მთავარი

ძიება

ვიდეო

ქვიზები

კონტაქტი

რეგიონი

ბოლნისი
1710492657
ბოლნისის მუნიციპალიტეტის მერიის საკონფერენციო დარბაზში „ბოლნისის მუნიციპალიტეტში მცხოვრები ახალგაზრდების საჭიროებების, გამოწვევების, ინტერესებისა და რესურსების კვლევის“ პრეზენტაცია გაიმართა

ბოლნისის მუნიციპალიტეტის მერიამ „ბოლნისის მუნიციპალიტეტში მცხოვრები ახალგაზრდების საჭიროებების, გამოწვევების, ინტერესებისა და რესურსების კვლევა“ ჩაატარა, რომელშიც მონაწილეობა მიიღეს ბოლნისის მუნიციპალიტეტში მცხოვრებმა 14-29 წლის ახალგაზრდებმა.კვლევის შედეგები პრეზენტაციაზე მოწვეულ საზოგადოებას, მერის თანაშემწემ ახალგაზრდულ საკითხებში, სალომე საღინაძემ წარუდგინა. დოკუმენტის განხილვას - ბოლნისის მუნიციპალიტეტის მერი, დავით შერაზადიშვილი; საქართველოს პარლამენტის წევრი, გოგი მეშველიანი; ბოლნისის საკრებულოს თავმჯდომარის მოადგილეები; ბოლნისის საგანმანათლებლო რესურსცენტრის ხელმძღვანელი, ია სვანიძე; ახალგაზრდები, არასამთავრობო სექტორი და ადგილობრივი მედია დაესწრო.საჯარო პრეზენტაციის დასრულების შემდეგ, ბოლნისის მუნიციპალიტეტის მერმა, დავით შერაზადიშვილმა და საქართველოს პარლამენტის წევრმა, გოგი მეშველიანმა დამსწრე საზოგადოებას სიტყვით მიმართეს და საჭიროების კვლევის მნიშვნელობასა და ახალგაზრდების ხელშეწყობაზე გაამახვილეს ყურადღება.„ბოლნისის მუნიციპალიტეტში მცხოვრები ახალგაზრდების საჭიროებების, გამოწვევების, ინტერესებისა და რესურსების კვლევის“ მიზანი იყო, შეეფასებინა ბოლნისის მუნიციპალიტეტში მცხოვრები 14-29 წლის ახალგაზრდების მდგომარეობა და გამოევლინა მათი საჭიროებები, ინტერესები და გამოწვევები.კვლევის შედეგების ანალიზის შემდგომ, შენიშვნებისა და რეკომენდაციების გათვალისწინებით, შემუშავდება მუნიციპალური ახალგაზრდული პოლიტიკის დოკუმენტი, სადაც დეტალურად იქნება გაწერილი მთავარი მიზნები, ამოცანები და გადაჭრის გზები.

ბოლნისის მერია
1710406818
ქალაქ ბოლნისის ღვინის სახლში ბოლნისური ღვინის პოპულარიზაციისა და ადგილობრივი მეღვინეების მხარდასაჭერად შეთანხმებას მოეწერა ხელი

ქალაქ ბოლნისის ქართულ-გერმანულ ღვინის სახლში, ბოლნისის მუნიციპალიტეტის მერიას, კომპანია „არემჯისა“ და მეღვინეთა გაერთიანება - „ღვინო ბოლნისს“ შორის, შეთანხმებას მოეწერა ხელი.აღნიშნული შეთანხმება შეეხება ბოლნისური ღვინის პოპულარიზაციისა და ადგილობრივი მეღვინეების მხარდაჭერის საკითხში მხარეების შემდგომ საქმიანობას.შეთანხმება მხარეებს შორის 2018 წელს გაფორმებული ურთიერთთანამშრომლობის მემორანდუმის გაგრძელებაა და 6 წლის წინ დაწყებული თანამშრომლობის ახალ საფეხურზე გადასვლას ითვალისწინებს.მემორანდუმის ხელის მომწერი მხარეებისა და დამატებით, გაერთიანება - „ღვინო ბოლნისში“ შემავალი მარნებიდან არჩეული 2 დამოუკიდებელი წევრის ჩართულობით, შეიქმნება სამუშაო ჯგუფი, რომელიც ბოლნისური მეღვინეობის შემდგომ განვითარებასა და ქვეყნის ფარგლებს გარეთ მის პოპულარიზაციას აქტიურად შეუწყობს ხელს.

კონცერტი ბოლნისში
1709722092
ბოლნისის მუნიციპალიტეტის მერიის საჩუქარი ქალბატონებს - კულტურის სახლში ქალთა საერთაშორისო დღისადმი მიძღვნილი კონცერტი გაიმართა

ბოლნისის მუნიციპალიტეტის მერიამ ქალბატონებს საჩუქარი გაუკეთა, კულტურის სახლში ქალთა საერთაშორისო დღისადმი მიძღვნილი კონცერტი გაიმართა.ღონისძიებაში მონაწილეობას ნატო გელაშვილი ვაჟებთან, გიორგი და ლუკა ჭოხონელიძეებთან და ბენდთან ერთად იღებდა.სცენაზე მაყურებლებისთვის ქართველი კომპოზიტორებისა და ნატო გელაშვილის მიერ შექმნილი მუსიკალური შედევრებიდან არაერთი ცნობილი სიმღერა შესრულდა. კონცერტმა ანშლაგით ჩაიარა.ღონისძიებას ბოლნისის მუნიციპალიტეტის მერი, დავით შერაზადიშვილი მეუღლესთან ერთად დაესწრო.

ბოლნისის მუნიციპალიტეტის მერია
1709709089
ბოლნისის მუნიციპალიტეტის მერი საფეხბურთო კლუბ ბოლნისის „სიონის“ ახალწვეულების წარდგენის ღონისძიებას დაესწრო

ბოლნისის მუნიციპალიტეტის მერი დავით შერაზადიშვილი, პირველ მოადგილესთან ბუბა გობეჯიშვილთან ერთად, საფეხბურთო კლუბ ბოლნისის „სიონის“ ახალწვეულების წარდგენის ღონისძიებას დაესწრო.თამაზ სტეფანიას სახელობის ცენტრალურ სტადიონზე, საფეხბურთო კლუბმა ბოლნისის „სიონმა“, გულშემატკივრებს ახალწვეულები წარუდგინა.ბოლნისის „სიონი“ ახალ სეზონს ახალი სათამაშო ფორმით იწყებს. წლევანდელ სეზონზე, ბოლნისური კლუბი მაკრონის ფირმის მაისურებით იასპარეზებს. ღონისძიებაზე კლუბის ხელმძღვანელობამ გულშემატკივარს მიმდინარე სიახლეები და სამომავლო გეგმები გააცნო.კლუბის არსებობის ისტორიაში, წელს პირველად ყალიბდება საფეხბურთო სკოლა - „სიონი“. სკოლაში აღზრდილ ახალგაზრდა ფეხბურთელებს ექნებათ პერსპექტივა ასპარეზობა საფეხბურთო კლუბ ბოლნისის „სიონის“ რიგებში გააგრძელონ.ახალწვეულების წარდგენის ღონისძიებას ბოლნისის მუნიციპალიტეტის მერი დავით შერაზადიშვილი, მერის პირველი მოადგილე ბუბა გობეჯიშვილი, მერიის ადმინისტრაციული სამსახურის უფროსი პაპუნა მუშკუდიანი, კომპანია „არემჯის“ სიესარ მენეჯერი ზურაბ დევდარიანი და გულშემატკივრები ესწრებოდნენ.დავით შერაზადიშვილმა, ბუბა გობეჯიშვილმა და პაპუნა მუშკუდიანმა ახალწვეულებს გუნდის მაისურები გადასცეს და „სიონს“ ეროვნულ ლიგაში წარმატებული ასპარეზობა უსურვეს.ღონისძიების დასასრულს, ბოლნისის მუნიციპალიტეტის მერს, დავით შერაზადიშვილს კლუბისგან საჩუქრად სპეციალური მაისური გადაეცა.

ლიფტი
1709648651
გარდაბნის მუნიციპალიტეტში ძველი ლიფტების ახლით ჩანაცვლების პროექტი დასრულდა

კრწანისის ადმინისტრაციულ ერთეულში არსებული მრავალსართულიანი საცხოვრებელი კორპუსების ამორტიზებული ლიფტების დემონტაჟისა და ახალი ელექტრონული ლიფტების მონტაჟის სამუშაოები დასრულდა.შესრულებულ სამუშაოებს გარდაბნის მუნიციპალიტეტის მერი დავით კარგარეთელი, მერის პირველი მოადგილე რამაზ ბუდაღაშვილი, ინფრასტრუქტურის, მშენებლობისა და სივრცითი მოწყობის სამსახურის ხელმძღვანელი, გოჩა ახალკაციშვილი, საკრებულოს საფინანსო-საბიუჯეტო კომისიის თავმჯდომარე, ლევან ნიჟარაძე და ადგილობრივი ხელისუფლების სხვა წარმომადგენლები ადგილზე გაეცნენ.პროექტის ფარგლებში შეიცვალა კაბინები, დიზაინი, მართვის კარადა, განახლდა უსაფრთხოების სისტემები, სამანქანო განყოფილებაში და შახტაში დამონტაჟდა სტაციონარული განათება, გამოიცვალა ყველა ბაგირი, ელ.სადენი და გამოძახების ღილაკები.აღსანიშნავია, რომ ქალაქ გარდაბნისა და კრწანისის ადმინისტრაციულ ერთეულებში არსებული მრავალსართულიანი საცხოვრებელი კორპუსების ძველი ლიფტების ახლით ჩანაცვლების პროექტი გასული წლის ნოემბრის თვეში დაიწყო და შემსრულებელმა კომპანიამ ხელშეკრულებით გათვალისწინებული სამუშაოები ვადაზე ადრე დაასრულა.ჯამში 21 ერთეული, მწყობრიდან გამოსული ლიფტი ჩანაცვლდა ახალი, თანამედროვე სტანდარტების შესაბამისი ელექტრონული ლიფტებით, რისთვისაც ადგილობრივი ბიუჯეტიდან 1 050 000 ლარი დაიხარჯა.

მარნეულის ბაღი
1709645044
ქალაქ მარნეულის N3 ბაგა-ბაღში 42 კვტ სიმძლავრის მზის ფოტოელექტრული პანელები დამონტაჟდა

მარნეულის მუნიციპალიტეტსა და პოლონეთის გმინა კობილნიცას შორის გაფორმებული ურთიერთთანამშრომლობის მემორანდუმის ფარგლებში, ქალაქ მარნეულის N3 საბავშვო ბაგა-ბაღში 42 კვტ სიმძლავრის მზის ფოტოელექტრული პანელები დამონტაჟდა.ფოტოელექტრული სისტემის ტესტირება და შემოწმება უკვე დასრულებულია და სადგური გამართულად მუშაობს.მზის პანელები მარნეულის მუნიციპალიტეტის მერმა კენან ომაროვმა, საკრებულოს თავმჯდომარემ ამირან გიორგაძემ, მარნეულის მუნიციპალიტეტის მერის მოადგილემ თემურ შუბითიძემ, საკრებულოს თავმჯდომარის მოადგილემ რიჩარდ გიგანმა, მუნიციპალიტეტის სტრუქტურული ერთეულის და მარნეულის ბაგა-ბაღების გაერთიანების ხელმძღვანელმა პირებმა მოინახულეს.ფოტოელექტრული სისტემის ინსტალაცია პოლონეთის მხარის დაკვეთით RP Global-მა განახორციელა, რომელიც განახლებადი ენერგიის სექტორში საერთაშორისო დონის დეველოპერი და ოპერატორია. პროექტის ღირებულებამ 26 680 ევრო შეადგინა და სრულად დაფინანსდა გმინა კობილნიცას ადგილობრივი თვითმმართველობის მიერ.მარნეულის მუნიციპალიტეტის თვითმმართველობა მადლობას უხდის გმინა კობილნიცას აღნიშნული პროექტისთვის.

მარნეული
1709555733
მარნეულის მუნიციპალიტეტის მერი და საკრებულოს თავმჯდომარე ნიდერლანდების სამეფოს ელჩს შეხვდნენ

მარნეულის მუნიციპალიტეტის მერი, კენან ომაროვი და საკრებულოს თავმჯდომარე, ამირან გიორგაძე ნიდერლანდების სამეფოს საგანგებო და სრულუფლებიან ელჩს, მელინე არაკელიანს შეხვდნენ.მერიაში გამართულ შეხვედრაზე ყურადღება გამახვილდა ნიდერლანდების მხარდაჭერით მარნეულის მუნიციპალიტეტში განხორციელებულ და მიმდინარე პროექტებზე. ასევე, ხაზი გაესვა საქართველო-ნიდერლანდების თანამშრომლობის მნიშვნელობას.მხარეებმა ურთიერთთანამშრომლობის სამომავლო გეგმები დასახეს. შეხვედრა სიმბოლური საჩუქრების გადაცემით დასრულდა.

დედის დღის მილოცვა
1709472003
მარნეულის მერმა კენან ომაროვმა თავის პირველ მოადგილესთან ერთად ომში დაღუპული გმირების დედებს 3 მარტი მიულოცა

დედის დღესთან დაკავშირებით მარნეულის მუნიციპალიტეტის მერმა, კენან ომაროვმა, პირველ მოადგილესთან, როინ დეკანოიძესთან ერთად, საქართველოს მთლიანობისთვის ომში დაღუპული გმირების დედები მოინახულა და 3 მარტი მიულოცა. აღნიშნულის შესახებ ინფორმაციას მარნეულის მუნიციპალიტეტის მერია ავრცელებს. „ყველა დედას ვულოცავ 3 მარტს, გაზაფხულის ულამაზეს დღესასწაულს. ჯანმრთელობას, კეთილდღეობას, შვილების წარმატებით სიხარულს და ყოველივე საუკეთესოს ვუსურვებ.განსაკუთრებით დღევანდელ დღეს ვულოცავ საქართველოს მთლიანობისთვის ომში დაღუპული გმირების დედებს, რომლებმაც ჩვენი სამშობლოს დასაცავად ყველაზე ძვირფასი გაიღეს”,- მარნეულის მუნიციპალიტეტის მერი, კენან ომაროვი.

ოთარ შამუგია
1709273680
ოთარ შამუგია დუშეთში ენერგოეფექტური ღუმელების წარმოების პროცესს გაეცნო

გარემოს დაცვისა და სოფლის მეურნეობის მინისტრმა ოთარ შამუგიამ, გაეროს განვითარების პროგრამის (UNDP) მუდმივი წარმომადგენლის მოადგილემ საქართველოში, ანნა ჩერნიშოვამ და მცხეთა-მთიანეთის მხარის რწმუნებულმა დავით ნოზაძემ, ენერგოეფექტური ღუმელების ახლად გახსნილი საწარმო მოინახულეს.კომპანიამ „ესკო-ესი“ ენერგოეფექტური ღუმელების საწარმოს მოსაწყობად 2 მლნ ლარის ინვესტიცია განახორციელა, შეღავათიანი აგროკრედიტის ოდენობა 1,5 მლნ ლარია, ხოლო 500,000 ლარი გადამამუშავებელი და შემნახველი საწარმოების თანადაფინანსების პროგრამის ფარგლებში მიიღო. კომპანია, როგორც მწარმოებელი ჩართულია „ენერგოეფექტური ღუმელების თანადაფინანსების პროგრამაში.„ჩვენთვის მნიშვნელოვანია ხელი შევუწყოთ ქვეყანაში ენერგოეფექტური ტექნოლოგიების დანერგვას, რათა შევამციროთ გარემოზე ზეწოლა. ახალი საწარმო სახელმწიფოს მხარდაჭერით გაიხსნა და კომპანიის მიერ დაფინანსების ნაწილი სრულად სახელმწიფოს მხრიდან იქნა მობილიზებული. მნიშვნელოვანია, რომ აქვეა საგანმანათლებლო კომპონენტიც, კერძოდ, განათლების სამინისტროს მხარდაჭერით პროფესიული კუთხით დაინტერესებული პირების გადამზადება ხდება. უნდა აღინიშნოს, რომ GIZ-ის მხარდაჭერით გვაქვს პროექტი, რომლის ფარგლებშიც ვეხმარებით მოსახლეობას, დაინტერესებულ პირებს, რომ შეისყიდონ ენერგოეფექტური ღუმელები და დაახლოებით 200-მდე ოჯახმა უკვე ისარგებლა. ვფიქრობთ, უფრო მეტ მხარდაჭერას, რათა კიდევ უფრო გაიზარდოს დაინტერესება ამ კუთხით”, - განაცხადა ოთარ შამუგიამ.ანნა ჩერნიშოვას თქმით, ადგილობრივი მცხოვრებლებისთვის ენერგოეფექტური ღუმელების გადაცემა ძალიან მნიშვნელოვანი.„ენერგოეფექტიანი ღუმელების გასათბობად გამოიყენება თხილის და კაკლის ნაჭუჭისგან დამზადებული ბიომასა, რაც ხელს უწყობს გარემოში ემისიების შემცირებას და ტყის რესურსების რაციონალურ გამოყენებას. UNDP-ს მხარდაჭერით, ადგილობრივ მცხოვრებლებს 40 ენერგოეფექტიანი ღუმელი უკვე გადაეცა, რაც ძალიან მნიშვნელოვანია“, - განაცხადა UNDP-ის მუდმივი წარმომადგენლის მოადგილემ საქართველოში ანნა ჩერნიშოვამ.კომპანიის „ესკო-ესი“ და მწვანე ინჟინერიის ცენტრის დამფუძნებლის ზაალ ხელაძის განცხადებით, სახელმწიფოს მხარდაჭერით გახსნილ ახალ საწარმოში 25 ადამიანია დასაქმებული. კომპანია 5 წლიანი პროექტის ფარგლებში 33 ათასი ღუმელის დამზადებას და საქართველოს სრულად მოცვას გეგმავს.UNDP-ისა და GEF-ის მცირე გრანტების პროგრამების ხელშეწყობით, პროგრამის „განახლებადი და ენერგოეფექტიანი ტექნოლოგიების ხელშეწყობა მოსახლეობის სოციალურ ეკონომიკური სარგებლის უზრუნველყოფის და ყოფის გაუმჯობესების მიზნით“ ფარგლებში, კომპანია „ესკო-ესი“ ახორციელებს სოციალურ პროექტს „სითბო ყველას“, რომელიც ითვალისწინებს დუშეთის მუნიციპალიტეტში სოციალურად დაუცველი ოჯახებისთვის ენერგოეფექტიანი ღუმელების უსასყიდლო გადაცემას.აღსანიშნავია, რომ სოფლის განვითარების სააგენტოს მიერ ენერგოეფექტური წარმოების მხარდაჭერის მიმართულებით გაცემულია გრანტი 600,000 ლარზე მეტის ოდენობით, ამავე მიზნობრიობით გაცემული „შეღავათიანი აგროკრედიტის“ ოდენობა 1,7 მლნ ლარს აღემატება.ახალი საწარმოს გახსნის ღონისძიებას სოფლის განვითარების სააგენტოს დირექტორი, ადგილობრივი ხელისუფლების წევრები, ავსტრიის საელჩოს, კავკასიის გარემოსდაცვითი არასამთავრობო ორგანიზაციების ქსელის (CENN), არასამთავრობო ორგანიზაციების, მედიისა და ბიზნესის სექტორის წარმომადგენლები ესწრებოდნენ.

სოფლის მეურნეობა
1709194040
ჯიღაურაში სტუდენტებისთვის ტრენინგი ჩატარდა

სსიპ სოფლის მეურნეობის სამეცნიერო-კვლევითი ცენტრის მრავალწლოვანი კულტურების საცდელ-სადემონსტრაციო ბაზაზე, ვაზის სხვლა-ფორმირების თემაზე აგრონომიული და მევენახეობა-მეღვინეობის საგანმანათლებლო პროგრამების სტუდენტებისთვის ტრენინგი ჩატარდა.ტრენინგის მონაწილეებმა მოისმინეს ინფორმაცია: ვაზის ჯიშების მახასიათებლებზე, სანერგე მეურნეობის სერტიფიცირების და ჯანსაღი ნერგის წარმოების პროცესებზე, ვენახის აგროტენქოლოგიაზე, ნიადაგის შერჩევასა და სწორი საძირის გამოყენებაზე. ასევე, რეგიონებისთვის ვაზის ჯიშების სწორედ შერჩევაზე და ნერგის დარგვის წესებზე. ტრენინგის მონაწილეებმა ვენახის სხვლა-ფორმირებაში მიიღეს მონაწილეობა.„სოფლის მეურნეობის სამეცნიერო-კვლევითი ცენტრი, სამეცნიერო-კვლევითი სამუშაოების პარალელურად, ახალგაზრდების პროფესიული განვითარების ხელშეწყობის მიზნით, აქტიურად თანამშრომლობს უმაღლეს სასწავლებლებთან და სტუდენტურ ორგანიზაციებთან. სექტორში მეტი მცოდნე და პროფესიონალი კადრის არსებობა ხელს შეუწყობს ქვეყანაში სოფლის მეურნეობის განვითარებას. სტუდენტებისთვის სხვადასხვა საინტერესო თემაზე ტრენინგების ჩატარება მომავალშიც აქტიურად გაგრძელდება“, - განაცხადა სოფლის მეურნეობის სამენციერო-კვლევითი ცენტრის დირექტორმა, ლევან უჯმაჯურიძემ.მომავალ აგრონომებს და მევენახეებს სოფლის მეურნეობის სამეცნიერო-კვლევითი ცენტრის დირექტორმა, ლევან უჯმაჯურიძემ ცენტრის საქმიანობა და მევენახეობა-მეღვინეობის მიმართულებით არსებული პროექტებიც გააცნო.

ბოლნისი
1709131719
სოფელ დისველის ეკონომიკური გაძლიერების მიზნით ურთიერთთანამშრომლობის მემორანდუმი გაფორმდა

სოფელ დისველის ეკონომიკური გაძლიერების მიზნით, იაპონიის საერთაშორისო თანამშრომლობის სააგენტოს, ბოლნისის მუნიციპალიტეტის მერიას, რძის პროდუქტების მწარმოებელთა ასოციაცია „საქრძეს“ და ადგილობრივ მცხოვრებლებს შორის ურთიერთთანამშრომლობის მემორანდუმი გაფორმდა.დოკუმენტს ხელი ბოლნისის მუნიციპალიტეტის მერმა - დავით შერაზადიშვილმა, იაპონიის საერთაშორისო თანამშრომლობის სააგენტოს საქართველოს ოფისის წარმომადგენელმა - მორი ჰიროიუკიმ, რძის პროდუქტების მწარმოებელთა ასოციაცია „საქრძეს“ დირექტორმა - კახაბერ კონიაშვილმა, დისველის ფერმერთა ჯგუფის წარმომადგენელმა - გენადი ცეცხლაძემ და მერის წარმომადგენელმა სოფელ დისველში - ზურაბ შაინიძემ მოაწერეს.მემორანდუმზე ხელმომწერი მხარეები აცხადებენ მზაობას ბოლნისის მუნიციპალიტეტის სოფელ დისველში რძის წარმოების გაუმჯობესების პროექტის მდგრადობას დაუჭირონ მხარი, რომელიც სოფელში 2022 წელს დაიწყო და მიზნად ისახავს იაპონური ცოდნის ადგილზე დანერგვის საშუალებით რძის ხარისხის გაუმჯობესებასა და რაოდენობის გაზრდას.ხელმოწერის ცერემონიას ესწრებოდნენ საპატიო სტუმრები იაპონიიდან.ბოლნისის მუნიციპალიტეტის მერმა, დავით შერაზადიშვილმა იაპონელ სტუმრებს ძველი გერმანული უბანი დაათვალიერებინა და ქართულ-გერმანულ ღვინის სახლში ბოლნისური ღვინო და ადგილობრივი ნაწარმი გააცნო.

გარემოს დაცვის და სოფლის მეურნეობის სამინისტრო
1709101828
მსოფლიო ბანკის ფინანსური მხარდაჭერით „საქართველოს მდგრადი სოფლის მეურნეობის, ირიგაციისა და მიწის პროექტი“ ხორციელდება

საქართველოს გარემოს დაცვისა და სოფლის მეურნეობის სამინისტრო მსოფლიო ბანკის ფინანსური მხარდაჭერით „საქართველოს მდგრადი სოფლის მეურნეობის, ირიგაციისა და მიწის პროექტს“ ახორციელებს.აღნიშნული პროექტის ფარგლებში, კახეთის რეგიონში, ახმეტის მუნიციპალიტეტში, მდინარე ილტოზე, ზემო და ქვემო ალაზნის სარწყავი სისტემების სარწყავი წყლის რესურსებით უზრუნველყოფის გაუმჯობესების მიზნით, ახალი საირიგაციო დანიშნულების წყალსაცავის მშენებლობის მიზანშეწონილობის დასადგენად, დაგეგმილია ტექნიკურ-ეკონომიკური დასაბუთების მომზადება.ტექნიკურ-ეკონომიკური დასაბუთება ითვალისწინებს როგორც არსებული კვლევებისა და ტექნიკური მასალების შესწავლას, ასევე ახალი საერთაშორისო სტანდარტების შესაბამისი კვლევების ჩატარებას და გარემოზე ზემოქმედების შეფასების დოკუმენტის მომზადებას.აღნიშნულ საკონსულტაციო მომსახურებაზე გამოცხადებულია საერთაშორისო ტენდერი.

••• იტვირთება