1755673374

ქარელში საგანგებო სიტუაციების კოორდინაციისა და გადაუდებელი დახმარების ცენტრის რაიონული სამსახურის ახალი შენობა აშენდება. პროექტის დეტალებს ჯანდაცვის მინისტრი მიხეილ სარჯველაძე გაეცნო. ინფორმაციას ჯანდაცვის სამინისტრო ავრცელებს. სამინისტროს ცნობით, საერთაშორისო სტანდარტებით დაპროექტებული შენობა თანამედროვე ტექნიკითა და ინვენტარით აღიჭურვება. გათვალისწინებულია პერსონალის მოსასვენებელი ოთახებიც. ცენტრში სამი ბრიგადა იმუშავებს და მთელს ქარელის მუნიციპალიტეტს მოემსახურება. როგორც მიხეილ სარჯველაძემ აღნიშნა, მნიშვნელოვანია, სასწრაფო დახმარების თანამშრომლებს ღირსეული სამუშაო პირობები ჰქონდეთ, მოსახლეობამ კი მაქსიმალურად სწრაფი და ეფექტური მომსახურება მიიღოს. მინისტრის განცხადებით, სწორედ ამ მიზანს ემსახურება, მთელი ქვეყნის მასშტაბით, საგანგებო სიტუაციების კოორდინაციისა და გადაუდებელი დახმარების ცენტრის არსებული ინფრასტრუქტურის განახლება და ახალი შენობების მშენებლობა. მიხეილ სარჯველაძესთან ერთად ქარელში იმყოფებოდნენ: სახელმწიფო რწმუნებული შიდა ქართლის მხარეში სიმონ გულედანი, ქარელის მუნიციპალიტეტის მერი ზაზა გულიაშვილი, საგანგებო სიტუაციების კოორდინაციისა და გადაუდებელი დახმარების ცენტრის დირექტორი ნიკოლოზ ჩიქოვანი და ცენტრის თანამშრომლები.

1755603040

ადიგენის მუნიციპალიტეტის სოფელ ზაზალოსთან მისასვლელი გზის სარეაბილიტაციო სამუშაოები აქტიურ ფაზაშია. სამუშაოების მიმდინარეობას ადგილზე ადიგენის მუნიციპალიტეტის მერი გოჩა ქიმაძე მერიის ინსპექტირებისა და კონტროლის განყოფილების წარმომადგენლებთან ერთად გაეცნო.ადიგენის მერიის ინფორმაციით, პროექტის ფარგლებში ზაზალოსთან მისასვლელი გზის 3 კმ მონაკვეთზე ეწყობა ასფალტის საფარი, სანიაღვრე არხებით, ეზოში შესასვლელებითა და მიერთებებით.პროექტის ღირებულება 1 367 999 ლარია და ის რეგიონებში განსახორციელებელი პროექტების ფონდისა და ადგილობრივი ბიუჯეტის თანადაფინანსებით ხორციელდება.აღსანიშნავია, რომ სამუშაოების დასრულების შემდეგ ადგილობრივებისთვის წლების განმავლობაში არსებული პრობლემა მოგვარდება. მათთვის გადაადგილება მეტად უსაფრთხო და კომფორტული გახდება.

1755498903

ხელვაჩაურის მუნიციპალიტეტში, ახალსოფელში, წყარო-კომენდატურას მიმართულებით ასფალტბეტონის საფარის დაგების სამუშაოები დასკვნით ეტაპზეა. აღნიშნულის შესახებ ინფორმაციას აჭარის საავტომობილო გზების დეპარტამენტი ავრცელებს. მათივე ცნობით, პროექტის მიხედვით თანამედროვე სტანდარტების საავტომობილო გზა მოეწყობა.რეაბილიტირებული გზით ადგილობრივი მცხოვრებლები, მათ შორის, 250 ოჯახი კომფორტულ და უსაფრთხო გადაადგილებას შეძლებს.

1755447960

„ჩემთვის ძალიან დიდი პატივია, ვიყო ხულოს მუნიციპალიტეტის მერობის კანდიდატი და არჩევის შემთხვევაში მერი“, - ამის შესახებ განაცხადა „ქართული ოცნების“ მერობის კანდიდატმა ვახტანგ ბერიძემ.მან „ქართული ოცნების“ მთელ გუნდს გამოცხადებული ნდობისთვის მადლობა გადაუხადა.„მინდა, მადლობა გადავუხადო „ქართული ოცნება - დემოკრატიული საქართველოს“ ხელმძღვანელობას. მინდა მადლობა გადავუხადო სულხან თამაზაშვილს, აჭარის მთავრობის თავმჯდომარეს ამ დიდი ნდობისთვის და შესაძლებლობების მოცემისთვის, რომ ვემსახურო ჩემს ხალხს“,- განაცხადა ვახტანგ ბერიძემ.

1755445273

ზორტიყელის მთაში სახალხო დღესასწაული „შუამთობა“ აღინიშნა.დღესასწაული ადგილობრივებსა და სტუმრებს აჭარის მთავრობის თავმჯდომარემ, სულხან თამაზაშვილმა მიულოცა.თამაზაშვილმა აღნიშნა, რომ მთავრობის გეგმა მიმართულია მაღალმთიანი აჭარის განვითარებისკენ, ტურისტული პოტენციალის გაზრდისა და სოციალურ-ეკონომიკური მდგომარეობის გაუმჯობესებისკენ.„მიხარია, რომ თქვენთან ერთად ზორტიყელის მთაში ვზეიმობ შუამთობის დღესასწაულს. უმნიშვნელოვანესია, შევინარჩუნოთ ჩვენი ტრადიციები - ეს დღე კი ამის ნათელი მაგალითია. როგორც აჭარის ავტონომიური რესპუბლიკის მთავრობის თავმჯდომარე, გპირდებით, რომ მთის ხალხს, მაღალმთიანი აჭარის მოსახლეობას, ჩემი მაქსიმალური მხარდაჭერა გექნებათ. უმნიშვნელოვანესია, მთაში შენარჩუნდეს მოსახლეობა. სწორედ ამიტომ, ჩვენი გეგმები მიმართულია მაღალმთიანი აჭარის განვითარებისკენ, ტურისტული პოტენციალის გაზრდისა და სოციალურ-ეკონომიკური მდგომარეობის გაუმჯობესებისკენ. გულწრფელად ვაფასებ თქვენს თავდაუზოგავ შრომას. თქვენი როლი რეგიონის განვითარებაში განსაკუთრებულია“, - აღნიშნა სულხან თამაზაშვილმა.ღონისძიების ადგილას მოწყობილი იყო საგამოფენო და შემეცნებით-გასართობი სივრცეები. ღონისძიება საზეიმო კონცერტით გაგრძელდა, რომელშიც ადგილობრივი და მოწვეული ანსამბლები მონაწილეობდნენ.მთავრობის თავმჯდომარესთან ერთად სახალხო დღესასწაულს აჭარის მთავრობის წევრებიც ესწრებოდნენ.

1755415806

პარტია „ქართული ოცნების“ აჭარის რეგიონული ორგანიზაციის ხელმძღვანელმა სულხან თამაზაშვილმა, ხულოში მხარდამჭერებს მერობის კანდიდატი ვახტანგ ბერიძე წარუდგინა. ინფორმაციას აჭარის მთავრობის პრესცენტრი ავრცელებს. სულხან თამაზაშვილის თქმით, ვახტანგ ბერიძეს აქვს აღნიშნულ პოზიციაზე მუშაობის გამოცდილება; ამ გამოცდილებით და ახალი ენერგიით კი კიდევ უფრო მეტ განვითარებას მოუტანს მუნიციპალიტეტს.„ვახტანგ ბერიძე წლების განმავლობაში იყო ხულოს მერი და დარწმუნებული ვარ ამ გამოცდილებას ახალი შემართებითა და ენერგიით მოახმარს მუნიციპალიტეტის განვითარებას. მჯერა, მას აქ მცხოვრები ადამიანების სრული მხარდაჭერა ექნება. ჩვენ ძალიან ამბიციური გეგმები გვაქვს მაღალმთიან აჭარაში და ერთად ბევრ მნიშვნელოვან საქმეს გავაკეთებთ“, - განაცხადა სულხან თამაზაშვილმა.ვახტანგ ბერიძე 2018-2024 წლებში იკავებდა ხულოს მუნიციპალიტეტის მერის თანამდებობას. 2024 წლიდან დღემდე არის აჭარის ავტონომიური რესპუბლიკის უმაღლესი საბჭოს წევრი და ჯანმრთელობის დაცვისა და სოციალურ საკითხთა კომიტეტის თავმჯდომარე. ის პოლკოვნიკი და 2008 წლის ომის ვეტერანია.სულხან თამაზაშვილმა მერობის კანდიდატი ადგილობრივ მხარდამჭერებს აჭარის უმაღლესი საბჭოს თავმჯდომარესთან, დავით გაბაიძესთან და პარტია „ქართული ოცნების“ ხულოს საარჩევნო შტაბის ხელმძღვანელთან ანზორ ბოლქვაძესთან ერთად წარუდგინა.

1755336180

ზუგდიდმა MAX FIGHT-ის მე-12 საერთაშორისო ტურნირს უმასპინძლა. ღონისძიებას ზუგდიდის მერობის კანდიდატი დათო კოდუა, სახელმწიფო რწმუნებულთან და ადგილობრივი ხელისუფლების წარმომადგენლებთან ერთად დაესწრო.„მნიშვნელოვანია, რომ ჩვენს ქალაქში მსგავსი სპორტული აქტივობები ტარდება. ზუგდიდი უნდა გახდეს ბევრი სპორტული ჩემპიონატისა და ტურნირის მასპინძელი, რაც დამატებითი შესაძლებლობა იქნება ჩვენი მუნიციპალიტეტისთვის.საერთაშორისო ტურნირში ადგილობრივ მებრძოლებთან ერთად მსოფლიოს სხვადასხვა ქვეყნიდან მოწვეული სპორტსმენები მონაწილეობდნენ.მადლობა ტურნირის ორგანიზატორს კიკბოქსინგში, მსოფლიოს სამგზის ჩემპიონს დავით ქირიას, რომელიც ძალიან ბევრს შრომობს, რათა ჩვენი ქალაქის სახელი სპორტული ღონისძიებების რუკაზე მაღალპროფესიონალურად ჩანდეს”, - განაცხადა დათო კოდუამ.

1755333497

ჰიპერტენზიის სკრინინგის მსოფლიო კამპანიის ფარგლებში, ბათუმის რესპუბლიკურ კლინიკურ ჰოსპიტალში კონფერენცია გაიმართა. ინფორმაციას აჭარის ჯანდაცვის სამინისტრო ავრცელებს. უწყების ცნობით, კონფერენციას აჭარის ჯანმრთელობისა და სოციალური დაცვის მინისტრი ნინო ნიჟარაძე და დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორი ირაკლი ფურცელაძე ესწრებოდნენ.„აუდიტორიის წინაშე მოხსენებებით წარდგნენ საქართველოს ჰიპერტონიის შემსწავლელი საზოგადოების წარმომადგენელი, პროფესორი ბეჟან წინამძღვრიშვილი და დაავადებათა კონტროლისა და საზოგადოებრივი ჯანმრთელობის ეროვნული ცენტრის წარმომადგენელი დალი ტრაპაიძე. შეხვედრაზე მიმოიხილეს ისეთი მნიშვნელოვანი საკითხები, როგორიცაა არტერიული ჰიპერტენზია - საზოგადოებრივი ჯანმრთელობის მნიშვნელოვანი პრობლემა და საქართველოში არტერიული ჰიპერტენზიის მართვის სურათი, MMM შედეგები.კონფერენციის პარალელურად, რესპუბლიკური საავადმყოფოს ეზოში ჩატარდა ჰიპერტენზიის, C და B ჰეპატიტის, შიდსის და ძუძუს კიბოს სკრინინგი.კონფერენცია დაავადებათა კონტროლისა და საზოგადოებრივი ჯანმრთელობის ეროვნული ცენტრის, საქართველოს ჰიპერტონიის შემსწავლელი საზოგადოების ორგანიზებით და აჭარის ჯანდაცვის სამინისტროსა და საზოგადოებრივი ჯანდაცვის ცენტრი ჩართულობით გაიმართა“, - ნათქვამია გავრცელებულ განცხადებაში.

1755264475

აჭარის საავტომობილო გზების დეპარტამენტის მიერ ადგილობრივი მნიშვნელობის საავტომობილო გზებზე ცემენტბეტონის საფარის დაგების სამუშაოები აქტიურად გრძელდება.ამ ეტაპზე, სხვადასხვა მონაკვეთზე, 25 კმ ბეტონის საფარია დაგებული.აჭარის საავტომობილო გზების დეპარტამენტის ცნობით, მიმდინარე წელს, 75 კმ საავტომობილო გზაზე დაიგება ცემენტბეტონის საფარი.

1755251331

ზუგდიდის მერია კულტურის სფეროს პროექტების დაფინანსება/თანადაფინანსებას იწყებს. ზუგდიდის მერის პირველმა მოადგილემ კონსტანტინე კაკავამ ახალი პროგრამა კულტურისა და ხელოვნების სფეროს წარმომადგენლებს ნიკოსეულ სასახლეში წარუდგინა.როგორც ზუგდიდის მერიაში აღნიშნავენ, პროგრამის მიზანია კულტურის პოპულარიზაცია და დაინტერესებული ორგანიზაციების ფინანსური ხელშეწყობა და განვითარება.„პროგრამაში მონაწილეობა შეუძლიათ კულტურის მიმართულებით მომუშავე, საქართველოს კანონმდებლობის შესაბამისად რეგისტრირებულ მეწარმე ფიზიკურ და იურიდიულ პირებს.საპროექტო წინადადებები:ა) კულტურული ღონისძიებების ორგანიზება მუნიციპალიტეტის მასშტაბითბ) ლიტერატურული, მუსიკალური თუ თეატრალიზებული პერფორმანსებიგ) კონცეპტუალური არტ-გამოფენებიდ) ინოვაციური ვიზუალური ინსტალაციებიე) კულტურული, საგანმანათლებლო და სახელოვნებო მიმართულების პოპულარიზაციაზე ორიენტირებული პროექტებივ) პროექტები, რომლებიც, შესაძლოა, გულისხმობდეს არსებული შემოქმედებითი/ან არქიტექტურული სივრცეების გადახალისებასა და განვითარებას, სხვადასხვა ტიპის ღონისძიებების გასამართადსაპროექტო წინადადების ფინანსური მხარდაჭერის შემთხვევაში, მოთხოვნილი თანხა არ უნდა აღემატებოდეს 10 000 ლარს.კონსტანტინე კაკავამ საზოგადოებას ასევე წარუდგინა პროგრამა, რომელიც სახელოვნებო (კლასიკური ვოკალი, სიმებიანი და სასულე საკრავები) პროგრამებზე ჩარიცხული სტუდენტების სწავლის დაფინანსებას გულისხმობს. პროგრამა 2026 წელს განხორციელდება“, - ნათქვამია ზუგდიდის მერიის მიერ გავრცელებულ ინფორმაციაში. დეტალები იხილეთ: shorturl.at

1755247953

აჭარის ჯანმრთელობისა და სოციალური დაცვის მინისტრი, ნინო ნიჟარაძე, მ. იაშვილის სახელობის ბათუმის დედათა და ბავშვთა ცენტრალურ ჰოსპიტალში, აჭარის საზოგადოებრივი ჯანდაცვის ცენტრის მიმდინარე პროგრამებს გაეცნო. ასევე, შეხვედრა გამართა სამედიცინო პერსონალთან და სერვისებით მოსარგებლე მოქალაქეებთან. ინფორმაციას აღნიშნულთან დაკავშირებით აჭარის ჯანდაცვის სამინისტრო ავრცელებს. შეხვედრას ასევე ესწრებოდნენ მინისტრის პირველი მოადგილე, მარი ზანაქიძე, საზოგადოებრივი ჯანდაცვის ცენტრის ხელმძღვანელი, რუსუდან შავიშვილი და მოადგილე, ნონა ეფაძე. შეხვედრაზე მიმოიხილეს დედათა და ბავშვთა ჯანმრთელობის მიმართულებით არსებული პროგრამები და სამომავლო პროექტები.„აჭარის ჯანდაცვის სამინისტროს ერთ-ერთ პრიორიტეტს წარმოადგენს მოსახლეობის სკრინინგული კვლევები. ჩვენ მოვიცავთ თითქმის ყველა ასაკობრივ ჯგუფს - დაწყებული 47 გენეტიკურ დაავადებაზე ახალშობილობის, ასევე მუცლად ყოფნის პერიოდში და ოსტეოპოროზის კვლევით ხანდაზმულებში. ხაზი მინდა გავუსვა სიახლეს, რომელსაც მომავალი წლიდან ვგეგმავთ - რძის ბანკის შექმნა, სადაც შეეძლებათ ახალშობილებს, რომლებსაც გარკვეული მიმართულებით პრობლემები გააჩნიათ, იკვებონ ბუნებრივი რძით. ყველა სკრინინგული პროგრამა რომელსაც ვახორციელებთ დღეს, რამდენიმე წლის შემდეგ განტვირთავს იმ რეაბილიტაციის პროგრამებს, რომლის ფარგლებში 3 000 -ზე ბავშვი სარგებლობს. დროული დიაგნოსტიკა და მკურნალობა ჯანსაღი მომავალი თაობის ფორმირებას შეუწყობს ხელს“, - აღნიშნა მინისტრმა, ნინო ნიჟარაძემ.აჭარის საზოგადოებრივი ჯანდაცვის ცენტრი ამ მიზნით 10-მდე სკრინინგულ და სხვადასხვა მხარდამჭერ ღონისძიებას ახორციელებს, რომლებიც უზრუნველყოფენ როგორც ჯანმრთელობის, ასევე საგანმანათლებლო ღონისძიებებს, თანდაყოლილი ანომალიების განვითარების რისკის შემცირებას და ფსიქოლოგიური ჯანმრთელობის დაცვას. ჯამში, ყოველწლიურად 10 000-მდე ბენეფიციარს აქვს შესაძლებლობა რეგიონის სხვადასხვა სამედიცინო ცენტრში ისარგებლოს აღნიშნული სერვისებით.შეხვედრის დასასრულს, ორსულებს დაურიგდათ დედისა და ბავშვის ჯანმრთელობის წიგნი, რომელიც აერთიანებს როგორც ორსულობის, ისე ახალშობილისა და ბავშვის განვითარების მონიტორინგის საკვანძო კომპონენტებს.

1755240811

„ქართული ოცნების“ მარნეულის მერობის კანდიდატი დაური ისმაილოვი წინასაარჩევნო კამპანიის ფარგლებში ამომრჩეველთან შეხვედრებს მართავს და აცხადებს, რომ მათთან მჭიდრო კომუნიკაციის საფუძველზე იცის, თუ რა გამოწვევები არსებობს მუნიციპალიტეტში.მერობის კანდიდატი გეგმავს, რომ გუნდთან ერთად მართოს მუნიციპალიტეტი და ყველა სფერო განავითაროს.„დავიბადე და გავიზარდე ქალაქ მარნეულში. დღესაც ჩემს დიდ ოჯახთან ერთად ვცხოვრობ მარნეულში. მარნეულის მცხოვრებლებთან ყოველდღიური ურთიერთობის საფუძველზე თამამად შემიძლია ვთქვა, რომ კარგად ვიცნობ მათ საჭიროებებს. ვფლობ, თუ რა საჭიროებები, რა გამოწვევები არსებობს ქალაქ მარნეულში და მთლიანად მუნიციპალიტეტში. ვაპირებთ, განვავითაროთ მარნეული, განვავითაროთ ყველა სფერო. ეს იქნება ტურიზმი, რისიც დიდი პოტენციალი არსებობს მარნეულში, ეს იქნება ინფრასტრუქტურა, ახალგაზრდული იდეები, თუ აგროსფერო. აუცილებლად გავამახვილებთ ყურადღებას, რომ ახალგაზრდებმა მაქსიმალურად დაიმკვიდრონ თავი და თავიანთი ენერგიითა და ცოდნით უფრო მეტად, ერთად ავაშენოთ ჩვენი მარნეული”, - განაცხადა დაური ისმაილოვმა.