1757880706

„პოლიტიკური პარტიის უმთავრესი ამოცანა გახლავთ მიიღოს არჩევნებში მონაწილეობა, ჩაერთოს საპარლამენტო საქმიანობაში, იყოს წარმოდგენილი ადგილობრივ თვითმმართველობაში და მიიღოს მონაწილეობა პოლიტიკურ ცხოვრებაში. ოპოზიციონერები ელოდებიან 4 ოქტომბერს და ამ დროს მათი აბსოლუტური უმრავლესობა,„ნაციონალური მოძრაობის“ მთავარი შტო არ იღებს მონაწილეობას არჩევნებში“, - განაცხადა გადაცემაში „იმედი LIVE“ კულტურის საპარლამენტო კომიტეტის თავმჯდომარემ, საზოგადოება „ქართულის“ ლიდერმა გიორგი გაბუნიამ ოპოზიციაზე საუბრისას.„საქართველოში მიმდინარეობს წინასაარჩევნო პროცესი, 64 მუნიციპალიტეტში, ჩვენი მერობის კანდიდატები აქტიურად ხვდებიან მოსახლეობას, ისმენენ მათ პრობლემებს და ხდება პროგრამების პრეზენტაცია, ამ დროს ამ ძალებს 27 მუნიციპალიტეტში არ ჰყავთ წარმოდგენილი მერობის კანდიდატები და სადაც ჰყავთ წარმოდგენილი, იქაც პრაქტიკულად არ მიმდინარეობს წინასაარჩევნო კამპანია. ამ დროს ყველანაირად ცდილობენ, რომ შექმნან დაპირისპირების კერები, დაამძიმონ სიტუაცია ქვეყანაში, განსაკუთრებით რუსთაველსა და მელიქიშვილზე იმიტომ, რომ შემდგომში ეს გამოიყენონ საარჩევნო პროცესის და არჩევნების შედეგების ცუდად შეფასებისთვის“, - აღნიშნა გიორგი გაბუნიამ.

1757879612

„ძალიან გვჭირდება ჩვენ განათლებული ახალგაზრდები, ვინაიდან განათლებულ საზოგადოებაში არასდროს არის ადგილი არც ექსტრემიზმის, არც რადიკალიზმის და არც სიძულვილის, რომელსაც ჩვენ ახლა ვებრძვით“, - განაცხადა გადაცემაში „იმედი LIVE“ კულტურის საპარლამენტო კომიტეტის თავმჯდომარემ, საზოგადოება „ქართულის“ ლიდერმა გიორგი გაბუნიამ.„უპირველეს ყოვლისა, სანამ კითხვაზე გადავიდოდე, მინდა ვისარგებლო თქვენი ეთერით და მივულოცო ჩვენს ახალგაზრდებს, ხვალ იწყება სასწავლო წელი. განსაკუთრებით პირველ კლასელებს მინდა მივულოცო. ძალიან მნიშვნელოვანია მათთვის, ცხოვრების ახალი ეტაპია. მინდა ვუსურვო ბედნიერ, ძლიერ და ერთიან საქართველოში ცხოვრება.ძალიან მნიშვნელოვანია ჩვენთვის განათლებული ახალგაზრდობა. ძალიან გვჭირდება ჩვენ განათლებული ახალგაზრდები, ვინაიდან განათლებულ საზოგადოებაში არასდროს არის ადგილი არც ექსტრემიზმის, არც რადიკალიზმის და არც სიძულვილის, რომელსაც ჩვენ ახლა ვებრძვით. ამიტომ, ძალიან მნიშვნელოვანია რომ ჩვენ ამ გამოწვევას გავცეთ პასუხი განათლებით და ასევე, აღზრდით. აღზრდა კიდევ აბსოლუტურად სხვა მოვლენაა. აღზრდა ოჯახის საქმეა“, - აღნიშნა მან.გიორგი გაბუნიამ ყურადღება ოჯახური ღირებულებების დაცვის შესახებ მიღებულ კანონზე გაამახვილა და აღნიშნა, რომ ეს კანონი დასავლელ პარტნიორებს არ მოსწონთ.„რაც შეეხება თქვენს მიერ დასმულ კითხვას, თქვენ საუბრობდით სტუდენტებთან დაკავშირებულ საკითხზე და ვინაიდან ჩვენ სწავლას და განათლებას ვეხებით, მოგეხსენებათ, განათლება არის ძალიან მნიშვნელოვანი სექტორი, დარგი. მას სჭირდება განვითარება და ასევე სჭირდება დაცვაც, ვინაიდან ის უცხოელი სპეცსამსახურების ინტერესის სფეროში ყოველთვის იყო.ყოველთვის იყო მცდელობები იმის, რომ სტუდენტებთან მომხდარიყო მუშაობა. ძალიან მნიშვნელოვანი რეპორტაჟი იყო და მინდა დიდი მადლობა გადავუხადო თქვენს ტელეკომპანიას, რომ წამოსწია ეს საკითხი და გააკეთა რეპორტაჟი. ეს საქმე თვითონ, სტუდენტებთან მუშაობის, არახალია. ძალიან დიდი ხნის წინ დანერგილი სისტემაა“, - აღნიშნა მან.

1757874333

„რა თქმა უნდა, აქედან წასული ყოფილი მაღალჩინოსნები პირდაპირ დაინტერესებულები არიან, რომ ხელი შეუწყონ რადიკალურ ჯგუფებს დესტაბილიზაციის მოწყობაში, რევოლუციური სცენარების განვითარებაში, მაგრამ ყველამ იცოდეს ერთი მარტივი ჭეშმარიტება და მარტივი მოცემულობა, რომ დღეს სახელმწიფო სამსახურები არიან ძალიან ეფექტიანი, გამართული, ძლიერი“, - განაცხადა გადაცემასთან „იმედის კვირა“ საპარლამენტო უმრავლესობის წევრმა ირაკლი ხელაძემ „ჰექსოგენის საქმესთან“ დაკავშირებით.მისი თქმით, ყველა შესაბამისი მცდელობა აღკვეთილი იქნება.„შესაბამისი პასუხი გაეცემა ყველას - ქვეყნის მოღალატეს და იმ მცდელობების ავტორს, რომელსაც გადაწყვეტილი აქვს, რომ გააუბედუროს და დაღუპოს ჩვენი ქვეყანა“, - აღნიშნა ირაკლი ხელაძემ.

1757872363

„მე თავიდანვე აღვნიშნე ჩემს განცხადებაში, რომ ეუთო/ოდირისთვის ეს დაკვირვება იქნებოდა სერიოზული გამოწვევა, საპარლამენტო არჩევნების დროს, პირდაპირ თავს ესხმოდნენ რადიკალური ოპოზიციის წარმომადგენლები და მათი უცხოელი პარტნიორები ეუთო/ოდირს, მოიხსენიებდნენ მისიას შეურაცხმყოფელი ტერმინებით, ასეთ პირობებში რომ მოტივაცია შემცირებული ჰქონდა ეუთო/ოდირს საქართველოში ჩამოსვლაზე, ვერავის გაუკვირდება“, - ამის შესახებ საქართველოს პრემიერ-მინისტრმა ირაკლი კობაიძემ გადაცემა „იმედის კვირასთან“ ინტერვიუში განაცხადა.მისივე თქმით, საპარლამენტო არჩევნების დროს, იყო სერიოზული ზეწოლა რამდენიმე სხვა მისიის მხრიდან ეუთო/ოდირის მისიაზე და ეს ზეწოლა გაიზრდებოდა ადგილობრივი თვითმმართველობის არჩევნებისთვის.„ყველას გვახსოვს, რა რეჟიმში უწევდა მუშაობა ეუთო/ოდირს საპარლამენტო არჩევნების დროს. პრაქტიკულად, ჩაკეტეს ოთახში, იყო სერიოზული ზეწოლა რამდენიმე სხვა მისიის მხრიდან, თუმცა თქვენ ნახეთ, რომ, საბოლოო ჯამში, ეუთო/ოდირმა გამოაქვეყნა დადებითი დასკვნა საპარლამენტო არჩევნებთან დაკავშირებით. რა თქმა უნდა, ეს ზეწოლა გაიზრდებოდა ამ ადგილობრივი თვითმმართველობის არჩევნებისთვის. გახსოვთ, რომ პირდაპირ თავს ესხმოდნენ რადიკალური ოპოზიციის წარმომადგენლები და მათი უცხოელი პარტნიორები ეუთო/ოდირს, ხშირ შემთხვევაში, შეურაცხმყოფელი ტერმინებითაც მოიხსენიებდნენ ეუთო/ოდირის მისიას, ასეთ პირობებში რომ მოტივაცია შემცირებული ჰქონდა ეუთო/ოდირს საქართველოში ჩამოსვლასთან დაკავშირებით, რა თქმა უნდა, ვერავის გაუკვირდება“, - განაცხადა პრემიერმა.

1757871925

„თავისთავად კარგია, რომ დღის წესრიგში აღარ არის „მეგობარი აქტი“. ეს იყო ჩვეულებრივი მტრული აქტი, ჩვენი ხალხის და ჩვენი სახელმწიფოს წინააღმდეგ. ჩვენთვის მნიშვნელოვანია, რომ ახალი ადმინისტრაციის პირობებში განსხვავებული დამოკიდებულება გამოვლინდა ამ კონკრეტულ შემთხვევაში“, - ამის შესახებ საქართველოს პრემიერ-მინისტრმა ირაკლი კობახიძემ გადაცემა „იმედის კვირასთან“ ინტერვიუში განაცხადა.პრემიერის თქმით, საქართველოს სურს, სუფთა ფურცლიდან და კონკრეტული გზამკვლევით გააახლოს სტრატეგიული პარტნიორობა აშშ-სთან და თუ იქნება შემხვედრი ნაბიჯები, ამას წინ ვერაფერი დაუდგება. „თავისთავად კარგია, რომ დღის წესრიგში აღარ არის „მეგობარი აქტი“. ეს იყო ჩვეულებრივი მტრული აქტი, ჩვენი ხალხის და ჩვენი სახელმწიფოს წინააღმდეგ. ჩვენთვის მნიშვნელოვანია, რომ ახალი ადმინისტრაციის პირობებში განსხვავებული დამოკიდებულება გამოვლინდა ამ კონკრეტულ შემთხვევაში. ჩვენი პოლიტიკა და პოზიცია არის აბსოლუტურად ცხადი - ჩვენ ვამბობთ, რომ გვინდა სუფთა ფურცლიდან და კონკრეტული გზამკვლევით განვაახლოთ სტრატეგიული პარტნიორობა აშშ-სთან. თუ იქნება შემხვედრი ნაბიჯები, ამას წინ ვერაფერი დაუდგება“, - განაცხადა პრემიერმა.

1757871683

„ცდილობენ, პროვოკაციებით მიიქციონ ყურადღება, აამღვრიონ ვითარება ქვეყანაში, თუმცა ამასაც ვერ მიაღწევენ იმდენად დასუსტებულია დღეს ოპოზიცია“, - ამის შესახებ საქართველოს პრემიერ-მინისტრმა ირაკლი კობახიძემ „იმედის“ ეთერში განაცხადა.როგორც მთავრობის მეთაურმა აღნიშნა, მიზერამდეა დასული საზოგადოებაში ოპოზიციის მიმართ მხარდაჭერის და ნდობის ხარისხი.„ერთი რამ არის მთავარი, რომ ამ სცენარსაც სჭირდება ზუსტად იგივე რესურსი რეალიზებისათვის, რაც სჭირდება არჩევნების მოგებას. აქაც არის საჭირო ხალხის მხარდაჭერა. ისინი მიდიან პროვოკაციებზე, რა თქმა უნდა, რაც ხდებოდა ვაშინგტონში, ეს იყო პროვოკაცია და პროვოკაციის გარდა, ეს იყო ღალატის ქვეყნის წინააღმდეგ. ასევე ვიხილეთ პროვოკაციები თბილისში ჩვენს საარჩევნო შტაბთან, ეს არის სისუსტის გამოძახილი იმ პირობებში, როდესაც ისინი ხედავენ, რომ არათუ საზოგადოების მხარდაჭერა, აგებენ არჩევნებს, რა თქმა უნდა, ცდილობენ, პროვოკაციებით მიიქციონ ყურადღება, აამღვრიონ ვითარება ქვეყანაში, თუმცა ამასაც ვერ მიაღწევენ იმდენად დასუსტებულია დღეს ოპოზიცია. სისუსტეში პირველ რიგში იგულისხმება ის, რომ მიზერამდეა დასული საზოგადოებაში მათ მიმართ მხარდაჭერის და ნდობის ხარისხი“, - განაცხადა ირაკლი კობახიძემ.

1757871486

„ოპოზიცია მთლიანად არის მოშლილი და ეს პირდაპირ აისახება რეიტინგებშიც, არის განხეთქილება ოპოზიციის შიგნით, ასეთ ფონზე, არავის უკვირს ის, რომ ჩვენი რეიტინგი იმატებს, ხოლო ოპოზიციის რეიტინგი რადიკალურად მცირდება“, - ამის შესახებ საქართველოს პრემიერ-მინისტრმა ირაკლი კობაიძემ გადაცემა „იმედის კვირასთან“ ინტერვიუში განაცხადა.პრემიერის თქმით, რადიკალურ ოპოზიციის დასუსტება არის ერთადერთი გზა რაც ქვეყანა მიიყვანს დემოკრატიული სისტემის გაჯანსაღებისკენ. „ოპოზიცია მთლიანად არის მოშლილი და ეს პირდაპირ აისახება რეიტინგებშიც. არის განხეთქილება ოპოზიციის შიგნით. ასეთ ფონზე, არავის უკვირს ის, რომ ჩვენი რეიტინგი იმატებს, ხოლო ოპოზიციის რეიტინგი რადიკალურად მცირდება. ჩვენ ყოველთვის ვამბობდით, რომ ჩვენი ამოცანა იყო რადიკალურ ოპოზიციის დასუსტება, იმიტომ, რომ ეს არის ერთადერთი გზა რაც ჩვენ მიგვიყვანს დემოკრატიული სისტემის გაჯანსაღებისკენ. კვლევები აჩვენებს იმას, რომ ეს პროცესები სწორი მიმართულებით მიდის“, - განაცხადა პრემიერმა.

1757870817

„ჰერჩინსკის აქვს კონკრეტული დავალება ევრობიუროკრატიისგან, რომ როგორმე ხელი შეუწყოს ექსტრემისტული დაჯგუფებების აქტივობებს, რათა არ ჩაქრეს ის ცეცხლი, რომელიც სულ ახლახან რუსთაველის გამზირზე დაინთო“, - განუცხადა ჟურნალისტებს საქართველოს პარლამენტის თავმჯდომარის პირველმა მოადგილე გიორგი ვოლსკიმ.მისივე თქმით, ამ ფაქტს ადასტურებს ის, რომ ჰერჩინსკი ხვდება ადამიანებს, რომლებიც პირდაპირ ჩართულები არიან ამ ექსტრემისტულ საქმიანობაში.„რაც არ უნდა გულდაწყვეტილი ვიყოთ, ეს არის ფაქტი. ამ ფაქტს ადასტურებს ის, რომ იგი ხვდება ადამიანებს, რომლებიც პირდაპირ ჩართულები არიან ამ ექსტრემისტულ საქმიანობაში.ამ ფაქტს ხედავს ყველა, თავად ის ხალხიც კი, რომლებიც „მოლოტოვის კოქტეილის“, ადამიანის მოკვლის, სისხლის ღვრის სურვილით არიან შეპყრობილები. ისინიც ხედავენ, რომ ჩადის პაველ ჰერჩინსკი და მათ ართმევს ხელს. მათთვის ეს სტიმულია, ჩვენთვის კი საკმაოდ სერიოზული გამოწვევა, ვინაიდან ევროკავშირთან ჩვენ ურთიერთობების განვითარებას ვაპირებთ და ევროკავშირის წევრობა ჩვენი უცვლელი მიზანია“, - აღნიშნა გიორგი ვოლსკიმ.ცნობისთვის, „სოროსის ფონდთან“ დაკავშირებული ოპოზიციონერი აქტივისტი ანანო ცინცაბაძე, რომელიც ზიზღისა და სიძულვილის კამპანიით გამოირჩევა, თავადვე აღიარებს, რომ სოციალურ ქსელში სიძულვილის ენას იყენებს, რითაც ამაყობს. გურიაში გამართულ ღონისძიებაზე, ევროკავშირის ელჩი ოპოზიციის აქტივისტებს შეხვდა. სწორედ შეხვედრის ერთ-ერთი მონაწილე იყო ანანო ცინცაბაძე. ის აქტიურად მონაწილეობს ევროკავშირის ღონისძიებებში და არის „სოლიდარობის ფონდ პიელ საქართველოს“ წევრი, რომელსაც პოლონეთი აფინანსებს. მეორე დღეა, ევროკავშირისა და პოლონეთის საელჩოები დუმან და პასუხი არ გაუციათ „ქრონიკის“ შეკითხვაზე, რა კავშირი აქვს პაველ ჰერჩინსკის, ოპოზიციონერ აქტივისტ ანანო ცინცაბაძესთან.

1757865203

„მეამაყება, რომ ვარ ბიძინა ივანიშვილის თანამებრძოლი, რომ ვარ თითოეული თქვენგანის თანამებრძოლი, რომ ერთად ვიცავთ საქართველოს ინტერესს და ვაკეთებთ ქართულ საქმეს. ჩვენ ერთად ძალიან დიდი ძალა ვართ“, - ამის შესახებ „ქართული ოცნების“ თბილისის მერობის კანდიდატმა კრწანისის რაიონის მოსახლეობასთან შეხვედრაზე ისაუბრა.კახა კალაძემ, წინასაარჩევნო კამპანიის ფარგლებში გამართულ შეხვედრაზე, ადგილობრივების მოსაზრებები მოისმინა და მათ სამომავლო გეგმები გააცნო.„ძალიან დიდი მადლობა თითოეულ თქვენგანს, დიდს, პატარას ჩემთან შეხვედრისთვის. „მშვიდობა საქართველოს, მეტი სიკეთე თბილისს“ - ეს ჩვენი საარჩევნო სლოგანია. ეს არის ჩვენი ქართული პოლიტიკა, რომ, პირველ რიგში, ქვეყანაში დავიცვათ და შევინარჩუნოთ მშვიდობა. როგორც ქვეყნის შიგნით, ისე გარეთ, ქართულ სახელმწიფოს ძალიან დიდი ძალა ებრძვის. ჩვენ ჩვენს მიერ გადადგმული ყოველდღიური ნაბიჯებით ვაძლიერებთ ქვეყნის დამოუკიდებლობასა და სუვერენიტეტს. მშვიდობის გარეშე შეუძლებელი იქნებოდა დღეს შევკრებილიყავით და ქალაქის მომავალზე, განსახორციელებელ პროექტებზე გვესაუბრა“, - აღნიშნა კახა კალაძემ მოსახლეობასთან შეხვედრაზე.ამასთან, მან კიდევ ერთხელ ისაუბრა იმ გამოწვევებსა და პრობლემებზე, რომელიც დედაქალაქში არსებობს და რომელსაც „ქართული ოცნება - დემოკრატიული საქართველოს“ გუნდი მომდევნო ოთხ წელში მოაგვარებს.„ქალაქი უამრავი გამოწვევის წინაშე დგას - გვაქვს ავარიული შენობა-ნაგებობები; გამზირები და ქუჩები, რომელსაც რეაბილიტაცია-განახლება სჭირდება; რეკრეაციული სივრცეები, რომლებიც მოსაწესრიგებელია; ჯერ კიდევ ბევრი სოციალურად დაუცველი ადამიანი გვყავს; არიან ოჯახები, ვისაც ჩვენი პროგრამებით თანადგომა სჭირდება. ერთადერთი გუნდი, ვისაც შეუძლია რეალურად, ღირსეულად უპასუხოს ყველა გამოწვევას, არის „ქართული ოცნება - დემოკრატიული საქართველო“.2017 წელს, როდესაც არჩევნებში მონაწილეობას პირველად ვიღებდი, მჭირდებოდა თბილისელებისთვის მტკიცება, რომ საქმის კეთება შემიძლია. დღეს უკვე, როდესაც ხალხს ვხვდები, თავაწეული მოვდივარ, ამაყი ვარ, რადგან ზურგს მიმაგრებს გაკეთებული საქმეები და რაც მთავარია თქვენი მხარდაჭერა, რაც ჩემთვის ყველაზე დიდი მოტივაციაა. ის სიყვარული, რასაც ხალხისგან ვგრძნობ, რასაც ძალიან ვუფრთხილდები, ჩემთვის არის უდიდესი პასუხისმგებლობა და უბედნიერესი ადამიანი ვარ, რომ მაქვს შესაძლებლობა, ვემსახურო თბილისს და თბილისელებს“, - აღნიშნა კახა კალაძემ.კრწანისის მოსახლეობასთან შეხვედრას რაიონის მაჟორიტარობის კანდიდატი ლევან ჯაფარიძე და თბილისის საარჩევნო შტაბის ხელმძღვანელი ლევან მაჭავარიანი დაესწრნენ.

1757861862

„ქართული ოცნების“ თბილისის მერობის კანდიდატი წინასაარჩევნო შეხვედრებს განაგრძობს. დღეს, კახა კალაძე მთაწმინდის რაიონის მოსახლეობას შეხვდა, მოისმინა მათი მოსაზრებები და გააცნო სამომავლო გეგმები.დედაქალაქის მერის თქმით, ბოლო წლებში განხორციელებული მასშტაბური პროექტებისა და თბილისის მთავრობის სწორი პოლიტიკის შედეგი სახეზეა, რასაც მოსახლეობა კარგად ხედავს და აფასებს, თუმცა, რჩება ბევრი გამოწვევა, რის დასაძლევად მზად არის, თავის გუნდთან ერთად.„ჩემთვის დიდი პატივია, მომავალშიც ვემსახურო თბილისს და თბილისელებს. ძალიან ვუფრთხილდები თქვენს ნდობას და სიყვარულს. ჩემთვის და ჩემი გუნდისთვის, მოტივაციის მთავარი წყარო ხართ თქვენ, რიგითი თბილისელები, ადამიანები, რომელთა ცხოვრების სასიკეთოდ გარდაქმნაში თუნდაც მცირე წვლილი გვაქვს შეტანილი. გვაბედნიერებს ყოველი გახარებული ადამიანის ნახვა,ლ თუმცა, ილუზიაში არ ვიმყოფები და ვიცი, რომ პრობლემები ბევრია, რასაც სჭირდება გამკლავება.ახლა ვიმყოფები თბილისის გულში, მთაწმინდის რაიონში, ჩვენი დედაქალაქის ისტორიულ არეალში. აქ არაერთ ოჯახს აქვს ავარიული საცხოვრებლის პრობლემა. 2026 წლიდან ჩვენ ავამოქმედებთ ახალ პროგრამას, ისტორიულ არეალში მდებარე ავარიული შენობების ჩასანაცვლებლად. ამ თემაზე მე უკვე ვისაუბრე მთავრობის სხდომაზე, თბილისის მერია გამოისყიდის კერძო მესაკუთრეებისგან ისტორიულ არეალში არსებულ უძრავ ქონებას, რაც შეფასდება საბაზრო ღირებულებით და დაიცავს მოსახლეობის ეკონომიკურ ინტერესებს. ისტორიულ ზონაში გათავისუფლებული არეალები კი მომზადდება საინვესტიციო მიზნებისთვის ისე, რომ ქალაქის ისტორიული იდენტობა შენარჩუნდეს, მაგრამ პარალელურად გაჩნდეს განვითარების ახალი შესაძლებლობები“, - განაცხადა კახა კალაძემ მოსახლეობასთან შეხვედრაზე.მისივე თქმით, იქიდან გამომდინარე, რომ ყოველდღიურ შეხვედრებზე მოსახლეობის მხრიდან ერთსულოვნებას და მხარდაჭერას გრძნობს, დარწმუნებულია არჩევნებში გამარჯვებაში.„ჩვენი პოლიტიკა არის პროქართული, ჩვენი მიზანი არის მხოლოდ და მხოლოდ საქართველოს ინტერესების დაცვა. საქართველო ჩვენი სამშობლოა და ის ერთადერთია. ქართველობა მეამაყებოდა მაშინ, როდესაც ევროპაში ვცხოვრობდი და მეამაყება დღეს, როდესაც ამ ქვეყნის განვითარებაში მმართველ გუნდთან ერთად ვმონაწილეობ.ამ ერთსულოვნებით, რასაც ვხედავთ, რაც მთელ ქალაქშია, რასაც მოსახლეობასთან შეხვედრებზე ვგრძნობთ, დარწმუნებული ვარ, რომ 4 ოქტომბერს ყველანი გავიმარჯვებთ, გაიმარჯვებს თბილისი, ჩვენი ქვეყანა. დღეს, ისე როგორც არასდროს, ქვეყანაში გვჭირდება მშვიდობის შენარჩუნება. ამ საარჩევნო კამპანიის განმავლობაში, როდესაც მოსახლეობას ვხვდები, ძალიან მახარებს ის ფაქტი, რომ ისინი ჩვენი გაკეთებული პროექტებით მადლიერები არიან, თუმცა, ჩვენს წინაშე უამრავი პრობლემა დგას. მე არ მეშინია ამ გამოწვევების, რადგან ზურგს ძალიან ძლიერი გუნდი მიმაგრებს. თქვენ ჩემი თანაგუნდელები ხართ, ჩემთან ერთად იბრძვით ყოველდღიურად, რომ ერთად რაღაც კარგი გავუკეთოთ ამ ქალაქს, მშვიდობა შევუნარჩუნოთ ჩვენს ქვეყანას. მჯერა, თქვენი მხარდაჭერით, 4 ოქტომბერს ჩვენი გამარჯვება გარდაუვალია“, - აღნიშნა კახა კალაძემ.მთაწმინდის მოსახლეობასთან დედაქალაქის საკრებულოს თავმჯდომარე, რაიონის მაჟორიტარობის კანდიდატი ზურაბ აბაშიძე და თბილისის საარჩევნო შტაბის ხელმძღვანელი ლევან მაჭავარიანი დაესწრნენ.

1757858350

„ქართული ოცნების“ თბილისის მერობის კანდიდატი კახა კალაძე განაგრძობს წინასაარჩევნო შეხვედრებს. დღეს, კახა კალაძე ვაკის რაიონის მოსახლეობას შეხვდა, მოისმინა მათი მოსაზრებები და გააცნო სამომავლო გეგმები.დედაქალაქის მერმა შეკრებილ მოსახლეობას მადლობა გადაუხადა და აღნიშნა, რომ მომდევნო ოთხ წელში გაგრძელდება ისეთივე პროექტების განხორციელება, რომ მოსახლეობისთვის მეტი კომფორტი შეიქმნას.„ჩვენი მიზანია, ყოველდღიურად რაც შეიძლება მეტი სიცოცხლე ჩქეფდეს თბილისის ქუჩებში, სავსე იყოს სკვერები, პარკები, სპორტული მოედნები ხალხით. ჩვენი მიმდინარე და დაგეგმილი პროექტებით, მასშტაბური სამუშაოებით შესაძლებელია ამ ყველაფრის მიღწევა. ჩვენ გავაგრძელებთ ქუჩების, გამზირების რეაბილიტაცია-განახლებას, საზოგადოებრივი ტრანსპორტის მოწესრიგებას, რომ ყველასთვის ხელმისაწვდომი იყოს, რომ დედაქალაქში გადაადგილება ყველაზე სწრაფი იყოს. რვა წლის განმავლობაში ავტობუსებისა და მიკროავტობუსების პარკი მთლიანად განვაახლეთ. ხომ გახსოვთ, როგორი გაუბედურებული ტრანსპორტი დადიოდა თბილისში, რა მდგომარეობაში იყო გამზირები, ქუჩები. ცხადია, ჯერ ყველგან ვერ მივედით, მაგრამ წინ გვაქვს მასშტაბური გეგმები განსახორციელებელი, რათა გაგრძელდეს თბილისის განვითარება“, - განაცხადა კახა კალაძემ მოსახლეობასთან შეხვედრაზე.მისივე თქმით, მმართველი ხელისუფლების მიერ გადადგმული ყოველი ნაბიჯი ემსახურება იმ პოლიტიკას, რომ ქვეყანაში მშვიდობა შენარჩუნდეს, რაც მნიშვნელოვანია ქალაქის განვითარების პროცესში.„მშვიდობა საქართველოს, მეტი სიკეთე თბილისს - არ არის მხოლოდ ჩვენი საარჩევნო სლოგანი. ჩვენი ყოველდღიური გადადგმული ნაბიჯები ემსახურება იმ პოლიტიკას, რომ ქვეყანაში მშვიდობა შენარჩუნდეს, რადგან სხვანაირად ვერ იქნება ქალაქის განვითარების გეგმებზე საუბარი. ჩვენ ვემსახურებით ქართველი ხალხის ინტერესს, ჩვენს სახელმწიფოებრიობას, სუვერენიტეტს და დამოუკიდებლობას. ეს არის ის თავისუფლება, რომელიც ჩვენმა წინაპრებმა სისხლისა და ბრძოლის ფასად მოიპოვეს და ამას გაფრთხილება სჭირდება ყოველდღიური მუშაობით და თუნდაც ბრძოლით. თავისუფლებასა და დამოუკიდებლობაზე ძვირფასი არაფერია.პოლიტიკა, რომელსაც „ქართული ოცნება - დემოკრატიული საქართველო“ ახორციელებს, არის პროქართული. ჩვენ ვემსახურებით, პირველ რიგში, ჩვენი ქვეყნის მოსახლეობას და მათ ინტერესებს ვიცავთ, რათა ვიღაცამ გარედან თითის დაქნევით არ გვესაუბროს. ერთი ბატონის მეორე ბატონით ჩანაცვლება მიუღებელია. ჩვენს წინა თაობებს ამისთვის არ უბრძოლიათ. ჩვენ გვჭირდება მეგობრები, თანამოაზრეები, მაგრამ ვიღაცამ თითი გვიქნიოს და დაგვავალოს ისეთი რამის გაკეთება, რაც ჩვენს ქვეყანას დააზიანებს, ეს მეგობრობა არაა“, - აღნიშნა კახა კალაძემ.მოსახლეობასთან შეხვედრას თბილისის საარჩევნო შტაბის ხელმძღვანელი ლევან მაჭავარიანი და ვაკის რაიონის მაჟორიტარობის კანდიდატები დაესწრნენ.

1757858098

საერთაშორისო სადამკვირვებლო მისიამ, 4 ოქტომბრის არჩევნებთან დაკავშირებით მიღებულ გადაწყვეტილებაზე „რუსთავი 2“-ის მიერ წერილობით გაგზავნილ შეკითხვას უპასუხა.საპასუხო წერილში ორგანიზაციამ „რუსთავი 2“-ის კითხვას უპასუხა, სადაც ეუთო/ოდირი ადასტურებს, რომ ჩეხეთის ხელისუფლებამ 3 ოქტომბრის არჩევნებზე დასაკვირვებლად მისია 2 სექტემბერს მიიწვია:„ჩეხეთის არჩევნებზე ეფექტური დაკვირვებისთვის საჭირო იყო „საარჩევნო შეფასების მისია“. ეს არის სადამკვირვებლო მისიის ის ფორმატი, რომელსაც ახლა ვანთავსებთ ქვეყანაში, მას შემდეგ, რაც 2 სექტემბერს მივიღეთ ოფიციალური მოწვევა ხელისუფლებისგან“, - ნათქვამია „რუსთავი 2“-სთვის გამოგზავნილ საპასუხო წერილში.