1757678921

საქართველოს ბანკი სამომხმარებლო გამოცდილების გაუმჯობესებას და მსოფლიოში საუკეთესო ციფრულ ბანკში ახალი შესაძლებლობების განვითარებას განაგრძობს.ამ მიზნით, მობილბანკში გათამაშება დაიწყო, რომლის ფარგლებშიც მომხმარებლებს შესაძლებლობა აქვთ, მობილბანკში შესვლით, ავტომატურად ჩაერთონ გათამაშებაში, დააგროვონ ბილეთები და მოიგონ თანხა 650 000 ლარის ოდენობის საპრიზო ფონდიდან.როგორ გროვდება ბილეთები? მობილბანკში შესვლისთანავე ერთჯერადად 5 ბილეთს მიიღებ; თითო გადარიცხვაზე, გადახდაზე, ან ნებისმიერ სხვა ტრანზაქციაზე - ერთ ბილეთს მიიღებ; თითო პროდუქტის გააქტიურებისას, მაგალითად, ბარათის შეკვეთისას, საინვესტიციო ანგარიშის გახსნისას, ნებისმიერი დაზღვევის, ან სხვა პროდუქტით სარგებლობისას, 5 ბილეთს მიიღებ; პოს ტერმინალის გამოყენებისას, ან ონლაინ შოპინგისას ყოველ ათ ლარზე ერთი ბილეთი გროვდება; გათამაშება 4 თვის განმავლობაში გრძელდება. ყოველი თვის ბოლოს სამ-სამი გამარჯვებული გამოვლინდება, საპრიზო ფონდი თითოეულ თვეზე 50 000 ლარია, რის შემდეგაც ფინალი გაიმართება, სადაც ნახევარი მილიონი გათამაშდება. აღსანიშნავია, რომ ბილეთების შეგროვება ყოველთვე ახლიდანაა შესაძლებელი, რაც იმას ნიშნავს, რომ მომხმარებლებს მოგების შანსი ყოველთვე ექნებათ. ფინალში მონაწილეობას წინა თვეებში დაგროვებული ყველა ბილეთით შეძლებენ, მონაწილეობისთვის კი მობილბანკში დეკემბერში შესვლაც საჭიროა.გათამაშების შესახებ მეტი ინფორმაციის მისაღებად ეწვიე ბმულს. განაახლე მობილბანკი, ან თუ ჯერ არ სარგებლობ აპლიკაციით, გადმოწერე მარტივად და ჩაერთე გათამაშებაში.ინფორმაციისთვის, საქართველოს ბანკი საუკეთესო ციფრული ბანკია მსოფლიოში. ბანკის მობილბანკს ყოველთვიურად 1 700 000-ზე მეტი ადამიანი იყენებს. აპლიკაცია სრულად მომხმარებლის საჭიროებებსა და ტექნოლოგიურ ინოვაციებზეა მორგებული და ყოველდღიურობის გასამარტივებლად უსაზღვრო შესაძლებლობებს ქმნის.მეტი დეტალისთვის შეგიძლიათ იხილოთ ვიდეო.

1757657466

საქართველოს წამყვანი საინვესტიციო ბანკის, გალტ & თაგარტის გენერალური დირექტორის მოადგილემ, ქეთევან თოიძემ აზიის განვითარების ბანკის მიერ გამართულ კონფერენციაზე „Regional Workshop on GSSS Bonds“ პანელურ დისკუსიაში მონაწილეობა მიიღო. ღონისძიება მდგრადი დაფინანსების თემატიკას დაეთმო და ერთდროულად, საქართველოსა და სომხეთში, ჰიბრიდულ ფორმატში ჩატარდა და მიზნად ისახავდა გამოცდილების გაზიარებას რეგიონის ქვეყნებს შორის.პანელურ დისკუსიაში საქართველოსა და სომხეთის ის წამყვანი კომპანიები მონაწილეობდნენ, რომლებიც მდგრადი კაპიტალის ბაზრებზე აქტიურად ოპერირებენ. პანელისტებმა აუდიტორიას საკუთარი წარმატების, გამოწვევებისა და მიღებული გამოცდილების შესახებ ინფორმაცია გაუზიარეს, აზიის განვითარების ბანკმა კი კაპიტალის ბაზრებზე მისი, როგორც ტრანზაქციების მხარდამჭერის, როლი მიმოიხილა.„საქართველოში, მდგრადი დაფინანსების სფეროში, საერთაშორისო სტანდარტების დანერგვის კუთხით მნიშვნელოვანი წინსვლა უკვე არსებობს, თუმცა, დამატებით განვითარების პოტენციალიც მაღალია. დისკუსიების ფარგლებში გვქონდა შესაძლებლობა, საკუთარი გამოცდილება და ხედვები გაგვეზიარებინა როგორც ადგილობრივ, ასევე რეგიონალურ მოთამაშეებთან. მსგავში შეხვედრები ქმნის თანამშრომლობის გაფართოების შესაძლებლობას და რეგიონის, როგორც სანდო საინვესტიციო არეალის, უკეთ პოზიციონირების მიმართულებით. მოხარული ვართ, რომ გალტ & თაგარტი ამ პროცესში საქართველოსა და სომხეთში კაპიტალის ბაზრის განვითარებისთვის მნიშვნელოვან ნაბიჯებს დგამს”, - განაცხადა ქეთევან თოიძემ.„აზიის განვითარების ბანკი აქტიურად უჭერს მხარს კაპიტალის ბაზრის განვითარებას საქართველოსა და რეგიონში ადგილობრივ საინვესტიციო ბანკებთან თანამშრომლობის ფარლგებშიც არაერთ წარმატებულ განთავსებაში მივიღეთ მონაწილეობა. მდგრადი დაფინანსების სფერო ცენტრალურ და აღმოსავლეთ ევროპაში სწრაფად ვითარდება, საქართველო და სომხეთი კი ამ ბაზარზე სანდო აქტორებად ყალიბდებიან. მწვანე, სოციალური, და მდგრადობასთან დაკავშირებული ობლიგაციები პირველ რიგში კომპანიებს მმართველობის ახალ ეტაპზე გადასვლაში ეხმარება, რაც როგორც საოპერაციო ისე ფინანსურ ოპტიმიზაციაში აისახება. ეს, ასევე, ხელს უწყობს როგორც ადგილობრივი ისე საერთაშორისო ინვესტორების მოძიებასა და ახალი დაფინანსების შესაძლებლობების შექმნაში. ჩვენ ვაგრძელებთ კაპიტალის ბაზრის განვითარების ხელშეწყობას დაძლიერი სამოქმედო ჩარჩოების შექმნას საერთაშორისო სტანდარტების დანერგვის მიმართულებით“, - ამბობს აზიის განვითარების ბანკის მთავარი საინვესტიციო ოფიცერი კავკასიაში ტატო ცინცაძე. 

1757584990

საქართველოს ბანკი მცირე და საშუალო ბიზნესის განათლების ხელშეწყობას და ახალი შესაძლებლობების შექმნას განაგრძობს. მუდმივად განახლებადი საგანმანთლებლო პლატფორმა Businesscourse.ge უკვე 60 000-მდე ადამიანისთვის ცოდნის გაღრმავებისა და პროფესიული კვალიფიკაციის ამაღლების შესაძლებლობად იქცა. ინფორმაციას საქართველოს ბანკი ავრცელებს. Businesscourse.ge ნებისმიერ დაინტერესებულ პირს მრავალფეროვან სასწავლო კურსებს სთავაზობს, რომლებიც მენეჯმენტს, ფინანსებს, მარკეტინგს, ტექნოლოგიებს, ლიდერობასა და სხვა მიმართულებებს მოიცავს. პლატფორმაზე განთავსებული ლექციები ონლაინ ფორმატში, ნებისმიერ დროსა და ადგილას ხელმისაწვდომია. თითოეული კურსის ავტორი სხვადასხვა სფეროს ქართველი ექსპერტია, შესაბამისად, ლექციები თანამედროვე ბიზნესის საჭიროებებზეა მორგებული და ადგილობრივ კონტექსტს ითვალისწინებს. ეს კი კურსებზე რეგისტრირებულ ადამიანებს უნიკალურ შესაძლებლობას აძლევს, ცოდნა საკუთარ საქმიანობაში, პრაქტიკაში გამოიყენონ და ბიზნესი უკეთ მართონ.„მოხარული ვართ, რომ საქართველოს ბანკის ინიციატივით შექმნილი Businesscourse.ge დღეს უკვე ათიათასობით ადამიანისთვის ცოდნის გაღრმავებისა და კარიერული განვითარების პლატფორმა გახდა. ჩვენ ვაგრძელებთ ახალი კურსებისა და შესაძლებლობების დამატებას, რათა კიდევ უფრო მეტ დაინტერესებულ ადამიანს გქონდეს საკუთარი უნარების გაუმჯობესებისა და კონკურენტუნარიანობის ზრდის შესაძლებლობა,“ – აცხადებენ საქართველოს ბანკში.საქართველოს ბანკი, როგორც ქვეყნის წამყვანი ფინანსური ინსტიტუტი, აქტიურად უწყობს ხელს განათლების ხელმისაწვდომობას. აღსანიშნავია, რომ ბიზნესკურსი პლატფორმა ბიზნეს 360°-ის მნიშვნელოვან ნაწილს წარმოადგენს. ბიზნეს 360° აერთიანებს ყველა იმ შესაძლებლობას, რომელსაც საქართველოს ბანკი მცირე და საშუალო ბიზნესისთვის ქმნის - იქნება ეს საგანმანათლებლო რესურსები, ინდივიდუალური პროგრამები, შეთავაზებები, სექტორული ანალიზები და სხვა.

1757576745

მოსწავლეების საყვარელ საბანკო აპლიკაცია sCoolApp-ში საჩუქრების კამპანია 15 სექტემბრამდე გრძელდება.კამპანიის ფარგლებში, მოსწავლეებს შესაძლებლობა აქვთ, მიიღონ 1500-მდე საჩუქრიდან ერთ-ერთი, მათ შორის: PlayStation, პლანშეტი, LEGO, ველოსიპედი და სხვა. (საჩუქარს VELI.store-ის ვაუჩერის სახით მიიღებენ.)საჩუქრების კამპანიაში მონაწილეობისთვის მოსწავლემ უნდა მოიწვიოს 3 მეგობარი და დაარეგისტრიროს. მონაწილე უნდა იყოს სკოლის მოსწავლე ან მისი ასაკი არ უნდა აღემატებოდეს 18 წელს.ინფორმაციისთვის, ვაუჩერი ერთჯერადია, მისი გამოყენება შესაძლებელია VELI.store-ზე ბავშვებისთვის შექმნილ კატეგორიაში, სადაც მოსწავლეებს სხვადასხვა საჩუქარი დახვდებათ. იმ შემთხვევაში, თუ ნივთი ვაუჩერზე ძვირია, თანხის დამატება შესაძლებელია. (ვაუჩერის გამოყენება შესაძლებელია 2025 წლის სექტემბრის ბოლომდე.)sCoolApp-ს ყოველდღიურად უკვე 150,000-ზე მეტი ბავშვი იყენებს. თუ თქვენს შვილს ჯერ არ აქვს sCool Card-ი, მას ძალიან მარტივად, მობილბანკის დახმარებით, უფასოდ შეუკვეთთ. ყოველ ახალ მოწვეულ და რეგისტრირებულ 3 მეგობარზე, მოსწავლეები დამატებით საჩუქარს მიიღებენ.კამპანიის შესახებ მეტი ინფორმაციისთვის ეწვიეთ ბმულს.

1757572542

გალტ & თაგარტმა კიდევ ერთი საერთაშორისო აღიარება მიიღო. პრესტიჟულმა გამოცემა Euromoney-იმ „2025 წლის კაპიტალის ბაზრების დაჯილდოებაზე“ იგი საქართველოში საუკეთესო საბროკერო კომპანიად დაასახელა. ინფორმაციას საქართველოს ბანკი ავრცელებს.კაპიტალის ბაზრების დაჯილდოება გამოცემის ჯილდოს - Awards for Excellence-ის ნაწილია და მისი მიზანი ბაზრის მონაწილეთა ახალი სეგმენტის აღიარება და წარმოჩენაა. პროგრამაში ფასიანი ქაღალდების ბირჟები, საბროკერო კომპანიები, ბროკერ-დილერები და პოსტ-ტრეიდინგის სერვისის მიმწოდებლები მონაწილეობენ.„ინდუსტრიის წამყვანი დაჯილდოების, Awards for Excellence-ის წარმატებული ხაზი გრძელდება, რომლითაც ჩვენ გლობალურად, საბანკო სექტორის მოთამაშეებს წარმოვაჩენთ. „კაპიტალის ბაზრების დაჯილდოების“ ინიციატივით კი ამ პრესტიჟულ აღიარებას ბაზრის მონაწილეთა ახალ სპექტრზე ვავრცელებთ“, - აღნიშნავს ლორი მაკატრი, Euromoney-ის კაპიტალის ბაზრების ხელმძღვანელი.„ჩვენთვის დიდი პატივია, რომ Euromoney - მსოფლიოში გამორჩეული ფინანსური გამოცემა გალტ & თაგარტის საქმიანობასა და გამოცდილებას დადებითად აფასებს. ეს ჯილდო კიდევ ერთხელ უსვამს ხაზს ჩვენს ძალისხმევას, მუდმივად ვუპასუხოთ მომხმარებელთა საჭიროებებს და მათ მაღალი ხარისხის საინვესტიციო და საბროკერო სერვისები შევთავაზოთ. მადლობას ვუხდი გუნდის წევრებს, რადგან აღნიშნული ჯილდო თითოეული მათგანის შრომისა და ძალისხმევის შედეგია“, - აცხადებს გიორგი კუპრაშვილი, გალტ & თაგარტის გენერალური დირექტორი.ინფორმაციისთვის, ფინანსურმა გამოცემა Euromoney-მ წელს გალტ & თაგარტს კიდევ ერთი, 2025 წლის საუკეთესო საინვესტიციო ბანკის ჯილდო გადასცა.გალტ & თაგარტი საინვესტიციო ბანკი და უმსხვილესი საბროკერო კომპანიაა საქართველოში. იგი მომხმარებლებს შესაძლებლობას აძლევს, საერთაშორისო, რეგიონალურ და ლოკალურ ბაზრებზე არსებული მრავალი ტიპის სხვადასხვა საინვესტიციო ინსტრუმენტით ივაჭრონ.გალტ & თაგარტის ბროკერები მომხმარებლებს ინფორმირებული საინვესტიციო გადაწყვეტილებების მიღებაში ეხმარებიან. უნიკალური პროფესიონალური საინვესტიციო პლატფორმით G&T Trader-ით ინვესტორებს წვდომას აქვთ 50+ საერთაშორისო ბირჟაზე და საინვესტიციო აქტივების ფართო არჩევანზე.

1757512129

რაც დრო გადის, ხელოვნური ინტელექტის შესახებ უფრო და უფრო მეტს მსჯელობენ. ბევრიც ამჩნევს, რომ ეს ინოვაცია ტექნოლოგიური სამყაროს საზღვრებს გასცდა და ბიზნესის დღის წესრიგში თავი დაიმკვიდრა. თუმცა, ბევრს ჯერ კიდევ აინტერესებს, როგორ შეიძლება მისი გამოყენება საქმიანობაში, განსაკუთრებით კი - მცირე და საშუალო ბიზნესის ყოველდღიურობაში.ამაზე პასუხი საქართველოს ბანკის მონაცემთა ანალიტიკის დეპარტამენტის Cluster Product Owner-მა ტატა მომცელიძემ უკვე გასცა. მან, პლატფორმა „ბიზნეს 360“-ის ფარგლებში, AI-ის გამოყენებაზე ორი ვორქშოპი გამართა. ღონისძიებებმა 4B-ის სივრცეში განსაკუთრებული ინტერესი გამოიწვია — მონაწილეები სხვადასხვა სექტორებიდან, ცოცხალი დისკუსიებითა და შეკითხვებით ცდილობდნენ, გაეგოთ, როგორ შეიძლება გენერაციული მოდელები მათი ყოველდღიური საქმიანობის ნაწილი გახდეს.რატომ იყო ვორქშოპი ასეთი მოთხოვნადი?ერთ-ერთი მთავარი მიზეზი ინფორმაციის პრაქტიკული ფორმით მიწოდება იყო.„ინტერნეტში AI-ზე უამრავი ინფორმაციაა, მაგრამ ის ხშირად ფრაგმენტულია და ზედმეტად ტექნიკური. ბიზნესს კი კონკრეტული მაგალითები და მარტივი განმარტება სჭირდება - როგორ შეიძლება ეს ინსტრუმენტი მათ საქმეში გამოიყენონ“, - აღნიშნავს ტატა.მიზანი - დავამსხვრიოთ მითებივორქშოპის მთავარი ამოცანა იყო, ეჩვენებინა ის, რომ ხელოვნური ინტელექტი მხოლოდ დიდი ორგანიზაციების პრივილეგია არ არის. ტატას ხედვით, პირიქით, ყველაზე დიდ სარგებელს ის მცირე და საშუალო ბიზნესს მოუტანს.„AI შეიძლება გახდეს თქვენი მაღალკვალიფიციური ასისტენტი ფინანსებში, იურიდიულ საკითხებში, მარკეტინგში, IT-ში - იქ, სადაც მცირე ბიზნესს ცალკე სპეციალისტის დასაქირავებლად რესურსი არ აქვს“.ოთხი ნაბიჯი AI-ის გასაგებადტატა მომცელიძის ვორქშოპი ოთხ ნაწილად იყო დაყოფილი AI-ის განვითარების მოკლე ისტორია სამი პოპულარული გენერაციული მოდელის - ChatGPT, Claude და Gemini - შედარება და პრაქტიკული დემო პრომპტის (კითხვების სწორად ფორმულირების) ტექნიკები AI-ისუსაფრთხო გამოყენების წესები და რისკების გაცნობიერება მონაწილეებმა საკუთარი თვალით ნახეს, რამდენად განსხვავდება ენობრივი მოდელების პასუხები სწორი და არასწორი დავალების შემთხვევაში და რატომ არ უნდა გააზიარონ კონფიდენციალური ინფორმაცია მოდელებთან მუშაობისას.სპიკერი აღნიშნავს, რომ ვორქშოპს ესწრებოდნენ როგორც AI-ის გამოცდილი მომხმარებლები, ისე ისინიც, ვინც ამ ტექნოლოგიას პირველად გაეცნო. მონაწილეები იყვნენ საბროკერო, მარკეტინგის, სამედიცინო, საცალო და IT სექტორებიდან. დისკუსიები მრავალფეროვანი აღმოჩნდა, ხოლო უკუკავშირი - განსაკუთრებულად პოზიტიური.AI საქართველოს ბანკი ყოველდღიურობაშიროგორც მონაცემთა ანალიტიკის გუნდის წევრი, ტატა AI-ს თითქმის ყველა პროექტში იყენებს - რთული ტექნიკური დოკუმენტების გასაგებად, ინფორმაციის სწრაფად მოსაძებნად და სამუშაო პროცესის დასაჩქარებლად.„ბოლო პერიოდში ჩემს გუნდთან შემოსული პროექტების უმეტესობას ხელოვნური ინტელექტის დახმარებით ვასრულებთ, თუმცა გენერაციულ მოდელებს ძალიან ხშირად პირადი დავალებების შესრულებისთვისაც ვიყენებ. ახლა Google-ით ბევრად იშვიათად ვსარგებლობ - AI მოდელს ვაძლევ დავალებას და ის პოულობს, მიჯამებს და ფილტრავს საჭირო ინფორმაციას“, - ამბობს ტატა.პრაქტიკული რჩევებიტატა მომცელიძემ ვორქშოპის მონაწილეებს არაერთი რჩევა გაუზიარა. მათ შორის, ახალბედებს რეკომენდაცია მისცა, არ შეჩერდნენ მხოლოდ ChatGPT-ზე, სცადონ სხვა მოდელებიც, როგორებიცაა Claude, Gemini, Perplexity, Grok, ან ვიზუალური მოდელები:Midjourney და Sora.„ყველა მოდელს თავისი უნიკალურობა აქვს, მთავარია, იპოვოთ ის, რაც თქვენს ბიზნესს ყველაზე მეტად შეესაბამება. ამასთან, დაიწყეთ მარტივი დავალებებით და მოდელს ხშირად ესაუბრეთ. დროთა განმავლობაში ის უკეთესად მოერგება თქვენს საჭიროებებს და აღარ დაგჭირდებათ ყოველ ჯერზე დავალების თავიდან ახსნა“, - განმარტა სპიკერმა.აღსანიშნავია, რომ ვორქშოპი ბიზნესგანათლებისა და ბიზნეს 360° პლატფორმის ნაწილია. ბიზნეს 360° კი აერთიანებს ყველა იმ შესაძლებლობას, რომელსაც საქართველოს ბანკი მცირე და საშუალო ბიზნესისთვის ქმნის - იქნება ეს საგანმანათლებლო რესურსები, ინდივიდუალური პროგრამები, შეთავაზებები, სექტორული ანალიზები და სხვა.ვორქშოპები პერიოდულად სხვადასხვა თემაზე იმართება, ხელოვნური ინტელექტის საკითხი კი საქართველოს ბანკისთვის, როგორც ინოვაციების მხარდამჭერი ინსტიტუტისთვის, განსაკუთრებით მნიშვნელოვანია.„ჩემთვის ძალიან საინტერესო იყო მსგავსი ვორქშოპის ჩატარების გამოცდილება, რადგან კიდევ ერთხელ დავრწმუნდი, თუ რამდენად დიდი გავლენის მოხდენა შეუძლია ხელოვნურ ინტელექტს სხვადასხვა სფეროზე. იმედი მაქვს, რომ დამსწრეებმაც გაიზიარეს ყველა ის დადებითი ემოცია რაც მე ამ ორი დღის განმავლობაში მივიღე“, - დასძენს ტატა მომცელიძე.

1757503987

8-9 სექტემბერს, GeoSTQB-ის ორგანიზებით, პულმან თბილისმა მნიშვნელოვან და მასშტაბურ ტექნოლოგიურ ღონისძიებას - Tester’s Day 2025-ს უმასპინძლა. ინფორმაციას თიბისი ბანკი ავრცელებს.უკვე რამდენიმე წელია, თიბისი, როგორც რეგიონის ლიდერი ტექნოლოგიური კომპანია, ტესტერების დღის მთავარი მხარდამჭერი და პარტნიორია. ტექკომუნის ხელშეწყობა და გაძლიერება, თიბისის ერთ-ერთი უცვლელი პრიორიტეტია.წელს, ღონისძიება კიდევ უფრო მასშტაბური იყო და მოიცავდა ISTQB® ყოველწლიურ საერთაშორისო კონფერენციას. დამსწრეები შეხვდნენ გლობალური კომპანიების წარმომადგენლებს, გაეცნენ საერთაშორისო გამოცდილებას; გაიმართა პანელური დისკუსიები და ინტერაქციული ვორქშოპები.Tester’s Day 2025-ზე, თიბისის ტესტირების ინჟინრებმა ჩაატარეს ვორქშოპი სახელწოდებით - Visual Testing in Practice და ისაუბრეს თუ როგორ ყალიბდება ვიზუალური ტესტირების სწორი სტრატეგია და როგორ ინერგება ის პრაქტიკაში.ღონისძიების გახსნაზე, აუდიტორიას მიმართა თიბისის ხარისხის უზრუნველყოფის და ტესტირების ავტომატიზაციის ლეგიონის ლიდერმა, ალექსანდრე ისკონიანმა, რომელმაც ისაუბრა თიბისის როლისა და გეგმების შესახებ ტექნოლოგიების სფეროში.Performance Testing Challenges & Best Practices - საინტერესო მოხსენება ჰქონდა თიბისის ტესტირების ინჟინერსა და ასოცირებულ პარტნიორს - ირინა ინაშვილს, რომელმაც დამსწრეებს გააცნო, როგორ იქმნება ავტომატიზაციის მოდულარული ჩარჩო და როგორ შეიძლება ვიფიქროთ ავტომატიზაციაზე, როგორც პროდუქტზე.Tester’s Day 2025 და მისი პრაქტიკული სესიები მნიშვნელოვანი გამოცდილება იყო ყველა დონის ტესტერისთვის.საერთაშორისო და ადგილობრივი ტოპ სპიკერები, რეალურ ქეისებზე დაფუძნებული გამოცდილების გაზიარება, ინტერაქციული ვორკშოპები, QA-ს ბაზრის უახლესი კვლევა, AI-ზე დაფუძნებული თანამედროვე ტესტირების მიდგომები და საჭიროებებზე მორგებული სესიები - ეს ყველაფერი ტესტერებს მნიშვნელოვან ცოდნასა და გამოცდილებას მოუტანს.

1757500631

საქართველოს ბანკი AI ინოვაციების მხარდაჭერასა და ბიზნესის ხელშეწყობას განაგრძობს. ამ მიზნით, თბილისში საერთაშორისო ტექნოლოგიური კონფერენცია AI INNOVATE 2025 ჩატარდა. ღონისძიების მიზანი ხელოვნური ინტელექტის შესახებ არსებული გლობალური ტენდენციების, სტარტაპების გამოცდილებისა და ინოვაციური ხედვების გაზიარება იყო.ღონისძიება როგორც ადგილობრივი, ისე საერთაშორისო პროფესიონალებისთვის გამორჩეულ პლატფორმად იქცა.კონფერენციაში მონაწილეობა მიიღეს ხელოვნური ინტელექტის მიმართულებით მსოფლიო მასშტაბით ცნობილმა ექსპერტებმა OpenAI-დან, კორნელის უნივერსიტეტიდან, SeedAI-დან, Armory Square Ventures-დან და სხვა.ღონისძიების ერთ-ერთი ყველაზე მნიშვნელოვანი ნაწილი OpenAI-ის ინჟინრის, კილან შულეს ჩართვა იყო, რომელმაც ყურადღება ხელოვნური ინტელექტის დანერგვისას ადამიანებზე მორგებულ მიდგომებზე გაამახვილა. მისი პრეზენტაცია ასევე შეეხებოდა თანამედროვე ორგანიზაციებში მონაცემების, ნდობისა და ინოვაციების თანაკვეთას.ღონისძიებაზე განხილული იყო შემდეგი საკითხები: როგორ შექმნან AI სტარტაპებმა გრძელვადიანი უპირატესობა და დაცვითი სტრატეგიები ხელოვნური ინტელექტის სამყაროში რაზე ამახვილებენ ყურადღებას VC კაპიტალის ინვესტორები AI სტარტაპების შეფასებისას მათი განვითარების სხვადასხვა ეტაპზე ვერტიკალური და ჰორიზონტალური AI აპლიკაციები — როგორ ცვლიან ისინი ბაზრის სტრუქტურას წარმატებული AI დამფუძნებლების მახასიათებლები როგორ უნდა იმოქმედონ AI სტარტაპებმა წარმატებით, ისეთ მსხვილ AI მოთამაშეებთან ერთად, როგორებიცაა OpenAI და Anthropic „საქართველოს ბანკისთვის მნიშვნელოვანია, ხელი შევუწყოთ იმ ეკოსისტემის განვითარებას, რომელიც ინოვაციებსა და ტექნოლოგიებს აერთიანებს. გვჯერა, რომ AI მიმართულებით ცოდნისა და გამოცდილების გაზიარება სტარტაპებსა და ბიზნესებს საქართველოში ახალი შესაძლებლობების შექმნასა და გლობალურ დონეზე კონკურენტუნარიანობის გაზრდაში დაეხმარება“, - განაცხადეს საქართველოს ბანკში.ღონისძიება ნიუ ვიჟენ უნივერსიტეტის ორგანიზებით, საქართველოს ბანკი ბიზნესის, კორნელის კომპიუტერული და ინფორმაციული მეცნიერებების კოლეჯის, საქართველოს ინოვაციებისა და ტექნოლოგიების სააგენტოს მხარდაჭერით განხორციელდა.

1757497786

რეგიონის მთავარი მოვლენა შემოქმედებით ინდუსტრიაში, Ad Black Sea ფესტივალი, ხვალიდან იწყება და საკომუნიკაციო ინდუსტრიის მსოფლიო ვარსკვლავებს უმასპინძლებს. ფესტივალის უცვლელი პარტნიორია თიბისი.11-13 სექტემბერს ტრადიციულად ბათუმში ფესტივალი უმასპინძლებს ინდუსტრიის წამყვანი პროფესიონალებისა და საინტერესო ადამიანების გამოსვლებს, ვორქშოფებსა და პანელურ განხილვებს. ორგანიზატორები ჯამში 1400-მდე ქართველ და უცხოელ დელეგატს ელიან. წინა წლების მსგავსად, წელსაც თიბისის მხარდაჭერით არაერთი საინტერესო სესია გაიმართება. მათ შორის იქნება შემოქმედებითი გუნდების სწორ მუშაობაზე ორიენტირებული კომპანიის - Let’s Lightbubl-ის დამფუძნებელი Tim Leake-ის გამოსვლა კოლაბორაციის თემაზე და ვორქშოფი სწრაფი იდეების გენერირებაზე.AD BLACK SEA ფესტივალი ეს არის შესაძლებლობა, სფეროთი დაინტერესებული ადამიანები გაეცნონ შემოქმედებით ინდუსტრიაში არსებულ ტენდენციებს, გაიღრმაონ პროფესიული ცოდნა და გაიცნონ სფეროს წამყვანი პროფესიონალები.სხვადასხვა ქვეყნიდან შემოქმედებითი პროდუქტები 13 ნომინაციაში იქნება წარდგენილი (ბრენდინგი, მდგრადობა, დიზაინი, ციფრული კომუნიკაცია და სხვა), რომლებსაც 20 ქვეყნიდან მოწვეული 28 ჟიურის წევრო შეაფასებს და მათგან საუკეთესოებს გამოავლენს.წლევანდელ ფესტივალზე თიბისის გასული წლის რამდენიმე კამპანია და აქტივაცია ფესტივალის მოკლე სიაშიც მოხვდა:POWER TO THE PEOPLE | Playmakers Agency - შემოქმედებითი სტრატეგიაStubborn Nation | Playmakers Agency - შემოქმედებითი სტრატეგიაSelfie Registration | TBC - დიზაინი & ბრენდინგიSelfie Registration | TBC – ბრენდის გამოცდილება & აქტივაციაPOWER TO THE PEOPLE | Playmakers - მედია (ციფრული, მობილური და სოციალური პლატფორმების გამოყენება)POWER TO THE PEOPLE | Playmakers - მედია (პირდაპირი კომუნიკაცია)Streets Will Never Forget | TBC - სარეკლამო კამპანია.თიბისი და AD BLACK SEA ფესტივალის დაარსებიდან, 2015 წლიდან პარტნიორები არიან. თიბისისთვის შემოქმედებითი ინდუსტრიის მხარდაჭერა და მისი განვითარება ერთ-ერთი მნიშვნელოვანი მიმართულებაა. AD BLACK SEA უკვე მეცხრე წელია იმართება ბათუმში, სადაც ევროპის და აზიის ქვეყნების წარმომადგენლები ერთმანეთს ცოდნასა და გამოცდილებას უზიარებენ.წელს უკვე მესამედ AD BLACK SEA-ზე თიბისი წარადგენს ნომინაციას Young Creative და წლის ყველაზე შემოქმედებით ახალგაზრდას დააჯილდოებს. ფესტივალის შესახებ მეტი ინფორმაციის მისაღებად ეწვიეთ ბმულს.თიბისი, როგორც ბრენდის ღირებულებები, განვითარებაზეა ორიენტირებული და ასეთი ღონისძიებები შემოქმედებით თვალსაწიერს აფართოებს და ამ ინდუსტრიის წარმომადგენლებს აძლევს მოტივაციას, მიიღონ ახლი ცოდნა, გამოცდილება და დაარწმუნოს, რომ შეუძლებელიც შესაძლებელია, მთავარია, გჯეროდეს!

1757491262

AI საერთაშორისო ოლიმპიადის წარმატებით ჩატარების შემდეგ, თიბისიმ და საქართველოს ხელოვნური ინტელექტის ასოციაციამ (GAIA), სტრატეგიული პარტნიორობა გააფორმეს. ინფორმაციას თიბისი ბანკი ავრცელებს. ახალი თაობის AI და მონაცემთა ტექნოლოგიების პროფესიონალების განვითარების ხელშეწყობა, საზოგადოებაში და ბიზნესში AI-ის შესახებ ცნობიერების ამაღლება, ქართველი პროფესიონალების და ქართული AI კომუნის გაძლიერება - ეს ის ძირითადი მიმართულებებია, რომლებზეც თიბისი და GAIA ერთობლივად იმუშავებენ.სკოლის მოსწავლეებისთვის, სტუდენტებისთვის და ბიზნესებისთვის თიბისი და GAIA ერთობლივად დაგეგმავენ და განახორციელებენ არაერთ AI პროგრამას, ბუთქემფებს, ტრენინგებს, საჯარო შეხვედრებს, კონფერენციებს, ვორქშოფებს და ა.შ. ასევე, ახლო მომავალში დაიწყება რეგისტრაციები საოლიმპიადო კურსზე.„მოხარულები ვართ გვყავდეს ისეთი პარტნიორი, რომელიც დღეს ხელოვნური ინტელექტის მიმართულებით მსოფლიო ტენდენციებს მიყვება და მნიშვნელოვან ნაბიჯებს დგამს ამ მიმართულებით. გვჯერა რომ, GAIA-სთან თანამშრომლობით ახალგაზრდების AI მიმართულებით პროფესიულ ზრდას, ცოდნის გაზიარებასა და პრაქტიკული უნარების გაღრმავებას მნიშვნელოვნად შევუწყობთ ხელს. თიბისის და GAIA-ს პარტნიორობა მნიშვნელოვანი ინიციატივაა, როგორც საქართველოს AI და ტექნოლოგიური ეკოსისტემის განვითარებისთვის, ისე ქვეყნის საერთაშორისო ტექნოლოგიურ საზოგადოებაში ინტეგრირებისთვის“, - აცხადებს მაკუნა თავბერიძე, თიბისის მარკეტინგის და ბრენდის გამოცდილების ლიდერი.„თიბისის მხარდაჭერით უკვე რამდენიმე წარმატებული პროექტი, მათ შორის ეროვნული AI ჰაკათონი ჩავატარეთ და საქართველო პირველად წარვადგინეთ AI-ის საერთაშორისო ოლიმპიადაზე. წარმატების ამ მაგალითებმა კი გვაჩვენა, რომ საერთო ხედვა და ღირებულებები გვაქვს. ამიტომ, შეგვიძლია ერთად ვიმუშაოთ საქართველოში ხელოვნური ინტელექტის განვითარების ყველაზე მნიშვნელოვან ამოცანებზე, როგორიცაა მომავალი ტალანტების განვითარება, პროფესიული საზოგადოების გაძლიერება და მსოფლიო AI რუკაზე საქართველოს გამოჩენა“, - აცხადებს გიგი გიორგაძე, საქართველოს ხელოვნური ინტელექტის ასოციაციის დირექტორი.შეგახსენებთ, რომ ახლა ხანს GAIA-ს ორგანიზებით და თიბისის მხარდაჭერით საქართველოში პირველი ხელოვნური ინტელექტის ეროვნული ოლიმპიადა ჩატარდა. ოლიმპიადის გამარჯვებულებისგან დაკომპლექტებულმა მოსწავლეთა ეროვნულმა ნაკრებმა წელს საქართველო პირველად წარადგინა ხელოვნური ინტელექტის მსოფლიო ოლიმპიადაზე (IOAI) პეკინში, სადაც ნაკრების წევრმა თემიკო მაჭავარიანმა, ბრინჯაოს მედალი მოიპოვა.თიბისი, სხვადასხვა ასაკის ადამიანებისთვის, განათლებას კიდევ უფრო ხელმისაწვდომს ქმნის. ყველაფერი გამოგივა მთავარია გჯეროდეს!

1757487491

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია ენერგეტიკოსებს პროფესიულ დღეს ულოცავს:„10 სექტემბერი ენერგეტიკოსის დღეა. ტრადიციულად, ამ დღეს გილოცავთ ყველა ენერგეტიკოსსა და ასევე, ენერგეტიკის სექტორში დასაქმებულ სხვადასხვა პროფესიის წარმომადგენელს. საქართველოს ენერგეტიკის სექტორს ემსახურებიან პროფესიონალი, კვალიფიციური, დაუღალავი და თავის საქმიანობაზე შეყვარებული ადამიანები, რომლებიც ქმნიან სტაბილურ და პროგრესულ დარგს.ენერგეტიკის სექტორში ჩემი საქმიანობის განმავლობაში ვხვდები როგორც ღვაწლმოსილ ენერგეტიკოსებს, რომლებმაც თავისი წვლილი შეიტანეს ქართული ენერგეტიკის ჩამოყალიბებაში, ასევე ენერგიით სავსე ახალგაზრდა ენერგეტიკოსთა თაობას. მათ საერთო ინტერესი აერთიანებთ - ქვეყნისა და თავისი საქმის სიყვარული.ცალკე აღსანიშნავია ენერგეტიკის სექტორში დასაქმებული სხვა პროფესიის წარმომადგენლები, რომლებიც გამორჩეულნი არიან დარგისადმი ერთგულებით და ძალისხმევას არ იშურებენ ენერგეტიკის სექტორის განვითარებისთვის.მოხარული ვარ, რომ სექტორის მიმართ ახალგაზრდა თაობის დაინტერესება სულ უფრო მეტად იზრდება. სემეკის მიერ დაფუძნებულ ენერგეტიკის სასწავლო ცენტრში ხორციელდება პროექტები, რომლებიც მოქმედი თუ მომავალი ენერგეტიკოსების ინფორმირებას, კვალიფიკაციის ამაღლებასა და მათ პროფესიულ განვითარებას ემსახურება.ჩემი, როგორც სემეკის თავმჯდომარის ინტერესია, რომ ენერგეტიკის დარგს რაც შეიძლება მეტი ახალგაზრდა პროფესიონალი კადრი ჰყავდეს.კიდევ ერთხელ, გილოცავთ ენერგეტიკოსის დღეს და წარმატებულ საქმიანობას გისურვებთ!“

1757417337

გაყიდვების ასოციაციის ორგანიზებით და თიბისი ბიზნესისთვის მხარდაჭერით, 9 ოქტომბერს, ტაშკენტში, ბიზნესგამოფენა - „საქართველო-უზბეკეთი აბრეშუმის გზა“ გაიმართება და მასში მონაწილეობას ქართული ბიზნესები მიიღებენ, სხვადასხვა სექტორიდან.ფორუმი ორი დღის განმავლობაში გაგრძელდება და მას 4000-ზე მეტი სტუმარი და 50-მდე ბიზნესის წარმომადგენელი დაესწრება, როგორც უზბეკეთიდან, ისე - სხვადასხვა ქვეყნიდან.პირველ დღეს გაიმართება კონფერენცია - „საქართველო-უზბეკეთი აბრეშუმის გზა“, სადაც მონაწილეობას მიიღებენ, როგორც საქართველოს მხრიდან გამოფენაში მონაწილე კომპანიები, ისე - უზბეკეთის ბიზნესსექტორის და ხელისუფლების წარმომადგენლები. ბიზნესგამოფენაზე 50-მდე ქართული კომპანია იქნება წარმოდგენილი, რომლებიც გამოფენის პარალელურად, თავიანთ ბიზნესს უზბეკ მომხმარებელს სცენიდან გააცნობენ.კონფერენციის მონაწილეებს შესაძლებლობა ექნებათ, უკეთესად გაიცნონ უზბეკეთის ბაზარი, მისი თავისებურებები, გამოწვევები და შესაძლებლობები. კონფერენციაზე მონაწილეები პირადად შეხვდებიან სხვადასხვა ბიზნეს და საერთაშორისო კომპანიის წარმომადგენელს თუ ინვესტორს და გამართავენ B2B შეხვედრებს.კონფერენციის პირველი ნაწილი იმ ქართული ბიზნესების წარმომადგენლებს დაეთმობათ, რომლებმაც უზბეკეთის ბაზარზე უკვე წარმატებით დაიმკვიდრეს თავი. სპიკერები დამსწრე აუდიტორიას საკუთარ გამოცდილებას გაუზიარებენ უზბეკეთის ბაზარზე გასვლასთან დაკავშირებით. გამომსვლელებს შორის იქნება ნუკრი თეთრაშვილი, თიბისი უზბეკეთის აღმასრულებელი დირექტორი.კონფერენციის მეორე ნაწილში უზბეკეთის სხვადასხვა სექტორის წარმომადგენლები ჩაერთვებიან. მათ შორის - ეკონომიკის, ინვესტიციების სამინისტროს, ასევე ამერიკის სავაჭრო პალატის (AmCham) წევრები. სპიკერები აუდიტორიას უზბეკეთის ბაზარზე არსებულ გამოწვევებს, შესაძლებლობებსა და საინვესტიციო გარემოს გააცნობენ, მათ შორის, კომპანიების რეგისტრაციის და საქმიანობის წამოწყების პროცედურებს.ღონისძიებაზე წარმოდგენილი იქნება ინფორმაცია იმ საკონტაქტო პირების შესახებ, რომლებიც ბიზნესებს აღნიშნული პროცესების ეფექტიანად განხორციელებაში დაეხმარებიან.ბიზნესგამოფენაზე დასასწრებად, ასევე, ღონისძიების შესახებ დეტალური ინფორმაციის მისაღებად, ეწვიეთ ბმულს: გამოფენა | Sales Associationწარმატება გზაშია, მთავარია გჯეროდეს!