„ჩემი ერთი 12 წლის პაციენტი დღეს ავცერით „ფაიზერით“ - თემურ მიქელაძე
1627048587
„ბავშვები უნდა განვიხილოთ ამ ეტაპზე ე.წ. აუცრელ ფენად. მოგეხსენებათ, რომ ამ მიმართულებით რამდენიმე ქვეყანაში უკვე ტარდება ვაქცინაცია და ერთი ჩემი პაციენტიც იყო 12 წლის ასაკის, განსაკუთრებული ჩვენებებით, რომელიც დღეს ავცერით „ფაიზერის“ ვაქცინით“, - ამის შესახებ პედიატრმა თემურ მიქელაძემ სატელევიზიო ეთერში ჩართვისას განაცხადა.
მან იმედი გამოთქვა, რომ როცა საკმარისი დოზები იქნება, ამ ასაკის ბავშვების მოცვაც მოხდება.
როგორც მან განმარტა, ამ დროისთვის ინფიცირებული პაციენტების 10-11% ბავშვია, ანუ თუ ინფიცირდება 3000-მდე ადამიანი, მათ შორის 300-მდე არის ბავშვი.
„ბოლო პერიოდში მკვეთრად იყო გაზრდილი მომართვიანობა, ან მე ვადასტურებდი ან დადასტურებული მიკავშირდებოდა, დღეს კი იყო მხოლოდ ერთი შემთხვევა და გამიხარდა. განსაკუთრებული სიმძიმე არ შემხვედრია და ჰოსპიტალიზაციის ერთი შემთხვევა მქონდა.
ჩვენი მთავარი მიზანი რაც უნდა იყოს, პედიატრებისაც, ოჯახის ექიმისაც - მაქსიმალური და დინამიკური მეთვალყურეობა გავუწიოთ ბავშვებს ბინაზე“, - აღნიშნა თემურ მიქელაძემ.
ინფორმაციისთვის, საქართველოში კორონავირუსის დადასტურებული შემთხვევების საერთო რაოდენობა 398 081-ს შეადგენს, საერთო ჯამში გარდაცვლილია 5 656 ადამიანი, ხოლო სულ გამოჯანმრთელებულია 370 565 პირი.
აგრეთვე წაიკითხეთ:
👉 COVID 19-ის საწინააღმდეგო ვაქცინაციის პროგრამით მოსარგებლეთა სია გაფართოვდა
👉 „აშშ-ში კოვიდვაქცინით აცრა დაშვებულია 12 წლის და უფროსი ასაკის ბავშვებში“ - გიორგი ფხაკაძე
