დღეიდან ვაქცინაციას 65 წელს გადაცილებული ადამიანებიც შეძლებენ
1616655686
25 მარტიდან კორონავირუსის საწინააღმდეგო ვაქცინის გაკეთება 65 წელს გადაცილებულ ადამიანებსაც შეეძლებათ.
ონლაინ რეგისტრაცია ამ ასაკობრივი ჯგუფის წარმომადგენლებისთვის პორტალზე- booking.moh.gov.ge უკვე შესაძლებელია.
მოქალაქეებს არჩევანის გაკეთების საშუალება „ასტრაზენეკასა“ და „ფაიზერის“ ვაქცინებს შორის ექნებათ.
ჯანდაცვის სამინისტროს ინფორმაციით, „ფაიზერით“ ვაქცინაცია თბილისის 4 კლინიკაში, ქუთაისის 2 კლინიკასა და ბათუმის რესპუბლიკურ საავადმყოფოში მოხდება.
საქართველომ „ფაიზერის“ 29 500 დოზა ვაქცინა ამერიკის შეერთებული შტატებიდან მიიღო.
ჯანდაცვის მინისტრის, ეკატერინე ტიკარაძის განცხადებით, „ასტრაზენეკასა“ და „ფაიზერის“ ვაქცინების შემდეგ საქართველოში ჩინური ვაქცინა შემოვა.
საქართველოში კორონავირუსის საწინააღმდეგო ვაქცინაცია 15 მარტს დაიწყო.
