COVID 19-ის გამოსავლენად რუსეთში ბიოჩიპი შეიქმნება
1626866623
რუსეთის ქალაქ ნიჟნი ნოვგოროდის ეპიდემიოლოგიის და მიკრობიოლოგიის ინსტიტუტში ბიოჩიპის შექმნის სამუშაოები მიმდინარეობს, რომლითაც პნევმონიის გამომწვევი დაავადებების, მათ შორის SARS-CoV2-ის გამოვლენა იქნება შესაძლებელი. ინფორმაციას „ინტერფაქსი" ავრცელებს.
მეცნიერები აცხადებენ, რომ ორგანიზმში ბიოჩიპის ჩანერგვა არ მოხდება.
„დნმ მიკროჩიპი არის დიაგნოსტიკური იარაღი, რომელიც აქტუალური ბაქტერიული და ვირუსული გენომების დივერგენტული ზონების დადგენის პრინციპით იმოქმედებს“ - განუცხადეს „ინტერფაქსს“ ნიჟნი ნოვგოროდის მიკრობიოლოგიის ინსტიტუტში.
ბიოჩიპი არის 25х75 მმ-ის ზომის ლითონის ფირფიტა. მისი მეშვეობით სისხლის, ნერწყვის, ნახველის მეშვეობით ერთდროულად 12-14 ვირუსის და ბაქტერიის დადგენა იქნება შესაძლებელი.
ბიოჩიპის მეშვეობით სპეციალურ ლაბორატორიაში ბიომასალის ტესტირება და ინფექციის დადგენა მოხდება.
