1757868010

„მასწავლებლების, მაშველების და სამხედრო პერსონალის უფროსებმა, დისციპლინური ზომები მიიღეს ტრამპის მხარდამჭერი გავლენიანი აქტივისტის, ჩარლი კირკის კრიტიკის შემცველი პოსტების ავტორთა წინააღმდეგ“, - ამის შესახებ ფრანგული 20minutes წერს.ფრანგული გამოცემის მიხედვით, მიუხედავად იმისა, რომ ჩარლი კირკი ამერიკულმა ულტრამემარჯვენეებმა „მოწამედ“ შერაცხეს, მას ერთხმად არ აქებენ. ზოგი აკრიტიკებს და ეს უშედეგოდ არ რჩება: ათობით ადამიანმა დაკარგა სამსახური სოციალურ მედიაში მარტივი პოსტის გამო.ერთ-ერთი მათ შორის, არის ტენესის შტატის სახელმწიფო უნივერსიტეტის დეკანის ლორა სოშ-ლაითსის შემთხვევა. 31 წლის ჩარლი კირკის მკვლელობის შემდეგ მან ფეისბუქში დაწერა შემდეგი: „სიძულვილი სიძულვილს შობს. ნულოვანი თანაგრძნობა“.რესპუბლიკელმა სენატორმა ტენესის შტატიდან მარშა ბლექბერნმა პოსტი დაგმო: „ამ ადამიანს უნდა რცხვენოდეს ის უნდა გაათავისუფლონ“, უნივერსიტეტმა კი ლორა სოშ-ლაითსის გათავისუფლების შესახებ განაცხადა.მკვეთრად პოლარიზებული შეერთებული შტატების საზოგადოების არაერთი წევრი ჩარლი კირკის კრიტიკოსებს ინტერნეტში პოულობს. ჩარლი კირკი, როგორც პატივსაცემი, ასევე საძულველია მისი იარაღის მხარდამჭერი და აბორტის, იმიგრანტების და უმცირესობების საწინააღმდეგო რიტორიკის გამო.გავლენიანმა კონსერვატორმა ჯოი მანარინომ, კუდიანებზე ნადირობისთვის დარაზმულებისთვის რამდენიმე რჩევა გააზიარა: „ატვირთეთ პროფილის სურათი, შეადარეთ ის LinkedIn-ს, იპოვეთ სამსახური, დაურეკეთ დამსაქმებელს და დატოვეთ მიმოხილვები Google-ზე“.ოთხშაბათიდან, საჯარო სკოლის თანამშრომლებმა, მაშველებმა და სამხედრო მოსამსახურეებმაც კი იგრძნეს ამ დაგმობის სიმძიმე, რადგან ისინი მოულოდნელად სამსახურიდან გაათავისუფლეს.თავდაცვის მინისტრმა პიტ ჰეგსეთმა თავის სამსახურებს დაავალა, დაადგინონ ყველა სამხედრო მოსამსახურე, ვინც დასცინოდა ან ზეიმობდა ჩარლი კირკის მკვლელობას.ოკლაჰომაში, მასწავლებელმა დაწერა: „ჩარლი კირკი გარდაიცვალა ისე, როგორც ცხოვრობდა: ის ადამიანებში ყველაზე უარესს აღვიძებდა“. განათლების შტატის დეპარტამენტმა მასწავლებლის წინააღმდეგ გამოძიება დაიწყო და მის კომენტარებს „ამაზრზენი“ უწოდა.ულტრამემარჯვენე აქტივისტმა ლორა ლუმერმა, რომელიც პრეზიდენტ დონალდ ტრამპის მხარდაჭერით არის ცნობილი, ჩარლი კირკის კრიტიკოსების გაჩუმების მიზნით შეტევა წამოიწყო.მან სოციალურ მედიაში დაგმო ფედერალური საგანგებო სიტუაციების მართვის სააგენტოს თანამშრომელი, რომელმაც ინსტაგრამზე დაწერა, რომ „გლოვობდა ამ რასისტს, ჰომოფობიურ მიზოგინისტს“ და თავის ბრალდებას მტკიცებულებად ე.წ. სქრინშოთი დაურთო.„ლორა ლუმერმა გააზიარა კრიტიკოსის LinkedIn პროფილი და ის იძულებით წაშალეს მისი „ამაზრზენი და მიუღებელი" კომენტარების გამო“, - ნათქვამია სააგენტოს განცხადებაში.შაბათს, ჩარლი კირკის მიერ დაარსებულმა ახალგაზრდულმა ორგანიზაცია Turning Point-მა გამოაცხადა, რომ 21 სექტემბერს არიზონას შტატის ქალაქ გლენდეილში გაიმართება ეროვნული ხსოვნისადმი მიძღვნილი მნიშვნელოვანი ცერემონია. ღონისძიებას 63 000-ზე მეტი ადამიანის ტევადობის სტადიონი დაეთმობა.

1757864774

რუსეთმა ბელარუსთან ერთობლივი წვრთნის დროს ჰიპერბგერითი ფრთოსანი რაკეტა „ცირკონი“ გაუშვა. ინფორმაციას რუსეთის თავდაცვის სამინისტრო ავრცელებს.უწყების ცნობით, რაკეტის გაშვება ბარენცის ზღვაში პირობითი მოწინააღმდეგის სამიზნის მიმართულებით განხორციელდა. რაკეტამ სამიზნე წარმატებით გაანადგურა.რუსეთის თავდაცვის უწყებაში ამბობენ, რომ სამხედრო წვრთნების ფარგლებში მუშავდება ჩრდილოეთ ფლოტის სანაპირო ობიექტების დაცვის ელემენტები, ასევე მაღალი სიზუსტის იარაღის, შეიარაღებისა და სამხედრო ტექნიკის თანამედროვე მოდელების კომპლექსური გამოყენება.სამხედრო სწავლება „ზაპად 2025“ ბელარუსის ტერიტორიაზე 12 სექტემბერს დაიწყო და 16 სექტემბერს დასრულდება.

1757864035

რუსეთის და ბელარუსის პრეზიდენტები დასავლეთის წინააღმდეგ ერთობლივი ომის სამ ახალ სტრატეგიაზე მუშაობენ. ამის შესახებ Bild წერს. როგორც მედია იუწყება, სამხედრო წვრთნების, „ზაპად 2025“-ის ფარგლებში, რუსები და ბელორუსები ე.წ. სუვალკიის დერეფნის დაკავების ოპერაციას ამუშავებენ.აღნიშნული 60-კილომეტრიანი დერეფანი პოლონეთსა და ლიეტუვას შორის მდებარეობს და კალინინგრადის ოლქს უკავშირდება.მედიაში ნათქვამია, რომ წვრთნების ცენტრალური ელემენტია დასავლეთის წინააღმდეგ ბირთვული იარაღის, კერძოდ, ახალი საშუალო რადიუსის რაკეტების, „ორეშნიკის“ გამოყენების იმიტაცია.

1757863681

ირანის ეროვნული უსაფრთხოების უმაღლესი საბჭოს ბირთვულმა კომიტეტმა საერთაშორისო ატომური ენერგიის სააგენტოსთან (IAEA) თანამშრომლობის განახლების შესახებ შეთანხმებები დაამტკიცა.9 სექტემბერს კაიროში დოკუმენტს IAEA-ს გენერალურმა დირექტორმა რაფაელ გროსიმ და ირანის საგარეო საქმეთა მინისტრმა აბას არაღჩიმ, ეგვიპტის საგარეო საქმეთა მინისტრის ბადრ აბდელ-ატას შუამავლობით მოაწერეს ხელი.განცხადების ტექსტის მიხედვით, შეთანხმებების შესრულება ირანის ბირთვული ობიექტების უსაფრთხოების უზრუნველყოფაზე იქნება დამოკიდებული.„ირანისა და მისი ბირთვული ობიექტების წინააღმდეგ ნებისმიერი მტრული ქმედების შემთხვევაში, მათ შორის გაეროს უშიშროების საბჭოს ადრე შეწყვეტილი რეზოლუციების აღდგენისას, ამ შეთანხმებების განხორციელება შეჩერდება“, - ხაზგასმულია დოკუმენტში.

1757857626

აშშ-ის და ჩინეთის დელეგაციები ესპანეთში მოლაპარაკებებს გამართავენ. მადრიდში დაგეგმილ მოლაპარაკებებზე მხარეები სავაჭრო საკითხებს, ეროვნულ უსაფრთხოებას და ვიდეო აპლიკაცია „ტიკტოკის“ საკუთრების საკითხებს განიხილავენ.აშშ-ის ფინანსთა მინისტრი სკოტ ბესენტი ჩინეთის ვიცე-პრემიერს ჰე ლიფენგს შეხვდება. მოლაპარაკებების სერია არის მცდელობა, თავიდან აიცილონ აშშ-ჩინეთის დაძაბული ურთიერთობების ნგრევა პრეზიდენტ დონალდ ტრამპის მიერ დაწესებული მძიმე ტარიფების გამო.სამი მაღალი თანამდებობის პირი და ჩინეთის მთავარი სავაჭრო მომლაპარაკებელი ლი ჩენგანგი, ბოლოს სტოკჰოლმში ივლისში შეხვდნენ, სადაც პრინციპულად შეთანხმდნენ სავაჭრო ზავის 90 დღით გახანგრძლივებაზე.მადრიდის მოლაპარაკებებამდე ჩინეთმა გამოაცხადა ორი გამოძიების შესახებ, რომლებიც აშშ-ის ნახევარგამტარების სექტორს უკავშირდება.პეკინში ვაჭრობის სამინისტრომ ანტიდემპინგური გამოძიება დაიწყო აშშ-დან იმპორტირებულ გარკვეულ ანალოგიურ ინტეგრირებულ ჩიპებთან დაკავშირებით. ჩინეთის ვაჭრობის სამინისტრომ, ასევე, დაიწყო ანტიდისკრიმინაციული გამოძიება აშშ-ის მიერ ჩინეთის ჩიპების სექტორის წინააღმდეგ განხორციელებულ ზომებთან დაკავშირებით.ჩინეთის გამოძიება მას შემდეგ დაიწყო, რაც აშშ-მა პარასკევს 23 ჩინური ფირმა შეიყვანა იმ ბიზნესების „სიაში“, რომლებსაც შეზღუდვები დაეკისრებათ აშშ-ის ეროვნული უსაფრთხოებისა და საგარეო პოლიტიკის ინტერესების წინააღმდეგ სავარაუდო ქმედებებისთვის.

1757855545

ამერიკის სახელმწიფო მდივანი ოფიციალური ვიზიტით ისრაელში ჩავიდა.ვიზიტის ფარგლებში მარკო რუბიო ისრაელის პრემიერ-მინისტრს ბენიამინ ნეთანიაჰუს შეხვდება.ისრაელში გამგზავრებამდე მან ჟურნალისტებს განუცხადა, რომ შეერთებული შტატები უკმაყოფილოა კატარში „ჰამასის“ ლიდერების წინააღმდეგ ისრაელის მიერ განხორციელებული დარტყმით, თუმცა ეს თავდასხმა ვაშინგტონის ისრაელთან მოკავშირის სტატუსს არ შეცვლის.

1757850767

„ისრაელელი მძევლების გათავისუფლების ერთადერთი დაბრკოლება არის ისრაელის პრემიერ-მინისტრი ბენიამინ ნეთანიაჰუ“, – ამის შესახებ THE TIMES OF ISRAEL მძევლებისა და დაკარგული ადამიანების ოჯახების ფორუმის მიერ გავრცელებულ განცხადებაზე დაყრდნობით იუწყება. „ჰამასის“ მძევლების ოჯახები უარყოფენ ნეთანიაჰუს მტკიცებას, რომ მძევლების გათავისუფლების მთავარი დაბრკოლება კატარში მყოფი „ჰამასის“ ხელმძღვანელობაა. „კატარში ჩატარებულმა მიზანმიმართულმა ოპერაციამ ყოველგვარი ეჭვის გარეშე დაამტკიცა, რომ 48 მძევლის დაბრუნებისა და ომის დასრულების ერთი დაბრკოლება არსებობს: პრემიერ-მინისტრი ნეთანიაჰუ. ყოველ ჯერზე, როდესაც შეთანხმება ახლოვდება, ნეთანიაჰუ მის საბოტაჟს ახდენს. დროა, ბოლო მოეღოს საბაბებს, რომლებიც დროის მოსაგებად არის შექმნილი და რითაც მას ხელისუფლებაში დარჩენა შეუძლია. ამ შეფერხებამ უკვე 42 მძევლის სიცოცხლე შეიწირა და საფრთხეს უქმნის დამატებითი მძევლების სიცოცხლეს, რომლებიც თითქმის ორწლიანი ტყვეობის შემდეგ ძლივს გადარჩნენ, ასევე გარდაცვლილთა აღმოჩენას“, – ნათქვამია განცხადებაში.

1757849010

მოკლული ამერიკელი კონსერვატორი აქტივისტის, ჩარლი კირკის ხსოვნისადმი მიძღვნილი პანაშვიდი 21 სექტემბერს არიზონაში, Arizona State Farm-ის სტადიონზე გაიმართება, რომელიც 60 ათასზე მეტ ადამიანს იტევს. ამის შესახებ ინფორმაციას კირკის მიერ დაფუძნებული ორგანიზაცია Turning Point USA სოციალურ მედიაში ავრცელებს.როგორც მოსალოდნელია, სამოქალაქო პანაშვიდს დაესწრებიან აშშ-ის პრეზიდენტი დონალდ ტრამპი, ვიცე-პრეზიდენტი ჯეი დი ვენსი და სახელმწიფო მდივანი მარკო რუბიო.არიზონაში, კერძოდ, ქალაქ ფენიქსში მდებარეობს კირკის ორგანიზაციის შტაბ-ბინა. ასევე, ამ შტატში ცხოვრობდა თავად აქტივისტი ოჯახთან ერთად.ცნობისთვის, 31 წლის ჩარლი კირკი 10 სექტემბერს, იუტის შტატის ერთ-ერთი უნივერსიტეტის კამპუსში სტუდენტებთან შეხვედრისას ცეცხლსასროლი იარაღიდან ყელის არეში დაჭრეს. რამდენიმე საათში ის საავადმყოფოში გარდაიცვალა. მის მკვლელობაში ეჭვმიტანილი 22 წლის ტაილერ რობინსონი თავდასხმიდან 33 საათის შემდეგ დააკავეს.

1757843974

„ეჭვგარეშეა, დრონები განზრახ იყო გაშვებული. ისმის კითხვა, იყო თუ არა დრონები სპეციალურად პოლონეთში შესასვლელად განკუთვნილი“, – ამის შესახებ აშშ-ის სახელმწიფო მდივანმა მარკო რუბიომ ისრაელში გამგზავრებამდე, ჟურნალისტებთან საუბრის დროს განაცხადა.აშშ-ის საგარეო უწყების ხელმძღვანელის თქმით, ეს მოვლენების მიუღებელი, სამწუხარო და სახიფათო განვითარებაა. „დრონები პოლონეთისკენ თუ იყო მიმართული და მტკიცებულებები თუ მიგვიყვანს იქამდე, ცხადია, ეს ძალიან ესკალაციური ნაბიჯი იქნება. ასევე, არსებობს სხვა შესაძლებლობებიც, მაგრამ, ვფიქრობ, კონკრეტული გადაწყვეტილებების მიღებამდე გვსურს ყველა ფაქტის ცოდნა და ჩვენს მოკავშირეებთან კონსულტაციები“, – აღნიშნა მარკო რუბიომ. ცნობისთვის, პოლონეთმა 12 სექტემბერს უარყო აშშ-ის პრეზიდენტის, დონალდ ტრამპის მოსაზრება, რომ შეჭრა, შესაძლოა, შეცდომა ყოფილიყო. რუსეთმა განაცხადა, რომ დრონების შეჭრის დროს მისი ძალები უკრაინას ესხმოდნენ თავს და პოლონეთში სამიზნეებზე თავდასხმას არ აპირებდნენ.

1757840274

„რუსულ დრონებს დიდი მანძილის დაფარვა შეუძლიათ. პოლონეთში შეჭრით, პუტინმა ევროპა გააფრთხილა“, - აღნიშნავს უკრაინის პრეზიდენტი ვოლოდიმირ ზელენსკი ყოველდღიურ მიმართვაში. მან პარტნიორებს რუსეთის წინააღმდეგ მკაცრი სანქციების დაწესებისკენ მოუწოდა, რაც უკრაინის პრეზიდენტის აზრით, აიძულებს პუტინს ომის დასრულებას.„ყველა ხედავს, რომ რუსეთის ომი უკრაინის წინააღმდეგ პუტინის ომია. ყველა ხედავს, რომ რუსული დრონები პოლონეთის წინააღმდეგ, ასევე, პუტინის ომია და ეს გაფრთხილებაა არა მხოლოდ პოლონელებისთვის, არამედ ევროპაში ყველასთვის. რუსულ დრონებს შეუძლიათ გაცილებით დიდი მანძილის დაფარვა. ეს უკვე ძალიან გრძელი ომია რუსეთისთვის – მისი ამბიციებისთვის, მისი შესაძლებლობებისთვის, მისი ბიუჯეტისთვის, რაც ნიშნავს რუსულ ნავთობს, რუსულ გაზს, რუსულ ურანს, რუსულ რესურსებს, რითაც პუტინს ფულს შოულობს.მე ვთხოვ ყველა პარტნიორს, შეწყვიტონ საბაბის ძებნა, რომ არ დააწესონ ესა თუ ის სანქცია – ვთხოვ ყველას, ევროპას, შეერთებულ შტატებს, „დიდი შვიდეულის“ ქვეყნებს და „დიდი ოცეულის“ ქვეყნებს, მშვიდობა არის გზა, რომელიც უნდა გავიაროთ ომიდან მშვიდობამდე და სანქციები ამ გზის ნაწილია. თუ პუტინს არ სურს მშვიდობა, ის უნდა აიძულონ. პუტინის ომი დასრულდება მაშინ, როდესაც ის მას ვეღარ გააგრძელებს“, – განაცხადა ზელენსკიმ.უკრაინის ლიდერმა, ასევე, თქვა, რომ უსაფრთხოების გარანტიების შესახებ საბაზისო დოკუმენტი უკვე ფაქტობრივად მზადაა და ახლა მიმდინარეობს დეტალების შემუშავება და ყველა პარტნიორთან შეთანხმება.„ახლა კი ჩვენ რუსეთი უნდა ვაიძულოთ, დაასრულოს საბრძოლო მოქმედებები, დათანხმდეს შეხვედრის სამუშაო ფორმატს, ცეცხლი საიმედო შეწყვეტას, რათა რუსეთმა შეწყვიტოს მკვლელობები და დარტყმები. ეს შესაძლებელია მხოლოდ იმ შემთხვევაში, თუ ერთად ვიმოქმედებთ“, – განაცხადა ვოლოდიმირ ზელენსკიმ.

1757836317

NBC News-ისთვის მიცემულ ინტერვიუში აშშ-ის პრეზიდენტმა დონალდ ტრამპმა ისაუბრა ჩარლი კირკის მკვლელობაზე, გააკრიტიკა „რადიკალი მემარცხენე ფანატიკოსების ჯგუფი“ და მოუწოდა „დემოკრატიული პარტიის“ დონორის ჯორჯ სოროსის დაპატიმრებისკენ.ტრამპმა იმედი გამოთქვა, რომ ქვეყანა განიკურნება ჩარლი კირკის მკვლელობის შემდეგ, თუმცა აღნიშნა, რომ ქვეყნის „რადიკალური მარცხენა“ ჯგუფი წარმოადგენს დაბრკოლებას შერიგებისთვის.„ვისურვებდი, რომ ქვეყანა განიკურნოს. მაგრამ საქმე გვაქვს რადიკალ მემარცხენე ფანატიკოსთა ჯგუფთან, რომლებიც არ თამაშობენ სამართლიანად და არც არასდროს თამაშობდნენ“, - აღნიშნა მან.NBC News-ის კითხვაზე ჯორჯ სოროსის შესახებ, პრეზიდენტმა განაცხადა, რომ ის „ციხეში უნდა ჩასვან“.„ის ცუდი ადამიანია“, - დასძინა ტრამპმა.

1757833122

აშშ-ის სპეციალური წარმომადგენელი კით კელოგი იალტის ევროპული სტრატეგიის 21-ე ყოველწლიურ შეხვედრაზე სიტყვით გამოვიდა, რა დროსაც რუსეთ/უკრაინის ურთიერთობაზეც ისაუბრა და მათი სამხედრო ძალები შეაფასა. კელოგის თქმით, რუსეთი მნიშვნელოვნად დასუსტებულია და მას „არც ისეთი ძლევამოსილი ჯარი ჰყავს, როგორადაც გვაცნობს“. „უკრაინას რუსეთთან შედარებით, მორალური უპირატესობა აქვს“, - ირწმუნება სპეციალური წარმომადგენელი. „უკრაინელები უპილოტო აპარატების წარმოებაში მსოფლიო ლიდერები გახდნენ და მნიშვნელოვნად გაუსწრეს შეერთებულ შტატებს“, - აღნიშნავს კელოგი.ამის მიუხედავად, ის დარწმუნებულია, რომ აშშ-ის პრეზიდენტის დონალდ ტრამპის დიპლომატიურ სტრატეგიას შეუძლია ომის დასრულება. „მიუხედავად იმისა, რომ რუსეთს ჰყავს ძლიერი არმია, ის ისეთი ძლიერი არ არის, როგორც თავად რუსები გვარწმუნებენ. უკრაინელებმა უკვე მოახერხეს რუსეთის ფედერაციის სამხედრო ძალის მნიშვნელოვნად შემცირება და შესაბამისად, უკრაინის დამარცხებაზე საუბარი აღარ არის. პრეზიდენტ ტრამპს ერთი ერთზე დიპლომატიის სჯერა. მაშინაც კი, თუ ადამიანებს ერთმანეთი სძულთ, მათთან უნდა ისაუბროთ და ერთმანეთის გაგების გზა იპოვოთ. შეიძლება, ეს არ მოგეწონოთ, მაგრამ მცდელობაზე უარი არ უნდა თქვათ“, – განაცხადა აშშ-ის სპეციალურმა წარმომადგენელმა.