1755870715

ბრაზილიის ფედერაციულ რესპუბლიკაში საქართველოს საპარლამენტო დელეგაციის ოფიციალური ვიზიტის ფარგლებში, საგარეო ურთიერთობათა კომიტეტის თავმჯდომარე ნიკოლოზ სამხარაძე და საპარლამენტო დელეგაციის წევრები ბრაზილიის საგარეო საქმეთა სამინისტროს გენერალურ მდივანს - მინისტრის მოადგილე მარია ლაურა და როშას შეხვდა. ინფორმაციას აღნიშნულთან დაკავშირებით პარლამენტის პრესსამსახური ავრცელებს. შეხვედრაზე მხარეებმა საქართველოსა და ბრაზილიას შორის არსებული ურთიერთობები მიმოიხილეს და თანამშრომლობის განვითარების მიმართულებებზე იმსჯელეს. განიხილეს საქართველოსა და მერკოსურის გაერთიანების ქვეყნებს შორის თავისუფალი ვაჭრობის შესაძლებლობა.მხარეებმა აგრეთვე ისაუბრეს ლათინურ ამერიკაში და სამხრეთ კავკასიაში არსებული უსაფრთხოების პრობლემები.ქართველმა კანონმდებლებმა ბრაზილიელ პარტნიორებს მიაწოდეს ინფორმაცია საქართველოს ოკუპირებულ ტერიტორიებზე არსებულ ვითარებაზე და საქართველოს ხელისუფლების მიერ განხორციელებული სამშვიდობო პოლიტიკის ძირითად მიმართულებებზე.ქართულმა დელეგაციამ ბრაზილიის ხელისუფლებას მადლობა გადაუხადა სხვადასხვა საერთაშორისო ორგანიზაციაში საქართველოს ტერიტორიული მთლიანობის მხარდაჭერისთვის.ნიკოლოზ სამხარაძემ ბრაზილიელ დიპლომატს, ლათინური ამერიკის რეგიონში, ოკუპირებული ტერიტორიების არ აღიარების პოლიტიკის განხორციელებაში დახმარების წინადადებით მიმართა.მისივე თქმით, საქართველო პოლიტიკურ მხარდაჭერას ვენესუელას და ნიკარაგუას მიერ ოკუპირებული ტერიტორიების აღიარების გაუქმების კუთხითაც საჭიროებს და ამ საკითხში ბრაზილიის ჩართულობა მეტად მნიშვნელოვანია საერთაშორისო სამართლის პრინციპების უზრუნველსაყოფად.საპარლამენტო დელეგაციის წევრები აგრეთვე ეწვივნენ ბრაზილიის დიპლომატიურ აკადემიას - რიო ბრანკოს ინსტიტუტს და მის გენერალურ დირექტორს მიტცი ვალენტე და კოშტას ესაუბრნენ. ქართველი კანონმდებლები დიპლომატიური აკადემიის საქმიანობის ძირითად მიმართულებებს და სწავლების სპეციფიკას გაეცნენ.შეხვედრაზე მხარეებმა ქართველი დიპლომატების რიო ბრანკოს ინსტიტუტში სწავლების შესაძლებლობებზე ისაუბრეს.აკადემიის გენერალურმა დირექტორმა ქართველი დიპლომატების ჩარიცხვის მზაობა გამოთქვა. როგორც ნიკოლოზ სამხარაძემ აღნიშნა, დიპლომატების მომზადების კუთხით რიო ბრანკოს დიპლომატიური აკადემია ლათინურ ამერიკაში ერთ-ერთ წარმატებულ და უძველეს სასწავლო დაწესებულებას წარმოადგენს და მათთან თანამშრომლობა ახალგაზრდა ქართველი დიპლომატებისთვის საინტერესო და მნიშვნელოვანი იქნება რეგიონის უკეთ შესწავლისათვის.ბრაზილიის ფედერაციულ რესპუბლიკაში საპარლამენტო დელეგაციას საგარეო ურთიერთობათა კომიტეტის თავმჯდომარე ნიკოლოზ სამხარაძე ხელმძღვანელობს. დელეგაციის შემადგენლობაში არიან: საქართველო-ბრაზილიის მეგობრობის ჯგუფის ხელმძღვანელი, განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი და ჯგუფის წევრი, სპორტის კომიტეტის თავმჯდომარე ვიქტორ სანიკიძე. ქართველ კანონმდებლებთან ერთად ოფიციალურ შეხვედრებში მონაწილეობს საქართველოს ელჩი ბრაზილიაში ზურაბ მჭედლიშვილი.

1755777084

საქართველოს საპარლამენტო დელეგაცია ოფიციალური ვიზიტით ბრაზილიის ფედერაციულ რესპუბლიკაში იმყოფება.პარლამენტის პრესსამსახურის ინფორმაციით, ვიზიტის ფარგლებში საპარლამენტო დელეგაციის წევრებმა შეხვედრები გამართეს ბრაზილიის სენატის საგარეო ურთიერთობათა და თავდაცვის კომისიის თავმჯდომარე - ნელსინიო ტრადისთან, დეპუტატთა პალატის საგარეო ურთიერთობათა და თავდაცვის კომიტეტის თავმჯდომარე - ლუის ნიშიმორისთან და დეპუტატთა პალატის განათლების კომიტეტის თავმჯდომარე - მაურისიო კარვალიოსთან. შეხვედრებზე მხარეებმა ორმხრივი საპარლამენტო ურთიერთობები მიმოიხილეს და თანამშრომლობის გაღრმავების მიმართულებებზე ისაუბრეს.„აღინიშნა, რომ საპარლამენტო თანამშრომლობის გამყარების მიზნით მნიშვნელოვან ფორმატს რეგულარული ერთობლივი საკომიტეტო სხდომების გამართვა წარმოადგენს და ეს შესაძლებელია როგორც ონლაინ, ასევე ორმხრივი ვიზიტების ფარგლებში წარიმართოს.შეხვედრებზე ქართულმა მხარემ ბრაზილიელ კოლეგებს საქართველოს ტერიტორიული მთლიანობის მხარდაჭერისთვის მადლობა გადაუხადა.ბრაზილიელი კანონმდებლების განცხადებით, საქართველოს ტერიტორიული მთლიანობის მხარდაჭერა საერთაშორისო სამართლის ფუნდამენტურ პრინციპებს ეფუძნება და შესაბამისად, მათი პოზიცია ურყევი იქნება.შეხვედრებზე საპარლამენტო დელეგაციის წევრებმა ბრაზილიელ კოლეგებს საქართველოში განხორციელებული ეკონომიკური რეფორმების შედეგები გააცნეს, რომლის შედეგადაც ბოლო წლების განმავლობაში ქვეყნის ეკონომიკური ზრდა ორნიშნა მაჩვენებელს აღწევს. საუბარი ასევე შეეხო როგორც ბრაზილიაში, ასევე ლათინურ ამერიკაში მიმდინარე პოლიტიკურ პროცესებს.საქართველოს ეკონომიკურ პოტენციალზე საუბრისას ყურადღება ასევე გამახვილდა მისი, როგორც სატრანზიტო დერეფნის და საინვესტიციო შესაძლებლობებზე. განათლების კომიტეტში შეხვედრისას აღინიშნა, რომ თანამშრომლობის გამყარების მიზნით, მნიშვნელოვანი იქნება ქართული და ბრაზილიური უნივერსიტეტებს შორის ურთიერთობების ხელშეწყობა და განათლების რეფორმების საუკეთესო გამოცდილების გაზიარება“, - ნათქვამია გავრცელებულ ინფორმაციაში. პარლამენტის პრესსამსახურის ცნობით, ბრაზილიის საკანონმდებლო ორგანოში სტუმრობისას საქართველოს საპარლამენტო დელეგაციის წევრები ბრაზილიის პარლამენტის საქართველოსთან მეგობრობის ჯგუფის ხელმძღვანელს კლაუდიო კაჟადუს შეხვდნენ. „მეგობრობის ჯგუფების ხელმძღვანელების შეხვედრისას მხარეები დინამიკური თანამშრომლობის ფორმატზე შეთანხმდნენ. აღინიშნა, რომ საპარლამენტო ურთიერთობების კიდევ უფრო გამყარების მიზნით, შემოდგომაზე ბრაზილიის პარლამენტში საქართველოს დღეების, ხოლო მომავალ წელს საქართველოს პარლამენტში ბრაზილიის დღეების ღონისძიება გაიმართება“, - აღნიშნულია ინფორმაციაში. საპარლამენტო დელეგაციას ხელმძღვანელობს საგარეო ურთიერთობათა კომიტეტის თავმჯდომარე ნიკოლოზ სამხარაძე. დელეგაციის შემადგენლობაში არიან: საქართველო-ბრაზილიის მეგობრობის ჯგუფის ხელმძღვანელი, განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი და სპორტის კომიტეტის თავმჯდომარე ვიქტორ სანიკიძე, აგრეთვე საქართველოს ელჩი ბრაზილიაში ზურაბ მჭედლიშვილი.

1755706680

საქართველოს საპარლამენტო დელეგაცია ოფიციალური ვიზიტით ბრაზილიაში იმყოფება, სადაც პირველი შეხვედრა ბრაზილიის დეპუტატთა პალატის თავმჯდომარეს ჰუგო მოტასთან გამართეს.პარლამენტის პრესსამსახურის ინფორმაციით, შეხვედრაზე მხარეებმა ორმხრივი საპარლამენტო ურთიერთობები მიმოიხილეს და მისი განვითარების საკითხებზე იმსჯელეს.საუბრის თემას ასევე ორ ქვეყანას შორის არსებული პოლიტიკური, ეკონომიკური და სავაჭრო ურთიერთობები წარმოადგენდა.განსაკუთრებული ყურადღება გამახვილდა განათლების კუთხით თანამშრომლობის გაღრმავებაზე და გამოცდილების ურთიერთგაცვლის მნიშვნელობაზე.საპარლამენტო დელეგაციის წევრებმა ბრაზილიის პარლამენტის დეპუტატთა პალატის თავმჯდომარეს საქართველოს ოკუპირებულ რეგიონებში არსებულ ვითარებაზე მიაწოდეს ინფორმაცია და საქართველოს ტერიტორიული მთლიანობის ურყევი მხარდაჭერისთვის, ბრაზილიის ხელისუფლებას, მადლობა გადაუხადეს.შეხვედრის დასასრულს, საპარლამენტო დელეგაციის წევრებმა ბრაზილიის პარლამენტის დეპუტატთა პალატის თავმჯდომარე საპასუხო ვიზიტით საქართველოში მოიწვიეს.საქართველოს დელეგაცია პარლამენტის თავმჯდომარემ ბრაზილიელ დეპუტატებს პლენარულ სხდომაზე წარუდგინა და აღნიშნა მათი ვიზიტის განსაკუთრებული მნიშვნელობა.საპარლამენტო დელეგაციას ხელმძღვანელობს საგარეო ურთიერთობათა კომიტეტის თავმჯდომარე ნიკოლოზ სამხარაძე. დელეგაციის შემადგენლობაში არიან საქართველო-ბრაზილიის მეგობრობის ჯგუფის ხელმძღვანელი, განათლების, მეცნიერებისა და ახალგაზრდულ საქმეთა კომიტეტის თავმჯდომარე მარიამ ლაშხი და სპორტის კომიტეტის თავმჯდომარე ვიქტორ სანიკიძე, აგრეთვე საქართველოს ელჩი ბრაზილიაში ზურაბ მჭედლიშვილი.

1755004103

საგარეო ურთიერთობათა კომიტეტის თავმჯდომარე ნიკოლოზ სამხარაძე საქართველოში გაერთიანებული სამეფოს საგანგებო და სრულუფლებიან ელჩს გარეთ უორდს შეხვდა. ინფორმაციას აღნიშნულთან დაკავშირებით პარლამენტის პრესსამსახური ავრცელებს. მათივე ცნობით, ელჩთან შეხვედრაზე განიხილეს საქართველოსა და გაერთიანებულ სამეფოს შორის არსებული ურთიერთობების დინამიკა, ქვეყნის შიდა პოლიტიკური საკითხები და რუსეთის მიერ საქართველოს ოკუპირებულ რეგიონებში არსებული ვითარება.მხარეებმა ისაუბრეს რეგიონული უსაფრთხოების საკითხებზე, ხაზი გაესვა რუსეთის მიერ უკრაინაში მიმდინარე აგრესიის გავლენას საქართველოს უსაფრთხოებაზე.შეხვედრაზე ორ ქვეყანას შორის არსებული სავაჭრო ეკონომიკური ურთიერთობები და დიდი ბრიტანეთის მიერ ქვეყანაში განხორციელებული ინვესტიციები მიმოიხილეს. აღინიშნა, რომ დიდი ბრიტანეთი არის საქართველოში ერთ-ერთი მთავარი პირდაპირი უცხოური ინვესტორი.

1754979671

პარლამენტის კულტურის კომიტეტის თავმჯდომარე გიორგი გაბუნია საზოგადო მოღვაწის, ლოტბარისა და ფოლკლორისტის, ანზორ ერქომაიშვილის 85 წლის იუბილესთან დაკავშირებით ოზურგეთის სახელმწიფო დრამატულ თეატრში გამართულ ანსამბლ „რუსთავის“ კონცერტს დაესწრო და დამსწრე საზოგადოებას მისასალმებელი სიტყვით მიმართა.გიორგი გაბუნიამ ანზორ ერქომაიშვილის მიერ დაარსებული ხალხური სიმღერისა და ცეკვის სახელმწიფო აკადემიური ანსამბლის ისტორიასა და მნიშვნელობაზე გაამახვილა ყურადღება და აღნიშნა, რომ ანსამბლი „რუსთავი“ ღირსეულად აგრძელებს ანზორ ერქომაიშვილის დაწყებულ საქმეს, თაობიდან თაობას გადასცემს ქართული ხალხური სიმღერისა და ცეკვის ტრადიციას.ანზორ ერქომაიშვილის საიუბილეო თარიღისადმი მიძღვნილ კონცერტს ესწრებოდნენ: საქართველოს კულტურის მინისტრი თინათინ რუხაძე, ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი მიხეილ სარჯველაძე, კულტურის მინისტრის მოადგილე გიორგი მირცხულავა, პარლამენტის წევრი დავით მათიკაშვილი და ადგილობრივი ხელისუფლების წარმომადგენლები.ღონისძიება საქართველოს კულტურის სამინისტროსა და ოზურგეთის მუნიციპალიტეტის მერიის მხარდაჭერით გაიმართა.

1754916572

საქართველოს პარლამენტის თავმჯდომარემ შალვა პაპუაშვილმა, პრემიერ-მინისტრმა ირაკლი კობახიძემ, პრეზიდენტმა მიხეილ ყაველაშვილმა, ვიცე-პრემიერმა, თავდაცვის მინისტრმა ირაკლი ჩიქოვანმა, პარლამენტისა და მთავრობის წევრებთან ერთად, 2008 წლის აგვისტოს ომის დროს, შინდისთან გმირულად დაღუპული ქართველი სამხედროების ხსოვნას პატივი მიაგეს და გმირების მემორიალი გვირგვინით შეამკეს.მემორიალთან, სადაც თავდაცვის ძალების სამხედრო მოსამსახურეები, გმირების ოჯახის წევრები და საქართველოს მოქალაქეები იმყოფებოდნენ, ქართველი მებრძოლების გმირული თავგანწირვა კიდევ ერთხელ გაიხსენეს.„დღეს შინდისის გმირების დღეა. დღე, როდესაც შინდისში 22 ქართველ ჯარისკაცსა და რუსეთის არმიის წარმომადგენელ 100 მოწინააღმდეგეს შორის გმირული ბრძოლა გაიმართა, სადაც ჩვენი ჯარისკაცები 5-ჯერ აღმატებულ მტერს შეებრძოლნენ. ხვალ ჩვენ აღვნიშნავთ დიდგორობას, სადაც ასევე 5-ჯერ აღმატებულ მტერთან იბრძოლა ქართველმა და გაიმარჯვა. 17 წლის წინაც, 22 ქართველი ჯარისკაცი 100-ის წინააღმდეგ მედგრად დადგა და ბოლომდე იბრძოლა საკუთარი ქვეყნისთვის. ყოველივე ეს გვაჩვენებს, რომ ქართველი ჯარისკაცისთვის, ქართველი მეომრისთვის ყველა ბრძოლა დიდგორია. ყველა ბრძოლაში ქართველი მებრძოლი შედის როგორც დიდგორში და ეს, 17 წლის წინ შინდისის გმირებმა დაამტკიცეს. ამავე დროს, ეს გვაჩვენებს, რომ ყოველ ბრძოლას არ ჰყავს დავით აღმაშენებლის მსგავსი პატრიოტი მთავარსარდალი და გვახსენებს, რომ არა ის მარიონეტული რეჟიმი, რომელიც 17 წლის წინ იყო, ეს ომი არ იქნებოდა. როდესაც ქვეყანას სათავეში უდგას მარიონეტული რეჟიმი, ასეთი რეჟიმები მოქმედებენ არა საკუთარი ქვეყნის, არამედ სხვა ქვეყნებისა და ჯგუფების ინტერესებით და ასეც მოხდა - 17 წლის წინ, სააკაშვილის მარიონეტულმა რეჟიმმა გეოპოლიტიკურ დიდ საჭადრაკო დაფაზე საქართველო პაიკად გამოაყენებინა“, - განაცხადა შალვა პაპუაშვილმა.როგორც პარლამენტის თავმჯდომარემ აღნიშნა, 17 წლის წინ, 12 აგვისტოს ცეცხლის შეწყვეტის შესახებ 6-პუნქტიანი გეგმა დაიდო, რომელიც ევროკავშირის შუამდგომლობით არის ხელმოწერილი.„ეს გეგმა დღემდე შესრულებული არ არის. მათ შორის, ერთ-ერთი პუნქტი იყო რუსეთის მხრიდან ჯარების გაყვანა საწყის პოზიციებზე. 12 აგვისტოს ამ შეთანხმების გარანტორი ევროკავშირი იყო. თუმცა მიუხედავად იმისა, რომ რუსეთს ნაკისრი ვალდებულებები არ შეუსრულებია, ევროკავშირს არც სანქციები დაუწესებია რუსეთისთვის და არც რაიმე პოლიტიკური ფასი გადაუხდევინებია. სწორედ ეს გაკვეთილი გვაქვს გამოვლილი. ამიტომაც გამოიჩინა ქართველმა ხალხმა სიბრძნე 2022 წელს და არ ჩაათრევინა თავი ისეთ ომში, რომელიც ჩვენ უკვე ბევრჯერ გვაქვს ნანახი და რომლის დასასრული ქართველმა ხალხმა კარგად იცის“, - განაცხადა შალვა პაპუაშვილმა.17 წლის წინ, 2008 წლის 11 აგვისტოს, სოფელ შინდისთან, რუსულ სამხედრო ნაწილთან უთანასწორო ბრძოლაში 17 ქართველი ჯარისკაცი გმირულად დაიღუპა.

1754731139

პარლამენტის კულტურის კომიტეტის თავმჯდომარე გიორგი გაბუნია ოზურგეთში იმყოფებოდა, სადაც გურიის მხარეში სახელმწიფო რწმუნებულს გიორგი ღურჯუმელიძეს, ოზურგეთის მუნიციპალიტეტის მერს ავთანდილ თალაკვაძეს და კულტურის სფეროს ადგილობრივ წარმომადგენლებს შეხვდა.შეხვედრებზე განხილული იყო გურიაში კულტურის სფეროს სხვადასხვა მიმართულებების განვითარების შესაძლებლობები და არსებული გამოწვევები.როგორც გიორგი გაბუნიამ აღნიშნა, რეგიონების კულტურული პოტენციალის გაძლიერება და კულტურული მემკვიდრეობის დაცვა კომიტეტის საქმიანობის ერთ-ერთი მთავარი პრიორიტეტია.კომიტეტის თავმჯდომარემ ოზურგეთის მუნიციპალიტეტის მერთან ერთად ასევე დაათვალიერა სოფელ შრომაში მდებარე კულტურის სახლის შენობა, რომელსაც სრული რეაბილიტაცია უტარდება.

1754647149

პარლამენტის თავმჯდომარემ შალვა პაპუაშვილმა, პრემიერ-მინისტრმა ირაკლი კობახიძემ, პრეზიდენტმა მიხეილ ყაველაშვილმა, აღმასრულებელი და საკანონმდებლო ხელისუფლების წარმომადგენლებთან ერთად, მუხათგვერდის ძმათა სასაფლაოზე, ომში დაღუპული გმირების ხსოვნას პატივი მიაგეს და გმირთა მემორიალი გვირგვინებით შეამკეს.„დღეს ვიხსენებთ 17 წლის წინ, აგვისტოს ომში დაღუპულ ჩვენს ჯარისკაცებსა და მოსახლეობას - 400-ზე მეტი ადამიანი დაიღუპა, 1700-ზე მეტი ადამიანი დაიჭრა და საქართველოს ცენტრალურმა ხელისუფლებამ 125 სოფელზე კონტროლი დაკარგა.ეს დღე, უპირველეს ყოვლისა, გვაფიქრებს ჩვენი ჯარისკაცების მიერ ჩადენილ გმირობაზე, ჩვენს მოსახლეობაზე, რომელიც იძულებული იყო საომარი ტერიტორიიდან გამოსულიყო და ასევე გვაფიქრებს იმაზე, თუ რამდენად მყიფეა მშვიდობა. დღესაც, ისევე მყიფეა მშვიდობა და ისევე მომენტალურად შეიძლება შეიცვალოს სიტუაცია, თუკი ჩვენი საზოგადოება ბრძნულად არ იმოქმედებს. ამიტომ, ეს დღე, ერთი მხრივ, ჩვენი გმირების მოგონების და მეორე მხრივ, ჩვენ მომავალზე დაფიქრების დღეა“, - განაცხადა შალვა პაპუაშვილმა.პარლამენტის თავმჯდომარე და დეპუტატები 2008 წლის აგვისტოს ომში დაღუპული ქართველი ჯარისკაცების ოჯახის წევრებს შეხვდნენ და მიუსამძიმრეს.

1754597773

2008 წლის აგვისტოს ომში დაღუპულთა ხსოვნის პატივსაცემად, პარლამენტის შენობაზე საქართველოს სახელმწიფო დროშა დაეშვა.რუსეთ-საქართველოს აგვისტოს ომიდან 17 წელი გავიდა.აგვისტოს ომმა 400-ზე მეტი ადამიანის სიცოცხლე იმსხვერპლა, დაიჭრა და დაშავდა 2 232 პირი, მათგან 1 045 - სამხედრო მოსამსახურე.დაღუპულთა ხსოვნის პატივსაცემად, სახელმწიფო დროშები დაშვებულია ქვეყნის მთელ ტერიტორიაზე არსებულ ადმინისტრაციულ შენობებზე და საზღვარგარეთ საქართველოს დიპლომატიურ წარმომადგენლობებში.

1754482190

საქართველოს პრემიერ-მინისტრი ირაკლი კობახიძე ჩინეთის სახალხო რესპუბლიკის საგანგებო და სრულუფლებიან ელჩს საქართველოში ჭოუ ციენს შეხვდა.მხარეებმა ისაუბრეს საქართველოსა და ჩინეთს შორის სტრატეგიული პარტნიორობის ფარგლებში არსებული თანამშრომლობის სხვადასხვა სფეროზე. განსაკუთრებული ყურადღება დაეთმო სავაჭრო-ეკონომიკური კავშირების შემდგომ გაღრმავებას.ხაზი გაესვა ჩინეთის ელჩის განსაკუთრებულ როლს ორ ქვეყანას შორის არსებულ მაღალი დონის პოლიტიკურ, კულტურულ და ხალხთაშორის ურთიერთობებში.

1754393398

საგარეო ურთიერთობათა კომიტეტის თავმჯდომარე ნიკოლოზ სამხარაძე შავი ზღვის ეკონომიკური თანამშრომლობის საპარლამენტო ასამბლეის (PABSEC) გენერალურ მდივანს, ასაფ ჰაჯიევს შეხვდა.შეხვედრაზე ხაზი გაუსვეს შავი ზღვის ეკონომიკური თანამშრომლობის საპარლამენტო ასამბლეის (PABSEC) როლს რეგიონული თანამშრომლობის ხელშეწყობის პროცესში და აღნიშნეს, რომ საქართველო მნიშვნელოვან როლს ასრულებს საპარლამენტო ასამბლეის საქმიანობაში.შეხვედრაზე განხილვის მთავარი საკითხი იყო საქართველოს მიერ პაბსეკის თავმჯდომარეობის გადმობარება.„მიმდინარე წელს საქართველო ბულგარეთისგან გადმოიბარებს შავი ზღვის ეკონომიკური თანამშრომლობის საპარლამენტო ასამბლეის (PABSEC) თავმჯდომარეობას. საპარლამენტო ასამბლეის გენერალურ მდივანთან შეხვედრაზე განვიხილეთ ასამბლეის დღის წესრიგი და დავგეგმეთ ღონისძიებები, რომელიც საქართველოს თავმჯდომარეობის პერიოდში ჩატარდება“, - განაცხადა ნიკოლოზ სამხარაძემ.

1754393096

საქართველოს პარლამენტის თავმჯდომარე შალვა პაპუაშვილი შავი ზღვის ეკონომიკური თანამშრომლობის საპარლამენტო ასამბლეის (PABSEC) გენერალურ მდივან ასაფ ჰაჯიევს შეხვდა.ასაფ ჰაჯიევმა აღნიშნა პაბსეკში საქართველოს, აზერბაიჯანისა და თურქეთის განსაკუთრებული როლი და სამ ქვეყანას შორის შემდგომი ნაყოფიერი თანამშრომლობის მნიშვნელობას გაუსვა ხაზი.შეხვედრაზე ყურადღება გამახვილდა მ/წ ნოემბერში, ბულგარეთში დაგეგმილ პაბსეკის გენერალური ასამბლეის სხდომაზე, სადაც საქართველო პაბსეკის თავმჯდომარე ქვეყანა გახდება, ხოლო საქართველოს პარლამენტის თავმჯდომარე - პაბსეკის პრეზიდენტი.შალვა პაპუაშვილმა განაცხადა, რომ საქართველო დიდი პასუხისმგებლობით მოეკიდება პაბსეკის თავმჯდომარეობას და აქტიურად წარუძღვება საპარლამენტო ასამბლეის საქმიანობას.შეხვედრაზე, ასევე, აღინიშნა შავი ზღვის რეგიონში მშვიდობისა და სტაბილურობის მნიშვნელობა, რაც შუა დერეფნის პოტენციალის რეალიზებას შეუწყობს ხელს.