„თუ ასეთი პასიურობა იქნება, შეიძლება, ვაქცინაციის ასაკობრივმა ზღვარმა დაიწიოს და საყოველთაო გახდეს“- თენგიზ ცერცვაძე
1616592680
ინფექციური პათოლოგიის და შიდსის ცენტრის გენერალური დირექტორის თენგიზ ცერცვაძის განმარტებით მომავალში, თუ კვლავ ასეთი პასიურობა იქნება საზოგადოების მიერ კორონავირუსის საწინააღმდეგო ვაქცინაციის მაშინ შესაძლოა, ასაკობრივმა ზღვარმა დაიწიოს, ან და საერთოდ ვაქცინაცია საყოველთაო გახდეს.
„ორი საბჭოა, ერთი ვაქცინაციის უწყებათაშორისი და მეორე იმუნიზაციის გვერდითი მოვლენების, მე არც ერთი საბჭოს წევრი არ ვარ, მაგრამ რამდენადაც მაქვს ინფორმაცია, ეს გამორიცხული არ არის, შესაძლოა, ასაკობრივმა ზღვარმა კიდევ დაიწიოს და საერთოდ, თუ ასეთი პასიურობა იქნება, შეიძლება, გახსნილი იყოს საყოველთაოდ“-განაცხადა თენგიზ ცერცვაძემ.
ინფორმაციისათვის, 65 წელს ზემოთ ასაკის მოქალაქეებს ვაქცინაციის პროცესში ჩართვა 25 მარტიდან შეუძლიათ.
დაავადებათა კონტროლისა და საზოგადოებრივი ჯანმრთელობის ეროვნული ცენტრის მონაცემებით, ბოლო 21 საათის განმავლობაში კოვიდსაწინააღმდეგო „ასტრაზენეკას“ ვაქცინით 98 ადამიანი აიცრა.
24 მარტის მონაცემებით, საქართველოში ჯამში 4048 ადამიანია აცრილი.
იხილეთ აგრეთვე:
✔️„თუ მასობრივი ვაქცინაცია არ მოხდება, ყველა ტკივილის თავიდან გადატანა მოგვიწევს“ - თენგიზ ცერცვაძე
✔️ბოლო 24 საათის განმავლობაში საქართველოში „ასტრაზენეკათი“ 98 ადამიანი აიცრა
