„რეინფიცირების ტენდენცია გახშირდა და შემთხვევები მსუბუქად არ მიდის“ - გამყრელიძე
1620380795
დაავადებათა კონტროლის ეროვნული ცენტრის ხელმძღვანელის ამირან გამყრელიძის ინფორმაციით, რეინფიცირების ტენდენციამ საგრძნობლად იმატა და ვირუსის მიმდინარეობა სიმსუბუქით არ გამოირჩევა.
როგორც გამყრელიძემ ვებინარზე მედიას განუცხადა, საქართველოში 2 კვირის წინ არსებული მონაცემებით, რეინფიცირების 5-მდე შემთხვევა არის დადასტურებული.
„დაახლოებით 50-ზე ზემოთ რეინფიცირების საეჭვო შემთხვევა გვქონდა. ნამდვილი რეინფიცირება 2 კვირის წინანდელი მონაცემებით დადგინდა 3 თუ 5 შემთხვევა. ტენდენცია გახშირდა და რეინფიცირების შემთხვევები არ მიდის მსუბუქად,“ - აღნიშნა ამირან გამყრელიძემ.
ინფორმაციისთვის, საქართველოში კორონავირუსის პირველი შემთხვევა 2020 წლის 26 თებერვალს დადასტურდა.
✔️ ქვეყანაში კორონავირუსის დადასტურებული შემთხვევების რაოდენობა 319 266-ს შეადგენს, პანდემიის დაწყებიდან დღემდე ვირუსს 4245 პაციენტი ემსხვერპლა, ხოლო 298 807 პირი გამოჯანმრთელდა.
ამავე თემაზე:
👉 ბოლო 24 საათში საქართველოში კოვიდვაქცინით 3 087 ადამიანი აიცრა
