მთავარი

ძიება

ვიდეო

ქვიზები

კონტაქტი

ეკონომიკა

ფინანსთა მინისტრი
1710772037
ფინანსთა მინისტრი: მოსალოდნელია, რომ 2024 წლის ეკონომიკური ზრდის პროგნოზი გაიზრდება

საქართველოში მუშაობა დაასრულა საერთაშორისო სავალუტო ფონდის მისიამ, რომელიც კონსულტაციებს სსფ-ის დებულების IV მუხლის მიხედვით პერიოდულად, გეგმურად ახორციელებს.მისიის დასრულების შემდეგ ეროვნულ ბანკში მედიისთვის ბრიფინგი გამართეს ფინანსთა მინისტრმა, ლაშა ხუციშვილმა, საერთაშორისო სავალუტო ფონდის (სსფ) შუა აღმოსავლეთისა და ცენტრალური აზიის დეპარტამენტის დირექტორის მოადგილემ, სუბირ ლალმა და ეროვნული ბანკის პრეზიდენტის მოვალეობის შემსრულებელმა, ნათია თურნავამ.როგორც ფინანსთა მინისტრმა, ლაშა ხუციშვილმა აღნიშნა, საერთაშორისო სავალუტო ფონდის მხრიდან, მიმდინარე ანალიზის საფუძველზე, კიდევ ერთხელ დადასტურდა საქართველოს მაკროეკონომიკური და ფისკალური პოლიტიკის მდგრადობა, ასევე, მაღალ დონეზე შეფასდა ის ნაბიჯები, რომელიც საქართველოს ეკონომიკური გუნდის მიერ იქნა გადადგმული.„როგორც იცით, გასულ წელს ეკონომიკურმა ზრდამ, წინასწარი მონაცემებით 7.5% შეადგინა, ხოლო მიმდინარე წლისთვის 5.2%-ის ფარგლებშია პროგნოზირებული, იმ გათვლებით, რაც გასული წლის ბოლოს, 2024 წლის ბიუჯეტის პროექტის წარდგენისას მომზადდა. ამავე დროს, განვაცხადეთ, რომ იმის მიხედვით, თუ როგორი იქნებოდა ეკონომიკური ტენდენციები 2024 წლის დასაწყისში, მოხდებოდა ამ მაჩვენებლის განახლება. შესაბამისად, მოსალოდნელია, რომ ჩვენი პროგნოზებიც ზრდის მიმართულებით შეიცვლება.მნიშვნელოვანია, რომ ფონდის მიერ ეკონომიკური ზრდის პროგნოზი ასევე შესწორდა ზრდის მიმართულებით და 5.7%-ის ფარგლებშია მოსალოდნელი და ეს იმ პირობებში, როდესაც ქვეყანა ინარჩუნებს მდგრად პარამეტრებს ფისკალური პოლიტიკის მიმართულებით, როგორც ვალის, ისე დეფიციტის კუთხით. ასევე, მდგრადია მონეტარული პოლიტიკა - ბოლო 10 თვის განმავლობაში 1%-ზე დაბალი ინფლაცია ფიქსირდება“, - აღნიშნა ფინანსთა მინისტრმა, ლაშა ხუციშვილმა.მან მადლობა გადაუხადა საერთაშორისო სავალუტო ფონდის გუნდს და კოლეგებს ნაყოფიერი თანამშრომლობისათვის.

სები
1710769069
ეროვნულ ბანკში საერთაშორისო სავალუტო ფონდის მისიის ვიზიტი შეაჯამეს

ეროვნულ ბანკში საერთაშორისო სავალუტო ფონდის შუა აღმოსავლეთისა და ცენტრალური აზიის დეპარტამენტის დირექტორის მოადგილე სუბირ ლალის, ეროვნული ბანკის პრეზიდენტის მოვალეობის შემსრულებლის, ნათია თურნავასა და ფინანსთა მინისტრის, ლაშა ხუციშვილის ერთობლივი ბრიფინგი გაიმართა.მხარეებმა ბრიფინგზე საქართველოში საერთაშორისო სავალუტო ფონდის მისიის ვიზიტი შეაჯამეს. ვიზიტი სფფ-ის IV მუხლის დებულების ფარგლებში გაიმართა.როგორც ბრიფინგზე სსფ-ის შუა აღმოსავლეთისა და ცენტრალური აზიის დეპარტამენტის დირექტორის მოადგილე სუბირ ლალიმ განაცხადა, მიმდინარე წელს მოსალოდნელია 5.7%-იანი ეკონომიკური ზრდა, რაშიც თავის წვლილს შეიტანს რეალური ხელფასისა და დასაქმების გაზრდილი მაჩვენებლები.„2023 წელს საქართველოში ინფლაცია მკვეთრად შემცირდა, რასაც ხელი შეუწყო ლარის გამყარებამ, დაბალმა სამომხმარებლო ფასებმა და მკაცრმა მონეტარულმა პოლიტიკამ. მისივე თქმით, მიმდინარე წლის ბოლოს ინფლაციის მაჩვენებელი სავარაუდოდ 4%-ს მიაღწევს“, - განაცხადა სუბარ ლილიმ.ბრიფინგზე გამოსვლისას ეროვნული ბანკის პრეზიდენტის მოვალეობის შემსრულებელმა, ნათია თურნავამ მადლობა გადაუხადა საერთაშორისო სავალუტო ფონდის მისიის წევრებს პროდუქტიული შეხვედრებისა და განხილვებისთვის. მისივე განცხადებით, ამ ორგანიზაციის მხარდაჭერას განსაკუთრებული მნიშვნელობა და დატვირთვა აქვს.„აღსანიშნავია, რომ საქართველოში დაბალინფლაციური გარემო ნარჩუნდება. 2023 წლის დასაწყისიდან ინფლაცია 3 პროცენტიან მიზნობრივ დონეზე ნაკლებია. ხაზგასასმელია ის ფაქტი, რომ ბოლო პერიოდში ინფლაციის შემცირებას გამკაცრებული მონეტარული პოლიტიკის შედეგად ადგილობრივად წარმოებული პროდუქტების ინფლაციის კლებადი ტენდენცია და დაბალი ინფლაციური მოლოდინები განაპირობებს. ამან მოგვცა საშუალება ეტაპობრივად დაგვეწყო გამოსვლა მკაცრი მონეტარული პოლიტიკიდან. სებმა ჯამურად, მონეტარული პოლიტიკის განაკვეთი 2.75 პროცენტული პუნქტით შეამცირა“, - აღნიშნა ნათია თურნავამ.ნათია თურნავამ ასევე შეაფასა არსებული გეოპოლიტიკური რისკები და გეოპოლიტიკური მოვლენების განვითარებადობის არაპროგნოზირებადობა. გამოწვევებზე საუბრისას სების პრეზიდენტის მოვალეობის შემსრულებელმა მაღალ დედოლარიზაციაზეც ისაუბრა და აღნიშნა, რომ ეროვნული ბანკი კვლავ აქტიურად აგრძელებს დედოლარიზაციის პოლიტიკას.„ამ მხრივ გვაქვს სერიოზული გაუმჯობესება - დოლარიზაცია შემცირდა დეპოზიტების მხარეს, ეს ძალიან მნიშვნელოვანი პოზიტივია. თუმცა, დოლარიზაციის მაჩვენებელი კვლავ მაღალია, რაც აღინიშნება კიდეც საერთაშორისო სარეიტინგო სააგენტოების მხრიდან და ეს გვაძლევს საფუძველს, კვლავ გავაგრძელოთ დედოლარიზაციის პოლიტიკის გატარება, რომლის მთავარი მიზანი შესაძლო სავალუტო რისკებისგან არაჰეჯირებული მსესხებლების დაცვაა.ამ მიმართულებით მნიშვნელოვანია ბოლო მიღებული გადაწყვეტილება - დოლარიზაციით გამოწვეული რისკების შერბილების მიზნით, ეროვნულმა ბანკმა დამატებითი მოთხოვნა დაუწესა რეგულირებულ ფინანსურ ინსტიტუტებს. 2024 წლის 1-ელი იანვრიდან, არაჰეჯირებული უცხოური ვალუტის სესხზე ლიმიტი 300,000 ლარამდე გაიზარდა“, - განაცხადა ბრიფინგზე ნათია თურნავამ.მან ასევე ხაზი გაუსვა საბანკო სექტორის მდგრადობას და აღნიშნა, რომ მიმდინარე წლიდან საბანკო სექტორმა სრულად აღიდგინა პანდემიისას გამოყენებული ბუფერები და სექტორი ინარჩუნებს კაპიტალისა და ლიკვიდობის ჯანსაღ მაჩვენებლებს.„გაუმჯობესებულია აქტივების ხარისხიც, უმოქმედო სესხების დონე ბოლო ათწლეულების მინიმუმზეა. შემცირებული საკრედიტო დანაკარგების ფონზე, 2023 წელი ბანკებისთვის კვლავ პოზიტიური იყო მოგებიანობის კუთხით. გაუმჯობესებული ფინანსური მაჩვენებლების გათვალისწინებით, გაზრდილია საბანკო სექტორის მდგრადობა შოკების მიმართ და ამას ადასტურებს სტრეს-ტესტის შედეგებიც. საკრედიტო აქტივობა მდგრად დონეზე ნარჩუნდება და ეტაპობრივად იხურება სესხების მშპ-სთან ფარდობის უარყოფითი გეპი. ამასთან, სესხის ზრდის ძირითადი კონტრიბუტორი ბიზნესდაკრედიტებაა, რაც ხელს უწყობს ჩვენი ეკონომიკის პროდუქტიულობის ზრდას“, - განაცხადა ნათია თურნავამ.

ლარი
1710767062
1 აშშ დოლარის ღირებულება 2.7098 ლარი გახდა - ვალუტის კურსი

საქართველოს ეროვნულმა ბანკმა ვალუტის ახალი კურსი დაადგინა. 18 მარტის ვაჭრობის შედეგად აშშ დოლარი გამყარდა და 2.7098 ლარი გახდა. კურსი, რომელიც დღეს მოქმედებდა, 2.6999 ლარი იყო.გამყარდა ევრო, რომლის კურსი 2.9529 ლარია. დღეს მოქმედი კურსი 2.9402 ლარს შეადგენს.თურქული ლირა გამყარდა, რომლის ღირებულებაც 0.0839 ლარია.დღევანდელი ვაჭრობის შედეგად მიღებული კურსი 19 მარტს შევა ძალაში.

ტენდერი
1710748915
ანაკლიის პორტის საზღვაო ინფრასტრუქტურის მშენებლობისთვის საერთაშორისო ტენდერი გამოცხადდა

მსოფლიო ბანკის შესყიდვის პროცედურების მიხედვით, ანაკლიის პორტის საზღვაო ინფრასტრუქტურის პროექტირების და სამშენებლო სამუშაოების განხორციელებისთვის საერთაშორისო ტენდერი გამოცხადდა. აღნიშნულის შესახებ განცხადებას ეკონომიკის სამინისტრო ავრცელებს. უწყების ცნობით, სატენდერო დოკუმენტაცია ე.წ. „დიდი ოთხეულის კომპანიებს“ (Boskalis, DEME, Jan De Nul, Van Oord) დაეგზავნათ. „აღნიშნულ კომპანიებს საზღვაო სამუშაოების პროექტირების და წარმოების მდიდარი გამოცდილება გააჩნიათ. მნიშვნელოვანია, რომ პორტის საზღვაო სამუშაოების დიდი წილი მოდის ფსკერის დაღრმავებაზე, ხოლო აღნიშნული კომპანიები გლობალური დაღრმავების/დამღრმავებელი ფლოტის 80%-ს ფლობენ.სამუშაოების შესყიდვის სატენდერო დოკუმენტაციის ევროპულ კომპანიებთან („დიდი ოთხეული“) დაგზავნის მიზანშეწონილობა საერთაშორისო საკონსულტაციო კომპანია HAEDES B.V.-სთან კონსულტაციის შედეგად გამოიკვეთა. აღნიშნული კომპანია შპს „ანაკლიის საზღვაო ნავსადგურმა“ სამუშაოების დროულად, საიმედოდ და მაღალი ხარისხით შესრულების, ტექნიკური დავალების მომზადებისა და შემდგომში წარმოდგენილი წინადადებების შერჩევა-შეფასების მიზნით დაიქირავა. აღნიშნული შესყიდვისთვის გამოყენებული იქნება ერთეტაპიანი შესყიდვის პროცედურა, ლიმიტირებული საერთაშორისო საბაზრო მიდგომების გამოყენებით. მოწვეულმა პრეტენდენტებმა სატენდერო წინადადებები უნდა წარმოადგინონ ტექნიკური და ფინანსური მიმართულებით.გამარჯვებულად გამოვლინდება წინადადება, რომელიც დააკმაყოფილებს მოთხოვნებს/შერჩევის კრიტერიუმებს და ექნება ჯამური (ტექნიკური წინადადების ქულას პლუს ფინანსური წინადადების ქულა) უმაღლესი ქულა. სატენდერო დოკუმენტაციასთან დაკავშირებით დამაზუსტებელი კითხვების დასასმელად და კონკურენტუნარიანი სატენდერო წინადადებების მოსამზადებლად (წარმოსადგენად) მონაწილეებს 45-დღიანი ვადა მიეცათ.პრეტენდენტების მიერ წარმოდგენილი წინადადებების ტექნიკურ და ფინანსურ ნაწილში შეფასებას უზრუნველყოფს შპს „ანაკლიის საზღვაო ნავსადგურის“ მიერ სპეციალურად შექმნილი სატენდერო კომისია, საერთაშორისო კონსულტანტებთან ერთად.აქვე ნიშანდობლივია, რომ პროექტის მასშტაბურობიდან გამომდინარე და შესაბამისი მოთხოვნების გათვალისწინებით, ასეთი შესყიდვები პრაქტიკაში გამოირჩევა უცხოური კომპანიების აქტიური ჩართულობით და კონკურენციის მაღალი ხარისხით, რასაც მსგავსი მასშტაბის ტენდერებში განაპირობებს საერთაშორისო საფინანსო ინსტიტუტებისა და დონორი ორგანიზაციების პროცედურების, მათი სტანდარტული პირობებისა და საკვალიფიკაციო მოთხოვნების, ასევე გასაფორმებელი ხელშეკრულებებისათვის FIDIC-ის ტიპის სამშენებლო კონტრაქტის პირობების გამოყენება. შპს „ანაკლიის საზღვაო ნავსადგურმა“, რომელიც 2023 წელს სახელმწიფოს მიერ დაფუძნდა, უკვე განახორციელა მოსამზადებელი სამუშაოები საზღვაო ინფრასტრუქტურის (ფსკერდაღრმავება, ტალღმტეხელი) მშენებლობის მიზნით - განახლდა/შეიქმნა ძირითადი საპროექტო დოკუმენტაცია, დაქირავებულ იქნა საკონსულტაციო კომპანია, რომელიც მონაწილეობდა სატენდერო დოკუმენტაციის მომზადებაში და ამჟამად მონაწილეობს გამოცხადებული საერთაშორისო ტენდერის წარმართვაში, რომლის შედეგად გამოვლინდება გამარჯვებული და დაიწყება ანაკლიის ღრმაწყლოვანი პორტის საზღვაო ნაწილის სამშენებლო პროცესი. დოკუმენტაციის განახლება და პორტისთვის აუცილებელი გარკვეული სამუშაოები კერძო პარტნიორის შერჩევის პარალელურად განხორციელდება.შპს „ანაკლიის საზღვაო ნავსადგურს“ კაპიტალშენატანის სახით, გადაეცა პირველი ფაზის სამშენებლო სამუშაოებისთვის საჭირო მიწის ნაკვეთების ნაწილი.ანაკლიის პორტის პროექტის განხორციელება ხელს შეუწყობს - ათასობით ახალი სამუშაო ადგილის შექმნას, ადგილობრივი მოსახლეობის სოციალურ-ეკონომიკური მდგომარეობის გაუმჯობესებას, საქართველოზე გამავალი სატრანსპორტო დერეფნის კონკურენტუნარიანობის ზრდას, საქართველოს ტერიტორიის გავლით ახალი ტვირთნაკადების მოზიდვას, ასევე ნავსადგურის მიმდებარედ, წარმოებისა და ლოგისტიკური სერვისების განვითარებას“, - აღნიშნულია ეკონომიკის სამინისტროს განცხადებაში. 

ლარი
1710507926
1 აშშ დოლარის ღირებულება 2.6999 ლარი გახდა - ვალუტის კურსი

საქართველოს ეროვნულმა ბანკმა ვალუტის ახალი კურსი დაადგინა. 15 მარტის ვაჭრობის შედეგად აშშ დოლარი გამყარდა და 2.6999 ლარი გახდა. კურსი, რომელიც დღეს მოქმედებდა, 2.6758 ლარი იყო.გამყარდა ევრო, რომლის კურსი 2.9402 ლარია. დღეს მოქმედი კურსი 2.9271 ლარს შეადგენს.თურქული ლირა გამყარდა, რომლის ღირებულებაც 0.0838 ლარია.დღევანდელი ვაჭრობის შედეგად მიღებული კურსი 16 მარტს შევა ძალაში.

ირაკლი კობახიძე და სავალურო ფონდის წარმომადგენლები
1710504439
პრემიერ-მინისტრი საერთაშორისო სავალუტო ფონდის მისიის წარმომადგენლებს შეხვდა

საქართველოს პრემიერ-მინისტრი, ირაკლი კობახიძე საერთაშორისო სავალუტო ფონდის მისიის წარმომადგენლებს შეხვდა.შეხვედრაზე საუბარი ქვეყანაში არსებულ პოზიტიურ ეკონომიკურ ტენდენციებს შეეხო. განიხილეს მიმდინარე წლის ბიუჯეტის შესრულების დინამიკა და საშუალოვადიანი პერიოდის პროგნოზები.აღინიშნა, რომ პანდემიისა და შექმნილი გეოპოლიტიკური ვითარების მიუხედავად, განხორციელებულმა სწორმა და თანმიმდევრულმა ფისკალურმა პოლიტიკამ, დადებითი შედეგი მოიტანა ყველა სექტორში.ისაუბრეს ძირითად მაკროეკონომიკურ ტენდენციებზე. აღინიშნა, რომ ორწლიანი ორნიშნა ეკონომიკური ზრდის შემდეგ საქართველო კვლავ ინარჩუნებს ამ პოზიციას. 2023 წელს საშუალო ეკონომიკური ზრდა იყო 7,5%, ხოლო 2024 წელს, იანვრის წინასწარი მონაცემების თანახმად, 5,8%-ით გრძელდება.ყურადღება გამახვილდა საქართველოს მიერ ევროკავშირის წევრობის კანდიდატობის სტატუსის მიღების მნიშვნელობასა და როლზე, მათ შორის, საჯარო ფინანსების მართვით დაგეგმილი რეფორმების მიმართულებით.

ფინანასთა სამინისტრო
1710494236
OECD-ის ქვეყნების საკრედიტო რისკების კლასიფიკაციაში საქართველომ ერთი საფეხურით გაიუმჯობესა რისკის რეიტინგი

OECD-ის ქვეყნების საკრედიტო რისკების კლასიფიკაციაში საქართველომ ერთი საფეხურით გაიუმჯობესა რისკის რეიტინგი, რაც კერძო სექტორისათვის დაფინანსებაზე ხელმისაწვდომობას გაზრდის.ეკონომიკური თანამშრომლობისა და განვითარების ორგანიზაციის (OECD) ქვეყნების საკრედიტო რისკების კლასიფიკაციის მიხედვით, 2024 წლის თებერვლიდან საქართველომ ერთი საფეხურით გაიუმჯობესა რისკის რეიტინგი.აღნიშნული რეიტინგი დგება OECD-ის წევრი ქვეყნების ოფიციალური საექსპორტო საკრედიტო სააგენტოების შეფასების საფუძველზე და მოიცავს, როგორც ამ ორგანიზაციის წევრ, ისე არაწევრ ქვეყნებს. ქვეყნების რისკის კლასიფიკაციის მიზანია, ქვეყნის გადახდისუნარიანობის რისკის შეფასება.რეიტინგის ზრდა, ანუ რისკის შემცირება, საქართველოს კერძო სექტორისთვის დაფინანსებაზე ხელმისაწვდომობას გაზრდის.

ტრანსპორტი
1710492575
„სახმელეთო ტრანსპორტის სააგენტომ“ „მესამე ქვეყანაში/ქვეყნიდან“ შეზღუდული ტიპის ნებართვების სრულად გაცემის შესახებ გადაწყვეტილება მიიღო

სსიპ „სახმელეთო ტრანსპორტის სააგენტომ“, საქართველოს ეკონომიკისა და მდგრადი განვითარების სამინისტროსთან შეთანხმებით, „მესამე ქვეყანაში/ქვეყნიდან“ შეზღუდული ტიპის ნებართვების სრულად გაცემის შესახებ გადაწყვეტილება მიიღო. როგორც „სახმელეთო ტრანსპორტის სააგენტოს“ გავრცელებულ ინფორმაციაშია აღნიშნული, მიმდინარე წლის 18 მარტიდან სააგენტოში დღეისათვის არსებული შეზღუდული ტიპის ნებართვების სრული რაოდენობა გაიცემა შემდეგი პირობით:„შეზღუდული ტიპის ნებართვა სააგენტოს მომსახურების ოფისებიდან გაიცემა განმცხადებელზე, რომელსაც 2023 -2024 წლის განმავლობაში მიღებული აქვს თურქეთის, რუსეთის ან ყაზახეთის მიერ გადმოცემული მინიმუმ ერთი ერთეული „მესამე ქვეყანაში/ქვეყნიდან“ ტიპის ნებართვა.გასაცემი ნებართვის რაოდენობა განისაზღვრება თითო ერთეულით ქვეყანაზე (ყაზახეთი, რუსეთი, თურქეთი). ნებართვების გაცემა მოხდება განაცხადების საფუძველზე (არა ქოლცენტრის მეშვეობით) შედგენილი სიების და გრაფიკის მიხედვით, რათა სააგენტოს მომსახურების ოფისებში გადატვირთვის გარეშე შეძლონ საქმიანობა.პროცესის სრულად გამჭვირვალობის მიზნით, იმ გადამზიდველების სიები, რომლებზეც გაიცემა ნებართვა, განთავსებული იქნება სააგენტოს ოფიციალურ ვებგვერდზე და სააგენტოს მომსახურების ოფისებში.ამასთან, სახმელეთო ტრანსპორტის სააგენტო მიზანშეწონილად მიიჩნევს, საზოგადოებას კიდევ ერთხელ მიაწოდოს ინფორმაცია მესამე ქვეყანაში/ქვეყნიდან ტვირთების ტრანსპორტირებასთან დაკავშირებული თავისებურებების შესახებ. კერძოდ, მესამე ქვეყანაში/ქვეყნიდან ტვირთის ტრანსპორტირება ხდება ე.წ. „მესამე ქვეყანაში/ქვეყნიდან“ დასახელების ნებართვების გამოყენებით, რომელი ნებართვაც ქვეყნებს შორის ჩამოყალიბებული სავაჭრო ურთიერთობების ფონზე, იცვლება ორმხრივი ნებართვის პარალელურად ბონუსის სახით, რათა გადამზიდველის მიერ ძირითადი გადაზიდვის შესრულების შემდგომ, ტვირთის არსებობის შემთხვევაში, მოახდინოს პარტნიორი ქვეყნიდან მესამე ქვეყანაში გადაზიდვა. მესამე ქვეყნის ნებართვები შეზღუდული რაოდენობით იცვლება სავაჭრო პარტნიორ ქვეყნებს შორის, რათა არ მოხდეს ადგილობრივი გადამზიდავების ინტერესების დაზარალება, სხვა ქვეყნის გადამზიდავების მიერ მათ ქვეყანაში წარმოებული პროდუქციის გადაზიდვის არაკანონიერად ჩანაცვლების სახით. დღეის მდგომარეობით, გასულ წლებთან შედარებით, მიღებული ნებართვების რაოდენობა გაზრდილია. თუმცა, ბოლო პერიოდში, ეკონომიკური ზრდის გათვალისწინებით, გაიზარდა როგორც გადაზიდული ტვირთის მოცულობა, ისე საქართველოში რეგისტრირებული გადამზიდველთა ოდენობაც. ამ გარემოების გათვალისწინებით, შეზღუდული რაოდენობით „მესამე ქვეყანაში/ქვეყნიდან“ ტიპის ნებართვების რაოდენობა, რაც სახმელეთო ტრანსპორტის სააგენტოს აქვს, ვერ უზრუნველყოფს გადამზიდველთა მოთხოვნის სრულ დაკმაყოფილებას. ამის გამო, ნებართვების გაცემა ხორციელდებოდა ეტაპობრივად.რაც შეეხება სააგენტოს საქმიანობის ფარგლებში პარტნიორ ქვეყნებთან მიღწეული შეთანხმებების საფუძველზე გაზრდილი რაოდენობით გაცვლილი სხვა ტიპის ნებართვებს, გასული პერიოდის მსგავსად, სააგენტოს მიერ დღემდე გაიცემა შეუზღუდავად“, - აღნიშნულია ინფორმაციაში. სააგენტო განაგრძობს მოლაპარაკებებს პარტნიორ ქვეყნებთან შეზღუდული ტიპის ნებართვების რაოდენობის გაზრდასთან დაკავშირებითაც. 

თანამშრომლობა ბაზელის ინოვაციების ჰაბთან
1710491100
ეროვნული ბანკის მხარდაჭერით, საქართველოში პირველად, იმიტირებული სავალუტო ვაჭრობის პრაქტიკული კურსი ჩატარდა

საქართველოს ეროვნული ბანკის, USAID-ის ეკონომიკური მმართველობის პროგრამის (EGP), ავსტრალიური ფინანსურის ბაზრების ასოციაცია ACI Australia-სა და საქართველოს ფინანსური ბაზრების ხაზინების ასოციაციის (GFMTA) მხარდაჭერით, სავალუტო ვაჭრობის ერთკვირიანი პრაქტიკული კურსი გაიმართა.აღსანიშნავია, რომ სავალუტო ვაჭრობის პრაქტიკული კურსი უკვე 35 წელია წარმატებით იმართება ისეთ ფინანსურ ცენტრებში, როგორიცაა: ლონდონი, ნიუ-იორკი, სინგაპური და ტოკიო.ტრენინგ კურსში ადგილობრივი კომერციული ბანკების, მიკროსაფინანსო ორგანიზაციების, საპენსიო სააგენტოს, საქართველოს ფინანსთა სამინისტროს, საქართველოს ეროვნული ბანკის, კორპორაციული სექტორის და სომხეთის კომერციული ბანკის Ameriabank წარმომადგენლები მონაწილეობდნენ.მონაწილეებმა ცოდნა მიიღეს - ფინანსურ ბაზარზე ვაჭრობის სპეციფიკის, მომხმარებლებისთვის ფასების დადგენის, რისკებისა და ლიკვიდობის მართვის სტრატეგიების და მომხმარებელთა მოთხოვნების აღსრულების ტექნიკების შესახებ. გლობალური სავალუტო კოდექსის პრინციპების შესაბამისად, დიდი ყურადღება დაეთმო სავალუტო ბაზარზე მუშაობის პრაქტიკულ საკითხებს. აღსანიშნავია, რომ გლობალურ სავალუტო კოდექსს საქართველოც არის მიერთებული. სასწავლო კურსს უძღვებოდნენ ისეთი ცნობილი ექსპერტები, როგორებიც არიან: კრის ჰოულეტი, კოლინ ლამბერტი, ჯონ ფინდლეი და კევინ ო’რელი.„საუკეთესო საერთაშორისო პრაქტიკის ადგილობრივი ბაზრისთვის მიწოდება ჩვენი ერთ-ერთი პრიორიტეტია. ACI დილინგის სიმულაციის კურსმა ახალი პრაქტიკული პერსპექტივები დაგვისახა იმის შესახებ, თუ როგორ უნდა ვამუშაოთ ჩვენი სავალუტო ბაზრები. განათლებას ფინანსური ბაზრის წინსვლისთვის გადამწყვეტი მნიშვნელობა აქვს, რაც სარგებლის მომტანია როგორც ფინანსური ინსტიტუტების, ისე მსხვილი კორპორაციებისთვის. ეროვნული ბანკი აღიარებს GFMTA-ის როლს ბაზრის პროფესიონალების გადამზადებაში და ჩვენი მიზნების შესაბამისად, მხარს ვუჭერთ მათ, მეტი დაინტერესებული მხარისთვის წვდომის გაფართოებაში.მჯერა, რომ მიღებული ცოდნა გააძლიერებს მონაწილეთა პროფესიულ მონდომებას და სარგებელს მოუტანს კლიენტებს და ორგანიზაციებს, ისევე როგორც ჩვენს ფინანსურ ბაზრებს“, - განაცხადა ნათია თურნავამ და დასძინა, რომ სასწავლო კურსში სომხეთის „ამერია ბანკის“ მონაწილეობა, ხაზს უსვამს სების მისწრაფებას, ერთმანეთს დააკავშიროს რეგიონის ფინანსური სექტორები.აღსანიშნავია, რომ აღნიშნული კურსის ორგანიზება შესაძლებელი გახდა USAID-ის ეკონომიკური განვითარების პროგრამის მიერ ასოციაციისთვის გამოყოფილი 220 ათასი აშშ დოლარის საგრანტო პროგრამის ფარგლებში, რომელიც მიზნად ისახავს ასოციაციის საგანმანათლებლო, ორგანიზაციული და კვლევითი მიმართულებების განვითარებას.

ეროვნული ბანკი
1710489382
ეროვნული ბანკი 2024 წლის თებერვლის მდგომარეობით ფულადი გზავნილების სტატისტიკას აქვეყნებს

საქართველოს ეროვნული ბანკი 2024 წლის თებერვლის მდგომარეობით ფულადი გზავნილების სტატისტიკას აქვეყნებს.2024 წლის თებერვალში ქვეყანაში შემოსული ფულადი გზავნილების ნაკადების მოცულობამ 272.3 მლნ აშშ დოლარი (723.2 მლნ ლარი) შეადგინა, რაც 26.9%-ით (100.0 მლნ აშშ დოლარით) ნაკლებია 2023 წლის თებერვლის ანალოგიურ მაჩვენებელზე.უცხოეთიდან საქართველოში ფულადი გზავნილების 96.0% იმ 23 უმსხვილეს პარტნიორ ქვეყანაზე მოდის, საიდანაც გზავნილების მოცულობა თებერვალში თითოეულზე 1 მლნ აშშ დოლარს აღემატებოდა. იმავე 23 ქვეყანაზე გასული წლის თებერვალში მთელი ფულადი გზავნილების 97.0% მოდიოდა.2024 წლის თებერვალში საქართველოდან საზღვარგარეთ 29.0 მლნ აშშ დოლარი (77.0 მლნ ლარი) გადაიგზავნა, რაც 2023 წლის თებერვლის (27.6 მლნ აშშ დოლარი) ანალოგიურ მაჩვენებელთან შედარებით 5.1%-ით მეტია.დეტალური სტატისტიკური ინფორმაცია შეგიძლიათ იხილოთ სების ვებგვერდზე: https://nbg.gov.ge/page

ბიზნესასოციაცია
1710486963
საქართველოს ბიზნესასოციაციაში ქვეყნის მაკროეკონომიკური პარამეტრები საერთაშორისო სავალუტო ფონდთან შეხვედრაზე განიხილეს

საქართველოს ბიზნესასოციაციაში საერთაშორისო სავალუტო ფონდის (IMF) მთავარ მისიასთან შეხვედრა გაიმართა, სადაც ქვეყნის მაკროეკონომიკური პარამეტრები და მონეტარული პოლიტიკა განიხილეს.შეხვედრის ფარგლებში, საუბარი შეეხო ქვეყანაში არსებული ინფლაციის დონეს და მის გავლენას სამომხმარებლო ფასებზე, ასევე ეროვნული ბანკის მიერ დადგენილ რეფინანსირების განაკვეთს, რომლის ნიშნულიც 0.75%-ით შემცირდა. განხილული იყო ექსპორტ-იმპორტისა და ტრანსპორტისა და ლოგისტიკის საკითხები. განსაკუთრებული ყურადღება გამახვილდა შუა დერეფნის როლზე და ფუნქციაზე, რომელიც თავის მხრივ, ახალ საინვესტიციო პოტენციალს ქმნის.BAG ინდექსის მიმოხილვის მიხედვით ბიზნესისთვის მთავარ გამოწვევად კვლავ კვალიფიციური კადრებისა და ადამიანური რესურსის დეფიციტი სახელდება, შესაბამისად ყურადღება დაეთმო პროფესიულ განათლების როლს და ამ მიმართულებით კომპანიების საქმიანობასა და ჩართულობას.შეხვედრის ფარგლებში, განხილული იყო ის შესაძლებლობების ფანჯარა, რომელსაც საქართველოს ევროკავშირის კანდიდატი ქვეყნის სტატუსი ანიჭებს და ევროპული ბაზრის პერსპექტივები და ეკონომიკური ურთიერთობები, რომელიც მეტ მდგრადობასა და განვითარების შესაძლებლობას მოუტანს ქვეყანას.„ჩვენს უცხოელ პარტნიორებთან საქმიანი დიალოგი მნიშვნელოვანია გამოცდილებისა და ეკონომიკაში არსებული მონაცემების გაზიარების თვალსაზრისით, რასაც პროცესში მეტი სიცხადე შემოაქვს. საერთაშორისო სავალუტო ფონდის მთავარ მისიასთან განვიხილეთ ის ეკონომიკური პარამეტრები და მოვლენები, რომელიც გავლენას ახდენს როგორც ბიზნესსექტორსა და მომხმარებელზე, ასევე ქვეყნის ეკონომიკურ განვითარებაზე“, - განაცხადა საქართველოს ბიზნესასოციაციის აღმასრულებელი დირექტორის პირველმა მოადგილემ, აკაკი საღირაშვილმა.

თიბისი
1710423749
თიბისი კაპიტალმა საქართველოში კაპიტალის ბაზრის პირველ საერთაშორისო კონფერენციას უმასპინძლა

ადგილობრივი კაპიტალის ბაზრის სწრაფ განვითარებას თიბისი კაპიტალმა ახალი ინიციატივით უპასუხა და საქართველოში კაპიტალის ბაზრის პირველ საერთაშორისო კონფერენციას უმასპინძლა. კონფერენციაში მონაწილეობა მიიღეს ადგილობრივი და საერთაშორისო კაპიტალის ბაზრის წამყვანმა მოთამაშეებმა: J.P. Morgan, Citi, Fidelity Investments, საქართველოს ეროვნული ბანკი, საქართველოს ეკონომიკისა და მდგრადი განვითარების სამინისტრო, Baker McKenzie, Dentons, BLC Law, Amundi, ADB, EBRD, IFC, ქართველი ემიტენტები და სხვა.კონფერენციის მონაწილე მსოფლიოში წამყვანმა ექსპერტებმა, თიბისი კაპიტალის გუნდთან ერთად, საკუთარი გამოცდილება, ბაზრის ტენდენციები და განვითარების პერსპექტივები გააზიარეს.„ძალიან მნიშვნელოვან ტრადიციას ჩავუყარეთ საფუძველი კაპიტალის ბაზრის პირველი საერთაშორისო კონფერენციის სახით, რომელსაც ყოველწლიურად ვუმასპინძლებთ.თბილისში, თიბისი კაპიტალის ორგანიზებით, კონფერენციის მონაწილეებისა და სტუმრების სახით, ძალიან მნიშვნელოვანი აუდიტორია შეიკრიბა: ხელისუფლების წარმომადგენლები, ისეთი საერთაშორისო საინვესტიციო ბანკების წარმომადგენლები, როგორებიცაა - J.P. Morgan და Citi, დარგის ექსპერტები, საერთაშორისო ინსტიტუციური ინვესტორები, ადგილობრივი ემიტენტები. კაპიტალის ბაზრის უპრეცედენტო ზრდის მომსწრეები და მონაწილეები ვართ. განსაკუთრებული ზრდით გამოირჩევა საჯარო ობლიგაციების ადგილობრივი ბაზარი, რომელიც გასულ წელს გაორმაგდა და ჯამში 2 მილიარდ ლარს მიაღწია. თიბისი, როგორც ქვეყნის წამყვანი ფინანსური ინსტიტუტი, ბაზრის სწრაფ ზრდას ამ კონფერენციით პასუხობს, სადაც ყველა დაკავშირებული მხარე ერთად შევიკრიბეთ, ბაზრის შედეგები განვიხილეთ და სამომავლო პოტენციალი და პერსპექტივები შევაფასეთ. ჩვენი მიზანია, რომ საქართველოში კაპიტალის ბაზრის პირველი და მომავალში უკვე ტრადიციული კონფერენციით, ბაზრის განვითარებას კიდევ უფრო მეტად შევუწყოთ ხელი“, - გიორგი თხელიძე, თიბისის გენერალური დირექტორის მოადგილე.კონფერენციაზე, ინდივიდუალური გამოსვლებისა და პანელური დისკუსიების ფარგლებში, ისეთი მნიშვნელოვანი თემები დაიფარა, როგორებიცაა: გლობალურ კონტექსტში, რეგიონული სავალო კაპიტალის ბაზარი და ამ კონტექსტის საქართველოზე გავლენა ევრობონდების რეგიონული ბაზრის პერსპექტივები და 2024 წლის მოლოდინები - რამდენადაა ხელსაყრელი დრო ახლა როგორც ობლიგაციების გამოშვებისთვის, ასევე ფიქსირებული შემოსავლის ინსტრუმენტებში ინვესტირებისთვის თიბისი კაპიტალის კვლევა საქართველოში ობლიგაციების ბაზრის განვითარების შესახებ ინსტიტუციური მხარდაჭერა კაპიტალის ბაზრის განვითარებისთვის - რა პროგრამები არსებობს და როგორ ხდება საერთაშორისო ფინანსური ინსტიტუტების ინვესტიციების მოზიდვა მდგრადი სავალო კაპიტალის ბაზრები ESG ბონდები და მდგრადი დაფინანსება ადგილობრივი ბონდები VS ევრობონდები არსებული ემიტენტების წარმატებული გამოცდილება და პრაქტიკული რჩევები აქტივების მართვის პერსპექტივები საქართველოში

••• იტვირთება