიც ჩვენს მომხმარებლებს და არამარტო მათ, საშუალებას მისცემდა, ბრენდთან არა მხოლოდ ვიზუალური, არამედ ღრმა ემოციური კავშირი დაემყარებინათ. სწორედ ამ მიზნით წამოვიწყეთ კამპანია „ზაფხულის ენერგია ჯილისთან ერთად“.Geely-ს სამოდელო ხაზი განსაკუთრებით ახლოს არის ახალგაზრდა სეგმენტთან. ამიტომაც შევქმენით კამპანია, რომელიც ზაფხულის სეზონზე ბრენდს მათ ნამდვილ მეგზურად და მეგობრად აქცევდა. ღონისძიებისთვის განკუთვნილი შოურუმი გარდავქმენით ინსპირაციის სივრცედ — ფერად ვიზუალებთან შერწყმული მუსიკითა და თავისუფლების მუხტით, რაც თითოეულ ახალგაზრდას თვითგამოხატვის, ჩართულობისა და ემოციური კავშირის დამყარების შესაძლებლობას აძლევდა.გვსურდა, Geely არ დარჩენილიყო მხოლოდ კომფორტულ და პრაქტიკულ ავტომობილად, არამედ თანამედროვე ცხოვრების სტილის სიმბოლოდ გვექცია, რომელიც ზაფხულის ენერგიას შენთან ერთად ქმნის და შენს მოგონებებში დიდხანს ცოცხლობს”.კამპანია Geely X Zadig & Voltaire-ის ღონისძიებით გაიხსნა, სადაც სტუმრებს ახალი ემოციების გაზიარებისა და Geely-ს საზაფხულო სამყაროში მოგზაურობის შესაძლებლობა ჰქონდათ. გარდა ამისა, მოწვეულ საზოგადოებას საშუალება მიეცა, Geely-ს ახალ ელექტრომობილზე, Geely EX5-ზე, დაეტოვებინა საკუთარი საზაფხულო მესიჯები, სურვილები და მოლოდინები, რაც საზაფხულო კამპანიის სიმბოლურ ნაწილად იქცა.სპეციალურად Geely-ს საზაფხულო კამპანიისთვის მუსიკოსმა თემურიკო დიასამიძემ ახალი კომპოზიცია შექმნა, რომელიც ზაფხულის გზების უსაზღვრო თავისუფლებას, თავგადასავლებსა და მეგობრებთან ერთად გატარებული წუთებით გამოწვეულ სიხარულს ასახავს. მუსიკა საზაფხულო მოგზაურობების განუყოფელ ნაწილად მალევე იქცა.თემურიკო დიასამიძე, მუსიკოსი: „ეს პროექტი ჩემთვის იყო შესაძლებლობა, შემექმნა არა მხოლოდ მელოდია, არამედ ატმოსფერო, რომელიც გზაზე მიმავალი მსმენელისთვის ემოციურ თანამგზავრად იქცეოდა. Geely-ს ბრენდის ენერგია და ზაფხულის თავისუფლება ჩემთვის ერთ მთლიან შთაგონებად იქცა და სწორედ ამ გრძნობის გადმოცემა მინდოდა მუსიკაშიც.ინსპირაციის წყარო ზაფხულის ხასიათი და მისი ენერგია გახლდათ - ის თავისუფალი, ნათელი და პოზიტიური შეგრძნება, რომელიც ამ სეზონს ყოველთვის თან ახლავს. ამ განწყობაზე დაყრდნობით შევქმენით კომპოზიცია, რომელიც, საბოლოოდ, ჯერ - ტრეკად, შემდეგ კი უკვე მთელი კამპანიის მუსიკალურ ფუნდამენტად იქცა.ვფიქრობ, მუსიკა დიდ როლს ასრულებს ბრენდის აღქმაში, რადგან მსოფლიოში ბევრი ბრენდი არსებობს, რომელთა ამოცნობა მხოლოდ მელოდიის მოსმენით არის შესაძლებელი. Geely-სთან თანამშრომლობა ჩემთვის განსაკუთრებულად სასიამოვნო გამოცდილება იყო. მიყვარს, როდესაც სამუშაო პროცესი მხოლოდ ვალდებულება კი არა, სიამოვნების წყაროც არის. პროექტის ჩანაფიქრი ზუსტად ისე განხორციელდა, როგორც წარმომედგინა და შედეგიც აბსოლუტურად შეესაბამება იმ ენერგიას, რომლის გაზიარებაც მსურდა“.კამპანიაში აქტიურად ჩაერთნენ ქართველი ინფლუენსერებიც, რომლებმაც თავიანთი ზაფხულის მოგზაურობებისთვის Geely-ს სხვადასხვა მოდელები აირჩიეს — Coolray, Tugella და EX5. თითოეულმა მათგანმა დაუვიწყარი საზაფხულო მოგონებების შექმნაში საკუთარი როლი შეასრულა.„ზაფხულის ენერგია ჯილისთან ერთად“ ახალ, უფრო თავისუფალ და ემოციურ განზომილებაში ავითარებს ბრენდის ისტორიას, რომელიც სეზონის საუკეთესო თანამგზავრი გახდა.--„თეგეტა ჰოლდინგის“ ერთ-ერთ მიმართულებაში, „თეგეტა ქარსში“ შემავალი კომპანია „ჯილი ცენტრი თეგეტა“ ქართულ ბაზარზე 2023 წლიდან ოპერირებს. ის ჩინური ავტოგიგანტის Geely Auto-ს ერთადერთი ავტორიზებული იმპორტიორია საქართველოში. კომპანია ქართველ მომხმარებელს, Geely Auto-ს ბრენდის ახალი ავტომობილების გარდა, ორიგინალ ნაწილებსა და საგარანტიო სერვისსაც სთავაზობს. Geely Auto-ს ავტომობილები გამოირჩევა გამძლეობით, უსაფრთხოების სისტემებით, თანამედროვე ტექნოლოგიების ინტეგრაციითა და ხელმისაწვდომი ფასებით.

1755499053

საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ (სემეკ) 2025 წლის ივლისსა და აგვისტოში მოქალაქეებს ელექტროენერგიის, ბუნებრივი გაზისა და წყალმომარაგების კომუნალური კომპანიების მიერ უსაფუძვლოდ დარიცხული თანხები ჩამოაწერა, ჯამში 350 000 ლარის ოდენობით.კომუნალური კომპანიების წინააღმდეგ სემეკში შესული მოქალაქეთა საჩივრები შეეხებოდა უსაფუძვლოდ დარიცხულ თანხებს, ხანდაზმულ დავალიანებებს, გამანაწილებელ ქსელზე მიერთების პროცედურებსა და ვადებს.სემეკი შეახსენებს ელექტროენერგიის, ბუნებრივი გაზის, სასმელი წყლისა და საირიგაციო წყლის მომხმარებლებს, თუ  ადგილი აქვს მათი უფლებების დარღვევას, მიმართონ სემეკს ან სემეკთან არსებულ ენერგოომბუდსმენის სამსახურს. კონსულტაციების მიღება შესაძლებელია როგორც ქოლცენტრში ნომერზე 16 216, ასევე  სემეკის Facebook გვერდზეც.  სემეკისთვის განცხადებით მიმართვა შესაძლებელია ელექტრონული ფორმით:  https://bit.ly/3QiBM2O ასევე, იუსტიციის სახლის მეშვეობით. 

1755244515

ეკონომიკისა და მდგრადი განვითარების მინისტრის მოადგილის, ირაკლი ნადარეიშვილის შეფასებით, სახელმწიფოს მხარდაჭერით Alibaba.com-ზე ქართული კომპანიების განთავსების დაწყება იმ პოლიტიკის მნიშვნელოვანი ნაწილია, რომელსაც საქართველოს მთავრობა ექსპორტის ხელშეწყობისა და წახალისებისთვის ახორციელებს.მისი თქმით, სააგენტოს „აწარმოე საქართველოში“ და ელექტრონული კომერციის ერთ-ერთ წამყვან პლატფორმა „ალიბაბას“ შორის გაფორმებული გენერალური ხელშეკრულება, რომელიც ქართული საექსპორტო პროდუქციის, მათ შორის, პრემიულ კატეგორიაში განთავსებას გულისხმობს, მასზე გლობალური ხელმისაწვდომობის უნიკალურ შესაძლებლობებს ქმნის და ძალიან მნიშვნელოვანია ქართველი მეწარმეებისა და ექსპორტიორებისთვის.„საქართველოს მთავრობის მეწარმეობისა და ბიზნესის მხარდამჭერი პოლიტიკის ერთ-ერთი მნიშვნელოვანი მიმართულება არის ექსპორტის ხელშეწყობა. წლების განმავლობაში, სახელმწიფოს მხარეს საკმაოდ მნიშვნელოვანი პორტფელი ჩამოყალიბდა იმ პროგრამებისა და ხელშემწყობი ინსტრუმენტების, რომლებსაც, ძირითადად, პლატფორმის „აწარმოე საქართველოში“ ფარგლებში ჩვენს ექსპორტიორებს ვთავაზობთ - ეს არის გამოფენებში მონაწილეობა, ტექნიკური დახმარებები, საგრანტო პროგრამები თუ სხვადასხვა სახის ტრენინგები. ამ ეტაპზე ვაფართოებთ იმ სპექტრს, რაც ხელმისაწვდომი იქნება ჩვენი ექსპორტიორებისთვის და ისინი Alibaba.com-ზე პროდუქციის განთავსებას შეძლებენ“, - აღნიშნა ირაკლი ნადარეიშვილმა.Alibaba.com-ზე, პირველ ეტაპზე, 50-მდე ქართული კომპანიის რეგისტრაცია იგეგმება. სააგენტო „აწარმოე საქართველოში“ სრულად დაფარავს წლიურ საწევრო გადასახადს, პროდუქციის პოპულარიზაციისა და პლატფორმაზე განთავსებასთან დაკავშირებულ სხვა ხარჯებს. აღსანიშნავია, რომ ქართული კომპანიები ისარგებლებენ ე.წ. Global Gold Supplier-ის სტატუსით - ეს არის ერთგვარი ვერიფიკაცია, რომელიც ზრდის კომპანიებისადმი ნდობას და პოტენციურ შემსყიდველებს ეხმარება ინფორმირებული გადაწყვეტილების მიღებაში.

1755244120

მხატვარ-დიზაინერ მანანა არაბულთან საუბარი თავისუფალ ცურვას ჰგავს, ამბების თხრობისას ემოციებს უფრო მიჰყვება, ვიდრე ქრონოლოგიას. ეს გაბნევს, თუმცა წამითაც არ გტოვებს განცდა, რომ საკუთარ საქმეზე შეყვარებულ პროფესიონალს ესაუბრები.ამაში დარწმუნდა თიბისი ბიზნესდაჯილდოების ჟიურიც და 2025 წლის საუკეთესო ფრილანსერის ჯილდოც მას მიაკუთვნა.„ენერგია არც აქამდე მაკლდა, მაგრამ ამ მოულოდნელი გამარჯვების შემდეგ კიდევ უფრო ენერგიული და კონცენტრირებული გავხდი. პასუხისმგებლობაც გამეზარდა. თიბისი ჩემთვის კულტურული პლატფორმაცაა, რომელიც ამ სფეროს წლებია ეხმარება და მაღალი ხარისხის პროექტებს ქმნის. ჩემი კოზირიც, ვფიქრობ, ხარისხია. ჯილდომ მომანდომა ხალხს ვაჩვენო რა მაქვს გაკეთებული“, - ამბობს მანანა არაბული.გაკეთებულიც ბევრი აქვს და მოსაყოლიც. თბილისში სამხატვრო აკადემიის დასრულების შემდეგ არ დარჩენილა სფერო, სადაც საკუთარი ძალები არ მოსინჯა. (თან წარმატებულად): კერამიკაზე, მხატვარ დიზაინერად, კინემატოგრაფიაშიც კი იმუშავა, თან ოთარ იოსელიანის ფილმზე „შანტრაპა“.წლების წინ დააფუძნა დიზაინ-სტუდია და მაღაზია Black dog. სპეცპროექტით „Typography rebirth“ შეძლო მოეძიებინა მე-19 და მეოცე საუკუნის ქართული ფონტები და ფაქტობრივად ახალი სიცოცხლე აჩუქა. თუმცა, ერთ-ერთი გამორჩეული პროექტი, რომელიც ყველა თაობის ადამიანმა შეიყვარა, „ფაბრიკის“ Fabrika-ს კორპორაციული იდენტობაა.„6 ხელი მაქვს, შამანობა შემიძლია“ - ხუმრობს თავადაც. „ვფიქრობ, ჩემს სტილს გამორჩეულს ის ხდის, რომ პროფესიით ხელოვანი ვარ“.ბოლო 10 წელია სრულად ფრილანსინგზე გადაერთო. მანანასთვის შემოქმედებითი თავისუფლება უმნიშვნელოვანესია, ურჩევნია კომპანიამ იცოდეს მისი გამოცდილება, ენდობოდეს გემოვნებას. ამ პროცესს თანაბრად აქვს თავისი დადებითი მხარე და გამოწვევებიც.„როდესაც ფრილანსერი ხარ შემოქმედების არეალი უფრო ფართო გაქვს. არ ხარ ვინმეზე მიბმული და არ ასრულებ მუდმივად ერთი დამკვეთის სურვილებს. თუმცა, მუდმივად მუშაობა გიწევს, მოდუნების დრო და საშუალებაც არ გაქვს, ამიტომ ჯარისკაცივით მუდმივი მობილიზება გიწევს“, - ამბობს მანანა.დამკვეთთან ურთიერთობისას მთავარი ნდობაა, უარს ამბობს თანამშრომლობაზე თუ კონტენტი არ აინტერესებს. პირდაპირია და პრინციპული. ამბავს იხსენებს წარსულიდან, როგორ არ უყვარდა „დეკორატიულობა“, გულს უსმენდა, ვიდრე გონებას და შედეგზე მეტად მუშაობის პროცესი იზიდავდა.„წინსვლა და სიცოცხლე მხოლოდ მოძრაობაშია. ბუნებრივია, ამ გზაზე შეცდომებიც მოსულა, ის გამოცდილებას და მეტ კვალიფიკაციას გაძლევს. იგივეს ვურჩევდი ახალ თაობას, ინტერნეტის ხანაა, ბევრად მეტის სწავლა შეიძლება“.