ვაქცინაციაზე რეგისტრაცია 55 წელს ზემოთ პირებს დღეს 18:00 საათიდან შეეძლებათ
1617356024
ჯანდაცვის მინისტრის მოადგილის, თამარ გაბუნიას განცხადებით, დღეს 18:00 საათიდან 55 წელს გადაცილებულ პირებს ვაქცინაციისთვის რეგისტრირება შეეძლებათ.
როგორც თამარ გაბუნია აღნიშნავს, მთელი ქვეყნის მასშტაბით ადამიანების აცრა 5 აპრილიდან დაიწყება.
„დღეს ექვს საათზე გაიხსნება რეგისტრაციის შესაძლებლობა 55 წელს ზემოთ პირებისთვის, რომლებიც ჩაეწერებიან რიგში აცრისთვის და მისვლის შესაძლებლობა ექნებათ 5 აპრილიდან მთელი ქვეყნის მასშტაბით“- განაცხადა თამარ გაბუნიამ.
მსურველებს რეგისტრაციის გავლა შეუძლიათ აღნიშნულ ვებგვერდზე: booking.moh.gov.ge
ინფორმაციისათვის, დაავადებათა კონტროლისა და საზოგადოებრივი ჯანმრთელობის ეროვნული ცენტრის მონაცემებით, ბოლო 24 საათის განმავლობაში კოვიდ საწინააღმდეგო ვაქცინით 1 077 ადამიანი აიცრა.
2 აპრილის მონაცემებით, საქართველოში ჯამში 8 909 ადამიანია აცრილი.
იხილეთ აგრეთვე:
✅ჩაიკეტება თუ არა ქვეყანა აღდგომის დღესასწაულზე? - თამარ გაბუნიას განმარტება
✅როდიდან არის მოსალოდნელი ეპიდვითარების გაუმჯობესება - თამარ გაბუნიას განმარტება
